رواية يا انا يا انتي يوسف وليلي الفصل العاشر 10 بقلم سلسبيل احمد
رواية يا انا يا انتي يوسف وليلي الفصل العاشر 10 هى رواية من كتابة سلسبيل احمد رواية يا انا يا انتي يوسف وليلي الفصل العاشر 10 صدر لاول مرة على موقع التواصل الاجتماعى فيسبوك رواية يا انا يا انتي يوسف وليلي الفصل العاشر 10 حقق تفاعل كبير على الفيسبوك لذلك سنعرض لكم رواية يا انا يا انتي يوسف وليلي الفصل العاشر 10
رواية يا انا يا انتي يوسف وليلي الفصل العاشر 10
- لو قربت هقتـ..ـلها !!!!
وقفت مكاني وبصتلها: ليلي انتي كويسة !!!
"مردتش عليا وكان شكلها تعبان وفي حالة شرود غريبة"
- انت عملت فيها ايه !!!
زعق جامد: قولتلك لو قربت هموـ.تها
الظابط قرب و ثبت المسدس ناحيته: سلم نفسك يا خالد الى بتعمله ده كله ملوش لازمه !!!
" احمد كان ماسكني عشان متحركش و خالد كان ماسكها بقوة !!"
خالد: طب طالما كدا كدا هتمسك ..
" الظابط مخلهوش يكمل كلامه و صْربه طلقه في رجله وقع وكان في ظابط تاني ورا خالد فا مسكه وخد منه المسدس وانا جريت على ليلي الى متحركتش من مكانها وفضلت في حالة صدمه حضنتها بقوة وانا مش مصدق انها كويسة!!! "
- انتي كويسة؟؟ ردي عليا؟؟ ليلي ؟ حد عملك حاجه؟
" مكنتش بتتكلم خالص فا طبطبت عليها ومسكت
ايدها عشان نمشي.. لكن فجأة خرجت طلقة ناحيتنا من العدم وهي اتحركت قدامي في جزء من الثانيه!!!!!! "
" ملحقتش استوعب اي حاجه عيوني كانت في عيونها وهي بصالي بنظرة اول مره اشوفها في عينيها!!! وقعت بين ايدي وانا كل ده مش قادر استوعب الى بيحصل وباصصلها بصدمه!! "
- يوسف...
" بصتلها وانا مش قادر اتكلم حتي دموعي نزلت من غير احس! "
غمضت عيونها وانا فضلت احرك فيها: ليلي !!!!
ليلي فوقي !!!! لاء !!!! ردي عليا !!! مش هتموـ..تي بسببي انتي فاهمه ردي عليا !!!!!!! يا ليلي !!!!
>>>>>>>>>>>>>>>>>>>>>>>>>>>>>>>>>>
|| في المستشفي ||
عزيز: يوسف فهمني حصل ايه !!!!!
هدي: رد علينا يا حبيبي ليلي كويسة هما حْدوها المستشفى ليه هي بخير؟؟؟
احمد قربت ناحيتهم بدموع: هي.. هي.
مريم: اتكلم !!
احمد: خالد.. صْرب عليها بالمسـ.ـدس
هدي بصويت: اييييه !!!! بنتي !!!
" مقدرتش تستحمل الخبر واغم عليها.. واتنقلت اوضه في المستشفي.. "
" هما مكنوش يعرفوا اي حاجه غير ان ليلي في المستشفي وخبر انها احْدت رصاصه نزل عليهم زي الصاعقه.. وهدي مقدرتش تتحمله الدكتور خرج فجأة من اوضة ليلي ومرضيش يتكلم مع حد فيهم حاله حزن شديد كانت مسيطره على المكان لكن يوسف كان في عالم تاني خالص ورافض كل الى حصل مش مصدق ان بعد كل ده ممكن يفقدها!! "
|| بعد مرور ساعات ||
" الدكتور خرج و لما وشاف الكل في حالة صعبه
لكن عزيز ماسك نفسه شوية طلبه على جنب"
عزيز اتكلم وجواه مرعوب: ارجوك قولي انها بخير يا دكتور ارجوك!
