خرج قاسم بغض ب من تفكير ابوه وركب عربيته وقبل ماينطلق وقفه آسر

آسر بمرح : ايه رأيك نروح الجيم!؟ 

ابتسم قاسم على تصرف أخوه الل عايز يخرجه من حالة الضيق الل هو فيها على الرغم ان هو كمان مضايق 

قاسم: طيب اركب خلينا نروح 

فى النادى

كانت سيلا بتحكى لتارا كل الل حصل وتارا مصدومة

سيلا: ده انتى فاتك كتير اوى انك مجتيش النهاردة

تارا: كله بسبب البيه مالك هو الل اخرنا 

(تارا ومالك اولاد عم بيروحوا الجامعه ويرجعوا مع بعض) 

كان مالك شارد الذهن بيفكر فى لمياء

سيلا بسخرية: ده شكل مالك مش معانا خالص 

مالك باانتباه: كنتوا بتقولوا حاجة؟؟ 

تارا: مالك فى ايه مش على بعضك من امبارح؟ 

مالك بقلق وخوف واضح: بصراحة قلقان اوى على لمياء قافلة تليفونها من امبارح كل مارن عليها يدى مغلق

سيلا: وايه الجديد فى كدة ماهى دايما تليفونها ومبتردش على حد معرفش البنت دى شايفة نفسها علينا ليه

مالك بحدة: لو سمحتى ياسيلا اتكلمى على لمياء بشكل احسن من كدة

تارا: على فكرة بئا سيلا مغلطتش فى حاجة انت دايما بتجرى ورى لمياء وهيا مش معبراك ولا مدياك اى قيمة ووجودك اصلا مش فارق معاها.. ده معناه انها اكيد مش بتحبك

مالك بصرامة تارا انتى اخر واحدة تتكلمى عن الحب 

كمل كلامه بغض ب من نفسه

= انا اصلا غلطان انى قعدت معاكم بتفكيركم المتخ لف ده 

ومشى وسابهم تحت صدمتهم

سيلا بنرة مستهزءة: ابن عمك الحب جنن ه

قدرت لمياء تنفذ خطتها وخرجت من البيت من البوابة الخلفية الل مفيش فيها حراس او كاميرات بس للاسف معرفتش هتروح فين فطلعت على الطريق الرئيسى  واول حاجة عملتها لمياء انها بعتت رسالة لسيلا بعد ماوقفت واحد غريب وطلبت منه موبايله.. واول مالرسالة وصلت لمليكة قلبها اطمن على صاحبتها صحيح كان عندها فضول تعرف ايه الل حصل معاها بس لمياء قالتلها متحاولش تتصل عليها لحد ماهيا تظهر.. وبعدها مليكة بعتت رسالة هيا كمان لمالك تطمنه

-خلاص ياماما بقيت كويسة والله 

مديحة بقلق: لا قومى البسى خلينا نروح لدكتور نطمن على رجلك افرضى كان فيه كسر

مليكة: ياماما ياحبيبتي صدقينى بقيت كويسه 

كانت مى اخت مليكة ماسكة الموبايل وبتكتب وهيا مبتسمة

مليكة بهمس: انا رأيى ياماما تاخدى منها الموبايل ده... عشان تنتبه لدراستها شوية

مديحة بتفكير: ايوا يابت يامليكة معاكى حق اهى طول اليوم على الحال ده اما بتسمع مسلسل او ماسكة المخر وب ده انا مش

بالنسبة لمى لبست بسرعة وحطت ميكياج خفيف وراحت الدرس او نقول مقابلة

ذهبت مى لمطعم وقبل ماتروح تقابل الشخص الل جاية عشانه عدلت من ملابسها وظبطت مكياجها فى دورة المياه

مى برقة: اتأخرت عليك؟ 

االشاب: لا ياحبيبتي... بس تعرفى انتى وحشتينى اوى

بقلمى ايمان احمد 

عدى شهر من غير احداث مهمه تذكر غير ان الامتحانات كانت قربت وآسر وفهد رجعوا الجامعة

مالك: صباح الخير.... 

