فى مكتب عزام دخل عشان يمضي العقد قعد ومسك العقود وبدا يقرا فيهم وكان باين التوتر على اصحاب الشركه

عزام بصلهم وقطع العقود

مدير الشركه:انت عملت ايه ياعزام بيه

عزام:ايدى وجعانى ومش حابب امضي

مدير الشركه:ايه الطريقه دى ياعزام

عزام بحده:عزام باشا وزى ماسمعتو مش همضي ويلا على برا من غير شوشرة...محمود

محمود شاورلهم يخرجو معاه

وعزام افتكر لما حد شده جوا الاوضه

••فلاش باااك••

عزام فجاه حد شده جوا الاوضه ولاقاه يوسف

عزام:مالك يابن الصياد

يوسف:متمضيش مع الشركه دى

عزام ضحك:قول والله وليه ان شاء الله

يوسف:الشركه دى كانو كلمونى من سنه تقريباا كان يتعقادو معايا وانا خليت واحد صاحبي يجبلى معلومات عنهم وعرفت انهم نصابين ومن خلال الامضا بتاعتك على العقد اللى بيكون فى شرط جزائى بمبلغ كبير جدا محدش يقدر يدفعه لو فضيت الشراكه وقتها هيبداو يسوموك ياالدفع ياالحبس ولان المبلغ بيكون خيالى مكانك هيكون الحبس

عزام:وانا المفروض اصدقك

يوسف:متصدقش روح شوف العقود وركز فيهم كويس جداا وهتلاقى كلامى صح

عزام:وانت بتساعدنى ليه بقي

يوسف:انا عارف ان حتى من غير مساعدتى انت مش اهبل ولا عبيط عشان يضحك عليك

عزام بصله برفعه حاجب

يوسف:عشان خاطر اختى فى الاخر انت جوزها ولو اضريت اختى هتضر معاك ونورة بالنسبه ليا بنتى اللى ربيتها واخاف عليها من نفسي واللى ياذيها موته مش هيكفينى

يوسف كان نبرته نبرة تحذير وتهديد

عزام ضحك:مع ان شامم ريحه تهديد بس متقلقش اختك جوا قلبي واللى يجى جمبها مش هيشوف غير غضبى اللى هيحرقه

يوسف:انا عارف ده كويس ... تمام انا هاخد عيلتى وهنمشي وياريت تخليها تبقي تكلم والدتها وفيروز

عزام:طلباتك كترت ياابن الصياد

يوسف:سلام ياابن الشرقاوى

••بااااك••

عزام افتكر الشرط الجزئى اللى كان فى العقد بمبلغ ١٠٠ مليار وضحك اوى:ياولاد 🐶 عايزين تلعبو بيا مبقاش عزام الشرقاوى لو ماسويت بشركتكم الارض ولولاك ياابن الصياد كنت هروح فى الكلبوش

عزام خرج من المكتب ودور على نورة بعينيه شافها واقفه مع فيروز وشايفها لاول مرة بتضحك من قلبها ومبسوطه وعينه جت على امير اللى عينه عليها وده عصبه جدااا وقرب من نورة اللى لما شافته بطلت ضحك

ويوسف جه عليهم وبص لعزام اللى باشارة منه عرفه ان كان معاه حق يوسف ضحك:احنا هنمشي بقي يانورة

نورة بزعل:خليكو معايا شويا ونبى

يوسف:هيبقو يجولك تانى ياحبيبتى واكيد عزام مش هيمنعك عنهم ولا ايه

عزام بص لنورة اللى بتترجاه بعينيها:اكيد وفى اى وقت عايزة تكلميهم كلميهم

نورة فرحت وبصت لفيروز اللى بتبص ليوسف وعزام

نورة بهمس:مالك

فيروز:فى حاجه حصلت بيهم

نورة:ابقي اسالى يوسف

فيروز:اكيد هساله هو انا هسكت مثلا

نورة ضحكت

عزام قرب من يوسف وهمس:مساعدتك ليا دين فى رقبتى واكيد هروده ليك

يوسف:لا متشكر انا معملتش كدا عشان ترد حاجه ليا

عزام:مسيرك هتحتاجنى يابن الصياد ووقتها مش هبخل عليك

يوسف:سلام .. يلا ياست الكل يلا يافيروز هو امير فين

هناء:انا شيفاع مشي الوقت يابنى

يوسف:تمام يلا

هناء وفيروز ودعو نورة ومشوو والضيوف بدات تمشي والحفله خلصت

*************

يوسف وعيلته روحو ويوسف دخل اوضته ورن على امير اللى رد عليه

يوسف:انت فين يابنى جيت ومشيت لوحدك

امير:جالى اتصال من الراجل اللى بيراقب شادى وعرفنا مين اللى بيتعامل معاهم وبيجيب منهم المواد المضروبه

