كسر جاسور الباب  لقى لمار مرميه على الارض مغمي عليها

حاول يفوقها لكن هى مفقتش شلها بقلق وجرى بيها على المستشفى 

وصل المستشفى والخوف عليها بياكل كل حته فى قلبه

نزل من العربية بتاعته وشالها وجرى بيها على جوه 

جاسور . دكتوره بسرعه حد يجبلى دكتوره وصلوا المسعفين وحطوها على  الترولي ودخلوها غرفة الكشف

فضل جاسور رايح جاى على طرقه المستشفى بيحاول يتحكم في اعصابه وما يدخلش عليهم يطمن عليها بنفسه شويه والدكتوره خرجت والابتسامه على وشها

جرى عليها جاسور  ها يا دكتوره طمنيني مراتي عامله ايه

الدكتوره . ولا اى حاجه شويه إرهاق محتاجه تتغذى شويه

على شان البيبى 

جاسور . بصدمه إيه بيبى انت تقصدى إن هى حامل 

الدكتوره . اه حامل فى بداية الشهر التانى انت مكنش عندك 

علم 

فى الوقت ده وصل يونس على المستشفى على شان يكون 

جنب صاحبه ويطمن عليه وعلى مراته قرب يونس منه

جاسور مسكه وحضنه بفرحه 

جاسور . يونس هبقى أب لمار حامل الحمد لله الحمد لله 

يونس . بدله الحضن والفرحه الف مبروك يا صاحبي رب

يتملها على خير وتقومك بالسلامه 

جاسور  . بعد عنه انا هدخل اطمن عليها وارجعلك 

يونس . أدخل ياسيدى الله يسهله وانا هتصل بخلود اطمنها

عليكم وابلغها الخبر السعيد ده

سابه جاسور ودخل على لمار لقها فاقت قرب منها وجلس

جنبها ومسك وشها بايديه الاثنين

لمار . بلهفة جاسور حبيبي انت جنبى صح انت معاي أنا كنت خايف ما شفكش تانى وبدأت تدخل فى نوبه عياط 

شفت نورهان عملت فيه ايه كانت عايزه تخلينى ابعد عنك  ولما رفضت قالت إنها هتبعنى  لدكتور اعضاء 

اخدها جاسور فى حضنه جامد وحاول يطمنها 

جاسور . متخافيش ياحوريتى أنا جنبك مستحيل اخلى 

اى حاجه تاذيكى وبعدين انت تهدى على شأن خاطر 

أسد ابنينا 

لمار . بستوعب كلامه ابنينا مين وحتط اديها على بوقها

جاسور هز رأسه أيوه ياحوريتى أنت حامل فى ابنينا

أسد جاسور البكرى

لمار . بفرحه صحيح ياجاسور أنا شيله حته منك 

حته منك جويه حضنته لمار بقوه أنا بحبك اوى لا انا بعشقك 

لا انا عديت العشق بكتير ربنا يخليك ليا ياحبيبى

بدلها جاسورالحصن ويخليكى ليا ياحوريتى نسبهم مع

فرحتهم 

ونروح عند يونس وخلود اتصل بيها وطمنها وحكى ليها كل 

اللى حصل معاهم إن لمار فى المستشفى وحامل

خلود . بفرحه بجد يايونس يعنى هبقى عمته 

يونس . أيوه ياحبيبي عقبال ما تبقى مامى

سكتت خلود مقدرتش ترد عليه من  كسوفها

إيه ياحبيبى مبترديش ليه ياما نفسي تكونى قدامى دلوقتي 

بس ملحوقه انا كده جبت أخرى معاكم كل ما اجى أطلب 

إيدك يحصل حاجه أنا عايز اعرف مين اللى حاتط

عينه فى حياتى 

خلود . بقلق يعنى إيه جبت اخرك يايونس 

اتوترت قبل متكلم هو انت ممكن تسبنى

يونس . أتكلم بسرعه انت اتجنينتى أنا اسيب روحى ولا 

اسيبك أنا أقصد أن انى هجيب المأذون معايه أنا مش هستنى يحصل حاجه تانيه تعطل الجوازه دى

