لما ساره شافت الرساله دي قلبها وقع في رجليها وقلبها بيخبط من التوتر والقلق لأن لو سليم جيه هيحصل مشاكل ما بينه هو امجد أعصابها سابت منها وكانت بتترعش من الرعب قامت من علي السرير وهي بتحاول تلاقي طريقه تلاحق بيها المصيـ.به دي ...

عند اسر كان قاعد مع فريده ومش مصدق اللي سمعه وكان محاط ما بين الحزن والوجع علي حاله فريده وهي كانت تعبانه من كتر الضرـب والاعتداء عليها بلا رحمه أسر مستحملتش وضعها وجابلها اى حاجه تلبسه عشان يوديها المستشفي قرب منها بصت عليه فريده بعيون مغلقه شويه وقالت بدموع وصوت ضعيف: خلاص يا أسر سبني مش عايزاك تشوفني بالوضع ده "

أسر بضيق وحزن: استحاله يا فريده اسيبك بالشكل ده متقلقيش مش هبص عليكي ساعديني بس ".

فريده هزت راسها واستجابت معاه قامت بالعافيه وهي بتصرـخ من الوجع أسر كان حزين عليها ودموعه كانت هتصب من عنيه وقال: أنا آسف ليكي يا فريده اوعدك مش هسيب حقك من الكلـ.ب ده هو كان عايز منك اى قال كدا وهو بيلبسها ..

فريده بدموع وتشهق: مش هعرف احكيلك حاجه مش قادره..خلص أسر وخدها في حضـ.نه ودمعه نزلت من عينه علي حالها وطبطب عليها بحنيه وقال: خلاص مش مهم احنا دلوقتي نروح الدكتور وتبقي كويسه ونبقا نتكلم في الموضوع ده قال كدا وهو باصص في عيونها ببراءة وحنيه شالها أسر وطلع الاوضه ملقهاش الراجل قال بنرفزه وديني ما هرحمه...

بعد يوم عدي وقت كتير وسليم بيدور علي ساره لحد لما عرف مكانها بالتحديد دخل الفندق استعلم عنها ..

الموظف بحذر : حضرتك تقربلها !!! 

سليم بجديه:ايوه عايزاها ضروري بعد اذنك ..

الموظف هز رأسه: هي في الدور التالت اوضه 312 ..سليم اتخطي اخطوات سريعه وكأنه لما صدق يلاقيها قلبه كان بيحركه بشغف طلع الاوضه وخبط عليها ساره اتنفضت وبصت في العين السحري بلعت ريقها بخوف وفتحت بسرعه وشدت سليم من دراعه من الرعب وقفلت الباب بالمفتاح..

سليم باستغراب : في اى مالك انتي عامله جريمه ولا حاجه قال كدا بصوت واضح وعالي شويه ..ساره حاولت تسكته وقالت بصوت واطي من الرعب : هفهمك بس ابوـس ايدك مطلعش صوت هيسمعنا ..سليم بتعجب اكتر وبص في عيونها اللي خايفه وحركتها مريبه من التوتر وقال باستغراب اكتر: هو مين!!! ومن هنا سمعه صوت خبطه ساره ضربات قلبها علي من الرعب وسمعه صوت امجد..في الوقت ده سليم كان بيركز مع طبقه الصوت وفهم أن ده امجد جوزها كان لسه هيتكلم ساره سدت بوـقه من الرعب ...

ساره اتكلمت برعب ودموع : هقولك كل حاجه استخبي بالله عليك ونبي مش عايزه مشاكل في الفندق والناس تتلم علينا بالله عليك يا سليم ..سليم كان بينفخ هوا سخن من النرفزه علي ايديها حست بهوائه خلي قلبها يترعش منه وغمضت عنيها وهي ضاغطة علي أعصابها وبتحاول تمسك نفسها امجد خبط جامد..ساره زقت سليم في الحمام وظبطت نفسها وقالت بعصبيه ومن جواها مهزوزه : في اى بتخبط لي كدا .. امجد كشر وشه وكان متابع بنظراته في كل حته بحذر وساره حاولت تلفت انتباهه وقالت: في حاجه بدور عليها!!! 

امجد بص عليها ونظراته مش مرتاحه وقال: هو في حد عندك !!! 

