رواية خاتم مقابل قلب من الفصل الاول للاخير بقلم فاطمة علي
رواية خاتم مقابل قلب من الفصل الاول للاخير هى رواية من كتابة فاطمة علي رواية خاتم مقابل قلب من الفصل الاول للاخير صدر لاول مرة على موقع التواصل الاجتماعى فيسبوك رواية خاتم مقابل قلب من الفصل الاول للاخير حقق تفاعل كبير على الفيسبوك لذلك سنعرض لكم رواية خاتم مقابل قلب من الفصل الاول للاخير
رواية خاتم مقابل قلب من الفصل الاول للاخير
" تتجوزنى ...؟ "
- افندم !!
= بص مهو انت احلى واحد فى المكان وينطبق عليك كل الصفات طويل وزى القمر و عندك عضلات وشكلك كدا مهندس او صاحب شركه حاجه كدا يعنى
- انتى مين يا انسه
= حلو يبقى نتعرف .. انا فرحه
- مطلبتش انى اتعرف على حضرتك وسبينى فى حالى
= دا مش اسلوب حد جنتل زيك
- يابنتى انا مش ناقص جناlن ابعدي عنى
= لا انت بتزعقلى و كدا عيـ.ـبه فى حقك يا جنتل
- ياربى.. انتى عايزة منى ايه يا مجـ.ـنونه انتى
= تتجوزنى
- انت هبـ.ـله يابت اتجوزك ايه .. انتى جايبه الجـ.ـراءه الى انتى فيها دى منين مع انه ميبنش عليكى
= والله انا مش عارفه ازاى بقولك كدا بس خلاص مفيش حل وهى جت معايا كدا
- حل فى ايه بصى انا هسيبلك المكان وهمشى
= يا استاذ يا استااااذ
- عايزة منى ايه تانى بابت انتى
= انا بت !!!!
- امال انتى ايه
= اسمى فرحه قولتلك
- و عايزة منى ايه يا ست فرخه
= خلى بالك انت كدا بتلبغ وانا زعلى وحش
- وكمان بتهد'دى يا شبر ونص انتى
= اه بهدد ... بص انت شكلك مش مرتبط وانا لازم ارتبط قبل يوم عشرين فى الشهر إلى جاي لان دا يوم حفل تخرجى ودخلت فى رهان مع شله بتكرهنى انى هعرفهم على الى بحبه يوم التخرج لانه اكيد هيكون معايا فى يوم زى دا .. ومع الاسف انا معنديش غير شهر واحد وهتج'نن يرضيك يعنى اخسر الرهان قدام نرمين الرخمه اكيد ميرضكش .. ها قولت ايه
- قولت انك تاlفهه انتى وصحابك ومجاlنين وانا مش فاضيلك = يعنى هيكون وراك الديوان ياخي .. احنا مش هنرتبط بحق وحقيقى دا كدا و كدا بس علشان اكسب الرهان
- وانا هستفاد ايه بقى
= يا عم كفايه انك هترتبط ببنوته زى القمر زى هو انا فى منى اتنين
- لا طبعا لو فى منك اتنين كان زمان الدنيا خربت
= تشكر دا مش موضوعنا المهم هتساعدنى ولا لا
- بت انتى روحى ذاكريلك حاجه تنفعك
= ايه ياعم هو انت فاكرنى فى كي جى
- شكلك كدا فعلا
= مقبوله منك المهم هااا؟
- ها ايه يا مجـ.ـنو'نه انتى انا مش عارف اصطبحت بوش مين انهارده
= اكيد بيا المهم بقا هنرتبط ولا لا
- روحى يا شاطرة العبى بعيد كفايه تسول
= تسول !!!! عموما بص لو غيرت رايك ابقى قولى اشوفك بكره ياهندسه سلااااام
- هندسه !! دى شغاله بتاعت مكروباص البت دى ولا ايه مهى ناقصه اصلا ... ربنا يشفى
= مشيت وسيبته وانا بقول لنفسى انتى مين ؟ انتى مجنو'نه بتعرضى على واحد انه يرتبط بيكى خلاص حيائك مبقاش موجود هو جناlن بس اهى محاوله منا هكسب الرهاlن يعنى هكسب الرهاlن .. نسيت اقولكم انا فرحه عندى 23 سنه فى كلية هندسه فاضلى شهر واتخرج ربنا ابتلانى بشله عايزة الحرق مستقصدانى انى مش بصاحب ولاد ولا برتبط بحد ودايما بنتقدهم مع ان فى بنات كتير زى بس هما حاطين نقرهم من نقرى متفهمش ليه واخر حاجه حصلت انها سلطت عليا الز'فت الى مصحباه علشان يرزل عليا ويدlيقنى ووقتها فرجت عليه الكليه وفى الاخر اتحدتنى وعصبتنى
فلاش باك
_ ايه يا عانس هانم لسه محدش ارتبط بيكى
= ملكيش دعوة يا منار انا مش رخيصه زى ناس
_ هههه صح انتى عانس بس
= العانس دى انتى هتمو'تى من الغيره منها والا مكنتش شغلاكى كدا
_ ههههه هغير منك ليه يعنى كنتى احلى منى ولا احلى منى
= والله كل واحد عارف قيمة نفسه وانا فى نظر نفسى احلى بنت فى الدنيا والاولى على دفعتى يعنى كمان كام شهر هكون معيده مش زى ناس بطلع بملاحق
_ بس معندكيش الى عندنا كلنا شيلتنا كلها فيها الى مرتبطه وفيها الى مخطوبه والى متجوزة حتى اصحابك كلهم مخطوبين الا انتى يا عانس
= فضلت ساكته وبفكر فعلا اغلبية صحابى وكل القريبين منى اتخطبوا الا انا ... هو معقوله انا وحشه وعاlنس زى ما هى ما بتقول فوقت لنفسى ورديت عليها بكل ثقه ... مين قالك انى مش مخطوبه الارتباط دا حرlم انا مخطوبه يا ماما ارتباط رسمى يعنى اهلى يعرفوا
_ اووووو بجد اوك يبقى لازم نتعرف عليه يوم حفلة التخرج اكيد هيكون معاكى ويشاركك فرحتك ولا ايه يا فرحه هانم ولو مكنش موجود يبقى انتى كدlبه قدامنا كلنا ودا رهان بينى وبينك لو كلامك طلع حقيقى انا هعتذرلك يوم الحفله قدام الدفعه كلها ولو كدابه هتتفض'حى قدامنا كلنا
