فاقت ضي في مكان مهجور وهى مربوطة علي كرسي ومتقيده من كل النواحي المكان ضلمه مفهيوش غير ضوء ابيض بسيط جدا متصوب ناحيه الكرسي اللي قاعده في ضي مش مستوعبه هي فين واخر حاجه فكراها أن كانت بتتكلم قدام المول وبعد كده مش فاكره حاجه الخوف سيطر عليها ومبقاش عارفه تعمل كل اللي جه في بالها أنها تصرخ باعلي صوتها 

ضي بصراخ. انا فين انتوا مين مين اللي جابني هنا حد هنا سامعني  اي حد يرد  عليا

شخص جي من الظلام وبيبتسم بخبث وبيقول . جرا ايه يا قطه شايف الماخلب اتخبت وبقيتي قطه كيوت خلاص وبتخافى 

ضي هديت وهي بتسمع الصوت وبتحاول تركز في حاسه ان الصوت ده مش غريب عليها قالت بتساؤل . مين انت مين 

الشخص ظهر من الظلام و وقف قدامها 

ضي بصدمه . رامي 

رامي بضحك. ايه  ده انا كنت فاكر اني هتنسي واني مليش قيمه يا قطه بس طلعت بتحفظ بسرعه ومتقدريش تنسيني قال كده وهو بيغمزلها بواقحه 

ضي بقوه واشمئزاز . انت حيوان عايز مني ايه 

رامي بابتسامة بارده  .  هو انتي فاكره أن نسيت القلم اللي انتي اديتهولي لا يا حلوه تبقي بتحلمي وان جيتي للحق انا اصلا عملت شو عليكي أنا وقعتك فى حضنى قصد علشان سي ياسين يطلقك بس طلعتي غاليا عند البيه اوي ف قولت لازم اخلص منك خالص  ايه رايك في ده ياحلوه

ضي بعصبيه وغضب . انت واحد حيوان وساف*ل ومنح*ط كنت عارفه انه اكيد هيبقي انت مافيش واحد بيفكر بالقزاره دي غيرك 

رامي بنفس الابتسامه المستفزة. لا فى غيري  شخص تاني ساعدني في الموضوع ده كله وعملك فخ انما ايه سهل اوى وحده عبيطه وسيزجه زيك تصدقه 

ضي مش فاهمه هو بيتكلم علي ايه ومين قصده بالشخص ده اتصدمت أول ما دخلت سيلا  الاوضه ووقفت حضنت رامي وهي بتقول. ليه كده يا بيبي أنا مكنتش عايزه احرق المفاجأة دلوقتي مش كله في أوانه 

رامي وهو بيلف أيده حولينها وبياخده في حضنه غير مبالي بلي قاعده قدامهم . معلش يا قلبي قلت تاخد صدمتها كلها مره واحده 

ضي مش مستوعبه اللي بيحصل قدامها ازاي سيلا في حضن راجل تاني والاسوء أن اللي حصل معاها ومرضها والخناقه اللي حصلت ما بينها ومابين ياسين كانت بسببها هي لا وكمان خطفنها 

سيلا ضحكت علي شكلها بعدت عن حضن رامي وقربت منها وقالت بضحك . ايه يا ضي مالك يا حبيبتي ده لسه التقيل جاي ولا ايه هههههههه مش قادره منظرك فظيييع ههههههه

ضي مصدومه من طريقه كلامها مش مصدقه أن دي سيلا اللي كانت بتمثل عليهم البراءة والطيبه بصتلها وقالت لها . ليه ليه عملتي معايا كده عملتلك ايه ده انا وقفت معاكي في مرضك ووقفت معاكي في موضوع الحيوان اللي وراكي وفى الاخر تطلعوا متفقين عليا عملت معاكي ايه ليه قالت اخر كلمه بزعيق 

سيلا ببرود. انت اللى  دخلتي حياتي وحطيتى عينك على جوزى وبوظتي خططتي وقعدتي تدخلي في حاجات متخصكيش ورسمه دور البرأه وطيبه ياحرام

 كل شويه سيلا حبيبتي انتي كويسه 

سيلا معلش أنا هسعدك ده احنا زي الاخوات .

