عدى اسبوعين

يوسف بيحضر كل حاجه عشان الفرح اللى حدده اول الشهر وفيروز كمان كل يوم بتنزل عشان تشترى كل حاجه نقصاها

عزام اللى اكتشف من الكاميرات ان عزة اللى حطت الدوا لنورة واعترفت ان شيرين اللى قالتلها تعمل كدا وعزام طردها من الشغل بعد مانورة اترجته ميأذهاش وسيبها تمشى وكمان طرد شيرين من الفيلا وقالها ممنوع رجلها تخطى جوا الفيلا مرة تانيه

نورة اللى اكتشفت حبها لعزام ومستغربه حبيبته ازاى وامته بس كل افعاله معاها بتجبرها انها تعشقه بس لسه مش عايزة تعترف بحبها ليه

عزام اللى دمر مدير الشركه اللى كان ناوى ينصب عليه وساوى بشركتهم الارض زى ماوعدهم

نورة اللى عزام جبلها فون غالى جدااا عشان تكلم اهلها دايماا واوقات كتير بيجولها الفيلا

سوسن وايه اللى بيخططو مع شادى عشان يوقعو بين فيروز ويوسف قبل الفرح

*************

صباح يوم جديد

عزام نايم وكالعاده نورة نايمه فى حضنه صحى على صوت فونه بيرن مد ايده جابه من على الكمدينو:ايه يامحمود

عزام قام قعد مرة واحده وزعق:وده حصل ازاى

نورة صحت على صوته وكان باين عليه الغضب

عزام:خليك عندك انا جيلك اهو

عزام قفل وقام من على السرير

نورة:فى ايه مالك ياعزام

عزام:مشاكل فى الشغل يانورة

عزام لبس وخرج من الفيلا ووصل المكان فى وقت قياسى

كان مكان عبارة عن مجموعه مبانى جديده وفى عمارة واقعه والناس متجمعين والشرطه

محمود لما شافه قرب منه:عزام بيه الغفير للاسف مات

عزام مسح على وشه بغضب ومراد صاحب يوسف هو اللى كان جاى مع الشرطه:عزام باشا

عزام بصله

مراد:حضرتك لازم تيجى معانا القسم فورااا

عزام:تمام هاجى معاكو

عزام راح مع مراد والشرطه

**************

شيرين كانت فى شقه شادى ومتعصبه:ازاى تعمل كدا من ورايا

شادى:كنت بورفلك شويا فلوس ياشيرين

شيرين:الراجل مات ياغبي فلوس ايه الوقت عزام هيعرف كل حاجه بسببك

شادى:اهدى وبعدين هو ماضي على الورق الاخير انتى ناسيه

شيرين:عزام لو خرج منها هيقتلنا انت فاهم مش هيسكت

شادى:هو اصلا مش مهتم بالشرطه عشان بتاعه ابوه وسايب كل الشغل عليكى

شيرين:اكيد هيطلبونى عشان التحقيق

شادى:حولى متتوتريش وانا هاخدك مكان محدش هيعرف يوصلك تمام انا ظبطت كل حاجه

شيرين:انا كدا هابقي بثبت التهمه عليا لو هربت

شادى:مش احسن ماتتحبسي يلا خلينا نروح فيلا بتاعتك وتاخدى الحاجات مهمه وخلينا نمشي فى اسرع وقت

شيرين:حاضر

شيرين خلال ساعه كانت اخدت الحاجات المهمه وخرجو من الڤيلا

***************

فى القسم

عزام قاعد فى مكتب مراد

مراد:يعنى حضرتك عايز تقنعنى انك متعرفش بموضوع المواد البناء المضروبه

عزام:لا ماكنتش اعرف لانى بقالى فترة عامل توكيل لشريكتى وهى اللى بتتصرف فى كل حاجه وممكن تجبوها وتسالوها كمان

مراد:انا بالفعل بعتلها استدعى عشان تيجى لتحقيق وهى شريكتك ياعزام باشا ممكن تضحى بسمعه الشركه كدا بسهوله

عزام:والله علمى علمك لما تيجى ونشوف ردها ايه

مراد:تمام دقايق وراجعلك تانى

عزام:تمام

مراد خرج برا ورن على امير عشان يعرفه ان عزام فى القسم وامير رد عليه ومراد فهمه كل حاجه وطلب منه يعرف يوسف لان القضيه كبيرة ولازم يساعدوه