= اتفقنا يا كونتيسه .. سلام
افتكرت كل دا وانا قاعده فى الكفتريا بكلم نفسى
= انا منحو'سه اكيد او معمولى عمل
_ انتى بتكلمى نفسك يابت
= اسكتى يا رباب بقى انا مخنوقه
_ ليه بس يا فرحه ايه الى خانقك
= الزفته منار زمانها جايه وانا مش طيقاها ومش كل يوم نفس التلقيح انا اتخنقت منها
_ طب اهدى
= انتى يا نيله متقوليش ليا اهدى بدل ما اجيبك من شعرك
_ عنيفه اوى
= اتلمى يا نحنوحه
_ طب كبرى وسيبك منها زى كل يوم
= لا خلاص هى جابت اخرها معايا ... انا مش عارفه هى مالها ومالى دى فظيعه
_ مالها بيكى !! يعنى انتى مش عارفه يافرحه غيرانه وهتمو'ت منك ومن جمالك وتفوقك
= انتى هتج'ننينى يا رباب تفوق واسكتلك جمال ايه الى بتتكلمى عنه وهى كل يوم تعاlيرنى ان محدش بيحبنى ولا انى مرتبطه
_ ايه الكلام دا يا فرحه اول مرة اشوفك بتتكلمى كدا انتى لازم تبقى عارفه قيمة نفسك وجمالك فى روحك اكتر من شكلك يا فرحه فهمانى
= فهماكى يا رباب بس معاد الرهان قرب فاضل شهر واحد بس على معاد حفلة التخرج ولازم اكسب الرهان
_ انتى مجنو'نه والله انك وافقتى اصلا
= مهى اتحدتنى يا رباب وخنقتنى .... بس هو يوافق بس
_ مين دا الى يوافق
= ها لا ابدا ولا حاجه
_ انتى مخبيه عليا حاجه يا فرحه
= لا ابدا يا رباب .. قومى هاتلنا حاجه نشربها بقى
قعدت افكر مع نفسى معقوله ممكن يوافق .. حتى لو وافق هيوصلى ازاى اووووف بقى انا حتى مش عارفه هبص فى وشه ازاى اصلا بعد بجاحتى دى وانى انا الى اقوله يرتبط بيا
• القمر قاعد لوحده ليه
= انت ايه الى قعدك جنبى يا بنى ادم انت
• جيت اشوفك قاعده لوحدك ليه دى جزاتى يعنى
= بقولك ايه الحركات دى انا عرفاها كويس ابعد عنى انت
وام سحلول بتاعتك
• اه انا عرفت انك اتخطبتى هو فين بقى عريس الغفله
= ملكش دعوه ومتجبش سيرته على لسانك
• طب ورينى ايدك كدا ايه دا عريسك دا شكله كحـ.ـيان مجابلكيش حتى دبله
= انت ياحي...وان ازاى تتجرا وتمسك ايدى
- لانه حي...وان
= ااا انت !!!
يتبع ..
= ااا انت !!!
- اسمي إلياس
قالها من تحت اسنانه بصوت واطى انا الى اسمعه وبس بعد ما جه وقف قدامي وانا ورا ضهره
• ومين بقى الاستاذ ؟
- انا الكحيان الى سيتك كنت بتتكلم عليه .. اؤمر عايز حاجه
• اه انت ديك البرابر يعنى
- ديك البرابر دا امثالك ياريت بقى تغور من هنا ولو شفتك بس بتبصلها بعينك مش هتكون موجوده تانى اصلا
• انت بتهددنى انت مش عارف انا مين
- لا ومش عايز اعرف يلا غور بقى انا مش بعيد كلامى مرتين متنحش .. وانتى اتفضلى قدامى
= مشيت معاه معرفش ازاى ووصلنا عند عربيته
- اركبى
= مينفعش
- نعم !!؟
= مينفعش اركب معاك العربيه مفيش علاقه بتربطنا ببعض احنا الاتنين علشان اركب معاك
- انا خطيبك مش دا الى انتى مفهماه لصحابك
= ااا انا .. بص بقى انا معرفش انا عملت كدا ازاى انا اتهورت ومفكرتش ومحسبتش العواقب بتاعت كدبتى دى شكرا جدا على وقفتك معايا دلوقتى بس ركوب العربيه مش هركب عايز تنسحب من المسرحيه دى عادى مش عايز شكرا ليك هتظهر يوم الحفله وخلاص كدا كدا يعتبر انا كسبت الرهان
- انتى بالعه راديو افصلى شويه اولا صاحبتك الى انتى متراهنه معاها مجاتش النهارده يعنى مكسبتيش الرهان ولا حاجه .. ثانيا كل حاجه هتمشى رسمى وهاجى البيت واتقدملك وهتكون خطوبه رسمى لانى بردو عايز منك خدمه = خدمة ايه !!؟
- منا قولتلك نركب وهفهمك
= بقولك ايه متزعقليش انا بقولك اهو وركوب مش راكبه لما نتخطب رسمى ابقى اركب معاك سلام
- يخربيت الجنان .. استنى طيب
= نعمين
- هو انتى لسانك دا متبرى منك كدا عالطول
= اه انا وهو دايما فى مشاكل انجز بقى انا جعانه
- أعوذ بالله منك .. عنوانك ايه يا تحفه
= اه صحيح لا بص مش هينفع العنوان دا رقم بابا اهو وكلمه وحدد معاد وهو يقولك العنوان
- ماشى
= سلام بقى
- سلام يا مجنونه
مشيت وانا مبسوطه اوى شعور ان يكون ليكى راجل ضهرك وسندك وامانك يحميكى من نظرات اى حد بس مع الاسف كلها مسرحيه ياريتها حقيقه بس اكيد طبعا شاب زى الياس هيحبنى انا على ايه يعنى .. روحت البيت وبابا قالى ان فى عريس كلمه وجاى انهارده عرفت انه كلمه وجاى دخلت نمت شويه وصحيت وجهزت وجه وقعد مع بابا وبعد كدا انا خرجت غريبه هو جاى لوحده ازاى بابا قال هيسبنا مع بعض شويه لوحدنا
- غريبه انك هاديه تتحسدى
= لا عادى قولى انت جاى لوحدك ليه فين بباك مامتك خالك عمك ولا هى علشان مسرحيه بقى لا بقولك ايه ....