 تصدقي كنتي بتصعبي عليا وانتي مفكره اني تعبانه ومريضه 

ضي باشمئزاز . انا مشفتفش اقزر من دماغك بجد مشفتش كده 

رامي ادخل وقال بضحك . امال لما تعرفي أحنا خطافينك ليه هاتقولي علينا مافيا سيلا ضحكت معه وكملت هي الكلام وقالت. انا هقولها يا رامي استني خاطفينك علشان نيهدد ياسين بيكي اهو طلعتي هتنفعي بمصلحة 

ضي بصتلها وكنت مصدومه من اللي قالته . و انتي مفكره ان ياسين مهتم بيه أصلا وهينفذ  طلبتكم تبقي بتحلمي أنا ولا حاجه بالنسبة لياسين بس تصدقى هو صعبان عليا أنه حب وتخدع فى وحده زيك

سيلا بضحكت  . كويس انك عارفه أمتك أن ياسين ده خاتم في صباعي بحركه زي ما انا عايزه ويا عيني الواد ديب في دباديبي دوب هههههههههه فضلت تضحك ورامي يضحك معاها 

 رامي . خلاص يا حبيبتي تعالي انتي نسيبها تستوعب صدمتها براحتها وتعيش اللحظه ياله يا حبي

 وسبوها ومشيوا واول ما مشيوا نهارت . يارب ساعدني مليش غيرك يارب 

قبل شويه بالوقت ده واول ما ضي اتخطفت كانت ساعتها ريم شافتها وملحقتش حتي تصوت لأنها اختفت عن انتظارها طلعت بره المول اللي كانت فيه لقيت تليفون ضي واقع علي الارض اول ما مسكته لقت ياسين بيتصل ردت عليه بسرعه ودموع وهي منهاره. ياسين 

ياسين قلبه اتقبض ليه ريم هي اللي ترد عليه مش ضي .  بتعيطي ليه ياريم فين ضي وانتى بترودى على تليفونها ليه

في النفس الوقت دخل كريم مكتب ياسين وال ما سمع اسم ريم خاف ليكون حصلهم حاجه 

ياسين بخوف . ريم ردي ضي حصلها حاجه 

 ردي علياااا ايه اللي حصل 

كريم لما شافه كده اخد منه التليفون وفتح الاسبيكر وقال بهدوء بيحوال يخبي خوفه . حبيبتي اهدي وردي عليا علشان لو حصل حاجه نلحق نتصرف خدي نفس وردي عليا يا قلبي طمنينا عليكم ايه اللي حصل 

ريم بدموع وبتتكلم بس الكلام بيخرج منها متقطع. ضضضي ااااتخطف...ت ي..ي.يا ككك.رييم اتختفط قدام عينى وملحقتهاش 

ياسين اول ما سمع الجمله دي قلبه وقع في رجليه اتخطفت ازاي وليه اتخطفت مسك مفاتيح عربيته من علي المكتب وبقه يجري زي المجنون عايز يعرف ايه اللى حصل معاها ويرجعها  لقلبه حتى لو كلفه عمره

كريم شافه كده جري وراه وهو بيكلم ريم . حبيبتي اهدي خليكي عندك واحنا جايين في الطريق بسرعه يا قلبي احنا جايين متخافيش 

وهما نازلين فجأة لقوا في وشهم محمد كان جي طالع علي الشركه كان جي يتكلم مع كريم في مواضيع بخصوص ريم بس لما لقهم كده وقفهم وقال بقلق . في ايه يا ولاد مالكوا بتجروا كده ليه 

ياسين نزل عيونه في الأرض ازاي يقول إنه مقدرش يحمي بنته 

كريم مقدرش يخبى عنه ورد بخوف . اللي حصل أن ضي اتخطفت يا عمي 

محمد اول ما سمع الجمله دي حس بنغز في قلبه وحط أيده على سدره . ايه اللي بتقولوا ده بنته أنا اللى اتخطفت ليه

مين ممكن يعمل كده  

 ياسين  . صدقني يا عمي أنا هرجع ضي من غير ما يحصلها اي حاجه هنرجع بيتها النهارده واللى عمل كده هيدفع التمن غالى  وده وعد مني 

