وليد .... عشان بحبك من يوم ماشوفتك وانتى دايما فى بالى مش قادر اشوفك مع غيرى  ارجوكى وافقى وهعملك كل اللى انتى عايزاه والعيال اهم مع حماتك كدا كدا بتسبيهم طول اليوم معاها بعد الجواز هتعكسى بقا هتبقى طول النهار معاهم وبالليل لما انا ارجع هتسبيهم  ومصاريفهم فلوس الشقه اللى انتى ماجراها وبرضو لو احتاجوا حاجه مش هتاخر يعنى وهنبقى معاهم فى نفس البيت  هوضب الشقه اللى فوق ونقعد فيها 

سلمى .... خلصت امشى بقا 

وليد .... يعنى ايه يعنى كل اللى قولته وبرضو مش موافقه 

سلمى .... عيال بيناموا ف حضنى ومش هسيبهم ولا هجيب ليهم جوز ام والمصاريف اللى بتتكلم عليها دى الشقه ايجارها يدوب تمن الحضانه بتاعتهم خديجه ف تجريبى ويارا ويونس بإذن الله هدخلهم برضو تجريبى ومش هخلى حد يصرف على عيالى غيرى لحد ما ابوهم يرجع بإذن الله 

وليد بعصبيه مش هيرجع مش هيرجع انا بقولك مااات افهمى بقا 

سلمى تزقه بره وتقفل الباب بسرعه وتقعد ورا الباب تعيط اتأكدت ان هو اللى عمل كدا سهير وميرفت يروحوا لها لما يسمعو صوت وليد وهو بيزعق 

وخديجه بتيجى خايفه والتؤام بيعيطوا

سلمى .... ديجا خشى جوه متخافيش احنا كنا بنهزر وتشيل التؤام تحاول تسكتهم 

خديجه .... طيب بتعيطى ليه ياماما 

سلمى .... عشان دخل فى عينى حاجه ووجعانى اوى هغسل وشى وهبقى كويسه ياروحي يلا العبى مع اخواتك جوه روحى وانا هجيبهم 

خديجه .... حاضر يا ماما

وسلمى تدخل التؤام الاوضه يلعبو 

تطلع لسهير وميرفت 

سلمى .... عمتو عملتى ايه فى حوار الشقه اللى قولتيلى عليه 

سهير .... انا كنت جايه عشان كدا انا خليت عمك محمد يكلم الراجل واقنعه الحمد لله كل شهر ياخد ٣٠٠٠ والمقدم اللى هتدفعيه اللى قولتيلى عليه ايه رايك 

سلمى ... تمام اوى وانا هحاول ازودهم كمان ان شاء الله هشتغل على العربيه وقت اكتر  واحاول اخلص الباقى بسرعه 

ميرفت ... كدا هتختفى وقت اكتر من العيال 

سلمى .... سبيها على الله المهم ينفع نخلص بكره ولا ايه 

سهير .... استنى هكلم عمك محمد يشوفوا

وتكلمه بعد ما تقفل تمام يا سلمى هتدفعى بكره وتمضى العقد وهتمضى وصل بالمبلغ الباقى عشان يضمن حقه بس والوصل هيبقى مع عمك محمد عشان انتى كمان ما تخافيش وتستلمى المفتاح بكره الشقه مش محتاجه حاجه سوبر لوكس 

سلمى .... والله لو على الطوبه أرحم من وليد اللى بينطلى كل شويه انا هقوم الم حاجتنا وبكره ان شاء الله اكمل الباقى لما اجى من المدرسه هاجى من المدرسه عليكى يا عمتو نخلص عشان استلم الشقه وننقل بكره بإذن الله 

سهير .... بسرعه كدا هتلحقى تلمى الحاجه وكمان هتنزليها ازاى وإبراهيم لازم نتكلم معاه عشان ما يعملش مشاكل 

سلمى .... هسهر النهارده الم اكبر جزء كبير والباقى بكره لما ارجع أن شاء الله  والنزول هأجر ناس تنزل اما بقا عمى إبراهيم ووليد لازم يتفاجئو عشان كدا كدا هيعملو مشاكل فأحسن ما يعملو حاجه تمنعنى لا انا بكره وانا بنقل هيعرفوا وساعتها هكون خلاص ماشيه 

ميرفت .... الناس هتتفرج علينا بكره 

سلمى .... متقلقيش انا هتصرف 

وسهير بتمشى وسلمى وميرفت كانوا بيلموا فى الحاجه وخديجه كانا بتساعدهم 

سلمى .... ديجا يلا تنامى بقا اتاخرتى اوى كدا مش هتعرفى تقومى للحضانه 

خديجه ... ممكن ما اروحش بكره عايزه ابقى معاكم 

ميرفت .... احنا اساسا كلنا هننام خلاص يلا فاضل فك الخشب وحاجات بسيطه يخلصوا بكره بقا يلا 

