مسك العقد وقرب من نورة اللى بعدت عنه

عزام:فى ايه

نورة:لا مش هلبسه ده شكله غالى جدااا

عزام:وفيها ايه

نورة:لا افرض وقع منى ولا ضاع فى الحفله لالا مش عايزة البسه

عزام:بطلى هبل يانورة يلا قربي

نورة:بس

عزام:من غير بس يلا

عزام لبسها العقد والانسيال والخاتم:الحلق مش هينفع بقي عشان الطرحه

عزام قفل العلبه وحطها على التسريحه:يلا البسي طرحتك عشان ننزل

عزام قعد على السرير وعينه على نورة اللى بدات تلم شعرها كويس ومسكت الطرحه وبدات تلبسها وكانت اجمل واحلى فى الحجاب

نورة خلصت ولفت لعزام:خلصت

عزام:هيكون فى ناس كتير تحت وكمان الصحافه مش عايزك تتوترى

نورة:صحافه ليه

عزام قرب منها اوى:لانى ناوى اقدمك لكل الناس

نورة باستغراب:تقدمنى ازاى يعنى

عزام:هقدم لكل الناس زوجه عزام الشرقاوى

نورة:عشان كدا جيبلى فستان ابيض

عزام:وعشان انتى بتحبي اللون الابيض كمان

نورة:انت عرفت منين

عزام:انا اعرف عنك كل حاجه يانورة

نورة:وانت هتقدمنى ليه احنا كدا كدا هنطلــ

عزام قاطعها:مستحيل .. مستحيل اطلقك يانورة انتى هتفضلى مراتى وعلى ذمتى لاخر يوم فى عمرى وكمان عملك مفاجاه هتعجبك اوى

نورة:مفاجاه ايه

عزام:ولما اقولك عليها هتبقي اسمعها مفاجاه ازاى يلا

عزام مسك ايدها ونزلو سواا وكان فى ناس كتير وصحافين اول ماشافو عزام نازل وفى ايده بنت كلهم اتجمعو واخدو صور كتير ليهم نورة اتوترت لما شافت الزحمه وكمان الصحافين وعزام حس برعشه ايدها حاوط خصرها بايده وضمها ليه ونورة اطمنت شويا

عزام نزل السلم والصحافين بداو يسالو دى مين وايه سبب الحفله واسئله كتير

عزام:هتعرفو كل الاجابات اللى عايزينها بس لما كل الضيوف يوصلو اتفضلو استمتعو بالحفله

عزام مسك ايد نورة وخرجو براا ونورة انبهرت بجمال الزينه اللى فى الجنينه لان دى اول مرة تخرجهاا وعلى طول قاعده فى الاوضه

نورة:واااو الجنينه حلوة اوى اول مرة اشوفها

عزام:فى اى وقت تحبي تنزليها انزلى براحتك

قاطعهم شيرين اللى قربت منهم وكانت لابسه فستان بلون الاحمر ضيق جداا وقصير فوق الركبه وميكب تقيل جدااا ولامه شعرها على شكل ديل حصان

شيرين:بيبي انت عامل الحفله دي ليه

عزام:الوقت تعرفى

شيرين بصت لنورة:شكلك مش بطال تنفعى انك تكونى فى الحفله

عزام لسه هيرد بس نورة سبقته:انا انفع فى اى حته ياشيري هانم ببساطه لانى شرف لاى حد واى مكان اظهر فيه

شيرين اضايقت منها ومشت وعزام بصلها وابتسم وعينه جت على بوابه الفيلا وشاف يوسف الصياد وفيروز وهناء ام نورة داخلين

فيروز كانت متحمسه جداا لانها هتشوف نورة واخيرااا وهناء كانت بتدور عليها بلهفه ويوسف اللى جاى غصبن عنه لما عزام بعتلهم الدعوة على البيت وهناء وفيروز اللى اصرو يحضرو

فيروز بتدور بعينيها على نورة واخيراا شافتها:نورة هناك اهى

هناء ويوسف بصو عليها

هناء:بسم الله ماشاء الله طول عمرك قمر يابنتى

فيروز:صح ياهنون حلوة اوى مش كدا يايوسف

يوسف:اممم

فيروز بهمس:فكها شويا الله

يوسف:اعمل ايه يعنى اروح ارقص

فيروز:مقولتش كدا بس ابتسم شويا وصح نسيت اشكرك على الدريس حلو اوى وكمان بفراشات ولونه بينك