محمد بصله بألم وهو بيهز رأسه . ربنا يسترها مع

بنتى  يلا أنا جاى معاكم

ركبوا كلهم العربيه وهما متجهين ناحيه المول وفي العربيه ياسين اتصل بفهد وحاكى له اللى حصل لمراته وهو قاله أنه هيجيب قوه وهيحصله

في المول وصل ياسين ومعاه كريم ومحمد  لقه ريم قاعده قدام المول ومنهاره من العياط قرب منها كريم اللي اتكلم علشان عارف ياسين هيتعصب وريم مش هتقدر تتكلم وهو مقدر خفوهم ف علشان ميوترش الجو اكتر اتكلم هو بيقرب من ريم  . حبيبتي اهدي كده وقولي انتي شوفتي ايه ساعتها القوه كانت جت وقربت منهم 

ريم حولت تستجمع نفسها وبدأت تحكي ايه اللي حصل من ساعت ما جه تليفون لضي 

بعد ما ريم حكت كل حاجه كان ساعتها ياسين بيغلي من جوه وهو متوقع مين السبب في خطف ضي بين غير كده 

فهد. احنا دلوقتي هنشوف كاميرات المراقبة ونحدد مين السبب في الخطف

ياسين بجمود. مش محتاجين نعمل ده انا هقدر احدد مكانها 

فهد باستغراب. ازاي يعني 

ياسين . انا حاطط في الدبله بتاعت ضي جاهز تعقب صغير هيقدر يوصلنا ليها 

كريم. طب يلا مستني ايه خلينا نلحقها 

ياسين فتح البرنامج من عنده وعرفوا مكان ضي واتجهوا في طريقهم علشان يلحقوها 

عند سيلا ورامي كانوا قاعدين بس فجأة جه زي انذار كده في تليفون سيلا 

رامي باستغراب. ايه ده يا حبيبتي 

سيلا قامت اتنفضت . ياسين جاي 

رامي قام وقف. ازاي عرفتي منين 

سيلا  بخوف . انت نسيت اني عامله برنامج علي تليفونوا علشان اتعقبه 

رامي . طب هنعمل ايه دلوقتي 

سيلا. هنعمل ايه في ايه انا لازم اروح من هنا قبل ما يجي ويشوفني وانت اتخلص من اللي اسمها ضي دي بسرعه 

في العربيه كان ياسين بيسوق بأقصي سرعة عنده لحد ما وصل المكان واللي هو مخزن اللي ضي كانت فيه نزل من العربيه جري كانت ساعتها سيلا خارجه من الباب التاني واول ما سمعت أن في عربيات قربت عليهم حالوت تجري بأقصي سرعه عندها علشان متكشفش 

أما عن ياسين والباقي ف دخلوا المكان ياسين دخل المخزن وكان بينادي بصوت عالي . ضي حبيبتي ضي

ضي سمعته ابتسمت وقالت.  ياسين 

ياسين سمعها واتجه ناحيه ما هي موجوده 

كان ساعتها رامي ومعاه راجلين تانين داخلين علشان يخلصوا من ضي واول ما سمعوا ياسين استخبوا ورامي قال للي معاه . واحد فيكم يلهى اللي اسمه ياسين والتاني يضرب الرصاصه عليها بسرعه 

ياسين اول ما شاف ضي مربوطه قلبه وجعه جدا وراح فكها وهو دموعه في عينه. اسف يا حبيبتي اسف علي اللي عشتيه اسف يا قلبي 

ضي بتبصله وهي بتبتسم علي خوفه عليها بس فجأه ابتسامتها بتختفي وهي بتقول بسرعه وخوف . ياسين حاسب

كان الراجل التاني معاه شوما كبيره وبيصوبها ناحيه ياسين ولسه هيضربه ياسين مسك الشومه واشتبكوا مع بعض ساعتها كريم وريم ومحمد وفهد والقوه دخلوا وباقي القوه بره بينتشرو فى المكان علشان محدش يهرب 

في الوقت اللي ياسين كان مشتبك مع الراجل ده محمد شاف مسدس متصوب ناحيه بنته وبدون سابق انذار الرصاصه انتقلت من المسدس 

الكل كان في حاله صمت ماعدا هي واللي صرخت بعلو صوتها والدموع محجره في عينها.باباااااااااااااااااااااااااا