تصبحوا على خير

سلمى وخديجه .... وانتى من أهل الخير 

تانى يوم سلمى تنزل عشان تروح المدرسه بس طبعا هى اجازه فتكلم احمد عشان يقابلها وياخدها على الفيلا ويقضو وقت المدرسه سوا وهما بيفطروا 

مالك .... معلش انا العزول بقا 

سلمى .... لا متقولش كدا  هو انتم لوحدكم هنا 

مالك .... اه ابوياعايش بره و بيجى زياره كل فتره وامى متوفيه ماليش غير محمد ومتجوز قاعد فى شقه مع مراته وعياله وانا مطلق سامح بقا او احمد يعنى جالى من السما هو اللى قضى على الوحده مبيفارقنيش من يوم ما قابلته مع بعض فى الفيلا وفى الشركه اوعى تاخديه منى انا ماليش حد 

سلمى لا متقلقش مش هتقولى انقذته ازاى وايه اللى حصل فى ال٣ سنين عايزه اعرف كل حاجه بس قبل اى حاجه محتاجه مساعده 

احمد.... مساعده ايه 

سلمى. ... لا انت مينفعش تظهر هى المساعده هتبقى من استاذ مالك 

مالك ... اولا أسمى مالك من غير استاذ انتى مرات اخويا يعنى اختى ثانيا انتى تؤمري 

سلمى .... الأمر لله انا هشترى شقه جديده وهنقل النهارده بس عم احمد ووليد اكيد مش هيعدوها بالساهل 

احمد.... هتشترى شقه ليه ومنين 

سلمى .... ليه عشان عمك ووليد مزودينها معايا وامبارح وليد أكد ليا ان هو السبب فى بعدك عننا بطريقته وكمان مش هيسيبنى عايز يتجوزنى باى طريقه وعمك واقف معاه 

إنما منين بقا فأنا كنت بعمل جمعيات ومعايا مبلغ هدفعه وهقسط الباقى  انا بس محتاجه حد يبقى معايا عشان عمك مايحاولش يمعنى امشى وتحصل مشاكل 

احمد .... يتعصب بس بيحاول يتكلم بهدوء معاها طيب مفيش حاجه اسمها قسط انا شغال فى الشركه عند مالك وقبضى حلو فأنا هكملك الباقى ودى فلوس جوزك يعنى 

سلمى .... بس هقولهم جبت الباقى منين 

احمد .... اخدى سلفه من المدرسه وهيتخصم كل شهر من مرتبك سهله يعنى

سلمى ... تمام 

مالك .... معلش عندى تعليق اسمها شغال مع مالك مش عند مالك ماشى احنا قولنا اخووووات ومفيش بينا كدا 

احمد .... تمام يا عم مالك المهم بقا هنعمل ايه وهى بتنقل 

مالك .... انتى مجهزه حاجتك

سلمى .... فاضل حاجات بسيطه وفك الخشب همشى من هنا هروح ادفع وامضى عشان اخد المفتاح وبعد كدا هروح اكمل وامشى  

مالك .... طيب الخشب سبيه لمى بس بقيت حاجتك وخدى عيالك وحماتك وامشى على اساس انكم خارجين وهقابلك على اول الشارع اخد منك المفتاح والباقى عليا بقا ابعتيلى لوكيشن الشقه الجديده بس 

احمد .... هتبعت حد ولا هتعمل ايه 

مالك ...  هبعت ناس يفكوا الخشب وينزلوا العفش بس ناس محدش يقدر يقولهم بتعملوا ايه وبكدا كمان مش هيعرفوا مكانهم 

احمد وسلمى .... تمام 

سلمى.... بس كدا كدا اكيد هيعرفوا عشان الشقه عند عمه احمد هى اللى جيباها 

احمد ... ودى طبعها ايه 

سلمى ...  بتحبك وبتحبنا اوى هى اللى ساعدتنى اخدها اساسا 

مالك .... سهله تنبهى عليها ماتقولش لحد على بس مانشوف هنعمل ايه مع وليد بعدكم عنه احسن 

سلمى .... تمام شكرا جدا 

مالك ... متقوليش كدا انا قولتلك مرات اخويا يعنى اختى 

سلمى .... طيب مش هتقولى اللى حصل بقا لما قابل احمد 

مالك ... بصى ياستى 

عند ميرفت 

الباب يخبط وتفتح 

ميرفت .... انتى

....يتبع