كانت ديمه تقف وسط الحفله وقررت ان تتخلص من كل ما هيا فيه فهيا لم تعد تحتمل ان توصم بهذا العار بعد الان احست ان حياتها سرقت نعم له حق يشك نعم كل الادله ضدها ولكن يكفي هذا ماذا ستخسر اكثر من ذلك تريد ان تجعله يخرجها نهائيا من حياته لانها لم تعد تحتمل ميف ستعيش يطلب ان تكون له بلي صوره وهيا من عشقها لن تستطيع ان تقف له ...

ابتعدت عن رائف وقالت وصوتها يعلو ... مستر فادي يا ريت تقف جنب مستر رائف اصل فيه عمليه نصب حصلت عليه ولازم نقف جنبه.

تجمد رائف وخفق قلبه من كلامها نظر اليها برهبه وذهول .

ليهتف فادي ....نصب ايه لا احنا طبعا مانرضاش بكده فيه ايه يا رائف.

لتضحك وتهتف.. قولهم يا رائف بيه ان فيه واحده نصابه نصبت عليك ولازم تتخلص من النصب ده . 

قال فادي.... انا موجود يا رائف فيه ايه. انت عارف ان مكتبي من اكبر مكاتب المحاماه وانت اتعاملت معانا قبل كده .

لتضحك وتهتف.. قوله يا رائف بيه خليه يقف جنبك و يخلصك من النصابه اللي دخلت حياتك اخلص منها اخلص عشان تتفرغ للانسه داليا.

ليقترب شوكت..... هيحصل يا هانم هيحصل وبنتي هتتجوز رائف ويخلص هو وينضف.

دمعت عينها لتدير راسها .. يا ريت يا شوكت بيه وعيشو وانبسطو.

اقتربت من رائف وهمست... قول لفادي يخلصك مني قوله يخلصك من اللي نصبت عليك خلينا نخلص واتجوز .قول لفادي قدام الناس اني نصابه مايهمني بساغ. وعارف اليوم اللي هتطلقتي فيه هتخطب لعمر عارف ليه عشان عمر راجل هستني اشهر واتجوز بعد العده تاني يوم .عشان اللي انت فاكرها نصابه غيرك هيموت عليه. 

استدارت .... مستر فادي تعالي وانا اقولك مين الهانم اللي نصبت علي رائف بيه هيا......

هنا لم يحتمل رائف وشعر بالجنون من كلامها احس انها جنت او مست كيف تفضح نفسها ... ليشدها بقوه ويخرج بها وورائهم عمر كان خائفا عليها كان يشدها بعنف مشتعلا من تلك الفضيحه وكيف تريد أن تتخلص منه ليجري عمر ويلحقهم .

قال  رائف بعنف ... باقي علي عمرك قرب انا ممكن اقتلكو انتو الاتنين.

لتصرخ وتضربه..... اوعي اوعي انا هخلعك انا مش عايزاك يا اخي انت ايه مابتحسش.

ليلوي ذراعها.... انت تخرسي خالص عشان ليلتك سوده.

اقترب عمر يحاول ان يبعده ليرزعه رائف بوكسا صرخ ....هقتلك لو قربت اقسم بالله ليدفعها داخل العربه فصرخت ليندفع بالعربيه ويذهب بعيدا وهيا تضربه استدار ورزعها في جانب العربه فصرخت بخوف ..

هتف غاضبا  ..... لمي نفسك هاه عشان يمين بالله هخش بينا في لوري والا حاجه نخلص انا ماعت مستحمل. لتخاف منه فوجدته يخرج علي الطريق .. انت رايح فين.. الا انه لم يرد شعرت برهبه عندما وجدته ياخدهم الي الكوخ رجف قلبها ....انت جايبني هنا ليه.

صرخ.. عشان ألم اللي طاح واعلمك الادب وتعرفي ان رائف مايتحرقش قلبه هاه ...نزل وشدها وهيا تتملص منه صعد بها ورزعها علي الفراش لتنكمش ظل يدور ويخبط ما أمامه ليستدير ويهجم عليها ويمسك رقبتها .

