طلع حسن من الاوضه وهو بيعدل بدلته

=شكلى حلو كده 

اتكلمت بإبتسامه

_قمر يا سوس 

=يعنى هعجب العروسه

_اكيد طبعا هو فى زى حلاوتك بس برضو مش هتقولى دى مين 

=ده سر 

كان عندى احساس انه رايح يتقدم لى داليدا ومخبى عليا 

وصلنا اخيرا انا وهو وماما كانت ڤيلا مش بيت 

دخلنا البيت وطلع احساسى صح فعلًا كانت داليدا هى العروسه قرصت حسن من دراعه وانا بتكلم بهمس

_العروسه مفاجئه قولتلى 

=لمى الدنيا الله يكرمك

قعدنا وبدأت الاتفاقات طبعًا عينه متشلتش من عليا كنت بتجاهله وجينا لجزئ المفضل التقديم

دخلت المطبخ مع داليدا وكنت بقنعها تحط ملح لحسن

=لا حرام بجد يا هَنا

_حرام ايه متبقيش متسهوكه كده ده اخويا وبقولك كترى الملح وحطى لادم كمان

=ليه بقا 

_عشان متغاطه منه

طلعت داليدا وبدأت تقدم القهوه مفيش ثانيتين وكانه عمالين يكحو هما الاتنين وانا كتمه ضحكتى 

شربو مايه وقام ادم واقف قدامى و وجه كلامه لحسن 

=اظن اتفقنا كده تمام لبست الدبل وقرينا الفتحه وحددنا الخطوبه كمان

اتكلم حسن بغيظ منى بسبب القهوة 

~توب التوب يا معلم اتصرف زى ما تحب

وجهه ادم كلامه ليا

=هتيجى معايا ولا لاء 

ربعت ايدى واتكلمت بغرور

_لا مش هروح فى حته 

=طيب

مره واحده لقيته شلنى على كتفه اتكلمت بصويت وانا بضرب ضهره 

_انت اتجننت ايه البتعمله ده 

لقيت ماما بتتكلم ببرود وهى بتشرب قهوتها

~متتأخروش يا ادم زى ما قلتلك

بصتلها بصدمه يعنى متفقه معاه

اتكلمت طنط منال بحماس 

>ايوا كده هو ده ابنى مترجعش غير لما تصالح مراتك وخد حق القهوه البلملح دى عملتها فيك مرتين

نهت كلامها وهى بتبعتلى بوسه فى الهوا 

ملقتش غير حسن استنجد بيه

_اتصرف يا حسن وقف المجنون ده 

=معلش يا هنونه انا كمان عايز اتجوز 

خلص كلامه وبص لى داليدا وهى بيغمزلها 

بدأ ادم يتحرك وهو لسه شايلنى وانا لسه بتحرك بعشوائية 

ركبنى العبيه غصب وقفل عليا عقبال ما يركب 

اتكلمت بنرفزه

_ايه البتعمله ده يا ادم انت فاكر انى كده هسامحك 

تجاهل كلامى واتكلم

=عارفه كنا هنركب طياره بس للاسف مطلعش معاكى باسبور

فضلت اتكلم واصوت وهو متجاهلنى لحد ما فقد طاقتى ونمت 

بعد مده طويله وصلنا كانت ڤيلا على البحر متزينه بالنور الاصفر 

و كانت الرمله مليانه شموع و ورد احمر وكان فى ترابيزه محطوط عليها عشا قريبه من البحر تخلى الموج يضرب فى رجلك وانت قاعد

مقدرتش انكر انى قلبى رق للمنظر ده 

مسك ايدى وهو بيمشينى وراه

=اتمنى ان النهارده تدينى فرصه انك تسمعينى 

كنت لسه هعترض حط ايده على شفايفى 

=انا مش هروحك غير لما تسمعينى

_وانا مش عايزه اسمعك

=مش بمزاجيك لو عيزانى نبات هنا المكان جاهز

مسك وشى بإديه الاتنين وسند جبينه على جبينى واتكلم بصوت مرهق

=انا اسف والله لو عايزانى اتأسف من النهارده لبكرا انا جاهز كان جوايا خوف من انى اتحط تانى فى نفس الموقف انا اعارف انك مش هى والا عمرك هتكونى زيها انتِ ملكيش وصف او شبيه بتحلى كل حاجه  بتخلى كله يحبك غصب عنه ده كفايه ضحكتك وغمزاتك ارجوكى ادينى فرصه وانا هعوضك انا خلاص عرفت قيمتك اكتر ما تتخيلى هفكر الف مره قبل ما ازعلك

مسح دموعى وبعد راسى عنى كنت معمضه عينى ودموع نزله 

طبع بوسه على راسى