فى بعدك تحطم جدران الحمايه ودموعى باتت سيول من المطر تحولت لفيضان من الحزن على فراقك 

ليتنى أنا ولست انت

كلمات تفيض من نفسا ضعيفه كنت انت مصدر قوتها 

ومصدر الأمان بالنسبه لها 😥

جريت ضي ونزلت على ركبتها ومسكت وش محمد ابوها 

واعده تهز فيه بانهيار  . ليه يا بابا  😭 ليه  متوجعش

قلبى قوم ارجوك يا بابا قوم لاااااااااااااااا 

قرب منهم ياسين بسرعه وجس نبض محمد لقه نبض بس 

ضعيف  وبصوت عالي . كررررريم بسرعه ساعدنى ناخد 

عم محمد ونطلع على المستشفى فى نبض بس ضعيف ساعدنى نحاول ننقذه 

شاله ياسين بمساعدة كريم وجرى على العربية 

راحت ريم تساعد ضي تقوم . ضي حبيبتي قومى على شان

نلحق عم محمد ضي 

ضي قامت معاها وهي منهارة وركبوا العربيه في طريقهم للمستشفى 

اول ما وصلوا المستشفى الممرضات جريوا اخدوا محمد منهم علي غرفه العمليات ياسين راح لضي اخدها في حضنه وقال. اهدي يا حبيبي هيكون بخير

ضي بعياط . بابا لو حصلوا حاجه مش هسامح نفسي ومش هسامحك ابدا يا يا سين قالت كده وهي بتطلع من حضنه وبتبص في عيونه بعزم 

ياسين بصلها بوجع وهو مقدر وجعها وعارف أن كل ده بسببه و عقله مش مستوعب أنه لو اتأخر لحظه كانت هي اللي هتبقي مكان محمد دلوقتي 

قاطع نظارتهم خروج الدكتور وهو زعلان علي الخبر اللي هيقوله 

الدكتور بأسف . للأسف انتم لما جبتم المريض كان النبض أتوقف حوالينا نعمل إنعاش بس مافيش فايده البقاء لله 

ضي بصت للدكتور بصدمه مش مستوعبه الكلمه اللي قالها جريت مسكت في الدكتور بانهيار وهي بتقول بعيلط لدرجه ان صوره الدكتور منغوشه. لاااااااا انت كداااب مستحيل ده يحصل بابا مش هيسبني ارجوك انقظه ارجوك 

ياسين جري مسكها وريم قربت منها حاولت تهديها بس مافيش فايده منهاره ومش عايزه تسيب الدكتور ومافيش غير كلمتين بس اللي بتقولهم . ارجوك انقظ بابا ارجوك 

ياسين بوجع. حبيبتي اهدي ضي ضي ضي قالها بصدمه لما لقاها وقعت علي الارض مغمي عليها وهي لسه بتردد نفس الكلمتين ارجوك انقظ بابا ارجوك 

ريم بعياط قالت . ضي 

ياسين نزل لمستوها وشالها واخدها غرفه من الغرف وجت الدكتوره تكشف عليا بعد ما خلصت كشف قالت. المدام جالها حالت انهيار عصبي جامد سبب لإجهاضها 

ياسين بصلها بصدمه. إجهاض 

الدكتوره باستغراب. انت متعرفش أن المدام كانت حامل 

ياسين وهو لسه في حالة الصدمه. لا 

الدكتوره بأسف . للاسف هي كانت حامل بس بسبب اللي حصلها اجهضت إن شاء الله ربنا يعوضكم مره تانيه عن اذنك 

خرجت الدكتوره وياسين قرب من ضي بوجع ودموع وهو بيقول . انا اسف عارف اني لو اتأسفت كتير مش هقدر اخليكي تسامحيني بس زي ما انتي موجوعة أنا كمان كده لان خسرت حته مني ومنك جواكي اوعدك اني هدفعهم التمن غالي اوي للي كان السبب اوعدك يا حبيبتي قال كده بغل وقهر ومسك ايد ضي وباسها وقعد يعيط وهو بيقول . بس هخليكي تسامحيني لاني مش هقدر اعيش من غيرك هتسامحيني يا ضي 

ضي فاقت في اللحظه ضي وهي دايخه حاولت تقوم لقت ياسين ماسك ايديها وبيعيط ياسين لقها بتحاول تقوم قام يساعدها وهو بيقولها . حبيبتي انت لازم ترتاحي الدكتوره قالت كده عل

لسه هيكمل كلمته لقه ضي بتزقه بعيد عنها وهي بتقول بقهر وغل وصريخ . متقولش حبيبتي انا مش حبيبتك أنا بكرهك يا ياسين بكرهك 

ياسين بصلها بوجع وقال. ضي 

ضي قاطعته وهي بتقول بزعيق. متنطقش اسمي علي لسانك القزر ده ابدا حالوت تقوم من علي السرير وهي بتكمل كلامها وبتقول بدموع . انت السبب من لما دخلت حياتي وهي كلها مشاكل في مشاكل كل ده علشان انتقام تافه منك بس الحق مش عليك الحق عليا اني كملت في علاقه زي دي الحق عليا لما سلمت نفسي وقلبى  ليك وكان في امل جويا بيقول انك ممكن تتغير بس لا ياسين السيوفي مستحيل يتغير مستحيل 

رجعت قعدت علي السرير مره تانيه وهي بتقول بقهر. انا غبيه كنت متوقعه ايه من راجل دخل لمراته في ليله دخلتهم بيقول لها اعرفك بمراتي وحبيبتي واللي مستحيل احب غيرها انتي مش مقامي ومش هعتبرك مراتي في يوم من الايام 