ويصرخ.. قولي كنت عايزه ايه هاه كنتي عايز تخلعيني هاه وتروحي تتجوزي سي عمر هاه عايزه تسيبي رائف لتهم ان تتكلم .

ضغط علي رقبتها وصرخ ....اخرسي اخرسي انا محروق.. قالعالي وواقفه الكل يبص ليه متجوزه سوسن اريل مانيش راجل.. اه صحيح مانا هتخلع مانا مش راجل في نظرك. كان يضغط عليها لتدمع عينها وتسيل دموعها بقهر ووجع منه .

نظر اليها فقال صارخا بحرقه .... بتبصيلي كده ليه اعمل ايه عايزك رائف عايزك وهيموت عليكي بتحرقيلي قلبي ليه انا هتجنن عليكي اموتك دلوقتي واموت نفسي انا عايزك مراتي حبيبتي عايزه تبعدي وتتجوزي اموتك ساعتها والله اموتك ماقدر اسيبك لحظه انت بتاعتي بتاعه رائف.عايزه تفضحي الدنيا وتخليني اسيبك مش هيحصل لو البلد كلها عرفت برضه مش هسيبك انا ما عتش يهمني مخلوق هقول للدنيا انك مراتي عايزك.

صرخت ...وهتقول ايه اني نضبت عليك.

والله لو اللي قال قال مايهمنيش انت تهميني انت وبس ولا بفكر غير انك تكوني في حضني   ولو عايزاني ماتجوزش داليا هسيبها عشانك اعمل اي حاجه عشانك انا خلاص والله خلاص .

اجهشت بالبكاء فلم تعد تحتمل احتضنها بقوه لتضربه بشده فهيا لم تعد قادره ان تقاوم حبه اكثر من ذلك شدها اليه وجلس وكلبش فيها وهيا تبكي بشده تنهد بغلب.. طب ليه هنفضل كده نعذب بعض انا مش هسيبك اعمل ايه قولي. ديما انا بحبك والله بحبك انت ليه مش حاسه بحبي وبمشاعري ...طب اعمل ايه عايز تبعدي ليه انت بتحبيني وانا حبي زاد ...

ايه داليا خلاص والله خلاص ومد يده الي دبله داليا وخلعها ورماها بعيدا ..اهوه انا بتاعك لوحدك وهقف للكل عمي هقف ليه ماحدش هيفتح بقه عليكي .ظل يحاوطها ويحتضنها ويمسد عليها لتهدا اخيرا بين يديه اراحها في الفراش.. ممكن تهدي ممكن وانا هعملك اللي انت عايزاه .

نظرت اليه بقهر لتهمس.... هتعمل ايه برضه فلوس.

تنهد... لا قولي انت عايزه ايه.

نظرت اليه بوجع  وتسيل دموعها.. لتضع يدها علي قلبه كان نفسي تحس بيا وتحس اني ماكدبتش عليك.

تنهد مراضيا ...حاضر هحس وهعمل اللي بتريديه بس اهدي. اي حاجه تامري بيها هعملها .

هزت راسها بياس وهمست.... انت بتاخدني علي اد عقلي انت فاكرني ايه.

رفع وجهها .....فاكرك حبيبتي وروحي.. اهبل واحده لما تفكري تبعدي تفكري تبقي لغيري. ديمه مهما عملتي وبعدتي انت اخرك حضني.ديمه طيب ادينا فرصه والله بحبك لا بعشقك نفسي افرحك وافرح نفسي الغي من حياتنا اي حاجه .عايزك تبقي مراتي قدام الكل عايز اصرخ واقول ديمه مراتي .انت لوحدك من غير اي حد .هتخلي عن الدنيا عشانك ..مسك يدها ووضعها علي قلبه ..والله ده بيحس وبيحب بسببك انا ماكتتش بحس انا واحد جاحد ومغرور اه بعترف وكنت بكره الستات مامتخيل اني اقف قدام حد واقول عايز .بس انا مش مستعد بس اقف لا ...شدها واعتدل ونزل علي ركبته ونظر اليها ..اقبليني بالله عليكي اقبليني باي صوره في حياتك واي ترضيه مني انا هعملها .،اسف علي كلامي زمان اسف علي اهانتي ليكي اسف علي اي وجعك... .بحبك والله بحبك .

