رواية يا انا يا انتي يوسف وليلي الفصل الخامس 5 بقلم سلسبيل احمد
رواية يا انا يا انتي يوسف وليلي الفصل الخامس 5 هى رواية من كتابة سلسبيل احمد رواية يا انا يا انتي يوسف وليلي الفصل الخامس 5 صدر لاول مرة على موقع التواصل الاجتماعى فيسبوك رواية يا انا يا انتي يوسف وليلي الفصل الخامس 5 حقق تفاعل كبير على الفيسبوك لذلك سنعرض لكم رواية يا انا يا انتي يوسف وليلي الفصل الخامس 5
رواية يا انا يا انتي يوسف وليلي الفصل الخامس 5
- انتي اتببهتي وشربتي ايييه !!! ردي عليا
ضحكت بعدم وعي: انت والله بالك طويل يا يوسف ايه ده ؟
"قربت وحطت ايدها على وشي بعدين مسكت خدودي"
- بس برضو هتفضل قلبظ يا يوسف خلي بالك
= اه ده انتي رايحه منك عالاخر ! اوعي ايدك دي
" مكنتش عارف اتصرف واهبب ايه دخلت بيها الجنينه تاني وقعدتها قدامي وكلمت السواق يجيب العربية من الفيلا بس لما وصل سبتها جوه عشان ميشوفهاش كده "
" ومسافه ما رجعت لقيتها قايمه وبتدخل الحمام فا روحت وراها "
- ليلي رايحه فين ؟؟
" دخلت على الحوض وفضلت ترجع فا سندتها "
- ليلي فوقي خليكي معايا !! فهميني انتي ختي ايه !!!
"فضلت ترجع جامد وانا بدأت اخاف جدا عليها"
وقفت ترجيع وبصتلي وعينيها مدمعه: بطني مش قادره
اعصابي بدأت تفلت: انتي شربتي ايه ؟؟؟ ادوكي ايه؟
- عمر.. عمر واحمد
= ادوكي ايه؟؟
- على فكره يا يوسف انت بتعمل كل ده عشان بتكرهني وعايز تعرف جدو اني بشرب حاجات
= لا انا مش بكرهك عرفيني بس اخدتي ايه مش هقول لحد صدقيني
- تؤ تؤ انت عايز تعرفه كل الى بعمله عشان يكرهوني اكتر صح؟ هو انت يا يوسف جاي بعد كل ده عاوز تعلمني؟ خلاص! الوقت فات فاهم؟ عارف انا دلوقتي مش.. انا دلوقتي عايزه اروح لبابا.. دلوقتي.
كملت وهي بتضحك: اصل انا اخدت منهم بوـ..دره.. شميتها وحاسه اني خلاص..
"بصتلها بصدمه وعدم استيعاب !!!!"
" لكن قبل ما استوعب الى قالته وقعت بين ايدي..! "
" شلتها بسرعه وخرجت بيها من المكان ده ودخلتها العربية فضلت افوق فيها وكنت حاسس انها حاسه بوجودي فا جبت البرفيوم من جمبي ورشيته عشان تفوق اعصابي كانت خلاص سابت ومش عارف افكر طلعت موبايلي عشان اكلم جدو ومكنتش عايز اعمل كده كنت سايب ده اخر حل لكن انا دلوقتي مش عارف اللحقها رنيت عليه بسرعه وقبل ما اقول اي حاجه سمعتها بتكح وبتفوق اتنهدت اخيرا وخت نفسي بأرتياح وقفلت الخط.. "
- ليلي!
= انا فين؟
- انتي كويسة حاسه بأيه؟
= انت بتعمل ايه هنا انا عايزه.. عايزه ارجع لصحابي انا مصدعه اوي ايه الحر ده ؟
" مكنتش قادره تتحرك اصلا فا قفلت العربية و طلعت قدام وبدأت اسوق وهي ورا عماله تحْترف بالكلام "
- اسكتي شوية بقا انا مش فاهم بتقولي ايه اصلا!!
= ولا انا !!
- ما طبيعيي مش روحتي طفحتي الزفت معاهم
= انت الزفت..
- شكرا
= انا دماغي وجعاني دماغي مصدعه ايه السقعه دي انت حْاطفني فييين !!