ردوا كلهم السلام بس كان باين عليهم الضيق

مالك: ايه مالكم  ياشباب فى ايه؟ 

ردت تارا بتذمر: زعلانين عشان الامتحانات قربت 

سيلا بسخرية: طب وانتى زعلانة ليه انتى اخوكى دكتور فى الجامعه ويقدر ينجحك بسهولة

تارا بضحكة مستهز ءة: عاملى فيها عنده مبادئ وقيم

سيلا: مبكر هش فى حياتى أد الناس الل بتعمل فيها اصحاب مبادئ نبيلة زى مثلا البنت الل اسمها مليكة دى

كملت سيلا بخبث

= بس انا عندى فكرة تساعدك فى الامتحان ياتارا ومنها نتسلى شوية

تارا بحماس: ومستنية ايه قوليها؟ 

سيلا: تعرفى الولد الل اسمه معتز الل كان بيحاول يتقرب منك السنة الل فاتت 

تارا بتذكر: ايوا الشاب الل انا رفضته... 

سيلا بلؤم: ايوا بالظبط... ده بئا بيطلع التانى بعد مليكة جربى انك تتقربى منه تانى وهو طبعا ماهيصدق وخليه يغششك فى الامتحانات 

تارا برفض: لا طبعا مستحيل... انتى ناسية انه مش من مستوايا خالص وانا مبحبش الناس دى واصلا مامى لو عرفت انى بختلط بيهم هتزعل منى

سيلا محاولة اقناعها: تعالى على نفسك شوية وبعدين انتى هترتبطى بيه بجد ده مجرد تمثيلية هتنتهى اول مالامتحانات تخلص ومنها نكون اتسلينا شوية وبقالنا كتير اصلا متسلناش من ساعة مليكة

بصلهم مالك باستحقار وسابهم ومشى 

تارا بتفكير: فكرة حلوة... 

سيلا بحماس: وكمان هتعجب آسر انا متأكدة.... طب يلا نبدأ الخطة

تارا باستغراب: ازاى 

سيلا: بصى معتز ده مش بيتنقل من مكتبة الجامعه 

تارا بخب ث: ده انتى بئا عاملة تحريات عنه

سيلا بفخر: طبعا هو انا اى حد... انا راسمه خطة جهنم ية تعالى احكيلك عليها

كان آسر وصل الجامعه واول حاجة عملها انه راح يضور على حبيبته مليكة وبالفعل لاقها فى مكتبة الكلية كانت قاعدة مع معتز بيراجعوا مع بعض امتحانات السنين الل فاتت حس آسر بالغيرة 

آسر بااشتياق: مليكة انتى هنا؟ 

مليكة بفرحه: آسر انت جيت! 

رد آسر باابتسامة بسيطة: ايوا ياحبيبتي قولت آجى اسلم عليكى اول حاجة بس شكلك مش فاضية

قال كلمته الاخيرة بضيق وغيرة وهو بيبص على معتز 

مليكة: معلش ياآسر اصلى بذاكر ومش فاضية

قال معتز وهو بيبص على الساعة

= مليكة يلا لسة مخلصناش ربع الامتحانات الل معانا

هزت مليكة راسها وقالت لاسر

=طب يااسر اشوفك بعد ماخلص فى الكافتريا

آسر بضيق: تمام يامليكة

وهو خارج طلع خاتم رقيق بص عليه وابتسم وهمس

النهاردة هعترف بحبى ليكى ياحبيبتي قدام الكل 

وبالفعل اما مليكة خلصت وخرجت كان آسر جمع كل صحابهم واولهم سيلا وتارا الل كانوا منتظرين بفضول آسر عايز يقول ايه

مليكة وهيا بتلتفت حواليها: فى ايه ياآسر؟ 

آسر باابتسامة وحب: مش انتى كنتى عايزانى اعترف قدام الكل بحبى ليكى.. وانا بقول قدام انى مش بس بحبك انا بعشقك يامليكة 

خرج الخاتم عشان يقدمه لمليكة 

ابتسمت مليكة وقالت 

=بس انا مش موافقة