كان راكعا يرجوها ليرق قلبها فيبدو عليه الالم والتاثر ونبرات حبه الصادقه اوجعتها تعلم انه يحبها ولكن ما يقف بينهم عدم تصديقها . لتهمس بلين ووجع...  لا مش عايزه خلاص انت وحش.

تنهد وقام وجلس بجوارها  يداعبها.. اه وحش وهبقي حلو زي ماتحبي من ايديك دي لايدك دي بس تعقلي ماتحرقليش قلبي.

قالت بطفوليه .. مالي بيك مالكش دعوه بيا خلاص هخلعك .

تنهد وكبت نفسه... واهون عالقمر اللي هموت عليه اهون عليه يخلعني ويخلع قلبي والله هعملك اللي عايزاه.. لتهز راسها مش عايزاك بطل .

حاوطها واراحها عالفراش ..بدا داعب جسدها.. بقي مش عايزه رائف دا رائف هيموت عليكي بصيلي طيب .رفع وجهها لتجد في عيونه نظرات اهلكتها كانت مشاعره محترقه من بعدها وخوفه من تهورها 

همس همس عاشق .... رائف اهوه دايب في القمر هيتجنن عليه والله هيتجنن لتهز راسها ليهتف.. والله مابكدب والله عايزك ليا عمري كله اهون عليكي تسيبيني ماعرفش اعيش من غيرك .. انت كنتي هتخليني اقتلك انهارده من حرقه قلبي.

قالت بوجع..... بطل كدب انت لو بتحبني كنت صدقتني ..تذكرت احتضانه لداليا لتدفعه ....واه روح ارشق في حضن السحليه اللي  كت محضن فيها يلا امشي.

تنهد ....دا غلب ايه ده ليقوم ويقترب.. انا مش عايز سحالي انا عايز حبيبي والله اهوه براضيكي شوفي تتراضي ازاي.

قالت بغضب فهيا تريده وتريد حياتها معه خاصتا بعد كلامه ولكنها موجوعه .. سيبني بقه ماعرفش مش عايزه اتراضي انا يلا و روح دلوقتي مش عايزه اشوفك.

اقترب وشدها..وركنها بالخائط ...لا هتشوفيني وهتبقي في حضني وهتكوني ليا وانا ليكي وبس ..قبل جانب شفتيها ..انت اغلي من نور عيوني انت دنيه رائف الجديده ..نظر اليها بهيام رفع وجهها وهمس بحبك ...

كان قلبها يدق بعنف ..همس وركن عليها ..اوعدك اني هكون زي مانت عايزه واكون ليكي سند واستحاله اخلي مخلوق ياذيكي ..رفعت عيونها اليه دامعه تتاثر من كم المشاعر الخاصه به هنس ولمس شفتيها والله بحبك ...احتت راسها تنهد بغلب ..يا رب الصبر. . طب هروح اجيب حاجات نقضي هنا واوعدك اننا هنخرج من هنا وهننسي كل حاجه  يومين ليشدها بس علي الاقل اهدي قلبي شويه  ده لينهال عليها يقبلها بقوه وهيا تتجلد ولا تستسلم له تنهد.. وابتعد وقبل يدها.. اوعدك أن كل حاجه هتبقي كويسه. والله اوعدك ان كل اللي جاي حب وبس مش هسمح لحاجه تعكر صفو حياتنا خلاص ...

استدار وتركها ورحل لتجلس وقلبها يخفق بشده.. لتهتف انت بتحبيه ومش هتقدري تسيبيه اهدي بقه وشوفي هتعملي ايه .انت بعدك عنه موت ايه اسكت وخلاص اهو مش هيجوز الزفته جايز قدام يعرف ماهو برضه انت مصيبتك كبيره ومافيش حد معاكي يقف جنبك . ولا يثبت برائتك .

