سيف قرب منها بسرعه ومسك وشها بين كفوفه واللي باين عليهم اثر حبه المؤلم ليها وبقى يمسح على خدودها ويرجع شعرها لورا وكان حرفيا بينهار : ابعدي عني يا دموع عشان خاطري ها ابعدي عشان انا مش هعرف ابعد مش هقدر اسيب الشركه دي امانه عندي ..سيبيها انت ومرتبك هيوصل لك كل اول شهر وانا... انا هتلاقيني واحده واحده هبعد عن البيت وهطلع من الشقه ده لازم يحصل ارجوك يا دموع ...ابعدي انت

دموع رفعت عينيها بغضب ونزلت ايده : انت ازاي تطلب مني حاجه زي كده وبعدين ده شغلي... انا ما اتنازلتش عنه برغم المشاكل اللي حصلت لي بسببه ده شخصيتي وكياني مش مصدر للفلوس وبس زي ما انت فاهم وبعدين تبعد ليه وابعد ليه اصلا وهو ما فيش حاجه اساسا تخليك تقول لي كده هو مش احنا اخوات..

سيف اتعصب : يبقي بتضحكي علي نفسك قبل ما تضحكي عليا..

دموع بحزن : ولا تضحك عليا ولا اضحك عليك عايز تبعد اتفضل انا الشركه مش هسيبها وشقتي مش هسيبها وجوزي مش هسيبه قالت الاخيره لنفسها..

سيف اومأ بقهر وهو عارف نفسه وان مشاعره وقلبه خرجه عن سيطرته عيونه ونظراته واسلوبه معاها بقى مش قادر يتحكم فيهم..

وقعد علي أرضية اليخت وسند ايده علي ركبته وولع سيجاره وخد نفس طويل : انا حذرتك متزعليش مني بعد كده..

دموع ببرود : يعني ايه 

: يعني متشغليش دماغك ونزلي لجوزك ي قلب اخوكي..

قالها سيف بإعصاب مشدودة

دموع قربت منه بغضب وقلعت الجاكيت بتاعه وحذفته في وشه وبكل طفوله الدنيا ما عرفتش تعبر عن اللي حساه غير بكلمه واحده" انا بكرهك "

قالتها ومشيت تدب في الارض بنرفزه 

سيف بقى مش عارف يضحك من طفولتها ولا يزعل من واقع الكلمه وتاثيرها على قلبه... بس اللي كان متاكد منه انه مش قادر يرفع عيونه عن مؤخرتها اللي بتتهز قدامه بليونه واول ما اختفت من قدام عينيه حط الجاكيت على وشه ورجع راسه لورا وهو بينتهي بالراحه بسببها وابتسم لما شم ريحتها مخلوطه بريحته ودي بتحصل بعد كل مره يديها جاكيت ليه بيعشق منظرها فيهم وبيعشق ريحتها عليهم..

دموع فتحت باب الاوضة بعصبيه ندي وياسمين اتخضوا من فتحت الباب ومن وش دموع الاحمر بسبب العصبيه 

ندي بخضة : اعوذ بالله مين مات

ياسمين فاقت من خضتها وضربت ندي ع رجلها بضحكه : بس ي بت ملكيش دعوة بيها ..تعالي ي دودو 

مين بيكي ي قلبي ..

دموع بنرفزة: اخوووكي ..هو احنا ورانا غير اخواتك السنه السودة دي 

ياسمين : اخويا مين وبعدين هم اخواتي بيعملوا ايه دول ملايكه

: ملايكاااااه ..قالتها ندي ودموع بصوت عالي صدم ياسمين وبرقة عينيها ندي ودموع ضحكوا علي منظرها..

ندي بسخرية : قال ملايكا ده انتي عندك القديس فارس ده من احفاد ابليس ونعمه ..

دموع كملت : ولا الي عندو انفصام الي اسمه سيف القاضي ..شوية مركب الوش الخشب وشوية يسبلي 

بالالفرنك ..Oh mes larmes...Je t'aime..

مدام دموعي انا هنا مديرك قربي ابعدي سيبي 

تعالي اخوك مديرك جارك زفت علي دماغي 

انا تعبت..كل ده كانت وقفه وبتقلد صوت 

وحركات سيف  ومشيته..وقعدت ف الارض 

بانهيار ..انا بجد بقيت مشتته انا انا 

ونفجرت ف البكي زي الاطفال..

