الباب خبط وكلهم بصوا لبعض بخوف صباح وقفت بقوه : ايه مالكوا وشكم صفر كده ليه هيكون مين يعني وبعدين انا عايزه حد يعمل حاجه عشان اجيب اجله وراحت فتحت الباب

الحارس:  في ناس تحت بيقولوا انهم اهل المدام دموع وجايين يتكلموا معاها بالتفاهم من غير شوشره نخليهم يطلعوا ولا لا يا فندم

صباح بصت لدموع الا اومأت لها بهدوء : خليهم يطلعوا وتعاله معاهم

الحارس هز دماغه و فتح اللاسلكي : ايوه خليهم يطلعوا انا واقف مش هتحرك من هنا

طلع ابو دموع وعمها وابن عمها ودخلوا قعدوا ودموع واقفه وجنبها صباح وندى

رائف بهدوء : ايه مش هتسلمي على ابوك يا دموع

دموع قربت وباست ايد ابوها : اهلا يا بابا بس انت فاكر ان ليك بنت اسمها دموع اصلا وايه غيرت رايك مش عايز تقتلني خلاص

: ومين قال اني عايزه اقتلك انت اتطلقتي وكان لازم ترجعي بيت ابوكي أقتلك وافضل عايش بعارك طول العمر ويبقى كلام طليقك حقيقي

:  بس مش ده اللي وصل لي

: انا ما ليش دعوه باللي وصل لك انا ليا دعوه باللي انا نازل وسايب بيتي وارضي عشان اعمله اخواتك هيطلقوا بسببك رجالتهم مصدقين الكلام اللي طلع عليك وانك هربتي مع عشيقك

ابن عمها اتدخل : طليقك كلمني من تليفون الحارس وعرفني الحكايه كلها وانه كان غلطان واتهمك بالباطل وانا سجلت له المكالمه وهنسمعها لاي حد يفكر يتكلم عليك ويقول دي هربت كفايه مالنا وحلالنا اللي هملنا ثلاث شهور واحنا بندور عليك واتحبسنا واتبهدلنا في الاقسام على اخر الزمن ارجع واقول العيب مش عندك العيب على شبيه الرجاله اللي ابوكي جوزك ليه وامنوا عليك

ندى بقوه : واحنا ايه يضمن لنا انكم مش بتعملوا كده عشان ترجع معاكم وتأذوها في بلدكم ولا من شاف ولا من دري

جابر ابن عمي دموع : احنا مش عايشين في غابه يا استاذه احنا دورنا عليها عندكم اتحبسنا ثلاث شهور ما بالك لو قتلناها الدنيا هتتقلب علينا وبعدين اهو المكالمه عشان تصدقي ان احنا مش شايلين منها ولا عايزين ناذيها احنا عايزينها ترجع بيت ابوها معززه مكرمه وترفع راسها وراس اخواتها البنات بعد عمله جوزها الشينه

صباح : انا لا يمكن ائمنكم عليها كفايه بقى سيبوها في حالها البت اتبهدلت بسببكم وبسبب ان ما لهاش اب ولا اخ يدور عليها عاشت تمن سنين في ذل وقالت نار حماتي ولا جنة مرات ابويا ودلوقتي افتكرتم

ان لكم بنت يا اخي قطعوا

عمها الكبير اخيرا اتكلم : اخويا لو كان راجل دلدول حكمت عليه المراه ورمى بنته فده خلاص انتهى دموع هترجع على بيتي وتعيش معايا وفي كنفي ومش هسمح لاي حد يدوس على طرفها كفايه اللي حصل لها بعد موت امها الست الاصيله يلا يا دموعي يا بنتي خلينا نرجع بلدنا وكفايه اللي حصل لحد كده اخواتك بيوتهم هتخرب وانت وهما مالكمش ذنب وبلاش الي اتكتب عليك يتكتب عليهم قولي لي لا وانا هروح اقول لهم بنتنا ماتت وكله في ايدك يلا ورانا قطر فكري وردي عليا...