ـ معليش ي بابا انا مع الانسة قدر ف المستشفى ومش هينفع اجى دلوقتى

احمد بقلق: خير مالها؟!

عمر: والدتها ف المستشفى ف حالة غيبوبة وتقريبا مش ليهم حد مينفعش اسيبها

احمد: اعطينى العنوان وانا هاجى ليك حالا 

عمر باستغراب: مفيش داعى ي بابا تتعب نفسك وتيجى انا معاها لو فيه حاجة هعرفك

احمد: ليه انت هتكون صاحب واجب اكتر منى ولا عاوز تحرمنى اجر زيارة مريض وكمان انا بعز البنت جدا مرحة ودمها خفيف

عمر : ي باشا لا طبعا مقصدش هبعتلك اللوكيشن حالا

احمد: تمام

بعت عمر اللوكيشن لابوه وركب عربيته وراح ع هناك ع طول واول ما وصل راح لقدر اللى كانت بتعيط بانهيار 

احمد: متخافيش ي بنتى هننقلها احسن مستشفى وهتكون بخير

قدر: شكرا لحضرتك ي باش مهندس مكنش فيه داعى تتعب نفسك كتر خيرك

احمد: ع ايه ي بنتى انا بعزك جدا لانك شاطرة ومرحة 

الدكتور: الحمدلله والدتك فاقت وعاوزة تشوفك 

جريت قدر ع العناية ومعاها احمد وعمر لكن الدكتور منعهم من الدخول راحوا وقفوا عند الزجاج من برة لكن وشها مكنش ليهم ...اما جوة قدر بلهفة: حمدالله ع سلامتك ي حبيبتى كده يا ماما توقعى قلبى انا مليش ف الدنيا غيرك 

سماح بابتسامة: ليكى ربنا احن واحسن من اى حد وبعدين انا كويسة اهو

قدر: وليه خبيتى عنى ان عندك السكر ها هعضك بس لما تقومى بالسلامة 

سماح بضحك والم : مش هقوم 

ضحكت قدر وحضنتها وقالت: ي خبر انا نسيت باش مهندس احمد وعمر برة 

سماح: مين دول؟!

قدر: استاذ احمد صاحب الشركة وعمر الظابط اللى حكيتلك عنه وع فكرة طلع ابنه استنى بس هطلع اشكرهم 

طلعت قدر وقالت بابتسامة: شكرا جدا ي باش مهندس ع مجيتك هنا 

احمد: حمدالله ع سلامة مامتك وربنا يطمنك عليها هستأذن انا بقى 

مشى احمد وفضل عمر ...قدر باحراج: انا متشكرة جدا ع وقفتك جنبى تقدر تتفضل انت كمان 

عمر: انا مينفعش امشى واسيبك غير لما اطمن عليكى 

قدر: انا كويسة الحمدلله طالما ماما بقت بخير

عمر: برضه مش همشى ي سيتى انا رخم 

ضحكت قدر برقة وقالت: طب انت بتعمل كده بقى مع كل الناس 

عمر وهو بيحط ايده بجيبه: والله ابدا اول مرة اكون فضولى اتجاه حد بالشكل ده يمكن عشان اول مرة حد يطول لسانه عليا مثلا 

قدر باحراج: ما خلاص بقى قلبك ابيض ي حضرت الظابط 

عمر: اعترفلك بحاجة وتصدقينى 

قدر: اتفضل 

عمر: اول مرة احس ان قلبى اتخلق عشان يحس وينبض كانت معاكى انتى حاسس انى ..... 

قدر: انك ايه؟!

عمر: حاسس انى حبيتك 

قدر اتصدمت واتوترت وخدودها احمرت عمر بضحك: الله ما انتى طلعتى زى البنات اهو وبتتكسفى اومال ف ايه بقى

ضربته قدر ع كتفه بخفة وقالت: بطل رخامة عشان مترجعش تقول ان لسانى طويل

عمر: طيب قولتى ايه؟!