سيف كان بيدخن بشرود وشاف حاجه بتلمع بسبب ضوء القمر قرب منها ولقاها سلسله فضيه بشكل جناحين ملاك خدها بين صوابعه بالراحه وقربها من شفايفه وبسها برقه ونزل يديها لدموع قرب من الاوضه وسمع كلامها وانهيارها وصوت بكاها قبض على السلسله بين صوابعه وحطها في جيبه ورجع اوضته..

الجروب رجع الفندق وبامر من سيف جهزوا شنطهم ورجعوا على القاهره في نفس الليله كان مع سيف فارس وندى ودموع وحسين عشان ساكنين في نفس المنطقه وسيف طبعا مكنش ناقص حرقة دم....وساب فارس يسوق وفرد ضهره على الكرسي اللي جنبيه وحط الجاكيت على وشه ونام... فارس كان كل ما تيجي عينه  في عيون ندى يبص الناحيه التانيه ببرود وده عصب ندى

" ده ولا احبه ولا اطيق بعدو ده ولا ايه يا ندوش"

تميم وياسمين كانوا في العربيه مع بعض ياسمين حاولت تفتح معاه اي موضوع بس ما عرفتش بسبب الناس اللي كانت راكبه معاهم ..

وصل كل واحد فيهم على بيته وكان اللقاء في الشركه على الساعه 12:00 الظهر بسبب انهم راجعين من سفر 

كل واحد دخل فرشته وهو بيفكر في اللي شاغل باله لحد ما غلبهم النوم

ثاني يوم الظهر كلهم صحيوا وكل واحد واخد قرار جواه يا ريت هيقدر ينفذه 

ياسمين نزلت لقت واحد من الحرس واقف منتظرها جنب باب العربيه

: صباح الخير تميم فين 

: تميم واخد اجازه ي هانم 

: طب ده ليه 

: معرفش حضرتك ممكن تسألي سالم بيه 

ياسمين رجعت الفيلا وكان سالم قاعد بيفطر قربت منه بقلق : بابا هو تميم واخد اجازه ليه هو في حاجه

سالم ابتسم : لا يا حبيبتي كل الحكايه انه واخد اجازه عشان مروح بلدهم يتجوز بامر من والده واه جهزي نفسك عشان هنروح نحضر فرحه لو والموضوع تم..

ياسمين اومأت وطلعت بسرعه قبل ما ابوها يشوف دموعها الي نزلت وكانت بتنهار لكن هزت دماغها 

بالرفض مش هتسيب تميم يضيع منها خدت نفسها ومسحت عيونها وراحت نحيت الحارس : تميم فين 

: في الملحق بتاعه ي هانم 

ياسمين جريت على المكان اللي قاعد فيه تميم وفتحت الباب ودخلت من غير ما تخبط تميم رفع راسه وبص لها باستغراب ياسمين بلعت ريقها بخوف وهي شايفاه بيجهز شنطته قربت منه وهي جواها خوف 

وبغصه : ت.تميم 

تميم بهدوء : خير ي هانم 

ياسمين بلعت ريقها بخوف : هو اللي سمعته ده بجد انت فعلا مسافر بلدكم عشان تتجوز

: اه مسافر الحاج طلب مني كتير اني اروح عشان اتجوز وافتح بيت بس انا كنت برفض بس دلوقتي ما فيش سبب للرفض هروح اشوف حياتي

: تميم ارجوك بلاش ..قالتها ودموعها نزلت بانهيار

تميم بغصه : بلاش ليه ي هانم 

ياسمين بانهيار : انت مين عشان خاطري انا مش هقدر اشوفك مع واحده غيري

: وده اسمه تملك ولا انانيه وبعدين انت مهتمه ليه بواحد حقير 

ياسمين بشهقة : تميم خلاص بقى عشان خاطري انا قلت لك كذا مره اني اسفه وبعدين ده كان رد فعل غير متوقع على حركتك الجريئه وده مش غلطي لوحدي على فكره

تمام كان واقف يبص لها ببرود وهي عماله تلف وتدور وبتهرب من الحقيقه 

ياسمين سكتت مره واحده لما شافت تميم رجع يرتب هدومه وقربت منه اكثر واخذت نفسها وهي 

مغمضه عينيها  : تميم انا بحبك ومش هقدر اعيش من غيرك ولا هقدر اشوفك مع غيري ارجوك فكر وانا صدقني هكون كويسه هم بس شويه مشاكل بسيطه معايا وبالمتابعه هبقى تمام تميم عشان خاطري ما تسيبنيش...

