نيره: انا عاوزه يزيد ب اي طريقه ي ماما حتي لو نخلص م ال اسمها هنا دي 

سلوي بشر: هنخلص منها بس مش دلوقتي .. حتي لو  فرح بيها واتجوزها .... هنخلص منها يعني هنخلص منها 

--------------

في صباح يوم من ايام امتحانات هنا بتصحي تاخد دش  وتلبس دريس من اللون الاسمر .فيه بعض التفاصيل االبسيطة زي طيات خفيفة على الجوانب واسع نوعا ما غير محدد تفاصيل الجسم  مريح في ارتدائه، وطرحه من اللون النبيتي اللون المفضل ل هنا .. وكوتشي ابيض مريح 

هنا : ادعيلي ي امول 

امل : ربنا يوفقك ويسهلك الصعب ويكرمك ي هنا يبنتي يارب ويوقفلك ولاد الحلال 

هنا: يارب.... المهم هو يزيد كلم بابا عشان ننزل نشوف الفستان النهارده صح 

امل: ااه ... متتاخروش ي هنا تتفرجي كده خدي نظره وبعدين ابقي خدي نرمين اختك ولا سهيله صحبتك مره تانيه

هنا: لا مش هنتأخر يزيد قالي هيستناني بعد الامتحان علي طول 

امل: طيب.. وبالمره هاتيلك طقمين كده حلوين وباقي الطرح والشنط ... خدي الفلوس اهي 

هنا: حاضر ي اموله اهم حاجه متقلقوش علينا بس 

امل: رني عليا طمنيني عملتي اي ف الامتحان .... انا مش قلقانه عليكي طول م انتي مع يزيد  ابن حلال وبيخاف عليكي ... اول مره تخرجوا لوحدكو بس ابوكي وافق عشان بيثق ف يزيد واهو كلها شهرين ويبقي جوزك يبنتي 

-------------------

اثناء وجود هنا ف اتوبيس متجه ل طريق الكليه يزيد بتلاقي اتصال من يزيد 

يزيد: اي يحبيبتي وصلتي 

هنا: ااه خلاص داخله ع الكليه اهو قدامي عشر دقايق 

يزيد: خلي بالك من نفسك ي هنا ومتتوتريش لو معرفتيش تجاوبي ف الامتحان .. بيتك وجوزك اولي بيكي ومستنينك 

هنا بضحك: انا بقول كده برضو انا بيتي وجوزي اولي بيا 

يزيد بضحك : ي واد ي عاقل يالي عارف مصلحتك انت ..

هنا: المهم متتاخرش عليا النهارده عشان في حاجات كتير هشتريها ... فاضيلي نفسك كده 

يزيد: م العين دي قبل العين دي ... هتطلعي م الكليه تلاقيني واقف ف انتظار مولاتي 

--------------------------

بعد انتهاء هنا من اداء الامتحان بتطلع هي واتنين من صحابها 

اسراء: خلصنا من ماده كمان كده فاضل ٣ مواد يارب يخلصووا بقا والواحد يشم نفسه

هنا: انا مش عاوزااهم يخلصواا دا انا داخله علي علي موااال

هند ب سخريه: انتي ال عملتي ف نفسك كده حد يتجوز دلوقتي يبنتي .. وتخلي واحد يتحكم فيكي ورايحه فين وجايه منين وعملتي اكل ولا لااء وقرررف .

هنا: قصدك اي يعني ي هند يعني لو اتقدملك حد دلوقتي مش هتوافقي . عاوزه تفضلي سنجل كده طول عمرك 

اسراء: سيبك منها يبت هنا ... والله الجواز ده اسقرار كفايه انك بتبقي ف حمايه راجل ويكون هو كل حياتك ويكون عندك بيتك وعيلتك 

هنا ب ابتسامه: والله ي اسراء انا خايفه اوي .. هو يزيد كويس بس انا خايفه من المسؤوليه دلوقتي حاسه نفسي لسا صغيره كنت عاوزه اتجوز بعد م اخلص كليه الاول 

هند: ههه هو انتي مكنتيش تعرفي ده وانتي بتتخطبي

اسراء: متسكتي ي هند انتي لسانك بينقط سم .. فكك منها يهنون .. انتي يبنتي مش بتقولي شقتك ف نفس شارع شقه مامتك يعني هتبقي علي طول معاهم برضو .. سيبك من افكارك دي وانبسطي بفرحك وبخطيبك الدنيا ال احنا فيها دي بقا صعب تلاقي راجل محترم عارف ربنا كله دلوقتي عاوز يتجوز عشان يخلي مراته ال تصرف عليه ... انما خطيبك بيحبك وشاريكي انتي 

هنا : عندك  حق ي سرسور .... صحيحح ده يزيد مستنيني انهارده رايحين نشوف فستان الفرح 

هند: هتأجريه!