لتستدير وتجلس تفكر مر الوقت سمعت صوتا بالأسفل لتقوم وتظن انه زوجها نزلت وجدت احد الملثمين يقف في منتصف الصاله خافت وارتعبت واسرعت كي تهرب منهم .هجم عليها الرجل لتصرخ اندفع وحملها  وهيا تقاومه ليخبطها علي رأسها ليغشي عليها علي الفور .

اخذها ورحل ورتب الرجال بقيه الكوخ كان لم يحدث به شئ ورحلو كان شيئا لم يمر هنا  .

كانت ديمه نائمه لتفيق وجدت نفسها في مكان لا تعرفه تشعر بدوار فتحت عينها لترتعب فكان هناك شوكت يقف هناك ينظر اليها بغل.. 

قال شامتا ... ايه انت فاكره ان الدنيا هتكمل كده وتضحكي عالواد الاهبل اللي بيريل عليكي.

صرخت... انت عايز ايه منك لله . انت مش كفايه اللي عملته فيا مش كفايه.

ليقترب ويمسكها من شعرها.. لا مش كفايه انت بوظتي كل خططتي  كان لازم اخلص عليكي.

صرخت..... حرام عليك عندي ابني حرام عليك.

ضحك...... ابنك هتربيه داليا خلاص وانت بقي يا شحاته هنخلص عليكي بس الاول تمضيلي هنا.

لتنظر اليه بقهر.... امضي علي ايه انا مش همضي علي كل حاجه.

قال بغضب ..... لاااا لا يا ماما... انت هتمضي عالاربعين في الميه اللي سميه كتبتهملك.

صرخت ....يعني انت عارف ان سميه كتبته وبتكدب يا كداب وتقول لرائف عليا نصابه.

صرخ بغضب... امال عايزاني اقوله ايه هاه..... لااا انا لعبتها صح خفيت كل حاجه حتي التليفونات والصوره من الكوخ انا ضبطت الدنيا وخدته عندي وجبت كلو يشهد ودفعت دم قلبي .. عايزه بعد ده كله اشوفه بيريل عليكي اسيبه بعد التخطيط ده كله.

صرخت.. انت جاحد حرام عليك انت مابتشبعش.

قال ضاحكا .... انا كل اللي يهمني الفلوس وبس وبعدها هخلص عليكي.

لتهتف.. وتقول ايه لما يلاقي الفلوس باسمك.

ضحك بشده . لا هيا هتبقي باسم رائف برضه عشان لما اموتك الفلوس ماتروحيش لابنك وانا بقه اعرف اضبط اموري هنقول انك خفتي منه وبعتيله الجواب ده وطفشتي ومش بعيد نقول انك شوفتيلك شوفه اهو اللي هنقدر عليه هنعملو بس تمضي علي الحاجات.

لتنتحب بقهر ... حرام عليك سيبني امشي اربي ابني.

ضحك.. علي فكره ممكن ابنك يحصلك عادي هبعته لك.

لترتعب وتصرخ... انت ايه منك لله انت شر انت شيطان.

صرخ.. هتمضي والا ايه هاه انجزي.. اقترب وضربها بشده لتهلك بين يديه لتمضي اخيرا علي الورق بعد ان اذاقها العذاب ليرميها جانبا.. بكده يبقي خلاص نرتب دنيتنا بقه وانت تترمي هنا لحد مانشوف هعمل معاكي ايه ليستدير للحرس البت دي لو اتحركت اقتلوها فاهمين.

ليتركهم ويرحل لتجلس هيا منهاره تنعي حظها.

عاد رائف الي الكوخ ومعه الكثير من الأشياء علي امل ان يلين راسها بمكوثهم بمفردهم لفتره يحاول ان يسقيها من عشقه فهو لت يدع اي شيء يبعدها عنه مهما كان ...ليعود ويضع الأشياء في التلاجه يرصها ويبدا في تحضير وجبه فاخره لها ..

ثم اتصل بملك يخبرها انهم سيقضون يومين معا ويكلم ابنه ايضا وراضاه ووعده ان ياتي به بعد يومين ...اينتهي وصعد بصنيه الطعام ودخل عليها مبتسما  ليبهت قليلا فهي ليست بالداخل..وضع الصينيه  ليدور يبحث عنها فلم يجدها .