ساره مثلت بكذب وقالت: لا مفيش حد حتي لو في يعني ف دي حاجه متخصكش .. امجد بنرفزه : يبنتي متعصبنيش اغزي شياطيني كلها بتطنطت عليا دلوقتي كلمه واحده حد جيه عندك اها ولا لا .. ساره شاورت ببرود علي الاوضه وقالت انت شايف حد أنا مش شيفاه هو خناق علي الفاضي ولا انت عايز تصطاد في المايه العكره بالعافيه !!.

امجد بص باصه اخيرا واتنهد بغضب: ماشي يا ساره بس وحيات امي لو لمحت شعره غريبه من جنسيه الرجاله وديني الله هنزلك لسابع ارض ما هطلعك منه الا لما تتعلمي تتكلمي عدل مع جوزك وتعدلي المايل اللي عندك أنا حذرتك وبعدين مشي وسابها وساره قفلت الباب جامد وقعدت علي الارض ودموعها نزلت في صمت وكأنها بتطلع الضغوطات اللي كانت مكبوته في قلبها وروحها ..سليم اتاكد أن مفيش صوت برا تاني طلع بشويش وحذر شاف ساره منهاره علي الارض جري ناحيتها بقلق..

 وكان بيحاول يهديها وقال : اهدي عمره ما هيعمل حاجه طول ماانا موجود مسك ايديها بحنيه وبص ف عيونها ببراءة وحنيه وقومها من علي الارض وقعدو علي السرير وخدها في حضـ.نه وقال بهدوء : ششش خلاص يا ساره أنا جنبك متخافيش كدا تسبيني وتمشي وانا قالب عليكي الدنيا كلها وقت لما مشيتي كنت تايه في نص البحر ومش عارف ادور عليكي ولا الاقي طريق اوصلك بيه مش قولتلك متغبيش عني عشان قلبي متمسك بيكي وعلي فكرا بقا أنا ونهي أطلقنا .."

صدمه نزلت علي ساره زي الصقعه وقالت بضيق: لي كدا أنت سبتها عشاني الكلام ده لو صح يبقا مش عايزه اعرفك تاني ومش عايزه اكون السبب في فراقكم..

سليم بتنهيده : لا مش انتي لأن حاولت معاها اني ارجع لها كتير حتي اتنزلت عن كرامتي عشانها وتذليت قدامها زي العيل الصغير وفي الاخر قفلت صفحتنا بس كانت نيتي والله اني ارجعلها صدقيني يا ساره هعمل اى حاولت كتير معاها أنا غلطت وكسـ.رتها كتير ومنكرش ده بس هعمل اى تاني أهلها خدو عني فكرا تانيه خالص ومن ساعتها مش عارف اقرب منها ولا أهلها عايزين يفتحوا بابهم ليا ...

ساره مسحت دموعها وقالت بجمود: ياريت تحاول تاني عشانها ومعرفش انت جيت لي تاني ولي ظهرت ف حياتي تاني أنت و أمجد أنا كنت مرتاحه لوحدي بالله عليكوا سبوني ف حالي ...سليم بحزن : مقدرش ابعد لما صدقت لاقيتك وأمجد ده هطرده من حياتك ونعيش أنا وانتي اوعدك هنسيكي كل اللي فات متخافيش أنا ونهي مش متوافقين مع بعض وبيحصل مشاكل كتير ما بينا وحاولنا كتير مع بعض بس معرفناش كل واحد دماغه مختلفه عن التاني ومش شبه بعض أنا اتجوزتها عشان ارضي امي إنما محاولتش احبها أو كنت بحاول بس معرفتش انتي سرقتي قلبي يا ساره واكتشفت ده لما اعترفتي بحبك لاول مره ليا وانا كنت واخدها هزار وقولتلك انتي لسه صغيره فاكره يا ساره ساعتها قلبي افتكر حبك أنا بحبك يا ساره اديني فرصه اثبت اني بحبك بجد ومش اى كلام ...ساره كانت عندها صراع ما بين الحب والكره والبعد مش قادره تطلع الجواب الاخير اللي تقدر تريح نفسها ..سليم مسح أيده علي وشها بحنيه ساره قفلت عنيها بارتياح حست بأمان بمجرد لمسه ليها كانت حاسه انها في غابه وسط وحوش وانقذها منهم باحترافيه ونسيت كل حاجه وراحت لعالم تاني عالم في هدوء وسـ.كينة ودفء وحب كل ده سليم بيغذيها بحبه سليم قرب منها برغبه وشوق لمس وشه علي خدها كان بيمسح وشه فيها بحنيه وكان بيبو,سها بهدوء وكل ده ساره مستسلمه لي لحد لما نيمها بشويش وهنا هيرتكب جرـيمه بشعه فيها وهي مش حاسه وعقلها مش موجود كان سليم بيحاول ينزع هدومها بهدوء وهو نفسه عارف أنه غلط وهيندم باللي هيعمله بس مش قادر يشيل نفسه ساره فاقت لما لاقت سليم محوطها من النواحي و شافت صدـره عاـري قدامها ده كفيل أنه يخضها كان لسه هيبدا..