- افصلى افصلى شويه ايه دا يارب يصبرنى على رغيك ولسانك دا طول الشهر دا
= ماله لسانى مدايقك فى ايه حاطط نقرك من نقره ليه
- دا لسانك دا كارثه من كوارث الزمن افصلى بقى واسمعى الى عايز اقولهولك
= اتفضل المايك معاك كلى اذاناً صاغيه
- بصى ياستى انا والدى متوفى ومعنديش غير امى ربنا يخليهالى ومعنديش اخوات انا وحيد وورثت شركة ديكور بتاعت والدى ...
= يعنى انت كدا مهندش انا قولت والله انك كدا .. زميل يعنى بلاش تتكلم معايا من طراطيف مناخيرك بقى
- يارب ارحمني وتسكتها بدل ما ارتكب جريمة .. اه زميل ممكن اكمل كلامي
= احم سورى اتفضل
- الحقيقه انا مش بفكر فى الجواز خالص انا كنت هعيش لامى ولمستقبلى وشركتى وبس موضوع الجواز دا مش فى دماغى خالص .. بس انا والدتى مريضة قلب وداخله تعمل عمليه فى القلب خلال اسبوعين وراسها والف سيف انها مش هتدخل العمليات الا لو لقتنى خطبت او اتجوزت وانا معنديش اهم منها فى الدنيا دى فدى الخدمه الى انا عايزها منك اننا نتخطب رسمى وتيجى وتشوفك علشان نفسيتها تكون كويسه وتوافق تعمل العمليه وهفضل معاكى لحد يوم تخرجك وتكسبى رهانك وكل واحد مننا يروح لحاله .. قولتى ايه ؟
= اولا ربنا يشفى ماما ويعافيها يارب .. ثانيا موافقه
- ايه الهدوء دا سبحان الله
= انت لا عاجبك كدا ولا عاجبك كدا
- خلاص خلاص خليكى هاديه احسن
_ ها يا ولاد نقول مبروك
- اكيد يا عمى
= ايه دا انا لسه مفكرتش
- نعم والقمر عايز يفكر اد ايه
= انت بتجز على سنانك من اولها بابا الحق دا بيبرقلي
_ ربنا يعينك عليها يابنى
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
- والله ماشى يا سى بابا بكره تقول ولا يوم من ايامك يا فرحتى
_ طبعا يا قلب ابوكى
- عمى لو سمحت عايزين نجيب الشبكه والخطوبه تكون فى اسرع وقت علشان عملية والدتى
_ اه يابنى طبعا
= ممكن اقول حاجه .. ايه بتبصولى كدا ليه
_ اصلك عقلتى اهو
= عموما مقبوله منك يا ابو فرحه .. المهم مفيش خطوبه
- نعم !!؟
= قصدى يعنى نجيب الشبكه ونلبسها كدا وخلاص لحد ما ممامتك تخرج بالسلامه اكيد هى حابه تحضر خطوبتك يعنى - ماشى معنديش مانع انا هضطر استاذن .. باذن الله هحدد مع حضرتك معاد نشتري فيه الشبكه .