- هي كويسة لكن.. الرصا..صه جت جمب القلب فا العملية كانت صعبة جداً و بعد استخراج الرصا..صه و الاشعه السينيه الى اتعملت اكتشفنا نرْيف داخلي و كمان حصل فقدان جزء كبير من الد..م فا الدكاترة معاها حاليا هيتم وقف النرْيف بشكل سريع وبعدين نقل دم
وبنتمي الموضوع ميوصلش لحراجه قلب مفتوح.. لأن الموضوع حساس.. ادعولها.. بعد اذنكم
قربت من جدو وبصتله: هندخل نشوفها؟؟ هي كويسة صح انا عارف انها كويسة يا جدو دي ليلي يعني اكيد بس بتهزر انت عارف انها سخيفه صح؟ انا هدخل و اوريك تعالي
عزيز: ارجوك يا يوسف تهدي!!! امسك نفسك!!
- يعني ايه؟؟ بقولك هي كويسة
" احمد قرب هو و عمر وفضلوا يهدوا فيا لكن انا مكنتش قادر انا عايز اشوفها انا عارف انها بخير !! "
عمر: اهدي يا يوسف!
- متقوليش اهدي فاهم انا مش بشد في شعري!!!
مريم بدموع طبطبت عليه: هتبقي كويسة يا يوسف والله
- اوعي هي اصلا كويسة !! بطلوا عياط ! هتخرج دلوقتي وهتشوفوا!
"عبدالله كان موجوده وبعدهم عنه وحضنه"
" مرت ساعات طويلة اوي عليهم.. ومحدش بيتكلم معاهم هدي كانت فاقده الوعي وعندها انهـ.ـيار عصبي و عزيز كان بيحاول يتمالك اعصابه بالعافيه لكن كلهم كانوا بيدعولها..! وبيقروا لها قرآن حتي صحابها لحد ما اخيرا بعد مدة كبيرة خرج دكتور من العمليات "
"اتحركوا ناحيته بلهفه"
- احنا الحمدلله عدينا مرحلة الحْطر و النرْيف وقف بدون عملية قلب مفتوح دلوقتي هي هتفوق من المحْدر وهنبدأ نتابع حالتها مش هتكون واعيه بشكل كامل دلوقتي خالص ولا هيبقي في حركه هتفضل تحت الملاحظه وممنوع اي زيارة او اي كلام.
بصتله بعدم فهم: يعني ايه؟؟ احنا عاوزين نطمن عليها!!! ازاي عدينا مرحله الحْطر لكن منقدرش نشوفها!!!
- عشان اي عْلطه حاليا هتخسرنا كتير!!! دي عامله عمليتين حولين القلب فرصه نجاحهم 25% فاهم الوضع حساس ازاي؟؟ والحمدلله عدينا المرحله مش سهله فا لازم نتابع ضغط الد..م و التنفس يرجع بشكل طبيعي ونتأكد ان مفيش اي تأثير على الرئة او على اي جهاز حيوي!! الموضوع لسه منتهاش على كده وهياخد وقت اتمني انكم تتفهموا ده.
" بعد كلامنا ما الدكتور جدو مشي صحابها وقال لعمي كمان يمشي هو و مريم ومفضلش غيري انا وهو قالي انوه هيروح يطمن طنط هدي وانا فضلت واقف مكاني لحد ما شوفتها..! كانوا مخرجنها عشان تتنقل اوضة تانيه مكنتش متخيل عمري اشوفها في وضع زي ده.. كنت حاسس بالعجز الشديد..! "
" كل ما افتكر نظراتها ليا بعد ما حْد..ت الرصا..صة بدالي.. عينيها كانت بتقول كلام كتير نظراتها مكنش فيها برود زي الأول كانت كلها حْوف كأنها طفلة!! "
>>>>>>>>>>>>>>>>>>>>>>>>>>>>>>>>>>
صلي على محمد
" فات اسبوع.. محدش فينا كان مسموح له يزورها والنهارده اول زيارة سمحوا لنا بيها كنت عندها كل يوم مش بمشي من هناك فا انا اول واحد دخلت.. شوفتها وهي نايمه كان باين عليها الضعف وكانت شخص تاني غير الى انا متعود عليه.. قربت ناحيتها وقعدت فضلت ساكت بتفصحها وبتأكد انها فعلا كويسة و هي كانت رايحه في النوم.."
..
- ليلي حببتي ممكن تتكلمي معايا؟ انا عارفه ان الموضوع صعب عليكي لكن كلميني! ليلي بابا في مكان احسن دلوقتي انا عارفه انوه وحشك لكن هو مش هيبقي مبسوط وانتي كده
= .................