يوسف:تمام اوى عايزين الراجل ده

امير:وده اللى عملته ياصاحبي الراجل بقي فى المخزن عندنا وانا امنت المكان وروحت

يوسف:حلو اوى ده بكرة من بدرى هكون عنده

امير:تمام

يوسف:تمام ياصاحبي

يوسف قفل وغير ونام

**********

فى فيلا عزام نورة نايمه فى حضن عزام بس مش جيلها نوم وجعانه جدااا حاولت تفك نفسها من بين ايدين عزام وبعد محاولات قدرت تقوم ونزلت المطبخ كانت جعانه جداا ومش عايزة تصحى حد من الخدم فتحت التلاجه لقيت قدامها برطمان نوتيلا ابتسمت لانها بتعشق الشكولاته اخدته وجابت معلقه وطلعت قعدت فوق رخامه المطبخ وبدات تاكل بتلذذ

***********

عند عزام صحى وملقاش نورة جمبه بص على الحمام كان نوره مطفى وقام يشوفها ماكنتش موجوده فى الجناح كله نزل يشوفها تحت شاف نور المطبخ مفتوح دخل واتفاجأ بنورة قاعده على رخامه المطبخ وبتاكل الشكولاته ابتسم على شكلها وبوقها عليه شكولاته قرب منها ونورة اتخضت تانى:ياعم ابقي رمز او حتى طبل مش كل مرة تخضنى كدا

عزام قرب وسند ايديه على الرخامه:حاضر المرة الجايه هابقي اجيب فرقه حسبالله معايا وانا جاى

نورة بسخريه:هاهاها خفه

عزام بصلها برفعه حاجب:اخدتى عليا اوى ومبقتيش تخافى زى الاول

نورة:انت عايزنى ارجع اخاف منك

عزام:لا مينفعش انتى تخافى منى لازم تحسي بالامان معايا

نورة بعفويه:مانا حسيته

نورة برقت لما عرفت هى قالت ايه

عزام:حسيتى بايه

نورة سابت البرطمان:انى شبعت الحمدلله ابعد بقي كدا خلينى انزل

عزام:ماتنزلى

نورة:انزل ازاى وحضرتك سادد عليا الطريق والميا والنور وكل حاجه ممكن سؤال

عزام ضحك:اتفضلى

نورة:انت طالع طويل وعملاق كدا لمين

عزام ضحك:ابويا ياستى

نورة:اومال هما فين قصدى يعنى اهلك

عزام:والدتى اتوفت وانا عندى ١٠ سنين

نورة:ووالدك

عزام بحده:مش عايز اتكلم يلا نطلع

نورة:انا اسفه ربنا يرحمهم

عزام:انتى ايه اللى نزلك هنا

نورة شاورت على الشكولاته:زى مانت شايف نزلت اكل

عزام:كنتى جعانه وليه مقولتيش لحد من الخدم يجهزلك اكل انا مش عارف سمعت كلامك ازاى وسيبتك متاكليش حاجه فى الحفله

نورة:لا خلاص انا اكلت وانا بحب الشكولاته وشبعت الحمدلله

عزام:من بكرة هخليهم يحطولك اكل وكل حاجه فى مطبخ الجناح يلا عشان ننام

نورة:يلا

عزام شال نورة من خصرها ونزلها وفجاه شهقت لما عزام شالها وطلع السلم

نورة:انت بتعمل ايه نزلنى لحد يشوفنا

عزام:انا فى بيتى وانتى مراتى محدش يقدر يفتح بوقه

عزام وصل الجناح ونزلها ونامو هما الاتنين

***************

شيرين كانت فى اوضتها هتموت من الغيط لانها شافت عزام وهو شايل نورة

خرجت من اوضتها ونزلت اوضه الخدم وقربت من بنت منهم وهى نايمه وبدات تهزها براحه عشان محدش يحس بيها

البنت قامت

شيرين بهمس:هشششش تعالى معايا

البنت هزت راسها وشيرين خرجت من الاوضه والبنت خرجت وراها وراحو على المطبخ

البنت:خير يا هانم

شيرين:اسمك ايه

البنت:عزة ياهانم

شيرين:حلو ياعزة عايزاكى فى خدمه وهديكى فلوس كتير جداا لو نفذتيها

عزة فرحت:انا خدمتك ياهانم

شيرين فتحت الدولاب وجابت ازازة صغيرة وقربت من عزة:الدوا ده هتحطى منه فى كوبايه العصير بتاعه نورة على الفطار