قدر بكسوف: اظن ده لا وقته ولا مكانه اطمن ع ماما بس الاول 

عمر: وانا موافق ي قدرى 

كانت سماح بتبص عليهم من الزجاج بتاع العناية ومبسوطة ان فيه امل ان تشوف قدر عروسة 

تعدى الايام وقدر وعمر تقريبا مفيش يوم مش بيتقابلوا ويتكلموا فيه وكذلك مصطفى اللى عرف ان سهر بنت خال عمر حاول يتقرب منها لكنها كانت دايما بتصده وف يوم بعد الشغل

مصطفى: انسة سهر ممكن نتكلم شويه

سهر: خير ي مستر اتفضل 

مصطفى: مش هينفع هنا ممكن نروح كافيه من فضلك لازم نتكلم ارجوكى وافقى 

سهر باستسلام: تمام 

نزلوا ع الكافيه اللى جنب الشركة... مصطفى: ممكن اعرف انتى ليه بتعملى كده؟!

سهر: بعمل ايه بالظبط؟!

مصطفى: بتتهربى منى مع انك واثقة انى بحبك ويمكن من اول مرة شوفتك خطفتينى

سهر: انا اسفة يا مستر مصطفى مش هينفع

مصطفى: سيبك من مستر دى احنا مش ف الشركة دلوقتى بس انا عاوز اعرف ليه؟

سهر بتنهيدة: عشان ببساطة هكون بظلمك معايا 

مصطفى بغصة: هو انتى فيه حد تانى بحياتك يعنى اعتبرينى صديق واحكيلى واوعدك محدش هيعرف 

سهر: كان فيه حب ف حياتى او يمكن لسه موجود مش عارفة بس اللى متأكدة منه انه كان حب من طرف واحد اللى هو انا لكن هو عمره ما حبنى دايما بيتعمد يجرحنى ويهين كرامتى لحد ما خلانى كرهت قلبى اللى حبه لكن مقدرتش اكرهه هو بحاول انساه واتخطاه عشان اقدر اكمل من غيره لكن بعترف انى فشلت 

مصطفى: مين مجنون واحدة زيك تحبه ويرفضها الا اذا كان غبى 

سهر: لا مش غبى ولا حاجة لكن الحب مش بالعافية يمكن يكون مش حب اصلا جايز تعود جايز مراهقة جايز لانى معرفتش غيره بحياتى احتمالات كتيرة بس ف الاخير هيكون غلطى انا انى حبيته واتعلقت بيه وهو اصلا مكانش بيبادلنى نفس الشعور 

مصطفى: انتى جميلة اوى يا سهر مش شكل وبس روحك كمان وقلبك ابيض وتستحقى كل الحب والخير اللى بالدنيا وانا مش هييأس انا هكون جنبك دائماً هخليكى تتخطى هثبتلك انى استحق منك فرصة ممكن توثقى فيا

سهر: خايفة اظلمك معايا 

مصطفى: بس انا واثق انى هخليكى تنسى

سهر: جيبت الثقة دى منين

مصطفى: من قوة حبى ليكى وبكرة الايام تثبتلك كلامى وبكرة ده ان شاء الله مش هيكون بعيد 

ابتسمت سهر: شكرا بعد اذنك لازم أمشى بقى

مصطفى: طب ممكن اوصلك 

سهر: اوك 

وفى يوم كان الجميع متجمع ع العشا ومصطفى كذلك كان موجود خصوصاً ان عمر طلب منه انه يكون موجود 

عمار: ف ايه ي عمر انت مجمعنا كلنا ليه؟!

عمر: بصوا ي جماعة انا عندى ليكم خبر هيفرحكم اوى وخصوصاً انتى ي ست ماما عشان بقالك فترة بتذنى عليا بخصوص الموضوع ده 

انتصار: خير ي حبيبى؟!

عمر: انا قررت اخطب وووووو......يتبع