مشيت من عندهم وانا مستغربها جدا ومشتغرب موقفها يمكن لانها مسرحيه بس كان ممكن تقولها باى شكل تانى غير انها تفكر فى مامتى .. شقيه، لمضه، لسانها اطول منها، بس دمها خفيف وطيبه وقلبها ابيض .. فوق يا الياس مش هتغلط نفس الغلطه تانى لا مستحيل
= مشى وانا دخلت اوضتى افكر عيونه مليانه حزن مش بس على والدته فى حاجه تانيه مسببه حزنه دا واحد زيه شاب ووسيم ومهندس وعنده شركه وباين عليه اخلاق نص بنات البلد يتمنوه ايه الى يخليه ميفكرش فى جواز الواد دا شكله متعقد من حاجه .. بصلى بصه غريبه وقت ما رفضت الخطوبه علشان والدته مفهمتش دى معناها ايه يوووووه يا فرحه خلاص بقى متوجعيش دماغك بقى .... عدا تانى يوم ومظهرش وبليل لقيت بابا داخل عليا الاوضه
_ فرحه الياس اتصل وبيقول اننا نشترى الشبكه بكره ايه رايك ؟
= ماشى يا بابا مفيش مشكله
_ فرحه مالك يا حبيبتى انتى مش مبسوطه انا عارف ان مش دى الخطوبه الى بتتمناها اى بنت بس هو عنده ظروف والولد شكله كويس واكيد هيعوضك بفرح كبير
= بابا انا ميفرقش معايا الكلام دا المهم انه يطمن على والدته انا بشوف فيها ماما الله يرحمها
_ نامى يا حبيبتى
= اسفه لو فكرتك
_ من امتى قدرت انسى امك يا بنتى امك دى كانت ومازالت حياتى كلها يا ما نفسى اطمن عليكى زى اختك علشان ادعى ربنا واروحلها واشوفها وحشتنى اوى
= بعد الشر عليك يا بابا ربنا يباركلى فيك .. وبعدين بقى قلبناها حزن كدا ليه دا انا خطوبتى بكره يا جدع اضحك بقى _ جدع !! ربنا يصبر الياس على لسانك
= والله دا لسانى دا زى السكر وبيقول حاجات كدا فله
_ طب نامى يا فله
= ماشى يا ابو فله
نمت وصحيت والحمدلله مكنش عندى امتحان اليوم دا وجهزت ولبست فستان بينك رقيق مع طرحه بينك وحطيت كحل وملمع شفاه وبس وجه الياس وبابا ندهلى
_ فرحه يلا يابنتى الياس جه
= انا اهو يا بابا خلصت .. الياس فضل متنح شويه وانا اتكسفت جدا
- ايه الي انتى حطاه دا
= حاطه ايه ؟
- الملمع دا يتشال دلوقتى
= نعم لا مش هشيله انا حره
_ فرحه ميصحش كدا
= يا بابا دا ملمع عادى يعنى
- وانا خطيبك وبقولك شيليه ولا فرحانه بالمليون عين الى هتبص على شفايفك
= اتصدمت من كلمته وجريت على اوضتى وفضلت اعيط مش دا كان قصدى انا بحاول افرح بس انا مش بحط مكياج اصلا لكن عايزة احس انى عروسه ورايحه اجيب شبكتى بس هو ضيعلى فرحتى انسان بارد وغبى ودبش و... معقوله بيغير عليا !!!؟
_ انا ممكن اقدر غيرتك بس انا بنتى مربيها كويس ومسمحش انك تجرحها بكلمه
- انا اسف ياعمى انا اتعصبت وكبرت الموضوع وكمان مش من حقى فى وجود حضرتك
_ تعرف انك بتفكرنى بنفسى لانى كنت بغير على امها كدا والى يغير على اهل بيته يبقى راجل يابنى بس اتعود بالهدوء والمسايسه تاخد عين مراتك
- حاضر ياعمى .. ينفع ادخل اعتذرلها
= لا شكرا وفر اعتذارك انا جاهزة
_ اديك طلعت الشبح الى جواها تانى
- هو اصلا امتى بينام الشبح دا مهو موجود طول الوقت
= طب ياريت نتحرك علشان فى مشوار بعد ما نجيب الشبكه هنروحوه
- مشوار ايه !؟
= هقولك بعد ما نجيب الشبكه
_ طب يلا يا اولاد
نزلنا اه كنت متعصبه منه بس بصراحه اتبسطت بغيرته عليا بس يعنى دا ملمع يعنى عادى وروحنا نشترى الشبكه
= والدتك اسمها ايه ؟
- نعم !! ليه؟
= متقول وخلاص هو لازم كل حاجه تسأل فيها
- اسمها نجوى
= سبحان الله وانا ماما اسمها نوال حلو اوى
- اشمعنا يعنى
= هتعرف بعدين ... لو سمحت انا مش عايزة فى السلسله الا حرف ال N .. كفايه دول
- اختارى حاجه تانيه دا كدا قليل اوى
= لا هما دول حلوين اوى
- الدبله والخاتم والسلسه دول كفايه
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= اه كفايه اوى انا مش بحب البهرجه وانا دول بس الى عاجبنى يلا حاسب بقى ولا اسلفك
- ابلعى لسانك دا شويه بدل ما اقطعه
= متقدرش اصلا
- ليه ان شاء الله انتى الى هتمنعينى يا شبر ونص
= اه اقدر امنعك متستهونش بيا يا ابو طويله ماشى
- يخربيت لسانك ياشيخه انا رايح احاسب
= هههه اه يلا حاسب متعطلناش
_ فرحه خفى شويه الياس رزين وهادى مش كل شويه تعصبيه كدا
= يا بابا دا معقد ومش بيضحك سيبنى بس انا هجننهولك
_ فرحه انا قولت ايه
= حاضر يا بابا
- مشوار ايه الى عايزه تروحيه
= لا هنروح كلنا عند مامتك
- ماما !! فى المستشفى يعنى عندها
= اه لازم تكون معاك فى لحظه زى دى يلا بينا
- .......
= هتفضل متنح كدا كتير متخلص ياعمنا
- يابت انتى .. انتى بتجيبى اللماضه دى منين
= من عند البقال هبقى اجبلك معايا المرة الجايه
- لا شكرا كفايه انتى
= طب يلا وبطل رغى انت رغاى كدا ليه؟
- انااا !!!!
_ ههههه ربنا يصبرك يابنى
= ماشى يا بابا متشكرين يلا بقى
مشينا فعلا وروحنا المستشفى وكنت حاسه بتوتر الياس اوى كأنه اخد خطوة صعبه وكمان واضح انه ممهدش لوالدته الى عمله وانه اتقدم لواحده وهيخطبها وكنت حاسه انه بيقدم رجل ويأخر رجل وانا كمان كنت قلقانه ومتوترة اوى دخلنا الاوضه وهو قرب منها وباس ايدها
- عامله ايه يا ست الكل
~ الحمدلله حبيبى
- عندنا ضيوف جايين يشوفوكى
~ مين يا حبيبى
= اناااا
~.......