يوسف:اى خدمه يافراشتى

فيروز كانت لابسه دريس بلون البينك وعليه فراشات من الجمب وطرحه بنفس اللون

هناء:انا عايزة اروح اسلم علي بنتى

يوسف:استنى ياامى لما نشوف هو هيعمل ايه نورة لسه مش شيفانا

فيروز:هيعمل ايه يعنى

يوسف:محدش يقدر يعرف هو بيفكر فى ايه

********

عند عزام عينه عليهم وهمس لنورة:بصى هناك كدا

نورة بصت مكان ماشاورلها وماكنتش مصدقه نفسها وفرحت جدااا وعزام بصلها بحب دى النظرة والفرحه اللى كان نفسه يشوفها على وشها

نورة لسه هتمشي عشان تروحلهم عزام شدد على خصرها:خليكى هنا متبعديش عنى

نورة:عايزة اروح اسلم عليهم ونبي

عزام:شويا كدا تعالى معايا

نورة:على فين

عزام:هخطفك يعنى يانورة يلا

نورة:مانت خطفتنى قبل كدا

عزام قرب من وشها وهمس:ولو رجع بيا الزمن هخطفك بردو

********

يوسف:شايفه اهو منعها تيجى عندنا انا قولتلكو بلاش نيجى

هناء:اهدى يابنى شويا

يوسف:المفروض نمشي ياامى

فيروز:لا لسه الحفله فى اولها وانا مش همشي غير لما اسلم على نورة لانها وحشانى جدااا

يوسف اضايق منهم ولف وشه الناحيه تانيه

وفيروز وهناء بصو لبعض وضحكو

********

عزام مسك ايد نورة وراحو مكان مخصص لرقص ونورة اتكسفت لان الكل بيبص عليهم

عزام شاور لواحد جابله المايك:برحب بكل الموجودين واللى شرفونى النهارده فى حفلتى المتواضعه الحفله النهارده فيها خبرين حلوين الاول انى هوقع عقد مع شركه كبيرة لقطع غيار العربيات ... هى شركه كبيرة غنيه عن التعريف وهى شركه......

الكل الموجودين فى الحفله صقفو

عزام:اما بقي الخبر التانى والاهم والكل بيسالنى مين اللى معاك ياعزام باشا وانا ناوى اريحكو واعرفكو عليها

عزام بص لنورة اللى كانت هتموت من الكسوف:اقدملكو نورة الصياد مراتى

عزام طلع علبه قطيفه من جيبه واول مافتحها

الكل اللى فى بداو يتهامسو من جمال الخاتم الالماس

ومسك ايد نورة ولبسه ليهاا وباس ايديها قدام الكل نورة كانت متوترة ومش مصدقه اللى بيحصل وكانت مخضوضه من اللى بيحصل وخصوصا من الصحافين اللى قربو منهم اخدو صور كتير ليهم سوا

والكل اللى فى الحفله كان بيبصلهم فى اللى فرحان ليهم واللى بيحقد على نورة وشيرين اللى كانت واقفه هتنفجر من الغيظ وهناء وفيروز اللى اطمنو على نورة لما شافو معامله عزام ليها على عكس يوسف اللى ماكنش مطمن وخايف يكون ملعوب من عزام

الصحافين سالو عزام اسئله كتير ومن ضمنهم اتجوزو امته واتعرفو ازاى وليه معملش فرح وانه ممكن يشارك يوسف الصياد وخصوصا انه اخو مراته وكان رده الله اعلم وعينيه كانت على يوسف اللى واقف بعيد

الصحافين سالو كتير واخدو صور اكتر ونورة كانت مضايقه جداا وحاسه الهوا بيقل من حوليها

عزام بهمس:انتى كويسه

نورة:انا اتخنقت خليهم يبعدو لو سمحت

عزام:طب اهدى

عزام بصوت عالى عشان الكل يسمعو:ياريت تستمتعو بالحفله وكفايه اسئله اتفضلوو

عزام شاور لمحمود اللى جه وبعد الصحافين عنهم

نورة عينيها على مامتها ونفسها تروح تترمى فى حضنها يمكن توترها ده يختفى

نورة بصت لعزام:انا عايزة اروح لماما

عزام:شويا كدا

نورة:شويا كدا امته الحفله هتخلص وهيمشو

عزام بصلها بحده:شويا كدا

نورة خافت من نظرته

عزام:الناس هتبدا تبارك لينا مينفعش تبعدى عنى مفهوم

نورة هزت راسها باه

الكل بداو يقربو من عزام ونورة ويباركو ليهم

************

عند هناء وفيروز اللى هيموتو ويروحو يسلمو عليها ويوسف مش موافق انهم يتحركو من جمبه