- حْاطف مين !!! اسكتي انا مش طايقك
زعقت بعدم وعي وهي بتحْبط الكرسي الي انا قاعد فيه: ولا انا يا قلبظ انا بكرهك جدا و بكره اليوم الى جيت فيه الفيلا
- والله انا بكره اليوم الى عرفتك فيه انتي ومصايبك دي الى مش بلحق اخد نفسي منها !
" لقيتها سكتت وانا كنت وصلت قدام الصيدلية فا نزلت جبتلها برشام صداع واشتريت مياه "
"دخلت العربية وادتلها البرشام وبدل ما تحطها ف بوقها لقيتها حطيتها في شعرها فضلت باصص وانا بحاول استوعب الى بتعمله شربت بعدها المياة واتنهدت"
- الصداع راح خلاص انا كويسة
" ضربت بأيدي على وشي لما ادركت انها مش مدركه اي حاجه بتعملها !!! "
= انا هموت واعرف انتي بتعملي في نفسك كده ليه ؟؟ ليه واحده زيك عندها حياة وناس بتحبها وكل ده ومبوظه حياتك كده؟؟
- انا عايزه اخرج من العربية
= مش هتخرجي يا ليلي لحد ما اشوف هعمل فيكي ايه طنط لو شافتك كده هتروح فيها
- خلاص امشي من هنا
= امشي اروح فين!
- عند الشجرة.. نروح عند الشجرة مكان الورده الى انا سبتها
= يا الله... اعمل ايه بس ساعدني يارب
- خد برشام وهتبقي كويس ويلا قولتلك نروح عند الشجره.. وديني
" نفخت بضيق وانا مش فاهم هي بتقول ايه وفضلنا في العربية يجي ساعتين الساعه جت واحده وجدو رجع يكلمني فا قولتله اني كنت بكلمه عشان اقوله اننا هنتأخر وطمنته و وقتها قررت ارجع بيها "
" وصلنا قدام الفيلا فا بصتلها"
- ليلي ركزي معايا هخدك ونطلع براحه هطلعك اوضتك ماشي؟ اوعي تعملي اي صوت
" عملت لي بأيدها علامه لايك "
- ربنا يستر تعالي
" سندتها قدام الأمن كأنها دايخه عادي ولما دخلنا الفيلا ملقتش حد فا اطمنت شلتها بهدوء وهي مسكت في رقبتي كانت هتحْنقني "
- هتوقعني
= شششش اسكتي متخافيش ماسكك كويس اهو سيبي بس رقبتي عشان هموت
" رخت ايدها شوية وانا طلعت بيها عالسلم بهدوء وسمعت صوت تحت فا طلعت بسرعه ودخلت اوضتها حطتها على السرير وقفلت الباب وقفت ورا اسمع وكان صوت طنط هدي!. "
" لقيتها بتخبط فا مكنتش عارف اعمل ايه! "
- ليلي انتي جيتي ؟! افتحي الباب
روحت عندها بسرعه و اتكلمت بصوت واطي جدا: قولي بغير قوللها بغير فا قافله الباب
علت صوتها: هو بيغير يا ماما !!
لطمت على وشي وقولت بصوت واطي متعصب: هو مين الي بيغير قولي انتي
قالت بنفس الصوت: انتي !
- انا ايه يا ليلي افتحي !! اي الى اخرك كده ؟؟؟
"بصتلي وهي مستنياني اغششها"
"فا قولت لها كلمه كلمه"
- بكره بقا يا ماما عشان هنام
= ماشي يا ليلي!
" فكرت انها ممكن تخبط على اوضتي فا معرفتش اعمل ايه بصيت للبلاكونه وخرجت ومنها دخلت اوضتي وفعلا لقيتها بتخبط فا فتحت ورسمت على وشي ابتسامه مرْيفه"
- ايه ده لسه صاحيه يا هدهد؟
= انتوا كنتوا فين يا يوسف!!
- احنا؟ كنا في.. حفله تبع حد من صحاب ليلي
= وتتأخروا كده؟
- انتي عارفه يا هدهد انها عنيده وانا قولت بما اني معاها خلاص هخلي بالي عليها
= يعني محصلش حاجه؟ هي مرضتش تفتحلي!
- اصلنا راجعين همدانين شوية متقلقيش
= طيب يا حبيبي.. معلش لو قلقتك تصبح على خير
" مشيت وانا اتنفست اخيرا.. كرهت فكره اني كدبت عليها ومخبي حاجات من حقها تعرفها عن بنتها ! "
" خرجت البلاكونه تاني ودخلت اوضتها لقيتها راحت في النوم بصتلها وابتسمت بسخريه.. شكلها البرئ وهي نايمه مش لايق مع شخصيتها إطلاقا..