- احم ماما دى فرحه وفرحه دى امى
= احلى ماما فى الدنيا ازي صحتك يا حبيبتى
~ بخير يا بنتى ... مين دى يا الياس
_ ازيك يا هانم اخبار صحة حضرتك ايه
~ بخير .... الياس فهمنى فى ايه
- ماما ايه هى امنية حياتك
~ انى افرح بيك واشوف احفادى
- طب وهتفرحى بيا اهو اقدملك عروستى
~ عروستك !!؟
= انا عارفه انى احلى منه كتير بس قولت اكسب ثواب فيه يعنى
- اناااا !؟
~ ههههه دمك خفيف اسمك ايه حبيبتى معلش
= فرحه يا ماما
~ الله حلوة كلمة ماما منك
= يا حبيبتى اكيد هقولهالك عالطول مع ان ما شاء الله حضرتك زى القمر دا انتى احلى من ابنك الطويل الى هناك دا
- !!!!!
~ هههههه انتى لمضه جدا
_ فرحه كفايه كدا ونسيب طنط ترتاح
~ لا خليكم شويه وكمان انا لسه عايزة اتعرف على مرات ابنى هتشتروا الدهب امتى
- الحقيقه يا ماما اااا .....
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= يا ماما احنا اشترينا الدهب والياس صمم اننا نلبسه هنا قدام حضرتك لانك لازم تكونى معاه فى مناسبه زى دى
~ الف مبروك يا حبايبى معلش يا حبيبى تعبى خلاك تعمل خطوبتك فى مستشفى
- ايه الى بتقوليه دا بس يا امى ربنا يقومك ليا بالسلامه يا ست الكل
~ يارب يا حبيبى علشان احضر فرحكم واشيل اولادكم
= انا والياس بصينا لبعض وسكتنا ادايقت اوى من نفسى انى دخلت الياس لعبه زى دى وانى هعشم مامته انه هيتجوز ويفرحها
~ ايه يا فرحه ساكته ليه يا حبيبتى
= ابدا يا ماما انا معاكوا اهو وبعدين انا مبسكتش خالص حتى اسالى بابا دايما مصدعاه
~ تعرفى كان نفسى يكون ليا بنت
= مهو انا بنتك اهو يا ماما
- ايه دا بقى ياست ماما وانا روحت فين
~ انت الخير والبركه يا حبيبى هو انا ليا غيرك
- ربنا يخليكى ليا يا ست الكل
_ طب يلا يا الياس لبس فرحه الشبكه علشان نمشى وولدتك ترتاح
= قلبى كان بيدق اوى وهو بيقرب منى وماسك علبة الشبكه فى ايده عيونه تايهه وحيرانه كأنه داخل على خطوة انتحاريه قرب منى ومسك ايدى ولبسلى الخاتم والدبله وفاضل السلسه كنت مكسوفه ومستنيه بابا ينجدنى بس مامته هى الى نجدتنى
~ الياس هات البس فرحه السلسله
- ااا اه اتفضلى يا امى
~ مين حرف ال N دا يا فرحه
= دا حرف حضرتك وحرف والدتى الله يرحمها
~ يا حبيبتى ربنا يحميكى ويحفظك يافرحه
= تسلميلى يا ماما وان شاء الله تقومى بالسلامه
_ يلا يافرحه ونسيب ماما ترتاح
= يلا يا بابا
~ هتجيلى تانى يا فرحه
= طبعا يا ماما هكون عندك كل يوم
~ اما نشوف يا بكاشه ... وصل خطيبتك وحماك يا الياس
- حاضر يا امى وهرجعلك تانى
= مفيش داعى يا الياس خليك مع ماما
- امشى يا فرحه
= حاضر بس متبرقليش كدا
مشينا ووصلنا فعلا لحد البيت
_ اطلع معانا يا الياس
- شكرا يا عمى بس انا عايز فرحه فى كلمتين ممكن
_ مفيش مشكله اطلعى ورايا يا فرحه
= حاضر يا بابا ... فى ايه الخطه اتقفشت
- اتقفشت فين يا مجنونه انتى
= امال فى ايه قلقتنى
- ليه جبتى السلسله بحرف امى
= هو دا السؤال !!!
- اه
= عادى دا حرف امى انا كمان وبعدين كنت عايزة افرح مامتك شوفت فرحت ازاى ودى اهم حاجه
- وعملتى كدا جزء من الخطه ولا شفقه
= شفقه !!! لا دا ولا دا عملت كدا علشان افرح مامتك مش اكتر مفكرتش فى اى حاجه غير انى افرحها
- بارعه جدا فى التمثيل فكرانى هصدق اكيد دا علشان خططك وافضل معاكى لحد معاد الرهان
= انت بتتكلم معايا كدا ليه ها انا فعلا كنت متهورة لما عملت كدا ومعرفش عملت كدا ازاى بس انت وافقت مش كل حركه هتفكرنى انى بعملها علشان الخطه انا بتعامل بطبيعتى وانت كمان بتعمل كل دا علشان الخطه علشان تفرح والدتك لوقت معين يعنى كل واحد مننا ليه اسبابه
- وسيتك مفكرتيش بقى لما كل دا ينتهى والخطوبه تتفسخ هيكون ايه السبب ايه الى هتقوليه لبباكى
= وانت مفكرتش هتقول ايه لوالدتك الى نفسها تفرح بيك وتشوف احفادها ولما تقولها انا فسخت مفكرتش فى خيبة امالها الى هتسببهالها ولا انت مغلطنى انا بس وانت الملاك الطيب ولو على السلسله الى مزعلاك اهى اتفضل خدها ولو عايز بقيت الشبكه خدها وممكن نلغى كل حاجه دلوقتى
- انزلى يا فرحه
= نعم
- بقوولك انزليي
= اتفزعت من صوته العالى ورميت السلسله على الكرسى ونزلت جرى ...