قامت وقفت مره تانيه وهي بترفع صوبعها في وشه وهي بتقول بغل. بس اللي كنت معتبرها مقامك ياسى ياسين هي السبب في موت بابا انهاردة هي السبب في خطفي هي السبب ومش لوحدها انت كمان السبب يا ياسين السويفي قالت اخر كلمتين بزعيق وكملت بقهر . انت السبب 

ياسين حاول يقرب منها أو يتكلم بس منعته وهي بتقول . لو حاولت تقرب مني صدقني هقتل نفسي واروح لبابا فاهم ابعد عني خالص قالت كده وبعدين خرجت بره الاوضه

طلعت ضي متجها لغرفه بابها لقت فايز وناديه وروقيه ومحمود جم وروقيه قاعده منهاره وناديه وريم بيحولوا يهدوها ومحمود قاعد بيعيط وكريم وفايز نفس الشيء بيهدوه و فايز اصلا بيعيط علي اخوه مش مصدق أن بعد ما رجعوا واتلموا وبقوا عيله واحده يسبهم ويمشوا بطريقه دي ضي جريت علي ماماتها حضنتها وهي بتعيط وبتقول . انا اسفه انا اسفه سامحيني يا امي كل ده بسببي الرصاصة كانت قصداني أنا انا السبب يا امي سامحيني لو سمحتي 

روقيه حضنتها وهي بتقول بدموع وزعل علي بنتها . اهدي يا حبيبتي متقوليش كده ده قضاء وقدر ده عمره مكتوبله يعيش العمر ده لو مكتبله يعيش كان عاش ده قدر يا بنتي ولازم تؤمني بيه 

ضي فضلت تعيط في حضن ماماتها وريم وناديه بيهدوا فيها 

أما عند ياسين ومن لما سابته ضي وهو مخنوق موجوع مقهور مش قادر يستوعب انه وصلها للحاله دي بإيده هو السبب بيقول لنفسه امال لو عرفت انها كانت حامل ايه اللي هيحصل هتكرهوا اكتر ما هي كرها  سكت مش عارف ممكن تعمل ايه لما تعرف

في اليوم التالي بدأت مراسم الدفن ضي رفضت أن ياسين يدفن ابوها نزل محمود وكريم و فايز هما يدفنوا ضي شايفه ابوها بيدفن قدامها مش مصدقه أنه خلاص سابها وأنه مبقاش معاها رفضت أنه يسبها مسكت فى نعش ونهارت جريت عليها ريم ورقيه مسكوها وهى بتقول. لا بابا لا متبعدش عنى ارجوك بابا مقدرش يستحمل ياسين مناظرها وهى منهاره جرى عليها واخدها شدها  فى حضنه بدأت ضي 

ترجع بذكرياتها معاه وبدأت تشوف اهتماموا بيها لما كانت صغيره ولا لما كانت تعمل حاجه غلط وامها تيجي تعقبها تروح تحتمي فيه ولا لما كانت تجيب درجه حلوه في الامتحان وتروح تحضنه وكان يكفأها ولا لما كانت ترسم رسمه كانت تبقي هي وهو وأخوها ماسكين أيده وبيتفسحوا وتوريله الرسمه وهو يحضنها ويقول احله رسمه في الدنيا مع انها مش قد كده وممكن  بس كان بيجبر بخطارها كل الذكريات جت في دماغها وهي بتعيط ومش مصدقه أنه خلاص سابها ومشي

أنا مش قادرة أصدق لسه إن انت سايبني 

وإني خلاص مش ممكن اشوفك وتكلمني

، طب مين بعدك يدي حنانك ويطمني 

مين هيطبطب ..  مين هشكيله وهَرمي عليه..

 راح السند اللي مقويني وبتحمى فيه  ..

 مكسور ضهري واحساس عمري ما حسيت به

أنا مشبعتش منك لسه ناقصني امان 

اااه لو ينفع ترجع اشوفك حبه كمان 

انت سامعني رد عليا انا  قلبي وجعني 

الايام من بعدك صعبة ربنا بقى على تعبي يعيني.. 

فقدت ضي وعيها وهى فى حضن ياسين شالها ياسين بسرعه وجرى بيها على سيارته وانطلق بيها 

وهو فى الطريق للفيلا اتصل بيه فهد 

ياسين بغضب . مسكت ابن الكل*ب ده يافهد 

فهد بأسف . هرب من القوه يا ياسين بس هوعدك أنى 

مش هسيبه

ياسين بحده . انت قلت لى اصبر  على شان تمسكهم 

متلبسين بالقضية وانا سكت وكمل بغضب وصراخ 

شفت اخرت سكوتى اتخطفت مراتى وكان ممكن تتقتل وفداها حمايه مات هو انا هخلص عليهم بنفسى

فهد بيحاول يهديه . انا مقدر اللى انت فيه وده قدر يا ياسين

وصدق حقك وحق مراتك وحق حماك هتخده 

خلاص الشحنه بتاعت شركتك وصلت بالبضاعه وهما 

هيخدها على شان يوزعوها صدقنى هما تحت عينى 

هانت وحقك هيتاخد بس أهدى  واصبر على شان مضيعش

كل اللى عملناه

قفل ياسين مع فهد وهو بيفكر ايه اللى هيحصل بكره

وصل الفيلا وشال ضي وطلع على غرفته وحطها على 

السرير وبدأ يفوقها بدأت ضي تفوق و .............

للحكايه بقيه بقلم حنان احمد ماهر