ياسر : قولي بقى إفتكرت إيه ..

 

صهيب : توصل نيار الأول ونادي على الحاج سالم ..

نيار وصلت : السلام عليكم أنا وصلت جيبين في سيرتي ليه ..

 

ياسر : في الخير يا قلبي ..

 

صهيب بغضب : قلبك مين إتلم أحسن ما ارزعك قلم ..

ياسر : ههههه بيغير يا ناس ماما بابا نيار وصلت ..

جميلة : أهلاً بيكي عاملة إيه ياحبيبتي ..

 

نيار : الحمد لله ياماما أنا مستعجله عايزه أسمع صهيب وأمشي ..

بدأ صهيب يحكيلهم 

صهيب : أنا إسمي مالك اتربيت في دار أيتام معرفش مين هما أهلي لما كان عندي 14 سنة هربت من دار الأيتام قعدت في الشارع حسيت إني جيعان أوي سرقت أكل بس الرجال صاحب المحل اللي سرقت منه كان عايز يسلمني للبوليس عمي حميد كان ماشي بعربيته شافني صعبت عليه فدفع ثمن الأكل للراجل وأخذني معاه لبيته من وقتها وهو بيعتبرني زي إبنه مع إن مراته حاولت تطردني أكثر من مرة ..

نيار : مين اللي رماك في مكان شغلنا ووشك كان متشوه ليه ..

صهيب : أنا كبرت مع زين و أسد كانوا أكثر من اخواتي لكن أسد كانت عنده عداوه مع قصي أنا دخلت بيت قصي على أساس إني جارد كنت بساعد أسد و كنت باخذ كل شغل قصي ..

نيار : وبعدين حصل إيه ..

 

صهيب : في يوم قصي إكتشف إني من طرف أسد ضربني بالنار في ذراعي بعدها طلب من الجارد بتوعه إنهم يرموني من مكان عالي ووقتها إنتوا لاقيتوني هي دي حكايتي كلها ..

نيار : أسد و زين ..

مالك : أيوه أنا عايز أشوفهم أنا اشتقتلهم أوي ..

نيار : مش دلوقتي هما مش هيعرفوك وأسد دلوقتي حزين ..

 

صهيب بخوف : أسد حصله إيه ..

 

نيار : مراته ماتت وهو لسه مش متقبل اللي حصل ..

مالك : نيار أنا عايز أشوفوا أرجوكي ..

 

نيار : مالك إسمعني إنت هتشوفه لكن إنت لازم تيجي معايا دلوقتي ..

 

مالك : لا يا نيار أسد محتاجلي ..

نيار : المشوار دا بخص أسد تعالى بس معايا ..

 

مالك : ماشي يلا بسرعه ..

ركبوا العربية واتحركوا وصلوا لمكان مهجور نزلوا من العربية ودخلوا بيت صغير 

مالك : إحنا بنعمل هنا إيه ..

نيار : ادخل بس وهتعرف ..

دخلوا البيت كان في بنت نايمه على سرير صغير ومتركبلها اكسجين على مناخيرها 

مالك باستغراب : مين دي يا نيار 

نيار : ........

  * **** ****************************************

أسد خلص الإجتماع قعد وحط رأسه بين إيديه 

زين : أسد ارحم نفسك شويه ..

 

أسد : أنا تعبان يا زين قلبي واجعني 

قبل مايكمل كلامه وصلت رساله على تلفونه فتحتها 

أسد بصدمه : مالك عايش إزاي لا أكيد في حاجة غلط ..

زين : في إيه يا أسد مالك مات من زمان إنت اتجننت ..

 

أسد : في حد بعت رساله بيقول إن مالك عايش وهو يعرف عنه كل حاجه وطلب إنه يقابلني علشان حاجة مهمة ..

زين : يمكن يكون فخ لا يا أسد ماتروحش ..

أسد : أنا لازم أروح علشان أعرف اخرتها ..