يتبع ..
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
- انزلى يا فرحه
= نعم
- بقوولك انزليي
= اتفزعت من صوته العالى ورميت السلسله على الكرسى ونزلت جرى وطلعت فوق حاولت اهدا قبل ما ادخل لبابا ودخلت وهربت منه على اوضتى مش فاهمه ايه الى حصل لكل دا كل دا علشان فكرت اسعد والدته المفروض دى حاجه تفرحه مش يعاملنى كدا عندى امتحان الصبح ومش طايقه حد ولا طايقه نفسى قعدت احاول اراجع بس زعيقه وشخطه فيا كان هو بس الى محاوطنى خدت قرار انى هروح المستشفى بكره وانهى المهزله دى انا الى غلطانه فعلا زى ما هو قال انا فى نظره بنت سهله وانا عمرى ما هكون سهله جه تانى يوم وقومت روحت الكليه
_صباح الخير يا فرحه
= صباح النور يا رباب
_ ايه الدبله دى انتى اتخطبتى من ورايا يابت
= خطوبة الشؤم والندامه
_ ليه يا فقريه
= بقولك ايه نطلع الامتحان وبعد كدا نتكلم شكل الامتياز هيروح منى بسبب الماده دى
_ لا ان شاء الله ربنا يسهلك الصعب
= يارب يلا نتقابل بعد الامتحان
الحمدلله الامتحان كان حلو وعدا على خير ونزلت واستنيت رباب بس خطيبها كان جاى ياخدها سبتنى ومشيت وانا خرجت اتمشيت قدام الكليه بس فجاة لقيت عربيه خرجتلى من تقاطع شارع كانت هتدوسنى بس ربنا ستر
= انت اعمى مبتشوفش كنت هتموتنى ... كنت لسه هشتم بس طلع الى فى العربيه الياس
= الياس فى حاجه والدتك بخير بتسوق بسرعه كدا ليه متتكلم قول حاجه
- اسف .. اسف على الى حصل امبارح
= هو دا الى مخليك تسوق كدا انت مجنون
- السواقه بسرعه بتهديلى اعصابى شويه
= انت مجنون ممكن تعمل حادثه بالشكل دا
- خايفه عليا ؟
= ااا لا طبعا وهخاف عليك ليه يعنى
- ماشى يا ام لسانين ممكن تركبى ونتكلم شويه
= مش بركب مع حد زعلانه منه
- منا قولت اسف اعمل ايه تانى
= هو انت بتقولها جبر خواطر ولا ايه
- ان كان عاجبك بقى ويلا بقى نمشى بدل الواقفه دى
= انا هركب معاك بس علشان مفيش مواصلات مش علشان حاجه تانيه
- طب يلا يا فرحه هانم
= يلا يا شوفير
- شوفير انا !!!!
= انت لسه هتندهش يلا اركب
- فرحه سلسلتك
= .....
- فرحه انا اسف انا كنت عصبى امبارح معلش انا خايف على ماما والشغل ملغبط واعصابى مشدودة اليومين دول معلش جات فيكى
= حصل خير ياالياس
- طب البسى السلسله بقى ولا البسهالك انا ماما امبارح قطعت عليا ومخلتنيش البسهالك
= ماما دى عسل والله
- طب يلا البسيها وعالفكرة احنا هنروحلها
= بجد طب كويس
- المهم عملتى ايه فى امتحانك
= الحمدلله كان حلو
- الحمدلله عقبال الباقى
= يارب اهو فاضل امتحانين ونخلص
- ان شاء الله تخلصيهم على خير وتطلعى الاولى على الدفعه زى كل سنه
= يارب يا الياس يارب
طلعنا وقعدنا مع مامته وكانت مبسوطه اوى اوى وضحكتها كتير حتى الياس الكشرى ضحك وكنت مبسوطه اوى انى قدرت اضحكهم انا بحب اخلى اسمى على مسمى فرحه اى مكان اتوجد فيه اخليه يتملى فرح والحمدلله لانى بحط فى نيتى انها لله دايما ربنا بيجعلنى سبب فى سعادة الى حواليا واكيد السعاده دى هتتردلى اضعاف مضاعفه انا واثقه من كدا ومتيقنه فى الله خير
- وصلنا الوقت جرى بسرعه اوى
= فعلا انا محستش بيه واول مرة اقعد من غير بابا المده دى كلها
- معلش انا الى اخرتك
= لا عادى انا كنت مبسوطه معاكم واتبسطت ان مامتك كانت كويسه اعتقد نفسيتها بتتحسن
- بصراحه دا بفضل ربنا ثم انتى متتخيليش انتى دخلتى قلبها ازاى
= وانا كمان حبيتها جدا ربنا يطمنك عليها وتقوم بالسلامه يارب
- يارب .. يلا بينا
= يلا بينا فين
- هطلع اوصلك لفوق
= اشمعنا يعنى عادى هطلع لوحدى
- فرحه انزلى انتى مش بتتعبى من المقاوحه
= تؤ دى جزء من شخصيتى
- واضح فعلا يلا قدامى
= طيب متزوقش
- هههههه
= انهارده ضحكت كتير شكلها هتمطر
- الفضل ليكى يا فرحه انا بقالى سنين مضحكتش كدا
= عد الجمايل يا عم
- ماشى يا لمضه
_ حمدالله على السلامه يا ست فرحه مهو من لقى احبابه نسى صحابه
= وانا اقدر بردو يا بابا يا حبيبى بس والله الوقت اخدنا معلش متزعلش منى