- وبعدين! اعمل ايه ياعمي ؟؟
= خلاص يا هدي سبيها دلوقتي
- اسيبها ازاي بس دي متكلمتش من وقت الدفنه ولا نطقت حرف واحد! فات تلت ايام! وهي كده
= تعالي بس نخرج دلوقتي
..
- ليلي... ليلي يلا عشان نفطر يا حببتي ليلي؟
"فتحت الباب ودخلت"
- ليلي يلا عشان نفـ..
اية الد..م ده !!! ليلي !!!
ليلي ردي عليا !!!! اللحقوني !! ليلي !!!!
..
" لقيتها بتحرك عيونها وهي مغمضه فا قربت "
- ليلي ؟؟
" فتحت عيونها وبصتلي فضلت تبص حواليها كذا مره وكأنها بتحاول تستجمع الى بيحصل "
- انا يوسف.. انتي كويسة؟؟ حاسه بإيه؟
" كنت حاسس بيها بتتوـجع فا بصتلها بعتاب "
- ليه؟ ليه عملتي كده؟ و.. ازاي؟؟ ليه مسبتيهاش تيجي فيا انا بدالك؟؟!
- انا مكنتش اتمني اشوفك كده ابدًا يا ليلي!
" غمضت عيونها بألم وشالت جهاز التنفس وهي دموعها نازله "
اتكلمت بصعوبة: عايزة اشوف ماما و جدو
" قربت ورجعت الجهاز مكانه وهزيت لها راسي وفعلا وصلوا واطمنوا عليها فضلوا يتكلموا كتير لكن هي ساكته الزيارة كانت ساعه واحده بعد كده الممرضه خرجتنا وهي عيونها كانت ثابته عليا وانا ماشي. "
>>>>>>>>>>>>>>>>>>>>>>>>>>>>>>>>>>
|| في فيلا عزيز عبدالرحمن ||
" دخلت مكتبة بعد ما داده فاطمه طلعت مرات عمي اوضتها"
- الدكتور قال لحضرتك ايه يا جدو ؟
فضل ساكت شوية بعدين بصلي: قالي انها محتاجه دكتور نفسي و انها هتفضل هناك مش أقل من شهر بسبب حالتها و العمليه قالي كمان ان الحاجات الى كانت بتشربها كان عليها عامل كبير فا انها سببت صْرر ازيد من الطبيعي فا لازم تفضل تحت الملاحظه
- شهر !!! هتفضل هناك لوحدها شهر وبعدين وليه دكتور نفسي؟
= لأن الدكتور شايف انها مش طبيعيه و استجابتها معاه ضعيفه بعدين دي مش حاجه جديده احنا كنا عارفين انها محتاجه دكتور نفسي قبل كل ده
- يعني حضرتك وافقت انهم يجيبوا لها دكتور نفسي ؟
= امال هعمل ايه؟
- تخليهم يخرجوها وتيجي البيت هنا !!! لما تكون معانا هيبقي احسن ليها! ولو هي حابه تروح لدكتور تروح
= تيجي فين يا يوسف!! واضح انك مفهمتش كلام الدكتور !! ليلي فيه حْطر عليها لسه !! الأحسن انها تفضل في المستشفي!! تحت ملاحظه الدكاترة
- تمام
" خرجت وسيبته وانا محْنوق لقيت الداده بتفتح الباب و عمي و مريم داخلين "
- يوسف.. ليلي عامله ايه انتوا روحتو لها؟؟
= كويسة.. جدو في المكتب جوه.. انا خارج
" سبتهم وخرجت وقبل ما اركب البايك لقيتها ورايا "
- يوسف استني!
" وقفت من غير ما ابصلها "
- مالك يا يوسف هي ليلي كويسة صح؟
= اه
- امال ليه حاسه ان في حاجه؟! انتوا مخبين حاجه!
= مفيش.. بس كلام الدكتور مش مريح والوضع كله مش مريح وانا !! انا مش قادر اتقبل فكره انها فكل ده بسببي انا يا مريم!