هو قعدت على السرير وضهرها التميم وحطت ايدها على عيونها وقعدت تعيط في صمت وما لقيتش اي رد فعل من تميم على اعترافها ولملمت باقي كرامتها ووقفت تمشي بعد ما شافته ماسك الفون بيقلب فيه ببرود وهي عند الباب سمعت تميم 

:ايوه يا حاج الغي كل حاجه انا عروستي لقيتها خلاص وفي اقرب وقت هاجي اخدك ونيجي نتقدم لها قول ان شاء الله في رعايه الله سلام

تميم بضحكه : ايه قولك ي عروسة ..

ياسمين لفت بسرعه هي الابتسامه ماليه وشها وجريت على تميم ورمت نفسها في حضنه:  تميم...

: قلب تميم وحياته اللي راحت واللي جايه ي فله قلبي بحبك واعر انا كنت هتخوت وانت بعيده عني بس هعمل ...ايه ربنا على الهيبه وعلى الحب بجيامه وان لما البنت تتجل يوم عليك بالسلامه... هههههههه

ياسمين ضحكت : بس ي رخم انا اصلا زعلانه منك اووي اوعه 

: ايه بس ده انا لما صدقت انك نطاقتي وحسيتي بيا كيف ما انا حاسس بيكي كبرتي قصاد عيني يوم بيوم وانا متعلق بيك واقول لا يمكن تحس بيا وتكون من نصيبي ده حلم بعيد بس خلاص اتحقق يا قلبي تميم وخلاص مش هبعد عنك لحظه وهمسك ايدك واعدي بيك الصعب كله حتى لو هتحدى العالم كله لاجلك يا ياسمين مش هخليك تفارقي حضني لحظه تاني

ومسك وش ياسمين بين كفوفه وبتسم : يا بووووي ده الحب واعر جوي يا ولاد بس حلو جوي جوي هههههههه

ياسمين ضحكه بهدوء وهي بتتنهد براحه في حضن حبيبها اللي عذبها حبه بس خلاص انتهى العذاب بتنازل بسيط واعتراف لذيذ واتنفضت من حضن تميم: يا بووووي الشركه انا اتأخرت جوي يلا عشان توصلني ي بيه 

تميم ضحك ع شقوتها : يلا ي قلب البيه ..

ياسمين وصلت الشركه في نفس الوقت الي دموع وندى وصلوا فيه وهم التلاته دخلوا يجروا على فوق وشافوا سيف واقف بيبص في ساعته والشركه كلها عامله زي خليه النحل وما فيش نفس طالع... استر يا اللي بتستر قالتها ندى بهمس ودموع بلعت ريقها..

سيف بصلهم وحواجبه معقوده : لسه بدري ي دكاترة

ندي بخفوت : والله احنا كنا المفروض ناخد اجازه انهاردة اصلا احنا راجعين من سفر

سيف : المفروض ده مش هنا والله يا استاذه ندى احنا هنا بنشتغل مش بنلعب

ندى بصت على فارس اللي مبتسم بشماته وهو قاعد حاطط رجل على رجل باستفزاز اومأت بقهر

ياسمين بهدوء : خلاص يا سيف حصل خير وبعدين هم كانوا معايا انا اللي اخرتهم

: معاكي ده بعد ساعات العمل يا استاذه ياسمين اما الشغل الصحوبيه والزماله ده بره الشركه مش هنستعبط احنا... وحق الجيره والاخوية ده مش هنا ..قال الاخيره هو باصص لدموع السكته بتوتر ...يلا كله يشوف شغله وانت ورايا ..شاور لدموع ببرود ودخل على مكتبه

دموع خبطت على وشها بقله حيله ومشيت وراه خبطت على الباب ودخلت لقيته قاعد ورا اللاب توب وملامحه ما تتفسرش : أيوة ي استاذ سيف 

: النهارده هيتم دمج الشركتين شركه الالف جروب مع شركه عابد زيدان وفي ميتنج بينا وبينهم للاتفاق الاخير هيكون ليهم ثلاث مكاتب هنا لازم يكونوا جاهزين قبل الميعاد اما باقي الموظفين هيكونوا مع الموظفين بتوعنا وتحت تدريبهم لحد ما يكونوا زي ما احنا عايزين

دموع ببرود : أيوة والمطلوب 

سيف رجع ضهرو لوراه وبكل برود الدنيا حاط رجل ع رجل وهو بيتحدها بنظراته : المطلوب من حضرتك عايز ملف بكل كبيره وصغيره عن الصفقات اللي دخلتها شركه عابد زيدان اخر سنتين وتجهيز المكاتب اثنين بطابع رجالي والثالث انثوي لبيري زيدان أما اخرآ توزيع الموظفين هيكون عليك برضو يلا يا حلوه وريني شطارتك..