- انا الى اخرتها بصراحه يا عمى
_ والدتك اخبارها ايه يابنى
- بخير يا عمى الحمدلله نفسيتها كويسه اوى ودا بفضل ربنا ثم فرحه
= انا معملتش حاجه انا بعتبرها زى والدتى
- شكرا يا فرحه بعد اذنكم واسف تانى مرة يا عمى
_ ولا يهمك يابنى ربنا يسعدكم
= قولى بقى يا سى بابا اكلت وخدت علاجك ولا لا
_ اه يا حبيبتى وانتى قوليلى اتبسطى
= اوى يا بابا مامة الياس طيبه اوى ونفسيتها بقت احسن وكلت انهارده معانا الدكتور قالى انها كانت بتعذبهم فى الاكل بس الحمدلله كلت كويس انا هحاول اروحلها كل يوم لحد العمليه علشان تبقى نفسيتها كويسه
_ طب والياس ؟
= ماله يابابا
_ مبسوطه معاه
= ااا اكيد يا بابا
_ يارب دايما ياروح ابوكى يلا ادخلى نامى وارتاحى بقى
= حاضر يا بابا
= سيبت بابا ودخلت اوضتى فعلا كنت مبسوطه انهارده حبيت قعدة الياس ومامته حبيت ضحكته حقيقى جميله اوى خصوصا انه مش بيضحك كتير فلما بيضحك بيكون وقت مميز فعلا مدايقه انى دخلته فى لعبه زى دى بابا فرحان انه اطمن عليا ومامة الياس فرحانه وفى الاخر هنكسر فرحتهم دى ربنا يسترها ويعدى الفترة دى على خير .... عدا الاسبوعين كنت كل يوم اروح المستشفى وقربنا انا والياس من بعض بقينا اصحاب وبيحكيلى يوم شغله والى بيحصل فيه وقالى انى اشتغل معاه حتى لما اللعبه بتاعتنا تخلص اعترف انى اتعلقت بيه بقينا نسهر طول الليل نتكلم فى التليفون وننام ساعتين ونصحى هو يروح الشركه وانا اروح المستشفى واخر النهار يجيلنا ونفضل مع بعض لحد بليل ويوصلنى ويروح لمامته بقى جزء من حياتى بصحى على صوته وانام على ضحكته مش عارفه لما كل دا يخلص انا هعمل ايه ..... انهارده عملية والدته واحنا من الصبح معاه انا وبابا ومامته حاليا فى العمليات وهو متوتر وخايف اوى
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
= اهدا يا الياس ان شاء الله ربنا هيطمنا عليها
- بقالهم كتير يا فرحه
= الوقت هو الى بيمشى ببطئ يا الياس اهدا وقول يارب
- يارب يارب تقوم بالسلامه
_ فرحه انا هنزل اصلى فى المسجد واول ما تفوق قوليلى
= حاضر يا بابا
الوقت بيمر ببطئ كأننا مستنين حكم الاعدام اصعب حاجه الانتظار اول مرة احس انه خايف كدا اتمنيت اكون مراته علشان اقدر احضنه واخفف قلقه وخوفه قربت منه ومسكت ايده وهو قبض على ايدى جامد كأنه بيستمد منها قوته بس لسه مغمض عينه وساند راسه على الحيطه فاتت ساعه واتنين وتلاته اعصابنا باظت فعلا
- لا كدا كتير حد يفهمنى ايه الى بيحصل
= الياس اهدا شويه حالة مامتك خطيرة والعمليه عايزة دقه لانها فى القلب علشان خاطرى اهدا
- مش قادر يا فرحه مش قادر حاسس ان قلبى هيقف
= بعد الشر عليك يا الياس والله هتقوم بالسلامه متقلقش
- يارب يارب يارب
= فضلت ادعى كتير واستغفر واخيرا اوضة العمليات اتفتحت الياس جرى وانا وراه
- طمنى يا دكتور ارجوك
• الحمدلله العمليه نجحت وهتتنقل اوضه عاديه
- بجد يا دكتور يعنى انا امى كويسه
• اه الحمدلله الف مبروك
- شكرا يا دكتور شكرا
= مبرووو ..... قبل ما اكمل الكلمه كان الياس حضنى اتصدمت واتخشبت حتى انا محضنتوش ولا ايدى اتحركت
- ماما بقت كويسه يا فرحه انا مبسوط مبسوط اوى اوى يا حبيبتى
= تانى صدمه كلمة حبيبتى ... بعد عنى فجاة
- انااا انا اسف مش عارف عملت كدا ازاى بس من فرحتى متزعليش منى يا فرحه
= احم لا ابدا الف مبروك نجاح العمليه انااا انا هنزل اجبلك حاجه تشربها واقول لبابا
هربت من قدامه ومشيت قلبى كانت دقاته فى السما على اد.ما ادايقت من حضنه على اد.ما حضنه حلو اوى وامان جدا نزلت وبلغت بابا وطلعنا ليهم بس كانت مامته مفاقتش لسه قعدنا وكنت بحاول اتلاشى نظرات الياس خالص ... مامته فاقت اخيرا واتطمنا عليها
_ يلا يافرحه علشان ماما ترتاح
= حاضر يابابا
- ثوانى وهوصلكم
= لاا لا مفيش داعى خليك جنب ماما مع السلامه