- انت بتتكلم عن ايه مش فاهمه؟ بسببك ازاي
بصتلها وانا بتنهد بتعب: ليلي..! ليلي شافت خالد وهو بيحْطف المسد..س من الظابط و بيصْرب الطلقه ناحيتنا كانت بتحاول تبعدنا احنا الاتنين لكن انا بس الى بعدت وهي حْدتها بدالي!! انا السبب يا مريم! انا..
قاطعتني: لا يوسف اهدي!! انت مش السبب الموقف كله محدش كان متوقعه! ولا انها تهرب ولا انها تتحْطف وبعدين المفروض نحمد ربنا انها بخير!! احنا مخسرنهاش بالعكس احنا هنفضل جمبها ونساعدها تتخطي ده!
" كنا فاكرين اننا هنقدر نبقي جمبها فعلا لكن فات شهر وهي في المستشفي تحت الملاحظه ولا بتكلم حد ولا بتتحرك كويس والدكتور النفسي بس الى بيروح لها جلسات.. ويادوبك ممكن تقول كلمه او اتنين مع طنط هدي و جدو وانا كنت بحس انها بتتهرب مني!
لكن انا مفقدش الأمل وكنت بروح اشوفها كل يوم تقريبا حتي لو من بعيد من غير ما تلاحظ لحد ما فات شهر تاني.. وبدأت تتحرك والدكتور طمنا لكن الدكتور النفسي مكنش بيقول اي جديد عن حالتها.! "
>>>>>>>>>>>>>>>>>>>>>>>>>>>>>>>>>>>
|| بعد مرور فترة ||
" روحت ابص عليها كالعادة لكني اتفاجئت بالدكتور النفسي بتاعها بيوقفني قبل ما امشي "
- يوسف
= أيوه اتفضل
- محتاج اتكلم معاك شوية
- أكيد.
" دخلنا المكتب بتاعه وقعد قصادي "
- شوف يا يوسف.. الدكاترة قالتلي ان ليلي يعتبر خلاص بتتعافي بشكل كامل.. والمفروض يعني انها هتخرج ولكن هتفضل متابعه مع المستشفي وده كله من ناحيه الصحه الجسديه.. لكن الخساير النفسية.. هي دي الى هيبقي صعب علاجها وأكيد انتوا ملاحظين حالتها النفسيه
= دي حقيقة انا لحد دلوقتي مش فاهم مالها؟! وكلنا مش فاهمين..ليلي كانت شخصية عنيده وقوية قبل الحدثه دلوقتي غير خالص وجدي عرفني ان حضرتك كنت الدكتور الى متابع حالتها من البداية من وقت مو..ت عمي
- ايوه بالفعل.. هما كانوا بيعرفوني كل حاجه بتعملها وسلوكها ماشي ازاي على اساس اقدر اشخصها لكن هي كانت رافضه تماما انها تاخد جلسات و ده طبعا مكنش بيساعد لكن دلوقتي الوضع اختلف وهي اخدت كذا جلسة وقدرت افهم كل حاجه من وقت وفاة والدها.
بصتله بتعجب: قدرت تفهم اتغيرت ليه بعد وفاة عمي؟ يعني هي اتكلمت مع حضرتك ازاي؟؟
شبك ايده ببعض وبصلي: ليلي كانت شخصية عاديه جدا وعلاقتها قريبة جدا مع مهدي الله يرحمه بس عالمها كان صغير اوي وفجأة كبر لما دخلت الكلية وبدأت تشوف حاجات هي عمرها ما عملتها فا جالها فضول تجرب وتصاحب ناس و تعمل شخصية جديده لنفسها.. كانت عارفه انوه غلط فا كانت كل شوية بتلوم نفسها وتندم وتحاول تفضل بشخصيتها القديمه لكن ضغط والدها خلاها تعمل العكس وتقع في دوامه الممنوع مرغوب.!
- ماشي ايه علاقة كل ده بالي هي عملته بعدها؟ الى عملته بعد وفاة عمي يعني
= علاقته يا يوسف ان قبل وفاته اتخانقوا سوا خناقه شديده.. و دي ابشع ذكري في عقل ليلي اسود نقطه عندها انها مقدرتش تصالحه وكانت شايفه انها غلطت غلط كبير في حقه وقالت كلام صعب وقت نرفزه و متخيلة انوه ما..ت وهو زعلان منها ومش بس كده بل مقتنعه انها السبب في وفاته وانوه اتوفي وهو زعلان
بسبب الى كانت بتعمله وصحابها الى كانت رافضة تبعد عنهم مع انها عارفه انهم هيبوظوها
بصتله بعقده حواجب: الكلام ده مش مظبوط!! لو حضرتك بتقول انها حاسه بالذنب وعارفه انها غلطانه وعمي ما..ت بسببها قبل ما تصلح كل ده يبقي الطبيعي و البديهي انها كانت تبعد عنهم وتصلح نفسها و ترجع لعقلها بعد وفاته عشان احساسها بالذنب يقل! مش تروح تبقي انيل وتعمل حاجات غلط !!!!