دموع كانت عايزه تقوله ده مش شغلها بس هي عارفه ان هيقول لها انا هنا اللي اقول انت تشتغلي ايه وما تشتغليش ايه وفهمه انه بيطفشها بالطريقه بعد ما طلب منها تسيب الشركه وهي رفضت وبكل بساطه اهزت دماغها بابتسامه : تمام يا فندم اي أوامر تانيه 

سيف اتصدم لكن مبينش : اتفضلي

دموع خرجت ببرود ولكن جواها نار من معاملته واسلوب المستفز وراحت مكتبها وهي بتفكر هتعمل الشغل ده كله ازاي في وقته قليل ومسكت الفون واتصلت بمديريه مكتب عابد زيدان : الو صباح الخير انا دموع رائف مديريه الدعايه والاعلان من شركه الالف جروب 

لو سمحتي كنت عايزه ملف بكل الصفقات اللي دخلتها شركتكم اخر سنتين عشان دمج الشركه والميتنج اللي هيتم النهارده تمام بالظبط كده

 وكمان عايزه ملف باسماء الموظفين اللي هيتم نقلهم هنا ووظائفهم عشان نبدا توزيعهم ودمجهم مع باقي الموظفين قبل الميتنج تمام مظبوط اه اكيد طبعا خلاص ساعه وانا بنفسي هقابل استاذ ادهم واخد منه الملفات ميرسي جدا لحضرتك مع السلامه..

قفل الدموع وخدت شنطتها ونزلت عشان تروح شركه الديكورات اللي بيتعاملوا معاها وقبلت تميم وهي خارجه من الشركه :صباح الخير يا تمام

: اهلا صباح النور يا مدام طمنيني عليك

: انا بخير الحمد لله بس مديركم الجديد ناوي يجيب اجلي 

:والله استاذ سيف ده ما فيش منه هو بس خلقه ضيقه

حبتين ..

: حبتين بس قول تلاته اربعه  ده نفضنا الصبح على التاخير ومعانا ياسمين كمان هههههههه اسكت كان منظرنا استغفر الله زباله قدام باقي الموظفين...

تميم ضحك : يا حول الله يارب حتي فلة 

دموع باستغراب : فلة مين 

: احم قصدي ياسمين هانم ..

دموع ابتسمت : لها قلتلي على العموم فله هانم محتاجه لك جنبها الفتره اللي جايه حاول تحلوا خلافكم بقى عشان كانت قالت لي انها ترجع من شرم وتدور على دكتوره كويسه تتابع معاها حالتها..

: هي حكت لك 

: أيوة 

تميم اومأ براحه : احنا حلينا خلافنا خلاص شدوا حيلكوا معانا الفتره اللي جايه عشان الخوف كله دلوقتي من سالم بيه احسن يرفض..

: لا لا متقلقش سالم بيه متحضر كفاية واكيد هيفهمكم 

خلصت دموع كلامها مع تميم بين هزار وضحك ودردشه على ياسمين واستاذنت وراحت مشوارها ورفضت انه يوصلها حرمت من اخر مره طلعت مع سيف في العربيه لوحديهم وحسين بهدلها.. وكل ده سيف مراقبهم بعيون حزينه ليه علاقته معاها مش طبيعيه زي علاقتها بتميم او فارس وخرج سلسلتها من تحت القميص وهو بيبص لها بشرود بعد ما قرر يلبسها ويحتفظ بيها ومش هيرجعها ليها تاني وهي حاجه من ريحتها لحد ما 

يعمل لها زيها....