عزة بخوف:ده سم

شيرين:لا مش سم ومتخافيش مش هتموت ده هيعملها شويا مغص مش اكتر

عزة:طب افرض البيه عرف

شيرين:مش هيعرف متخافيش وحتى لو عرف انتى مش بتحضرى الفطار بتاعها رحاب ومريم اللى بيحضروه وبعد مايخلصو انتى وشطارتك بقي وتحطى الدوا من غير ماحد يشوفك

عزة:حاضر ياهانم

شيرين:خدى الدوا وروحى اوضتك يلا اول ماتعملى اللى قولتلك عليه هديكى ١٠ الاف ايه رايك

عزة بفرحه:ماشي ياهانم عن اذنك

شيرين:اتفضلى

عزة خرجت وشيرين ضحكت بشر:انا هخليه يقتلك يانورة هانم

شيرين راحت نامت على السرير بسعاده

*************

صباح تانى يوم نورة صحت كان عزام بيلبس

نورة قامت قعدت وعزام بص فى انعكاسها فى المرايا:صباح الحلاوة

نورة:صباح الخير

عزام قرب وقعد جمبها على السرير:انا عندى شغل كتير النهارده مش هاجى غير متاخر خدى بالك على نفسك وكلى كويس تمام

نورة:حاضر

عزام:نورة بلاش مشاكل مع شيرين تمام

نورة بعصبيه:هو انا باجى جمبها هى اللى بتستفزنى مش عارفه انت سايبها هنا ليه بت ملزقه اوى

عزام ضحك:يومين وهتمشي بصي تجاهليها كانها مش موجوده تمام او خليكى هنا فى الجناح بلاش تنزلى

نورة:لا هنزل اقعد مع رحاب ومريم

عزام:اللى يريحك اهم حاجه تاكلى كويس

نورة:حاضر

عزام باس راسها:يلا همشي انا

نورة:مش هتفطر

عزام:لا مستعجل هابقي اكل فى المعرض

نورة:تمام

عزام خرج ونورة قامت دخلت الحمام وصلت فرضها وغيرت لبست بجامه سودا بكم وعملت شعرها على شكل كحكه ونزلت دخلت المطبخ:صباحو بيضحك

رحاب ومريم ضحكو:صباح الخير

رحاب:يلا عشان تاكلى

نورة:هتفطرو معايا

مريم:احنا ازاى

نورة:رحاب ياقمر يلا حضرى الفطار عشان ناكل سوا ومتنسيش عصيرى

رحاب:مستحيل انساه

نورة قعدت على التربيزة:عصيرك ده بقي ادمان بجد بعشقه

رحاب ومريم حضرو الفطار ولما كانو بيتكلمو مع نورة عزة استغلت ده وحطت النقط فى العصير وقعدو فطرو سوااا كلهم وشيرين صحت من بدرى خرجت عشان محدش يشك فيها

بعد وقت طويل نورة بدات تحس انها دايخه وكل ماتاكل حاجه ترجع وبطنها وجعاها وشيرين بتتصل على عزة عشان تعرف اخر الاخبار وفرحت لما عرفت ان الاعراض بدات تظهر على نورة

*********

بليل عزام رجع على البيت ودخل الجناح فى نفس الوقت كانت نورة خرجه من الحمام وباين عليها التعب

عزام قرب منها:مالك يانورة انتى تعبانه

نورة:الظاهر كدا اخدت نزله برد دايخه اوى وعماله ارجع مش طايقه الاكل ولا ريحته

عزام:مانا سيبك الصبح كويسه

نورة بتعب:معرفش فجاه كدا تعبت

عزام:لحظه هطلبك الدكتورة

نورة بتعب وبدات الدوخه ترجعلها تانى:لالا انا كويسه هنام وهصحى هابقي تمام

عزام لسه هيرد عليها نورة اغمى عليها وعزام لحقها قبل ماتقع على الارض وطلع فونه وكلم الدكتورة تجيلهم فى اسرع وقت وقفل معاها وشال نورة ونيمها على السرير

بعد شويا رحاب طلعت ومعاها الدكتورة اللى بدات تكشف على نورة ورحاب قالتلها على اللى بيحصلها من الصبح من ترجيع ودوخه وانها مش طايقه ريحه الاكل ابداا

عزام شاور لرحاب تخرج واتكلم مع الدكتورة: نورة مالها

الدكتورة:كل الاعراض اللى بتقولو عليها بتدل انها حامل الف مبروك......