مراد دخل تانى لعزام وبعد شويا الباب خبط ودخل العسكرى:مراد باشا روحنا فيلا شيرين وماكنتش موجوده والبواب بيقول انها جت هى وواحد وبعد شويا خرجت ومعاها شنطه سفر

عزام بعصبيه:يابنت ال🐶

مراد:اهدى ياعزام باشا اكيد هنلاقيها

مراد بص لعسكرى:وانت يابنى بلغ فى كل الكماين والاقسام وخليهم يتبعو تلفونها

العسكرى:تمام ياباشا

********

امير قال يوسف وراحو على القسم الاتنين سواا

فى مكتب مراد الباب خبط

مراد:اتفضل

دخل يوسف وامير وعزام اول ماشافهم بص لمراد وعرف انه هو اللى قالهم

مراد فهم نظرته:هتعرف الوقت انا عرفتهم ليه

يوسف وامير قعدو

يوسف:شيرين اللى مسؤله عن اللى حصل ومعاها المهندسين شادى واحمد

عزام:وانتو عرفتو ازاى

يوسف بدا يحكيله من اول ماراقبو شيرين وشادى

وامير فتح التسجيل وعزام سمعه

عزام اتعصب:ياولاد الـــ

امير:اهدى ياعزام

مراد:بدام انتو مرقابين شيرين وشادى اكيد عرفتو هما فين الوقت

يوسف:صح عارفين

مراد:يبقي لازم نبعت نجيبهم فى اسرع وقت وكمان نجيب اللى اسمه صلاح لان التسجيل ده مش هينفعنا فى حاجه وخصوصا انه بدون اذن

امير:تمام اتحرك يامراد بسرعه

عزام:وانا عندى اوراق فى مكتبي اللى فى الڤيلا وفيها كل العقود المبانى اللى اتبنت السنه دى

مراد:يبقي محتاجينهم هما كمان دى كلها ادله ضدهم

عزام:طب ينفع اكلم محمود

مراد:اتفضل

عزام كلم محمود عشان يجيبله الملفات والاوراق من مكتبه

مراد:انا هروح مع العساكر عشان نجيبهم

يوسف:تمام

مراد:وانت ياعزام خليك هنا فى مكتبي لان مش هينفع تخرج بكفاله للاسف

عزام:تمام

مراد خرج وراح معاه امير عشان يعرفه المكان

ويوسف فضل مع عزام

يوسف:نورة عرفت

عزام:لا انا جالى الاتصال ان العمارة وقعت وخرجت على طول

يوسف:شكلها مبسوطه

عزام:مين

يوسف:نورة انا عارفه اختى كويس ضحكت عليها ازاى يابن الشرقاوى وخليتها تحبك

عزام ضحك:ده سر ياكبير ومبروك على الفرح

يوسف:الله يبارك فيك ياسيدى

*************

فى فيلا عزام

نورة كانت قاعده فى جناح سمعت صوت برا خرجت تبص من البلكونه شافت محمود بيتكلم مع الحرس بصوت عالى :لازم تفتحو كويس عزام باشا ممكن ميرجعش النهارده وعايزكو مصحصحين كويس

نورة استغربت عزام مش هيرجع ليه شافت محمود داخل الفيلا لبست الاسدال بسرعه ونزلت وكان محمود دخل اوضه المكتب وقفت تستناه برا لما يخرج

بعد شويا خرج وفى ايده ملفات كتير

نورة:محمود

محمود لف بس حط وشه فى الارض:تؤمرينى بحاجه ياهانم

نورة:لا بس هو عزام فين وانا سمعاك بتقول انه مش هيرجع هو مسافر يعنى

محمود وهو وشه لسه فى الارض:لا ياهانم فى مشكله فى الشغل وعزام باشا فى القسم الوقت

نورة بقلق:القسم ليه فى ايه

محمود:فى عمارة من اللى بتبنو تبع شركه الشرقاوى وقعت وللاسف الغفير مات والشرطه اخدت عزام باشا عشان التحقيق