رجعت اوضتي واخيرا قررت انام.. "
>>>>>>>>>>>>>>>>>>>>>>>>>>>>>>>>>>
صلي على محمد
|| تاني يوم | الساعه 10 ||
" صحيت لقيت نفسي نايمه بهدوم الخروج ودي مش عادتي..! استغربت اني مش فاكره اي حاجه. مفيش اي حاجه راضيه تيجي في دماغي غير صورة يوسف! انا اخر حاجه فكراها اننا زوغنا منه؟! وطلعنا نشرب حاجات.. و.. احمد! البودره الى جابها اكيد الى عملت فيا كده!!! انا لازم اعرف حصلي اية ! "
" خرجت البلاكونه ودخلت اوضته لاقيته نايم...! وهو بينزل بدري ومفروض يبقي صحي الا اذا كان سهران معانا و مروحش!.؟؟ "
حْبطت على كتفه: انت ! قوم كلمني !!
= مين..
- قوم بصلي و كلمني !!
"فتح عينه ببطئ وفرك فيها بتعب"
- فيه ايه؟
= انت مشيت امبارح لما خرجت مع صحابي؟
- خرجتي ؟؟
بصتله بنص عين: اه خرجت
" قام من على السرير وبصلي في عيوني "
- هو انت خرجتي انتي وهما؟ ولا فضلتوا فوق ؟
= انت تعرفني ايه الى حصل امبارح بالظبط فاهم؟؟
" بصلي بقلبه وش بعدين بص قدامه "
- الساعه عشره!! انا عندي شغل! وسعي كده اطلعي بره
= مش هطلع غير لما تفهمني حصل ايه !!
- الحاجه الوحيده الى هعرفهالك اني قولت لطنط هدي اننا كنا سوا و اتأخرتي وانا فضلت معاكي ورجعنا سوا برضو
= يعني ايه !!!
- يعني لما ارجع نبقي نتكلم
= هنتكلم دلوقتي!
" مهتمش ليا و فتح دولابه وقلع التي شيرت فا لفيت وشي! خرجت من الأوضة وانا متعصبه ودخلت اوضتي "
>>>>>>>>>>>>>>>>>>>>>>>>>>>>>>>>>>
لا إله إلا أنت سبحانك إني كنت من الظالمين
|| في الفيلا الى كان فيها الحفلة ||
- عمر.. يا عمر
= نادين؟! اية ده احنا بنعمل اي هنا؟! احمد !
- هممم
= قوم ياعم..!
صحي وبص حواليه: احنا فين
نادين: فين ليلي ! وايه الى حصل انا مش فاكره اي حاجه ليه
- ولا انا!
= وانا برضو مش فاكر الزفت الى شربتو لينا ده ايه !
- انا مالي ياعم عمر مانا شربت منه زي زيكم
= وفين ليلي !!!
" نادين طلعت الموبايل ورنت عليها "
- الو ؟
= ليلي انتي كويسة!
- انا كويسة انتوا تمام؟ انا صحيت مش فاكره اي حاجه يجماعه !
= واحنا برضو انتي مشيتي ازاي!!
- شاكه ان يوسف هو الى وصلني بس مش راضي يحكيلي اي حاجه!!!
= احنا هنبقي نعدي عليكي بليل
- ماشي
" قفلت معاها وبصتلهم يلا نمشي.. معرفش ازاي صاحب الفيلا سابنا اصلا ! "
" نزلوا هما التلاتة ولاحظوا ناس مرميه فكل حتة و فهموا ان كلهم حصلهم نفس الموضوع "
>>>>>>>>>>>>>>>>>>>>>>>>>>>>>>>>>>>
|| في شركة عزيز عبدالرحمن للأجهزة ||
" وصلت و دخلت مكتب مريم "
- اسف جدا على التأخير.. التقارير اتقدمت؟
= ايوه براجعها دلوقتي..
- تمام كويس جدو هنا؟
= لا راح المصنع
- انا مضطر اروحله.. محتاجه ضروري
= طيب هو كدا كدا النهارده مفيش غير دراسة التقارير والحاجات الى اتناقشت فالاجتماع فا بكره هو الى مهم عشان هنبدأ نمضي على الخامات وكده
- تمام انا هراجعهم معاكي ولما اخلص اروحله.
