عزام: نورة مالها يادكتورة

الدكتورة:كل الاعراض اللى بتقولو عليها بتدل انها حامل الف مبروك وياريت تاخد المدام عند دكتوره نسا عشان تتابع الحمل

عزام بثبات:تمام يادكتوره شكراا

الدكتوره خرجت وعزام قعد على الكنبه وعينه على نورة

******************

فى شقه يوسف قاعد بيفتكر لما راح المخزن وقابل الراجل اللى بيتعامل معاه شادى

••فلاش باااك••

يوسف دخل المخزن هو وامير

يوسف:ازيك ياصلاح باشا

صلاح:انتو مين وانا بعمل ايه هنا

يوسف:مش مهم تعرف احنا مين لكن انت بتعمل ايه هنا

امير:انت هنا هنسالك كام سؤال هتجاوب عليهم وتمشي ولا كاننا شوفناك ولا شوفتنا

صلاح:اسئله ايه دى

يوسف:ايه علاقتك بشادى منصور اللى بيشتغل فى شركه الشرقاوى

صلاح بتوتر:معرفش حد بالاسم ده

يوسف:لا كدا ازعل منك ياصلاح تتكلم عدل ياهخلى الرجاله دول يسلمو عليك بطريقتهم

صلاح:بيشترى منى مواد بناء

يوسف:مضروبه

صلاح:لالا سليمه ياباشا

راجل من اللى واقفين ضربو صلاح بوكس قوى

امير:ماقولنا اتكلم حلو عشان متزعلش

صلاح بوجع:مضروبه ياباشا

يوسف:بيعمل بيها ايه

صلاح:بيدمجو المواد المضروبه على جزء بسيط من السليم وبيستخدموهم فى البناء عشان يوفروو فى السعر

يوسف:وعزام عارف بكلام ده

صلاح:لالا ياباشا ده لو عرف احتمال يقتلهم

يوسف:شيرين وشادى واحمد

امير:ازاى وهو شريك والمشاريع لازم تكون بموافقته

صلاح:هى معاها توكيل انها تتصرف فى كل حاجه

امير:طب والامضا بتاعه عزام

صلاح:هو عشان مش بيروح الشركه كتير وكل تركيزه على المعارض عملها ختم عشان تقدر تتصرف وهو مش موجود

يوسف:كدا بسهوله دى ممكن تضيع تعبه وتعب ابوها

صلاح:شيرين دى حيه هى اللى بتطلب منهم يعملو كدا عشان تكحوش على باقى الفلوس ده حتى اخر طلبيه شادى طلب انى ازود فى المواد المضروبه وانا حذرته ان المبنى مش هيستحمل وهو رفض وقالى ماليش دعوة هو عارف بيعمل ايه

يوسف:مبنى ايه

صلاح:عمارة ياباشا

امير:تمام اوى

يوسف:تشكر ياصلاح واياك تفكر تقول لحد انى عرفت بكلام ده

صلاح:متخافيش ياباشا

يوسف:فكوه وخلوه يمشي

امير شاور لرجاله اللى فكو صلاح وخرج بسرعه

امير:اتفضل التسجيل ياصاحبي

يوسف:تسجيل ايه

امير:الكاميرا دى صورته وهو بيتكلم عشان لازم يبقي فى دليل معانا

يوسف:لا جدع ياض

امير ضحك:تربيتك ... هتعرف عزام

يوسف:مش عارف

••بااااك••

يوسف بيفكر يعرفه ولا ملوش دخل

يوسف من كتر التفكير نام مكانه على الكنبه

****************

صباح يوم جديد

نورة صحت وقامت قعدت واتخضت لما شافت عزام قاعد على الكنبه وعينه عليها

نورة:صباح الخير

عزام بيبصلها ومش بيرد

نورة استغربت:انت كويس

عزام:حمدلله على سلامتك

نورة:هو ايه اللى حصل امبارح

عزام:اغمى عليكى وجبتلك الدكتورة

نورة:اكيد قالتلك برد مش كدا

عزام قام وقف:لا مش برد

نورة:اومال ايه

الباب خبط وعزام فتح كانت رحاب اللى دخلت ومعاها صنيه الفطار حطتها على التربيزة ولما شافت نورة:الف مبروك ياحبيبتى

