سيلا بصت ليه بقلب مكسور وقالت:- 

بس أنا عاوزة أبقي جانبك يا جواد 

جواد كان بيكتم ألمه جواه و دموعه خانته قدامها و قال::-

وأنا مش عاوزك جنبي مش عاوز حد جنبي قومي روحي مكانك 

سيلا حطت اديها على كتفه و هو غمض عيونه بألم و صوت ألمه المكتوم خرج منه غصب عنه فسيلا شالت اديها بسرعة من عليه و هي بتعتذر لكنه اداها ظهره و هو بيقول بصوته اللي طالع بالعافية:- 

ارجعي مكانك عشان منتاذيش أنا وإنت أكتر من كدا 

سيلا مفهمتش كلامه لكن رجعت مكانها و دموعها على خدها و مقهورة من الوضع اللي هما فيه 

أما جواد كان مش قادر حتي يغمض عيونه و ينام من كتر الوجع اللي في جسمه و نفسه 

......

دلال( صاحبه سونا) كانت قاعدة ميته في جلدها من اللي شافته و بتبص على صورتها هي و سونا و سالت نفسها سؤال هي ليه سونا بتعمل كدا ، لا و مع إبن الراجل اللي نشلها من الضياع اللي كانت فيه 

أنا كدا مشتركه معاها في جرايمها و هتحاسب معاها لو اتمسكت 

بس أنا مليش دعوة أنا عاوزة أبقي بره اللعبه دي 

حطت اديها على دماغها و بقت تمشيها عليها بالراحة و العرق بقي مغرق جبينها و التوتر متمكن منها لابعد درجة ، توصلت إنها لازم تخلص نفسها و ضميرها من اللي بيحصل دا و خصوصاً أنها عارفه إن سونا هتستلم بكرة صفقة أطفال محترمه 

قامت لبست هدومها و بصت في الساعة لقت الوقت اتاخر جدا لكن مهتمتش 

فتحت باب الشقة و برقت لما لقت سونا قدمها 

- راحه فين في وقت زي دا يا دلال ؟! 

دلال بتوتر و خوف :- 

كنت مخنوقة شوية يا سونا و عاوزة اتمشي شوية 

تتمشى برضوا ولا عاوزة تخلصي مني ، بس أنا اللي هسبقك و هخلص منك قبل ما تفكري تبلغي عني 

حطت اديها حولين رقبتها و هي بتضغط عليها جامد و بتقول:- 

لية دا أنا شاركتك الجانب الخفي مني ، ليه عاوزة تعملي كدا ؟! 

لية مصره إنك تبقي واحدة من ضحاييا ؟! 

دلال حاطه لديها على ايد سونا اللي بتخنقها و مش بتتكلم لكن كلامها مش واضح خالص 

دلال بدأت تفقد اتزانها و تغيب عن الوعي و سونا السعادة متمكنه منها و غضبها عميها 

- فجأة فاقت و هي حاطة اديها على رقبتها و بتبص حوليها لقت نفسها قاعدة في صالون بيتها بعد ما غيرت هدومها 

الخوف اتملك منها و بقت تقول لنفسها و هي بتعيط:- 

طب أنا أعمل اية دلوقتي أنا بقيت حيرانه أكتر ، يا تري سونا هتسبني في حالي بعد ما أبلغ عنها ؟ دي واصلة و ممكن تعمل حاجة تاذيني أو تهرب هيا و تاذيني ، و دي حبايبها كتير يعني هتلاقي بدل الواحد عشرة عشان يهربوها

بس هي هتعرف إزاي إن أنا اللي بلغت 

دلال طلعت شريحة غير مسجلة و جابت رقم أبو جواد و بعتتله رسالة نصها 

" مراتك هي اللي خطفت إبنك و مش بس كدا دي بتعذبه كمان و الولد يعيني ميت من التعذيب اللي بيشوفه تحت اديها 

دا العنوان اللي ابنك و أطفال تانية موجودة فيه 

ختمت كلمها و بالعنوان" 

 خرجت الشريحة و كسرتها و هي بتعيط جامد و أخدت شنطتها و خرجت بره البيت 

.....

- اية اللي إنت بتقوليه دا ؟! دا أنا هقتلها......