خلود . كانت هتطير من السعاده خلاص كلم بابا وجاسور 

يونس . نط من فرحته الله أكبر يعنى انت موافقه أنا 

هكلم جاسور وهتصل بعمى يوسف واتفق معاهم 

وإن شاء الله يجبرو بقلبى 

قفل يونس مع خلود وتصل بالحاج يوسف وبلغه أنهم فى 

المستشفى وطلب منه أنه يجى 

فرح الحاج يوسف إن مرات إبنه بخير وكمان حامل فى حفيده وفعلا راح على المستشفى وقبل يونس وجاسور فى كافتريا المستشفى 

يونس . كان متوتر بس شجع نفسه بس ياعمى حضرتك

كنت عارف انى كنت هاجى أنا وامى واطلب ايد بنتك

بس للاسف حصل اللى حصل فاانا كنت عايز أسمع 

رايك

الحاج يوسف . انا بالنسبه ليه ياابنى مش هلقى أحسن 

منك لبنتى وانا بعتبرك زى جاسور وانت عارف

يونس . صدقنى ياعمى خلود أنا هشلها فى عينى 

ومش هتندم انك  هتجوزها لي فى يوم من الايام 

الحاج يوسف . انا واثق ياابنى انت تربيتى يايونس أنت

وجاسور أصحاب من أيام ما كنتم فى الابتدائي وولدك 

الله يرحمه كان أعز صديق ليه كان زى اخويه

يونس . الله يرحمه كلامك ده شجعنى انى أطلب منك

انى أكتب الكتاب يوم الخميس واتمنى انك مترفضش

اتفاجئ الحاج يوسف وجاسور من طلبه

جاسور . بس ده كمان تلات ايام مش هنلحق نعزم حد 

ولا نجهز نفسينا

يونس . انا وانت هنجهز كل حاجه أما عزومه الناس 

الحاجه غاليه وامى هيقومه بيها واللى بيته بعيد 

هنتصل بيه على شان خطرى ياعمى وافق أنا خايف

يحصل ليكم مشكله تانى واعنس جمنيكم

ضحك الحاج يوسف وجاسور عليه وبلغه بالموافقة 

أما جاسور اطمن على لمار وخلص ليها أوراق الخروج

من المستشفى واخدها وراوح على السرايا

استقبلتها الحاجه غاليه وامانى وخلود بفرحه برجعها 

بالسلامه والمبركات لحملها الحفيد المنتظر

بلغهم الحاج يوسف بموفقته على كتب كتاب يونس 

وخلود يوم الخميس والكل فرح لأن الفرحه هتخش 

البيت بعد اللى مره بيه 

أما جاسور شال حوريته وطلع بيها على غرفته ونزلها بلطف 

على السرير 

جاسور . حمد لله على سلامتك نورتى بيتك ونورتى دنيتى من جديد تعرفى انى كنت حاسس انى ضايع من غيرك إنت عملتى فيه ايه 

لمار . بحب هتصدق انى كل يوم بحمد ربنا انك فى حياتى

أنت عوض ربنا ليا بعد أبويا وامى نورهان لما كانت 

بتهددنى أنا ماكنتش خايفه عرف ليه ركز جاسور فى

كلامها لانى عارفه أنك فى ضهرى حتى لو ماكنتش قدام 

عينى لسانى مش لقى كلام يوصفلك عشق قلبى ليك

جاسور . مسك وشها بايده الاتنين وباس رأسها انا عملت 

إيه فى حياتى على شان ربنا يرزقنى بحوريه زيك

ولو إنت شيفانى عوضك وضهرك هتصدقينى لو قلتلك 

انك المايه اللى مترويش منها أبدا بعشقك يالمار بعشقك 

ونسبهم مع بعض عصافير الحب 

عده اليوم وكل ابطلنا استعده لتجهيز حفل العرس جاسور 

راح مع يونس على شأن يجهز الجنينه لاستقبال المعزين  ويجهزه الضبايح والحاج يوسف والحاجة غاليه والحاجه نعمه