نورة:مبروك على ايه

رحاب:الدكتوره لما سالتها انتى فيكى ايه قالتلى انك حامل ربنا يكملك على خير يارب

نورة اتصدمت وبصت لعزام بخوف

عزام:انزلى انتى يارحاب

رحاب خرجت من الجناح ونورة كانت خايفه من عزام وقامت من على السرير وقفت قدامه:هى بجد قالت كدا

عزام بيبصلها ومش بيترد

نورة عينيها دمعت واتكلمت بخوف:انا مستحيل اكون حامل انا محدش قرب منى وانت عارف

عزام ببرود:عارف ايه هو انا قربت منك عشان اعرف اذا كنتى بنت ولا لأ

نورة اتصدمت من رده:انا بقولك محدش قرب منى

عزام:وكلام الدكتورة

نورة وهى بتعيط:اكيد شخصت غلط .. انا عمرى مااعمل حاجه تصغر ابويا الله يرحمه ويوسف وماما وقبل ده كله ده سمعتى وشرفى انا معملش كدا والله العظيم

عزام بردو مش بيرد عليها

نورة مسحت دموعها اللى زى الشلال على خدها:طيب مش انت مش مصدقنى ولا واثق فيا خدنى عند اى دكتورة واعمليلى كل التحاليل اللى هتثبتلك ان محدش جه جمبى وانى مش بحامل

عزام ببرود:وبالنسبه للاعراض

نورة عيطت اكتر:والله ماعرف انا فطرت وفجاه بطنى وجعتنى وفضلت ارجع معرفش من ايه والله ماعرف

نورة قعدت على طرف السرير وحطت ايدها على وشها وعيطت جامد

عزام قرب منها وشدها من ايدها وقفها ادامه ونورة خافت وخبت وشها بايدها التانيه بس اتفاجت لما عزام حاوط وشها بايديه:انا متاكد وعارف انك متعمليش كدا يانورة وواثق فيك جداا كمان

نورة عيطت اكتر ودخلت جوا حضنه وعزام كان فرحان انها قريبه منه وبارادتها:اهدى يانورة وانا هعرف ايه سبب اللى حصلك بس لوقتها لازم الكل يعرف انى متغير معاكى

نورة بعدت عن حضنه:ازاى

عزام:انا سالت دكتور صاحبي وقالى ان فى دوا بيتحط فى الاكل وبيخلى الجسم يظهر عليه كل اعراض الحمل وانا متاكد ان شيرين ورا اللى حصل بس مش عايزها تحس انى عديت الموضوع كدا يعنى قدامها منتكلمش سوا وكانى متعصب ومضايق منك

نورة:وهى هتعمل كدا ليه

عزام:لانك ببساطه اخدتى مكانها

نورة:مكانها ازاى يعنى

عزام:انك بقيتى مراتى يانورة

نورة:ليه انت كنت واعدها بجواز

عزام ابتسم:لا موعدهاش بالجواز ولا حاجه بس هى كان عندها امل انها تكون مراتى فهمتى بقي هتعملى ايه وانتى ياستى مثلى انك خايفه منى

نورة ضحكت من وسط دموعها:حاضر

عزام مسح دموعها:مش عايز اشوف دموعك دى تانى

نورة:انت واثق فيا اوى ليه كدا مانا قبل كدا خونت ثقتك زى مابتقول

عزام:فى موضوع الشرف لا وخصوصا انك تربيه حسين ويوسف الصياد

نورة:غريبه يعنى ايه الحب اللى ظهر ناحيه يوسف ده

عزام ضحك:مش حب ولا حاجه بس انا شايل لاخوكى دين فى رقبتى لو ماكنش ساعدنى كان زمانى فى السجن الوقت

نورة:ساعدك ازاى

عزام حكالها اللى حصل يوم الحفله

نورة:لما كنتو مع بعض فى الاوضه

عزام:اه

نورة ضحكت

عزام:بتضحكى على ايه

نورة:اصل انا وفيروز شوفناكو وقتها وخوفنا تعملو مصيبه وتولعو فى الحفله

عزام ضحك:نولع فى الحفله مرة واحده يلا بقي عشان هننزل وعارفه هتعملى ايه

نورة:اوكى

*******************

فيروز صحك من بدرى وكانت عارفه ان يوسف بيشتغل فى الشقه بتاعته عملت سندوتشات وقهوة ليوسف وطلعت خبطت عليه لحد مافتح وكانت رقبته بتوجعه من نومه الكنبه