فيروز:اووف بقي يايوسف عايزين نسلم عليها ونبي

يوسف:قولت لا هو مش راضي يخليها تيجى وانا حاسس انه هيعمل حاجه

هناء:هيعمل ايه يابنى مالناس كلها بتبارك ليهم اهو

فيروز:اووووف يايوسف انا مش هفضل واقفه كدا لحظه ياهنون وهجيلك

فيروز مشت وراحت على نورة

يوسف بيجز على اسنانه:فيروووز يابنت المجنونه

هناء:عيب يايوسف

يوسف:عيب ايه انا عارف انى متجوز واحده هبله

هناء ضحكت

*********

نورة واقفه جمب عزام اللى محاوط خصرها ومقربها منه اوى وشافت فيروز بتقرب منها

نورة برقت وهمست بصوت سمعه عزام:ربنا يستر ومتجننيش ياروزة

عزام بص مكان مانورة بتبص وشاف فيروز بتقرب منهم

فيروز:هاى

فيروز سلمت على نورة بشكل رسمى وعلى عزام وباركت ليهم: الف مبروك

عزام:الله يبارك فيكى

فيروز:طبعاا مش محتاجه اعرفك على نفسى سبق وخطفتنى قبل كدا واكيد عرفنى كويس صح بس مافيش مشكله هعرفك بردو انا فيروز مرات يوسف الصياد حبيبك اللى واقف هناك ده

نورة بتحاول تكتم ضحكتها على جنان صاحبتها

عزام:اهلا وسهلا بمرات ابن الصياد

فيروو بحده استغربها عزام:اسمه يوسف الصياد

نورة برقت وبصت لعزام اللى ملامحه ثابته ومش باين عليه انه مضايق

فيروز ضحكت:حضرتك عزمتنا على الحفله عشان نشوف نورة او نورة تشوفنا بس حضرتك مكلبش فيها ومش راضي تسيبها تيجى تسلم علينا

فيروز شاورت على هناء:مامتها نفسها تاخدها فى حضنها بنتها بقي ووحشاها وانت عارف الامهات المصريين بقي فممكن نعمل ديييل سوا ممكن

عزام باستغراب:اممم ديل .. اتفاق يعنى وايه هو بقي الديل

فيروز:هاخد منك نورة نسلم عليها لانها وحشانا وهرجعها ليك تانى كلبش فيها براحتك ممكن

نورة بصت لعزام بتترجاه يوافق وهو بصلها:روحى

نورة ابتسمت وفيروز قربت منها:ممكن بقي انا اسلم عليها

عزام ساب نورة:اتفضلى

فيروز حضنت نورة وكان حضنهم قوى جدااا

نورة:وحشتينى ياروزة

فيروز:انتى اللى وحشتينى يانوارة قلبنا

نورة:الف مبروك على كتب الكتاب

فيروز بعدت عنها: الله يبارك فيكى ياقلبي مبسوطه انى شوفتك اوى

نورة:وانا اكتر والله

عزام كان بيبص لنورة اللى بتضحك ومبسوطه

فيروز:يلا نروح لهنون لانتى وحشتينا اوى

نورة بصت لعزام اللى هز راسه بمعنى روحى

نورة مشت مع فيروز وقربو من هناء ونورة جرت عليها واترمت فى حضنها وهناء كاى ام مصريه بنتها وحشاها عيطت

نورة بعدت عنها ومسحت دموع مامتها:وحشتينى اوى ياهنون

هناء:انتى اللى وحشتينى ياقلب هنون عامله ايه يابنتى

نورة:كويسه ياماما والله

هناء:مصدقاكى ياقلب امك كنت خايفه يكون بيعاملك وحش بس ده بيعاملك كانك ملكه

نورة بشكل تلقائى عينها جت على عزام اللى واقف مع ناس وعينه عليها

نورة بصت لمامتها:فين يوسف

هناء:جاله اتصال وراح يرد عليه ياحبيبتى زمانه جاى

فيروز:انما ايه الحلاوة دى يابت

نورة:بجد حلوة

هناء:بدر منور ياقلبي

نورة بصت لفيروز:وانتى كمان حلوة اوى بالفستان ده

فيروز:شوفتى الفراشات

نورة ضحكت:شوفتهم

فيروز:اخوكى شكله عايز يطيرنى مش بيجبلى غير فراشات

نورة وهناء ضحكو

هناء:جوزك جاى علينا يانورة

نورة بصت شافت عزام بيقرب منهم ولما جه جمبهم واحد من الناس وقفو وسلم عليه وكان بيتكلم معاه فى شغل