بس ساره كلمته بخوف: سليم ابعد بلاش أنا متجوزه متعملش كدا..كان سليم بيحاول يسيطر علي شهوـاته كان ناسي نفسه كل اللي قدامه أنه يشبع من ساره ..مفاقش غير لما ساره ضرـبته قلم وسليم صحي لنفسه وبعد عنها وقفل القميص بسرعه وساره بعدت عنه ودموعها انهمرت علي خدها وقالت بصوت مرتجف: كنت عايز تستغلني يا سليم !!! سليم بتوتر : ساره أنا آسف أنا مكنتش في وعي كويس اني معملتش حاجه انتي كويسه والله ومفيش حاجه حصلت دي مجرد حاجات سطحيه أنا آسف أنا عملت كدا عشان بحبك وانتي بتحبيني أنا آسف .. ساره بدموع:اطلع برا يا سليم أنا تعبانه عايزه انام "

سليم بندم: ساره والله أنا نيتي خير والله أنا بس العشم خدني بس والله انتي كويسه ومفيش حاجه حصلت..

ساره بدموع جامد: اطلع برا يا سليم مش هقول تاني ..سليم طلع بندم وساره فضلت تعيط علي حالها كلهم عايزنها عشان رغبتهم مش عشانها استنتجت كدا ...

عدي ايام كتيره وسليم بيحاول يكلم ساره بدون ماامجد يلمحهم وساره كل اللي عليها تمشي وتسيبه من غير كلام ولا سلام في مره سليم كان بيحاول مع ساره وهي طالعه للاوضه الاسانسير كان عطلان وساره طلعت علي رجليها وسليم وراها لحد لما وقفوا قدام السلم وساره زعقت في وقال : سليم أنا مبقتش طيقاك ابعد عني ."

سليم بندم وقلبه كان بيدق جامد: ساره صدقيني أنا بحبك والله بحبك مش زي ماانتي فاكره استحاله استغلك ده انا دورت عليكي بدـ.م قلبي عشان الاقيكي ساره ارجوكي افهميني انتي عارفه اني معملتش حاجه وانا غلطان مشاعري ليكي خانتني مسك ايديها وساره فضلت تضرـبه وقالت بدموع: كداب أنا لو كنت بتحبني مش هتفكر التفكير ده وبعدين فضلت تزقه بدموع وهو كان ندمان وحزين وساره فضلت تزقه بعنـف وقالت بكرهك يا سليم بكرهك!!"

 وسليم فضل يرجع لورا جامد وقال بحزن : وانا بحبك يا ساره! زقته اخر زقه بانهيار لدرجه انه وقع علي السلم بكل جسمه ملقاش نفسه غير لما وقع علي الارض ودماغه اتخطبت في سن السلم والدـ.م ساح علي الارض واغمي عليه ساره صوـتت بصوتها كله وقالت بصرـيخ :سلييييم!!! 

امجد طلع علي صرـيخ صوتها جري بسرعه يشوف في اى شافها حضـ.نه سليم وبتقوله : انا اسفه والله اسفه اصحي يا سليم انا مليش غيرك ونبي اصحي ... امجد بصوت جهوري وغضب مييين ده يا سااااره !!! بصت ساره وشهقت بخوف وقالت : ده ..ده امجد نزل وقرب منها وبص وهو الغضب متملك في عروقه اتصدم لما شاف وقال : مش ده الدكتور !!!  ساره أعصابها انهارت وجسمها بيترعش جامد وهي خايفه من امجد....وقال امجد بدهشه وغضب : انتي بتخونيني معاه !!!! ساره بصت عليه بدموع ورعب ووووو