- مظبوط.. ده الطبيعي لكن مش في حالتها!!
= يعني ايه.؟؟
- يعني ليلي مقدرتش تواجهه انها السبب في مو..ته
= بس ده محصلش عمي اتوفي طبيعيي! مش بسببها
- وهي شافت غير كده هي شافت انها سبب وفاته عشان اتخانقوا قبلها بلحظات.. وشافت كمان انها فقدته قبل ما تصالحه وبسبب ان علاقتهم كانت قوية مقدرتش تتحمل ده شخصيتها كانت اضعف من انها تتحمل
= انا مش فاهم.. ممكن حضرتك توضح!!
- ليلي يا يوسف شخصيتها اضعف بكتير من انها تقدر تتحمل فكره ان حد اتأذي بسببها وخصوصا اقرب الناس ليها فا تقدر تقول ان حصلها زي انفصام.
بصتله بعدم استيعاب للي قاله: نعم !!! لمده سنتين؟؟
- مش بالمعني الحرفي.. هي مخها مقدرش يواجهه و قررت تنتـ.ـحر لكن لما لحقوها و فاقت العقل عشان يحمي نفسه خلق شخصية تانيه تماما عكس شخصيتها القديمه فا بقت اقوي و مشاعرها بارده و كمان نسيت تماما الشخصية القديمه بتاعتها بكل تفاصيلها كأنها مكنتش موجوده! ونسيت موضوع وفاة والدها ولما كان حد بيجيب سيرته كانت بتمنعه عشان كانت خايفه تصالح نفسها بالحقيقه الى هي من وجهه نظرها انها السبب في موته.
= حضرتك عايز تقول انها عملت كده عشان تقدر تكمل؟ لانها مكتتش هتقدر تعيش بالذنب ده!!
- بالظبط كده. هي كانت بتحمي نفسها من الانهيار.. وبتتهرب في الشخصية الى عملتها
- وحاليا؟؟ لسه عندها انفصام.. بعدين حضرتك.. انا عارف ان الى عنده انفصام بتبقي أعراض تانيه تماما
= ما انا قولتلك هو فعلا مش انفصام بالظبط.. هو شخصية خلقها العقل عشان يقدر يتخطي الموضوع يعني زي كده لما الإنسان الطبيعيي يغلط ويخاف يعترف بغلطه فا يخلق به مبرر او يرميه على حد تاني
- و هي دلوقتي اتعالجت ورجعت كويسة؟
= هي حصلها صدمه من الى حصل وانها كانت هتموت.. فا شعور الحْوف ده خلاه شخصيتها القديمه تظهر من تاني كمان لما شافت نفسها السبب فا انك كنت ممكن تمو..ت بسببها..!
- لكن هي انقذتني
= و ده بيدل ان فيه أمل.
والى هيحصل دلوقتي انها هتتنقل للمصحه النفسية عشان نتابع حالتها بشكل أفضل وأحاول اخليها تقتنع انها ملهاش اي علاقة بموته وتسامح نفسها عشان تقدر تعيش طبيعيه المهم.. انها مدتنيش رد بس طلبت تشوفك
- انا؟!!
>>>>>>>>>>>>>>>>>>>>>>>>>>>>>>>>>>>
سبحان الله و بحمده سبحان العظيم
" دخلت و لاقيتها قاعده كأنها مستنياني..! قعدت قصادها وكنت بحاول اجمع كلامي "
- انتي كويسة؟ عاملة ايه؟
= كويسة
- ليه طلبتي تشوفيني مع ان من ساعه الى حصل مش بتتكلمي معايا وبحس انك بتتهر..بي مني!
بصتلي وهي بتاخد نفسها وكأن الكلام صعب عليها: انت سألتني.. ليه سبتها تيجي فيا صح
"بصتلها بأنتباه وهزيت راسي"
- عشان انا كنت استاهل ده مش انت..