نورة حست بايد على كتفها لفت كان يوسف

نورة بفرحه:يااااچو

نورة دخلت جوا حضنه ويوسف ضمها بحنان اب واخ:وحشتينى يانوارة قلبي

نورة:انتى اللى وحشتنى اوى ياچو

عزام كان قريب منهم ومضايق من انها فى حضنه ونفسه فى اللحظه دى يروح يقتل يوسف الصياد بس شايف ضحكتها اللى منورة وشها ودى تقريباا اول مرة تضحك من قلبها من يوم ماتجوزها وكان بيبصلها بحب

عزام نظراته اتحولت لغضب لما شاف امير داخل الحفله وراح وقف معاهم

نورة اتصدمت لما شافت امير قدامها بس استغربت قلبها مش بيدق زى كل مرة بتشوفه ليه

يوسف بهمس:مش قولتلك ماتجيش

امير عينه على نورة:ازيك يانورة

نورة:كويسه

نورة اتفاجت بايد بتحاوط خصرها وكان عزام وقربها ليه اوى نورة بصتله وقلبها كان بيدق كانه هيخرج من مكانه

عزام:مساء الخير يارب تكون الحفله عجباكو

يوسف:ممله جداا

عزام:مقبوله منك ياابن الصياد ... امير باشا اخبارك ايه

امير:كويس

عزام:منورة ياحماتى نورتى الفيلا

هناء:منورة بيك يابنى

عزام:استاذنك هاخد نورة شويا وترجعلكو تانى

هناء:اتفضل يابنى

عزام مشي ونورة فى حضنه

نورة:هنروح فين

عزام:هتفضلى معايا

نورة فهمت انه عايز يبعدها عن امير

عزام وقف يتكلم مع ناس فى الشغل ونورة معاه اللى بدات تحس بالعطش

نورة بهمس:هروح اشرب

عزام:خليكى هخلى حد يجبلك

نورة:لا مش مشكله هدخل اشرب انت شايف رحاب والبنات كلهم مشغولين

عزام:تمام

نورة دخلت الفيلا وراحت على المطبخ وجابت كوبايه وشربت وحست بايد على خصرها اتخضت والكوبايه وقعت من ايدها ولفت بسرعه

عزام:فى ايه اهدى هو حد يقدر يجى وراكى ويقرب منك كدا غيرى

نورة بخوف:خوفت عشان فى ناس كتير فى الحفله ... لحظه هلم الازاز

عزام مسك ايدها:سيبه يانورة اى حد الوقت يجى يلمه

نورة:حاضر

عزام شايفها لسه مخضوضه:اهدى يانورة فى ايه خلاص انا اسف معرفش انك هتتخضى كدا

نورة:حصل خير انا شربت خلينا نخرج

عزام شدها لحضنه وقربها منه جدااا ونورة كانت حاسه قلبها هيطلع من مكانه

عزام بهمس جمب ودنها:انا ليه مش شايف غيرك ... الحفله فيها ملكات جمال بس انا مش شايف حد غيرك ... انتى اللى سرقتى قلبي من اول مرة شوفتك فيهاا يانور حياتى

نورة كانت فى عالم تانيه وحاسه ان هيغمى عليها من توترها وقربه ليها

عزام:نورة انا محبتيش ولا هحب حد غيرك ومستحيل حد يقدر ياخد مكانك فى قلبي

عزام سكت وماكنش فى غير صوت انفاسهم

عزام بعد وبصلها كانت نورة مغمضه عينيها:فتحى يانورة

نورة هزت راسها بلا

عزام ضحك ومرر صابعه على شفايفها:عارفه لو مافتحتيش هعمل حاجه هموت واعملها

نورة فتحت بسرعه وبعدت عنه:انت قليل الادب

عزام ضحك بصوته كله وضحكته كانت حلوة اوى ونورة بصتله وابتسمت

عزام:انتى ناسيه انك مراتى ولا ايه

نورة حطت وشها فى الارض

عزام:مردتيش على كلامى

نورة بصتله:المفروض اقول ايه

عزام:متقوليش حاجه وانا مش مستعجل على ردك انشالله استناكى العمر كله ... بس مش كله اوى يعنى