..... راحت فين دي ليتنهد يا رب هعيش في الغلب ده لحد امتي كان يدور استدار فوجد ورقه قطب جبينه ليتجه اليها يفتحها شعر بغضب شديد فهناك ديمه تخط كلمات دبحته من الصميم ليقرا.. 

رائف انا ماعتش مستحمله العيشه دي انا غلطت لما دخلت حياتك اصلا الموضوع اكبر مني دلوقتي وانا خلاص تعبت وعايز اعيش حره تعبت من الربطه انت عيش حياتك بقه وطلقني وسيبني اعيش وعندك سليم خلي بالك منه انا مش هعرف اتحمل مسئوليه لوحدي وعشان بس تسيبني في حالي انا هتنازلك عن الشركات.ا

 رائف انا ماعتش عايزاك في حياتي خد فلوسك وشركاتك وابنك وانساني انت بالنسبالي كنت حاله فاكره الدنيا هتبقي سهله وهعيش والدنيا اتعقدت ماكتش متخيله اني هتربط جنبك العمر كله اتفاقي مع علي كنت هاخد الفلوس واديله النص واهرب بالنص لكن انت لما صحيت الدنيا اتغيرت حاولت امشي معاك واجاريك واوهمك اني بحبك بس ماقدرت انا تعبت من التمثيل تعبت ماعتش قادره. تاني عيش حياتك وطلقني وانساني وخلي بالك من سليم هو هيبقي معاك احسن من معايا.

لينتهي الجواب وقف رائف يشعر بالجنون.. ايه ده ديمه سابتني مش عايزني سابت ابنها قدرت تسيبنا كانت بتمثل الحب ازاي لا مش ممكن انا مش مصدق لا ديمه بتحبني استحاله تسيبني ديمه ماتكتب كده ....امال ايه امال ايه المكتوب ده انا حاسس اني هتجنن ليتصل بامه يكلمها لتخبره انها لم تأتي ..جلس  بداخله وجع وهموم الدنيا ..طب راحت فين دي هتسيبني ازاي انا مش مصدق دي عيونها نار بتشع مشاعر انت عملت ايه خليتها تطفش وجعتها اه انت وجعتها.. جلس مقهورا.. انا حاسس اني في جحيم. طب يا رائف هيا هتطفش ليه مش فاهم حريه ايه اللي عايزاها هتسيب ابنها ازاي وعلي ايه وبتعترف ليه ما قالت الف مره انه لا ..فجاه كده دانا سايبها وهيا عايزاني ايوه حسيت والله انها عايزاني ..راحت فين ماعرفش اعيش من غيرها ... انا حاسس بحاجه غلط ..اه فيه حاجه غلط ...سهم وجلس يعيد شريط ذكرياتهم .،هب مره واحده ..انت ايه مافيش احساس انت صنم اه ... هيا ممكن تكون صادقه اه وعمك كداب طول عمره.. ضحك عليك يمكن يكون عمل حاجه هيا غلبت تقولك صدقني لما طفشت منك انت جاحد ومابتحسش اه امال هتسيب الجمل بما حمل ليه لما هيا عملت كل ده هتسيبه ليه.. هيا زهقت منك انت اصلا ماتتعاشرش شكاك. واحد متكبر طب انا مش عارف اعمل ايه دلوقتي اجيب حبيبي منين بس يا ربي الله يحرق الفلوس والشركات انا عايزها ماعرفش انام من غيرها ماعرفش اتنفس من غيرها دي روحي نفسي اللي مش قادر اتنفسه من غيرها.. ليستدير ليلمح وشاحها قطب جبينه... اندفع يتلمسه بقوه دا بيعمل ايه هيا هتخرج مكشوفه هو فيه ايه دا خرجت وفستانها مكشوف ...ظل يلف ويلف وجد احد الفازات مكسوره بجانب المرسي ...فيه حاجه غلط فيه حاجه غلط قلبي بياكلني حاسس بحاجه غلط. ليسمع خبطا علي الباب اندفع بجنون  ينزل مسرعا لعلها تكون هيا ليفتح الباب مره واحده ليتفاجا ب.....