دموع وصلت لشركه الديكورات واختارت ثلاث مكاتب بكل ديكوراتهم وطلبت انهم يكونوا جاهزين في الشركه قبل الساعه 4:00 وخرجت 

 وقفت تاكسي ونزلت قدام شركه زيدان وهي بتعدي الطريق وبتبص في ساعتها عربيه خبطتها وفرملت بسرعه بس كانت دموع وقعت في الارض وكفوفها تجرحت جروح وخدوش سطحيه لكن بتنزف نزل ادهم زيدان يجري من العربيه : انت كويسه ارجوك ردي عليا

دموع بألم : اه انا كويسه 

: طب هاتي ايدك اسعدك تعالي اوديكي المستشفي عشان اطمن عليكي 

دموع وقفت براحه : لا لا ميرسي انا بخير مش عايزه اتعب حضرتك حصل خير ..وطلعت منديل من شنطتها ومسحت أيدها بوجع ..

: انا بجد اسف ولو سمحت تعالي معايا مكتبي هنا انا ادهم زيدان عشان بس تطمني خليني بس اغير لك على جروح

: ايه ده بجد انا كنت جايه لحضرتك

ادهم استغرب : جايه لي انا

دموع ابتسمت بتوتر : اه انا دموع مديرة في شركه الالف جروب وكنت جايه اخد من حضرتك الفايلات

ادهم : اه انا اصلا كنت جاي مستعجل عشان الحق ميعادك بس مش غريبه انك مديره في الشركه وجايه تستلمي الملفات بنفسك..

دموع جزت ع أسنانها منك لله يا سيف وبتسمت : عاادي بقا 

ادهم ابتسم : تمام اتفضلي معايه ..

طلعت دموع مع ادهم المكتب وهو مش منزل عينه من عليها بيبص لها باعجاب وواضح وده وتر دموع اكثر لحد ما وصل قدام المكتب : اتفضلي انت يا استاذ دموع وانا ثواني وهكون معاكي

 دموع اومأت ودخلت المكتب وادهم راح لمديره 

مكتبه :مين يا سالي دموع وملفات ايه اللي عايزاها

: دي يا فندم مديره الدعايه والاعلان من شركت الالفي  وطلبت ملف بي صفقات اخر سنتين لينا وملفات باسماء ووظائف الموظفين اللي هتتنقل الشركه وانا قلت لها مش هقدر اخرج حاجه زي كده غير باذنك وافقت وقالت انها بنفسها هتيجي تاخدهم من حضرتك ورنيت عليك وبعتت لك مسج بس حضرتك ما ردتش عليا اجهزهم ولا لا 

ادهم بشرود : تمام تمام جهزيهم واطلبي لي فنجانين قهوه مظبوطين وحصليني علي مكتبي بالملفات 

دخل ادهم المكتب وبص لدموع بخبث : منوراني والله ي أستاذة دموع 

: ده نورك يا استاذ ادهم ميرسي ممكن بقى الملفات عشان ورايا شغل كتير 

:والله انا كان ممكن ابعتهم لحد عندك بس ده من حظي الحلو ان القمر ينور مكتبي بنفسه النهارده 

دموع ببرود : احم ميرسي على ذوقك

 ادهم دخل الحمام واخذ صندوق الاسعافات : ممكن اغير لك على جروحك لحد ما تشربي قهوتك هتكون الملفات جهزت يا قمر

دموع وقفت وبجديه : ما فيش داعي للضيافه حضرتك وانا هغير لنفسي شكرا مش عايزه اتعبك

 واخذت الصندوق ودخلت الحمام وغسلت ايدها ورجلها وطهرتهم وحطت عليهم مرهم وشاش وخرجت بالراحه 

ادهم ابتسم : احسن دلوقتي وبجد بعتذر لتاني مره 

: احسن مفيش داعي للإعتذار الغلط عندي 

: تمام اتفضلي اشربي قهوتك والملفات بتجهز ي قمر

: شكرا ي استاذ ادهم 

: مفيش داعي للرسميات احنا دلوقتي زمايل ولا ايه

: اه طبعا 

:خلاص يبقى تقولي لي ادهم وانا اقول لك يا قمري

دموع ابتسمت ببرود : لا كفاية دموع احسن جوزي بيغير اوي ..وحطت أيدها علي دبلتها عشان تصد ادهم الي قاعد يسب لها من ساعت ما شفته 

لكن دي حاجه جننت ادهم اكتر اللي بيعشق مرافقه الحريم المتجوزه وبضحكه : خساره القمر متجوز

دموع بحدة : خلاص بقا ي استاذ ادهم ميصحش كده 

: اعذريني بس انا مش قصدي انا هزاري وكلامي جريء شويه اسف لو ضايقتك لو مش حابه اني اتكلم معاكي بطبيعتي نقضيها رسميات عادي بس انا قلت ان احنا مطولين مع بعض الايام اللي جايه فنكون اصدقاء احسن من الرسميه الممله..