>>>>>>>>>>>>>>>>>>>>>>>>>>>>>>>>>>>
سبحان الله العظيم
|| داخل المصنع | قسم التغليف ||
- ممكن افهم فين المشكلة ؟
= العمال مش شايفين شغلهم يا عزيز بيه عندنا تسليم 150 تلاجه وزي ما سيادتك شايف بيشتغلوا ازاي
- هو ايه الى حصل بالظبط؟؟
= حضرتك بيقولوا الاجهزه الى شغالين بيه معظمها مش عاجباهم وعايزة تجديد و بيتلكعوا و زي ما يكون قاصدين يتفقوا كلهم على تأخير الصفقه
- وليه كل ده يا وليد ؟؟ مش بيقبضوا فلوس !!
= حصل سيادتك مش بنتأخر عليهم دقيقة
- انا هتعامل معاهم
= بنفسك!!
- امال انا جي ليه ؟؟
= ايوه لكن ابن حضرتك استاذ عبدالله قالي هينزلهم جزا وهيتعامل معاهم بطريقة تانيه
- سبني انا هتكلم معاه.. في مكتبه هو صح
= أيوه
" عزيز كان في طريقه لمكتب عبدالله و فتح الباب ودخل لاقاه قاعد وباين عليه الهم..! "
- بابا! خير حضرتك حصل حاجه
= محصلش حاجه اقعد
- امال سبت الشركه ليه
= جاي اشوف المشكلة الى العمال عاملينها
- وحضرتك عرفت منين
= انت فاكرني كبرت ولا اية
ابتسم ابتسامه خفيفه: انا هتعامل معاهم عموما متشغلش بالك
- انا عايز افهم دلوقتي الموضوع كله
= الاجهزه الى شغالين بيها معظمها قدمت فا بيتبطروا بقا و عاوزين يغيروها بدل ما نصلحها و بيتكلموا ف إجازات و مرتبات و حاجات كلها تافهه بس انا عارف كويس ان حد فيهم الى اكيد مشجعهم ومحرضهم يعملوا كل ده و يبوظوا شغلنا! دول عايزين طريقه حاده يا بابا وانا بقا هفوق لهم
- غلط!
= يعني ايه؟
- العمال هي نص المصنع لو مكنتش كله
= بس مش بالطريقة دي! كده هيتكبروا علينا
- الاجهزه كدا كدا لازم تتغير يا عبدالله
= ايوه يا بابا لكن هما كدا هيشوفوا نفسهم عليا
- انا الى هتعامل معاهم
"الباب خبط فا عبدالله رد"
- ادخل... اية ده يوسف كمان ؟
= إزيك يا عمي.. إزيك يا جدو
- الحمدلله تعالي اقعد كنت لسه هكلمك
"فتح زرار من جاكيت البدلة وقعد برسمية"
عبدالله: ناوي على ايه يا عزيز بيه
عزيز: اسمع بقا الاجهزه هتتغير بس وهنقول ان ده قرار صدر عشان منفعش يتعملها صيانه وعرفهم ان طلب المرتب و الإجازات هتدرسه حسب شغل المصنع وتشوف هينفع ولا لاء وتوافق عليه ايا كانت الظروف بس ده طبعا لما شغل التغليف يخلص بالنسبالك يا يوسف بقا عاوزك تجيب حد من الحسابات عشان يعملنا دراسة جدول ونشوف التكلفة وكل التفاصيل دي
عبدالله: يعني تقصد ناخدهم على قد عقلهم بدل ما اتعامل بغشامه
- بالظبط.. لأننا مش عاوزين نخسرهم يا عبدلله العمال دول من ايام مهدي الله يرحمه..
بصيت لجدو: انا كنت عايزه اتكلم مع حضرتك
= طيب تعالي احنا كدا كدا نازلين
" خرجنا عند العربية وقبل ما ابدء اتكلم معاه بصيت في موبايلي لقيت الساعه 5.. "
- طب جدو.. ينفع تيجي بدري انهارده
= انا كدا كدا رايح مشوار للبنك وراجع روح انت البيت ونتكلم براحتك لما ارجع انا كنت مستنيك امبارح وانتوا اتأخرتوا كنتوا فين كل ده
- في ... فالحفله تبع صحابها
= وهي كانت موافقه كده عادي..