انت كنت في المكان ده بسببي وكل ده حصل بسببي
"دموعها بدأت تنزل فا قربت لها "
= اهدي!! انا مش عاوز اشوفك كدا!
عيطت: انت اكتر واحد لازم تشوفني كده.. لأنك اكتر واحد انا آذيته يا يوسف!!
- شششش ممكن متتكلميش! انا كان المهم عندي إنك
قاطعتني وهي منهاره: لا خليني أكمل.. انت كنت خايف عليا في وقت انا مش خايفه فيه على نفسي و انا آذيتك وجيت عليك كتير اوي يا يوسف! انا مش عارفه ازاي كنت بعمل كده..! معرفش مالي ؟؟ معرفش دلوقتي هعمل ايه؟؟ هعيش ازاي بعد الى عملته فيك وبعد الى عملتة في بابا وحتي جدو وماما ومريم كل دول انا عاملتهم بطريقه !! أنا.. بوظت كل حاجه يا يوسف كل حاجه!!!
" فضلت تعيط جامد كنت حاسس اني شايف قدامي حد تاني مكنتش متصور ان هي هي نفس الشخص فضلت اطبطب عليها واقولها تهدي! الحالة الى كانت فيها صعبه خايفه وتايهه ومش عارفه تتصرف! "
- ليلي اهدي عشان خاطري
دي مش غلطتك ده عمره!! وهو كان بيحبك واكيد مسامحك!! فاهمه؟ واحنا كلنا مش عاوزين غير انك ترجعي في وسطنا!
= لاء! هو اكيد زعلان مني!! واكيد...
اكيد زعلان اكتر بسبب الى عملته بعد كده صح ؟؟ انا ازاي هعيش بالذنب ده يا يوسف!!! مش هقدر !! هما ليه انقذوني من الرصـ..ـاصه! ليه مسابونيش امو..ت! انا استاهل ده!! انا محدش بقي بيحبني! بعد الى عملته
- ليلي اهدي ارجوكي بلاش تستسلمي
= هما مكنوش لازم يلحقوني في اول مره انتـ.ـحرت فيها من اساسه !!!
قربت وحضنتها لأنها كانت وصلت لقمة الحزن: ششششش اهدي وبطلي الكلام ده كله مش صح احنا كل الى بنتماه تبقي كويسة ومش مهم اي حاجه فاتت فاهمه ده؟ انا كنت بعمل كل ده عاوزك تبقي بخير فا انسي كل الى حصل يا ليلي.. انسيه!
" فضلت تعيط في حضني وانا وقتها كنت حاسس بيها وعرفت قد اي هي بتعاني.. صعبت عليا جدا مش متخيل نفسي مكانها وفجأة افوق على كل الصدمات دي.. كأني كنت في كابوس طويل!!! عرفت قد اي كانت محتاجه اننا نفهم ان ده مرض نفسي لكن للأسف اتعاملنا معاها غلط.. وفي خلال لحظات عرفت انها متغيرتش ابدا.. ولسه ليلي الضعيفه الى الهوا بيأثر فيها كانت موجوده كانت موجوده من بدري لكن مكانتش قادره تواجهه الى حصل...!!!
فضلت معاها فترة لحد ما كلهم جم المستشفي جدو ومريم وعمي وطنط هدي فضلنا معاها بنطمنها قولتلها انها مش هتكون لوحدها في المصحه واني هاروحلها علطول "
- يوسف.. خرجت ليه فجأة؟
= مفيش.. انا.. انا كنت عايز اتكلم معاكي يا مريم
- انا عارفه هتقول ايه
= الموضوع مش زي مانتي فاهمه
- انا فاهمه من البداية صدقني وانت مش محتاج تقول اي حاجه انا اهم حاجه عندي اني بعد ما اتكلمت معاها حسيت انها رجعت
كملت كلام وهي مبتسمه بفرحه: انا فعلا مبسوطه عشانها وعشان انتوا الاتنين هتكونوا معايا ومش هرجع لوحدي زي ما كنت دي كانت اهم حاجه عندي يا يوسف
انا مش عايزة نبقي بعيد تاني!
- انا معاكي علطول يا مريم.
ابتسمت: انا عارفه..!