هربت منه كان لازم اهرب بعد حضنه كل ذرة مشاعر ليا كنت مسكاها علشان محبوش خلاص اطلق عنانها ... اد ايه ندمانه انى دخلت نفسى فى لعبه زى دى مش بس هتبقى خطوبه واتحسبت عليا لا وكمان هخسر فيها قلبى لانه هيروح معاه ويسبنى طب ليه هو محبنيش هو انا فعلا وحشه انا مقتنعه جدا ان ربنا عطانى قدر من الجمال والقدر الاكبر فى جمال روحى مش جمال شكلى يمكن الياس مشافش دا يمكن هو عايز موصفات تانيه انا مقدرش الومه لو محبنيش كفايه اوى الوقت الجميل الى قضيته معاه هو وولدته انا عندى استعداد اعيش عمرى على ذكرى الشهر دا .... عدت الايام وكنت بهرب منه ومن مكلماته ودا كان معصبه جدا ودايما يكلمنى ويزعقلى واول ما ابدا اهزر يهدا وينسى اى حاجه روحت لمامته مرة بس هو مكنش معاها وقعدنا كتير مع بعض الشهر خلص وبكره حفلة التخرج بكره كل حاجه هتنتهى حاسه ان قلبى واجعنى دموعى مش عارفه اتحكم فيها معيطش كدا بقالى كتير كلمنى كتير بس مش قادرة ارد حاسه انى عايزة اقوله بحبك متمشيش بس مش قادرة مش عارفه اعمل ايه بس واثقه ان ربنا مش هيخذلنى وقادر يغير الاحوال فى غمضة عين ياااااارب ..... وصلت الجامعه ولبست الروب وكنت مستنياه مش علشان الرهان علشان وحشنى اوى فجأة لقيت الى بيمسك ايدى
= الياس
- عيون الياس
= احم ايه رايك شكلى حلو فى الروب
- احلى من كل بنات الدنيا
= بجد !؟
- طبعا عندك شك
= لا انا عارفه انى قمر طبعا
- هتفرقعى من كتر التواضع
= طبعا مفيش فى تواضعى يلا بينا علشان نقعد قريب
- يلا يا فرحتى
مشيت معاه وانا مستغرباه كلامه غريب انهارده وكله رومانسيه الراجل دا حد سلطه على قلبى علشان يتعبه كدا ياربى بحبه اعمل ايه بس .. دخلنا وندهوا عليا الاول لانى الاولى على الدفعه والياس كان فرحان وانا فرحانه اوى انه شاركنى اللحظه دى خرجنا وايدى فى ايده ومنار شافتنا وانا بصتلها من فوق لتحت ومشيت بس انا مكنتش فرحانه خلاص اللعبه خلصت والمسرحيه انتهت وهنسيب بعض
= افتكر كدا انه خلاص
- هو ايه الى خلاص
= يعنى لعبتنا خلصت والدتك بخير وانا كسبت الرهان
- انتى غبيه يا فرحه فاكره كل دا بنلعب
= امال ايه انت قولت مش عايز ترتبط وهتعيش لوالدتك وانا هعيش لبابا وعالفكره والدتك حاكتلى على خطوبتك الاولانيه مش كل البنات وحشين ومش كل البنات خطيبتك انسى وعيش حياتك وابقى اعزمنى على فرحك احنا بردو صحاب
- انتى شايفه كدا يا فرحه
= انت شايف غير كدا
- لا امشى يا فرحه
= اتفضل شبكتك اهى
- شكرا
سيبته ومشيت وانا مدمرة متمسكش بيا مع انى كنت حساها فى عيونه بس واضح انى بتوهم عايزة اصرخ بس معنديش صوت ولا طاقه روحت ونمت حتى بابا معرفتش ابلغه انى سيبت الياس تانى يوم كنت مخنوقه نزلت اتمشى على النيل وروحت نفس المكان الى اتقابلت فيه مع الياس اول مرة وكنت سرحانه اوى
- تتجوزينى !؟
= افندم!!! .. الياس
- بصى مهو مفيش احلى منك هنا وينطبق عليكى كل المواصفات لمضه مجنونه طيبه وزى القمر وام لسانين وشكلك كدا مهندسه وهتنفعينى فى الشركه بتاعتى
= يفتح الله .. انت مين اصلا
- حلو يبقى نتعرف ... انا الياس
= وعايز منى ايه يا سى الياس
- تتجوزينى
= ودا من امتى
- من اول مرة عيونى شافتك .. من اول ما اتجننتى وجيتى تقوليلى نرتبط خطفتى قلبى فى لحظه يا فرحه شقاوتك ولمضتك وخفة دمك خلونى اتعلق بيكى اكتر .. انا نسيت خطيبتى القديمه بيكى لانى لقيتك حاجه تانيه خالص مينفعش تتحطى فى مقارنه معاها ابدا .. فرحه انا بحبك بحبك اوى ومقدرش اعيش من غيرك .. تقبلى تتجوزينى
= امممم ادينى فرصه افكر
- انتى لسه هتفكرى طب انا ماشى
= خد هنا ياعم خلاص فكرت فين المأذون
- واقعه واقعه يعنى
= يابنى انا هتجوزك شفقه لان ماما موصيانى عليك
- يعنى مش بتحبينى
= تؤ
- ولا بتموتى فيا
= تؤ
- طب عينى فى عينك كدا
= تؤ الا عيونك
- اشمعنا بقى
= علشان بحبهم
- يابختهم والله... طب وصاحبهم ؟
= صاحبهم دا حبيبى
- بجد يا فرحه
= اه يلا قلبى قال يكسب فيك ثواب
- يابنتى خليكى رومانسيه شويه
= يعنى اعمل ايه
- قولى ورايا .. بحبك
= بحبك ... ايه !!!
- وانا بموت فيكى يا فرحتى .
سأحبكِ حتى تملِ مني، وإن مللتِ اخبريني حتى أحبكِ من جديد.
تمت بحمد الله.