دموع خدت نفس وهي اتخنقت منه : معلشي انا بس مضغوطه شوية 

: تمام يا دموع لو حبيتي تتكلمي مع اي حد وتفضفضي انا موجود يا قمر اوكي

دموع اومأت بتسليك : اوكي ممكن تستعجل الملفات بقا بليز ..وبصت في ساعتها 

وفي نفس الوقت دخلت سالي بالملفات اللي اول ما شافتها دموع حطت القهوه على المكتب ووقفت خدتهم منها وادهم كان بيجز على اسنانه انه ما لحقش حتى يطلب رقمها..

: فرصة سعيده ي استاذ ادهم ميرسي علي القهوة عن اذنك ..

وقف ومد ايده : نورتي يا دموع وكلها ساعات وهنتقابل تاني خلي بالك من نفسك من هنا لوقتها..

دموع هزت دماغها وجت تخرج ..

: احم دموع ممكن رقمك ..

دموع ابتسمت بسماجه : اه طبعا ...رقمي مكتبي عند الاستاذه سالي عن اذنك ..

وخرجت بسرعها ادهم قعد علي الكرسي بصدمه اومل مره وحده ترفض ليه طلب لكن ضحك بصوت عالي و دموع دخلت دماغه اكتر بيحب الوحده القتيلة والصيدة الصعبة : الايام الي جايه دي هتكون جمده يلا خلينا نلعب شوية ..

رجعت دموع الشركه وكانت شركه الديكور بتجهز المكاتب واول ما طلعت لقيت سيف قدامها 

وبغضب :حصليني على المكتب حالا 

دموع نفخت بزهق وراحت وراه :خير استاذ سيف 

:انتي كنت فين وازاي تخرجي من الشركه بدون استئذان وازاي اصلا تطلبي حاجه وما تكونيش في استقبالها..

دموع بصوت بعصبيه : خلصت 

سيف بصلها بحدة دموع بلعت ريقها بخوف لكن كملت بدون اهتمام :انا مستاذنه وحضرتك قلت لي روحي شوفي شغلك صح ولا غلط طلبت مني ملفات والديكورات ووصلت ...والملفات اهي اتفضل ..ورميتها على المكتب ... نزلت اجيبها بنفسي وكنت هعمل حادثه عشان حضرتك ترتاح..

سيف يصلها بقلق ووقف بسرعه اول ما شاف أيدها ورجلها ملفوفه بشاش : دمووع

دموع رفعت كف أيدها بحزن : ما فيش داعي حضرتك انت مش متخيل انا كان منظري ايه وهو بيقول لي مش غريبه لما تبقي مديره وجايه بنفسك تاخدي ملفات... انت عارف ان ده مش شغلي وانا مش بعد تعب سنين هشتغل سكرتيره لحضرتك ولا ساعي بريد ولا مهندسة الديكور اللي انت بتعمله ده مش هيخليني اسيب شغلي بالعكس ده يخليني اشتكي لسالم بيه وانا مش عايزه الامور توصل بينا لكده عن اذنك..وخرجت بعصبية 

سيف قبض على كفو بعنف وزمجر بغضب كانت هتعمل حادثه بسببه اتاذت بسببه وخبط الكرسي برجله بعنف وفضل رايح جاي في المكتب يكسر ويرزع وهو بيشد في شعره وحاسس انه هينفجر ومش عارف هو بيعمل ايه...

دموع راحت مكتب ندى وهي بتحاول ما تعيطش واول ما دخلت

: ايه يا بنتي فينك من بدري

 دموع سمعت سؤال ندى وما قدرتش تمسك نفسها ودموعها نزلت وبقت تشهق زي الاطفال ندى جريت عليها واخذتها في حضنها 

: بس بس اهدي ما تعيطيش عمل لك ايه احكي لي..

ودموع حكت لها الي حصل 

ندي بهدوء : طب وانتي زعلانه عشان الاوامر اللي بيديها لك وهي مش تبع مجالك ولا عشان اسلوبه البارد المستفز ولا عشان ما خدش باله من جروحك وكمل  تهزيء فيك اول ما وصلتي...