نورة:لا حول ولا قوة الا بالله .. طب ممكن تاخدنى معاك اشوفه

محمود:مقدرش اخرجك من الفيلا بدون اذنه ممكن اساله لو وافق هاخد حضرتك تشوفيه

نورة:طب انت رايح عنده الوقت وهتشوفه

محمود:ايوا

نورة:طب خلينا اكلمه ونبي

محمود:حاضر ياهانم عن اذنك

محمود خرج ونورة لفت عشان تطلع شافت رحاب واقفه وسمعت كل حاجه

رحاب قربت منها:ان شاء الله ياحبيبتى يطلع منها

نورة عيطت:انا خايفه عليه

رحاب ابتسمت:حبتيه يابنتى

نورة دخلت جوا حضنها:اوى اوى

رحاب طبطبت عليها:ربنا يسعدكو ياحبيبتى

نورة:ممكن تخلى مريم تجبلى فونى اكلم يوسف

رحاب:استنى هطلع اجيبه انا ياحبيبتى

رحاب طلعت جابت الفون ونورة رنت على يوسف

***********

فى مكتب مراد

عزام ويوسف قاعدين بتكلمو سوا وفجاه عزام ضحك

يوسف:بتضحك على ايه

عزام:انت مصدق اننا قاعدين نتكلم كدا عادى ولا كأننا كنا بنافس بعض ولا بنطيق بعض

يوسف ضحك:على رايك بس انا مجيتش جمبك ياابن الشرقاوى انت اللى دخلت اهلى فى الموضوع بدات باختى اللى خطفتها واتجوزتها وكمان خطفت فيروز

عزام:انت اللى كنت بتتحدانى ياابن الصياد وبالنسبه لخطف نورة هى كدا كدا كانت هتبقي ليا من اول ماشوفتها ومستحيل كنت اسكت لما لقيتك هتجوزها لصاحبك

يوسف:يعنى انت بتحبها

عزام:لا دى كلمه قليله اوى انا بعشقها

يوسف:ماشي ياابن الشرقاوى

فون يوسف رن برقم نورة وبص لعزام:دى نورة

عزام:ماتقولهاش حاجه

يوسف:تمام

يوسف رد على نورة:ازيك يانوارة قلبي

عزام بصلها برفعه حاجه ويوسف ابتسم

نورة:يوسف انت عرفت ان عزام فى القسم

يوسف:وانتى عرفتى منين

نورة:يعنى انت عارف

يوسف:اه عارف وانا معاه الوقت كمان

نورة:طب هو كويس

يوسف:لا مش كويس للاسف

نورة بخوف:ليه ماله

يوسف:الشرطه مسكته وضربوه علقه ماخدهاش حمار

عزام كان بيبصله برفعه حاجب

نورة عيطت:بجد وهو عامل ايه الوقت طمنى ونبي يايوسف

يوسف:تعبان وبعتنا نجبله دكتور كمان بس هو اعترض وقال عايزة دكتورة

عزام شد منه الفون وسمع كلام نورة

نورة كانت بتعيط:تعالى خدنى ونبي يايوسف اجى اشوفه انا قولت لمحمود ياخدنى معاه وهو مرضاش

عزام:نعم ياختى ياخدك معاه فين

نورة:عزام انت كويس

عزام:ردى على ام السؤال تروحى معاه فين وانتى شوفتى محمود فين اصلا

نورة:كان جاى ياخد ورق من المكتب وسالته عليك وقولته اجى اشوفك وهو قال هيسالك الاول

عزام:طب متعملهاش تانى يانورة سمعانى

نورة بتعيط:حاضر ... عزام انت كويس

عزام:ممكن تبطلى عياط انا كويس متخافيش

نورة:اومال يوسف بيقول انــ

عزام:سيبك منه

نورة:يعنى محدش ضربك

عزام:هو فى حد يقدر يقرب منى اصلا دانا عزام الشرقاوى

يوسف:لا جامد اوى

نورة:هو يوسف بيعمل ايه معاك

عزام:قاعد معايا بيسلينى ومش بيبطل كلام لما صدعنى

نورة ضحكت من وسط دموعها

عزام:انا ممكن مخرجش النهارده يانورة خدى بالك على نفسك ومتخرجيش من الفيلا ابداا

نورة:حاضر هو ايه اللى حصل انا مش فاهمه حاجه وراجل مين اللى مات وايه علاقتك بالعماره اصلا

عزام:دى عماره كانت من المبانى اللى بتتبنى تبع شركه الشرقاوى وللاسف شيرين واللى معاه لعبو فى المواد والعمارة وقعت والغفير مات

نورة:ربنا يرحمه محمود قالى بس هو انت عندك شركه اصلا

عزام: هو انتو رغيتو كتير سوا ولا ايه الحكايه

نورة:ياعزام انا اللى سالته وهو حرام مرفعش عينه من الارض والله

عزام:ماشي يانورة واه ياستى شركه بتاعه ابويا وصاحبه اللى هو ابو شيرين .... نورة انا هقفل الوقت وخدى بالك على نفسك تمام

نورة:حاضر وانت كمان خد بالك على نفسك

عزام:حاضر يلا سلام....