فيروز:صباح الخير

يوسف:صباح النور

فيروز دخلت وحطت الصنيه على التربيزة:مالك

يوسف:نمت على الكنبه ورقبتى وجعانى

فيروز:اكيد فضلت لحد مانمت طب افطر وانا هنزل اجيب كريم من تحت واطلعلك تانى

يوسف:تمام

فيروز نزلت بسرعه وطلعت كان يوسف بيشرب القهوة

فيروز قربت وقعدت جمبه واخدت فنجان القهوة حطيته فى الصنيه:ممكن تفطر الاول

واخدت سندوتش اديته ليوسف اللى اخده وبدا ياكل

فيروز:يوسف مالك

يوسف بصلها:انا كويس

فيروز:لا مش كويس وشكل فى حاجات كتير فى دماغك وبتفكر فيها

يوسف بصلها بحب:وعرفتى ازاى بقي

فيروز:يمكن لانى حفظتك مالك بقي

يوسف:شويا مشاكل فى الشغل متقلقيش

فيروز:اه صح كنت بتعمل ايه مع عزام فى الحفله فى اوضه لوحدكو

يوسف:بتسالى ليه يعنى

فيروز:لا اصل استغربت انكو خارجين من اوضه سوا وكمان نظراتكو كانت غريبه شويا

يوسف:متجوز المفتش كرومبو

فيروز ضحكت:لا بجد كنتو بتعملو ايه

يوسف حكالها اللى حصل:بس ياستى

فيروز:وانت ساعدته ليه بقي

يوسف:عادى محبتيش اشوفه هيتنصب عليه واسكت مع ان هو ذكى وماكنش هيمضي غير لما يتاكد من الورق وبعدين انا مستحيل اشوف حد هيتأذى واسكت

فيروز مسكته من خدوده:حبيبي ياناس

يوسف لف وبقي وشه فى وش فيروز:فيروز احنا هنتجوز امته بقي عايز اصحى الصبح الاقيكى فى حضنى ولما ارجع من يوم شغل طويل ومتعب الاقيكى مستنيانى وادخل جوا حضنك وانسي كل التعب

فيروز ابتسمت بحب

يوسف:الفيلا خلاص بدات تتفرش وكل حاجه انتى اختارتيها اتعملت نجهز كل حاجه ونتجوز بقي ايه رايك موافقه

فيروز بكسوف:لا مش عايزة اتجوز

يوسف شدها لحضنه:لا هنتجوز وهتبقي احلى واجمل عروسه يافراشتى

فيروز بعدت عنه:كفايه فراشات يايوسف قربت اطير

يوسف ضحك:مش انتى اللى بتحبيهم دانا محضرلك حته مفاجاه فى جناحنا هتعجبك اوى

فيروز:كله فراشات ولا ايه

يوسف ضحك:لا مش لدرجه دى يعنى

فيروز:طب خد الكريم ادهن رقبتك وانا هنزل بقي عشان اساعد صفصف فى الغدا متنساش النهارده هتتغدا معانا

يوسف:وانا اقدر انسي بردو

فيروز:يلا سلام

يوسف:سلام

فيروز خرجت من الشقه قابلت ايه وبصتلها من فوق لتحت لانها كانت لابسه عبايه ضيقه جداا وسايبه شعرها:انتى طالعه السطح ولا ايه

ايه:لا جايه ليوسف ابن عمى

فيروز:نعم ياختى جايه لمين

ايه:عايزة اسال يوسف على حاجه وسالت طنط هناء قالتلى فى شقته

فيروز:ولما هو فى شقته ولوحده تطلعيله بالمنظر ده ازاى

ايه:وانتى مالك الله

فيروز بصوت عالى سمعه يوسف وفتح الباب:لا مالى ونص ياحبيبتى اللى حضرتك طلعاله بالمنظر ده يبقي جوزى يبقي زى الشاطرة كدا تورينى عرض اكتافك ومش عايزة اشوف وشك فى الدور ده ابدااا

فيرووز زقتها:يلا ياحبيبتى على تحت

ايه نزلت وكانت هتنفجر من الغيظ فيروز لفت وبصت على يوسف اللى واقف وساند على الباب وبيضحك:اضحك اضحك احنا هنتجوز ونمشي من هنا امته بقي

يوسف ضحك:مش كنتى مش عايزة تتجوزى من شويا

فيروز:لا ونبي استعجل شويا لان لو طولنا هنا هقتلك بنت عمك الصفرا دى

يوسف ضحك اوى وفيروز سابته ونزلت

يوسف:يابنت المجنونه.......