راحه يعزمه العائله والاصدقاء أما عروستنا فراحت 

معها لمار على شان تختار فستان لكتب الكتاب

عده اليومين وجه اليوم المنتظر وكانت خلود فى غرفتها 

ومعها الميكب ارتست  وامانى ولمار 

امانى . بفرحه بسم الله ماشاء الله ربنا يحميكى يابنتى

ويتملك على خير 

قربت منها خلود وباست اديها وحضنتها ربنا يبارك فيك ياست الكل ويخليكى لينا 

لمار . لا انا كده هغير هو انا مليش حضن زيها لمار بدلع

على فكره بقى على اللى هبقى معاكى وهى هتمشى

وتروح على بيت جوزها

امانى . بضحك فتحت اديها جريت لمار على حضنها 

هتصدقى لو قلتلك انك فى قلبى زى خلود احساس 

بيكى إنك بنتى اللى خلفتها ربنا يبارك فيكم ياولادى

لمار . آمنت خلود ولمار الدعاء لمار ويديمك فى حياتنا 

ياامى يارب

أما بقى عند عرسنا فكان معه جاسور بيجهز نفسه وبيلبس

وجاسور بيسعده فى لبس جكت البدله ايه ياسيدى الشياكه

والاناقه دى مبروك ياصاحبى

يونس . الله يبارك فيك ياحبيبى عقبال ما نفرح بعوضك

أمن جاسور على دعائه

وجه الليل عند سرايا البكرى الكل متجمع حولين المأذون 

وهو بيقول جملته المشهورة 

بارك الله لكما وبارك عليكما وجمعا بينكما في خير 

تعالت الزغريط والمبركات 

دخل يونس لخلود الغرفة عل شان يبارك ليها قرب منها

الف مبروك ياحبيبي أخيرا بقيتى بتعتى 

خلود كانت مكسوفه وبتفرك فى اديها الله يبارك فيك 

يونس حب يهز معاها ويفكها لا بقولك إيه اعايزك 

تعملى زى ماقال اكرم حسني 

بصت خلود ليه بعدم فهم مش فهمه 

يونس. عايزك بسبوسة بالسمنة منقطة

يالي رسي عليك العطي

وانا عايز اتوب من العطعطة وده باختياري

اه يا ماجستير في الهشتكة

انا قلبي جالك اه اشتكي

وانت ولا كأنك حاسس بناري

ده في قلبي حتي مبقعة

يا فانيليا بطعم مسقعة

يا ضحكة وقلبت كركعة

وحاولت اداري

ليه في العناد مسترسلة

يا انشف من حصو الكلي

يابو شعرة كيرلي مفلفلة

غلب حماري

بصت عليه خلود ومقدرتش تمسك نفسها من الضحك

عدت الايام وجه اليوم المنتظر يوم وصول اسد جاسور البكرى كانت نايمه جنب جاسور وبدأت تحس بألم 

صوتت لمار قام جاسور مفزوع من نومه ايه فى إيه مالك

ياحبيبي فكى إيه 

لمار . الحقنى ياجاسور أنا بولد 

قام جاسور بسرعه سعدها فى اللبس وجرى على غرفة 

الحاجه غاليه وبلغها ورجع لغرفته شال لمار وجرى على المستشفى 

كان واقف على أعصابه عايز يطمن عليها وصل الكل المستشفى وفى نفس الوقت خرجت الدكتورة وشيله

المولد 

الدكتوره. الف مبروك ولد زى القمر وقبل ما يشيله جاسور

سألها مراتى عمله ايه 

طمنته الدكتورة هى كويسه اطمن اخد منها جاسور 

إبنه وكبر فى ودانه والكل حوليه  بيباركوا له 

دخل جاسور يطمن على لمار وداها أسد تشيله 

حمد لله على سلامتك ياحوريه الجاسور ...............

وتمت بحمد الله رواية أحبني الجاسور