>>>>>>>>>>>>>>>>>>>>>>>>>>>>>>>>>>
" بعدها بيوم كنت في الشركة واتفاجئت بمكالمه جدو و بيقولي ان ليلي في الفيلا.. خت مريم معايا وروحنا بسرعه مكناش مصدقين.. "
- انا مش قادر اوصفلك الفيلا كانت وحشه ازاي من غيرها
= وانا مش قادره اوصفلك كرهت المستشفي قد ايه!
- تفتكري هتقعد علطول ومش هتروح المصحه!
= ياريت! واحنا هنفضل معاها
|| في الفيلا ||
"وصلت ولقيت جدو وطنط هدي قاعدين وملامحهم باين عليها تعبيرات غريبة"
- هي فين ليلي يا جدو؟
= في اوضتها كانت عايزه تتكلم معاكم
كنت مستغرب بعدين بصيت لمريم: طيب تعالي نطلع
- اطلع لها انت وانا هاجي وراك
" يوسف طلع ومريم قعدت جمبهم "
- جدو هو حصل حاجه؟!
بصلها بقلة حيله: ايوة يا مريم
>>>>>>>>>>>>>>>>>>>>>>>>>>>>>>>>>>>>
" خبطت على الباب و هي فتحت دخلت لقيت الأوضة مقلوبة وبتجهز شنطتها فا قعدت بخيبه امل "
- هو انتي برضو هتروحي المصحه
"بصتلي بحيره وبصت فكذا اتجاه حولين الاوضة"
قومت لمست خدها ولفيت وشها ليا: مالك؟!
شالت ايدي بهدوء وبلعت ريقها: انا مش هروح المصحه
= امال ؟ مش فاهم
- ممكن تقعد..
= اديني قعدت
- بص يا يوسف.. انا مش هقدر افضل هنا حواليكم انا كل حاجه هنا بتآذيني مش قادره اتحمل حاسه اني.. حاسه ان كل حاجه حواليا بتفكرني بالي عملته وانا لسه مش قادره اتقبل ده ولما بشوفكم..
"مسحت عينها وحاولت تمسك نفسها وتكمل كلام"
- لما بشوفكم بفتكر كل مره كنت رْباله فيها مع كل حد فيكم.. و ده بيخليني.. بيخليني اكره نفسي !
وقفت وقربت منها حطيت ايدي على شعرها ومسحت عليه بهدوء: انتي مش لازم تفكري فكل ده!! احنا بنحبك يا ليلي وعاوزينك معانا كويسة دي اهم حاجة احنا فاهمين انوه كان غصب عنك! مش بنلومك ابدا! وبعدين انا مش هقدر على البعد تاني.. انا بـحـ
قاطعتني قبل ما اكمل كلامي: انا مسافره يا يوسف!
بصتلها بأستنكار: ايه؟ بتقولي ايه؟
دموعها نزلت: انا عارفه وحاسه بيك عشان كده طلبت اتكلم معاك وافهمك
- عارفه ايه!!!؟ انتي مش عارفه والا مكنتيش قولتي كده يا ليلي !! انتي متعرفيش اي حاجه !!
= لا عارفه!!
- عارفه اني بحبك ؟؟؟؟؟
= يوسف ارجوك..
- انتي عارفه من اول ما جيت وشوفتك و كانت معاملتك معايا وحشه! بس انا كنت مازلت مشدود ليكي! مفقدتش الامل فيكي وفضلت أحاول وفاليوم الى عملتي فيه موضوع الأوضة انا مزعلتش! بالعكس! انا عرفت وقتها انك عاوزة تخلصي مني عشان حاسه اني هخليكي ترجعي زي ما كنتي! كنت شايف امل مبطلتش احبك يا ليلي رغم كل حاجه معرفش السبب ايه! بس بعد كل ده عاوزة تبعدي ؟؟
= يوسف افهمني!
الدموع اتجمعت في عيني وبصتلها: افهمي انتي انا بحبك! ومش عايز نبعد!.. انتي مش بتحبيني؟!
" مسحت دموعها و فضلت ساكته وبصالي بصمت..! "
- ردي عليا فهميني؟
رفعت عيونها وبصتلي:
>>>>>>>>>>>>>>>>>>>>>>>>>>>>>>>>>>>
يتبع.......الجزء التاني🩷⚡️