دموع بصت لندى وكانها من كوكب اخر وبعدت عنها بعصبيه :صدقي ما فيش حد مستفز  وبارد غيرك هنا 

ندى ضحكت :  بس خلاص ما تتقمصيش هي الحقيقه بتزعل انا عارفه 

دموع بطفوله:  بس انت ي بتاعت فارس ههههه طنط هههههههه 

ندي بنرفزة : نيله عليك وعليك اللي مسابش بنت ما هزرش ولا وقف معاها النهارده 

: وانتي زعلانه ليه مهو مش عجبك سبيه يشوف حياته 

ندى اتكتمت وما قدرتش ترد وهي جواها نار بسبب تجاهل فارس ليها..

دموع بحماس غيرت الموضوع : اه صح مش تميم وياسمين اتصلحوا انا فرحانه ليهم اووي بجد تميم شخصية محترمه وياسمين جميلة وتستاهل 

ندي بحماس زيها : وربنا طب قومي قومي تعالي نشوفها الجزمه حكتلك وانا لا 

دموع وقفت : انا عرفت من تميم وانا نزله وبعدين هو حد فاضي بسبب سيف الغضبان ده 

وخرجت مع ندى ودخلوا مكتب ياسمين اللي حكت لهم كل اللي حصل وقد ايه هي فرحانه وخايفه في نفس الوقت بس ندى ودموع طمنوها

 ياسمين : بس انت مالك يا دموع باين عليك معيطه وبعدين بقى لك فتره مش طبيعيه وبتعيطي من اقل حاجه ممكن اعرف ولا لا..

ندي ضحكت : بتحب جديد 

دموع بصت لها بحدة : اخرسي يا حيوانه 

وبصت لياسمين بهدوء :ما فيش حاجه يا حبيبتي ما تشغليش بالك شويه هرمونات ملخبطه ما تقلقيش عليا 

ياسمين بحب : تمام يا قلبي بس انا موجوده في اي وقت تحتاجيني فيه ..

دموع وقفت حضنتها وندى قربت منهم وهي بتضحك وحشرت نفسها في النص..

المكاتب جهزت وميعاد الاجتماع قرب والشركه على قدم وسااق وكله مشغول ووصل ادهم وعاصم وبيري زيدان الشركه وكان في استقبالهم سيف ياسمين فارس ندى ودموع ومحامي شركات الالفي وباقي الموظفين وقفوا بترحيب..

بيري اول ما شافت فارس شورت ليه وهي مبتسمه وندي بصت لها بقرف وبهمس : كهيينه اوي 

ودموع وياسمين كتمو ضحكتهم سيف كان واقف جمبيهم اتنحنح وبجدية : اهلا وسهلا انا سيف القاضي مدير الشركه حاليا

: اهلا بيك انا ادهم زيدان وابن عمي عاصم زيدان ابن عابد باشا ودي بيري اخته

 بيري ادخلت وهي بتتكلم بمياعه انا تعرفت عليهم في شرم يا ادهم : هااي سيف ..وقربت باسته من خده بمحن ..

سيف ابتسم برسمية وعينه جت ع دموع الي كان وشها احمر : اهلا بيري ..اتفضلوا ونتعرف ع بعض بعدين المحامي منتظرنا..

ادهم وهو داخل غمز لدموع سيف شافه وبص لدموع بحدة الي ابتسمت لادهم بخجل شورت ليه براحه 

وبصت لسيف بتحدي ..

سيف دخل وراهم وهو عند الباب سمع ندي : احييه من القمر الي غمزلك ده وتعرفيه من فين ي بت انطقي 

دموع ضحكت : الله يحرقك فينك من بدري انتي 

ندي ابتسمت وهي بترمش ف عينيها : اصلي كنت مركزة مع المز الي جنبيه انجزي تعرفيه من فين 

: يا بنتي ده ادهم زيدان مانا قولتلك روحت الشركة بتعتهم انهاردة وهو الي قبليني وخدت منه الملفات يبان جنتل مان وهادي بس جرئ موت ..

ياسمين : اه جرئ اوي ده تميم كان هيتشل منه ساعت ميتينج العشاء ..

: اااه وايه كمان ..قالها سيف بغضب اعمي.. والبنات لفت بصدمة ووو.....