نورة ابتسمت

عزام:يلا نخرج وهتفضلى معايا مش هتروحى عند اهلك

نورة:لو مفكر انى هروح عشان امير تبقي غلطان انا الوقت متجوزه وعلى ذمتك واكيد قبل ماافكر اعمل حاجه تضايقك هفكر فى ربنا وانى مستحيل اغضبه وافكر فى راجل تانى وانا متجوزة

عزام ابتسم:طب روحى خليكى مع صاحبتك المجنونه

نورة:عارف لو سمعتك هتشوف جنانها على حق

عزام:الله الغنى ابعديها عنى الله يكون فى عون اخوكى

نورة ضحكت:فيروز طيبه وصاحبه جدعه جداا

عزام:طب يلا روحى وانا هروح عشان امضي العقد

نورة:مبروك

عزام:الله يبارك فيك يانور حياتى

نورة خرجت وعزام راح عشان يمضي العقد وهو ماشي فجاه حد شده من دراعه جوا اوضه جمب المطبخ

********

نورة راحت لفيروز وهناء

فيروز:كنتى فين يابت هاا

نورة:كنت بشرب

فيروز:وعزام كان بيشرب كمان

نورة:اسكتى يابت خالص

هناء:عايزة اروح الحمام يابنتى

نورة:تعالى هاجى معاكى ياماما

هناء:لا يابنتى قوليلى هو فين وانا هروح

نورة:طب استنى لحظه

نورة شاورت لرحاب وطلبت منه تاخد مامتها الحمام وراحت معاها

فيروز:نورة انتى كويسه بجد ولا كل ده تمثيل علينا احكيلى بجد

نورة حكت لفيروز من اول مااتخطفت لحد يوم الحفله

فيروز:يعنى هو ماعملش كدا غير لماانتى كلمتى يوسف

نورة:ايوا هو بيقول انه بيحبنى وانا لما بكون معاه قلبي بيفضل يدق بشكل كبير

فيروز:وطب امير

نورة:طب تصدقى لما شوفت امير النهارده قلبي اول مرة ميدقش ليه

فيروز:بصراحه يانورة عزام بيحبك بجد وباين جداا فى عينيه عشقه ليكى

نورة:تفتكرى انا وهو ممكن نكمل سوا

فيروز:ليه لا لو بتحبو بعض كملو سوا

نورة:ويوسف

فيروز:مش يمكن لما علاقتك تتحسن بعزام علاقتهم هما كمان تتحسن

نورة:معقول

فيروز:معقول جدااا .. بت يانورة هى مين البت اللى بتبصلك بغل دى

نورة بصت عليها:دى شيرين هانم

فيروز:مين يعنى

نورة:بتحب عزام

فيروز:نهار اسود وبتقوليلها كدا عادى هى اللى قالتلك

نورة:لا بس باين جدا فى عينيها

فيروز:وبتبصلك كدا ليه

نورة ضحكت:اصلى علمت عليها

فيروز برقت:عملتى ايه

نورة:اديتها حته علقه انما ايه

فيروز ضحكت ونورة كمان

فيروز فجاه سكتت وبرقت

نورة:فى ايه مالك

فيروز:عزام ويوسف كانو سوا جوا الاوضه دى

نورة شافتهم خارجين سوا من اوضه:مالهم بيبصو لبعض كدا ليه

فيروز:استر يارب

************

شيرين واقفه مع صحابتها

الاء:بس بصراحه جميله

شيرين:انتى بتقولى ايه دى بيئه هى بس عشان لبسه شيك وده بفضل عزام

صوفيا:انتى شايفه الخاتم اللى لبسه ليها

شيرين:متفكرنيش انا هيجرالى حاجه من ساعه ماشوفته المفروض اكون انا مكانها

الاء:وناويه على ايه

شيرين:هخلى عزام يقتلها

صوفيا بصدمه:يقتلها ليه هتعملى ايه

شيرين بخبث:بكرة تعرفووو......

&&&&&&&&&

ياترى حصل ايه بين عزام ويوسف؟