- يعني.. تقدر تقول لاء بس حضرتك ضغط عليها اروح معاها
= لأني مش عاجبني الى هي بتعمله ده
- ولا انا!
" بصلي فعيوني وهو عارف اني شايل كتير "
- طيب يا يوسف روح انت البيت وانا هحصلك ولا تيجي معايا
" رجعت ابص للموبايل بتاعي تاني..! "
- هو انا في حاجه هعملها بس..
= طيب روح انت
" ركبت البايك و اتحركت بسرعه على اللوكيشن الى قدامي على الموبايل "
>>>>>>>>>>>>>>>>>>>>>>>>>>>>>>>>>>
|| في المقطم | عند الجبل ||
" وصلت وقعدت لوحدي كنت بفكر افضل لوحدي شوية بس مليت وهما اصلا كانوا هينزلوا بس قولت لهم محدش يجي فا قررت ابعتلهم لوكيشن على الجروب عشان يجولي و بعت لأحمد بالتحديد يجيب معاه حاجات.. "
" كنت سانده على البايك ومستنياهم ولما سمعت صوت عرفت انهم وصلوا بصيت ورايا و اتفاجئت بـ يوسف "
- انت ايه الى جابك هنا؟؟ عرفت اني هنا منين !!!
كان باصصلي بعيون حاده و عْضب: امشي قدامي حالا هنرجع البيت
= انت تاني ؟؟ انت مش بتزهق يحبيبي مش بتحس؟
- انتي عارفه لو مجتيش معايا هيحصل ايه؟ هعرفهم كل حاجه هخليهم يخدوكي يعملوا ليكي تحليل ويعرفوا الزفت الى شربتيه امبارح انتي مشوفتيش شكلك كان عامل ازاي ؟؟؟ بطلي قر * ف بقا !!
= يعني طلعت ورايا!!
- اه! طلعت وعرفت شربتي ايه!!
ضحكت بسخريه: بس معرفتش حد صح
= انا معرفتش حد بمزاجي!! انا فضلت معاكي لحد بليل وبعدين روحتك عشان محدش فيهم يحس بحاجه مشوفتيش نفسك كنتي هتمـ.وتي وعايزه تكرري ده تاني؟؟ انسي ! انتي هتبطلي الى بتعمله ده غصب عنك
زعقت فوشه جامد: اخرس !!!! انت ملكش اي حق تعمل كل ده انا حره !!
زعق بنفس نبرتي: مش حره !!!! انتي مش حره ! ومش هسمحلك ابدا تعملي اي قر*ف تاني ولا تقابلي صحابك دول حتي
- والله ؟؟ وهتعملها ازاي؟ فاكرني عيله!! انت ياحبيبي مش قدي ! روح ارجع مطرح ما جيت يا يوسف! انت مش هتغير حاجه فا متعملش بطل!
بصلي بخيبه أمل: خسارة المرحلة المتدنيه الى وصلتي لها الى معرفش وصلتي لها ازاي حصلك ايه خلاكي بالشكل ده.. عمي مهدي ميـ..ـت بقاله سنتين بس وانتي حالتك كده؟؟
" اول ما سمعت اسمه و كلمه مو*ت فنفس الجمله اعصابي باظت.. حسيت وقتها بكذا شعور كلهم سواد!! بصتله وانا مركزه عيوني عليه"
- اسكت متتكلمش!
= انتي ضيعتي تربيته ليكي! فاكره انوه كده فرحان؟؟ عارفه لو كان موجود وشاف كل الى بتعمليه ده؟؟
جسمي سخن وقربت منه بكل غضب الدنيا وزعقت: انا بقولك اخرس خالص !!!! متجبش سيرته متتكلمش !!!
كنت همشي من قدامه ولكنه مسكني: مش هتروحي في حتة !!! لو هو مش موجود فا انا موجود ومش هسمحلك تضيعي نفسك !!! ولا عاوزاني اخيب ظنه زيك؟؟
" بصتلي وقتها بنظره تعجب من الى قولته وكأنها مش مصدقه فضلت مركزه عيونها عليا وهي بتحاول تستوعب الجملة.. وانا سكت.. "
- انا مكنش قصدي ان..
" صْربته بالقلم بدون تفكير بعد الجمله الى قالها وهو حط ايده على وشه ورجع بصلي "
>>>>>>>>>>>>>>>>>>>>>>>>>>>>>>>>>>
يتبع..