هنا: ايوه 

هند: كله بقا بيشتري أو بيفصل دلوقتي يبتي

هنا: مش عارفه والله ي هند هشوف لو لاقيت الفستان ال نفسي فيه هأجره ملقتش هشوف بقا هعمل اي

اسراء: الاتليهات دلوقتي بقا فيها كل الاشكال والالوان ي هنا اكيد هتلاقي 

هنا: ان شاء الله..ادعوولي ي ولااد

اسراء: ان شاءالله هتبقي احلي عروسه يهنووون وهتبري الكل بجمالك 

هنا ب ابتسامه: ياارب ي سوسو .. استني بقا اما ارن علي يزيد اشوفه فين 

هنا: اي يبابا انت فين 

يزيد: واقف برا عند البوابه بقالي نص ساعه مستني معاليكي 

هنا بضحك: حقك عليا والله اتشغلت مع صحابي انا طالعه حالا

اسراء: لاطعه الراجل برا وواقفه هنا عماله تحكي معانا 

هند: متسبيه يعني هو هيطير 

هنا بعصبيه: حد يسكت البت دي عشان مش طيقاها 

اسراء: روحي ي هنا يلاا ربنا معاكي 

----------------------

بتطلع هنا ل يزيد تلاقيه قاعد مستنيها تترسم ابتسامه عفويه علي شفايفها وهي بتقول 

هنا: معلش اتاخرت عليك 

يزيد: عملتي اي ف الامتحان اهم حاجه

هنا: الحمد لله... اهم حاجه انه عدي خلاص 

يزيد: انا قولتلك بيتك وجوزك اولي بيكي 

هنا ب ابتسامه: يلا ي يزيد عشان منتأخرش 

بعد مرور فتره قصيره بتدخل هنا مع يزيد أحد المحلات الكبيرة المتخصصة في فساتين الأفراح، وعيونها تتجول بين الأرفف اللي مليانة فساتين بيضاء، ناعمة، وأنيقة.

هنا ب ابتسامه واسعه : الله بص ده ي يزيد تحفه

يزيد: اخيرا لقيتي حاجه عجبتك دا احنا دخلنا اتليهات البلد كلها 

هنا: ده تحفه بجد نفس ال كنت رسماه ف خيالي 

يزيد: طب تجربيه 

هنا: اممم ماشي بس انا كنت محتاجه رأي حد معايا

يزيد : وهو انا قرطاس لب واقف جمبك ولا اي 

هنا: اي ده لاء طبعا رأيك عندي اهم رأي .. بس اقصد عاوزه معايا بنت ي يزيد .. بص هشوفه لو عجبنا هصوره ل نرمين وسهيله اخد رأيهم 

يزيد: هيعجبنا اكيد انا حاسس انه اتعمل. عشانك ي هنايا  

بعد عشر بتدخل هنا تلبس الفستان بمساعده البنت الموجوده ف الاتليه .. 

هنا بتساأل: شكله حلو 

البنت: تحفه عليكي والله العظيم ... احلي بكتير من ال قستيه قبل ده 

هنا ب ابتسامه: انا حاسه كده برضو... ممكن تنادي خطيبي من برا معلش 

البنت : حاضر ثواني.... ي استاذ ممكن تيجي دقيقه من فضلك 

يزيد بيدخل يشوف هنا واقفه بضهرها لابسه الفستان وحاطه طرحته بيبتسم ابتسامه واسعه تدل ع الاعجاب 

يزيد بهيام: تحفه ي هنا .... تحفه 

هنا ب ابتسامه خجل: بجد ي يزيد حلو 

يزيد: دا احلي وارق واحد لبستيه .. كأنه علشانك 

هنا بفرحه: عااااجبني اووي ي يزيد اووي 

يزيد : طب يلا هناخده 

هنا: استني اصوره ل نرمين و سهيله عشان اخد رأيهم 

يزيد: مش محتاجين رأي حد ده عاجبنا ..وهناخده مش هنأجره

هنا بصدمه: ااييه لاء طبعا مينفعش 

يزيد: بكام ده ي انسه من فضلك شرا مش ايجار 

البنت: ده هيبقي(......) لانه لسا جديد حرفيا محدش لبسه غير مره واحده بس

هنا بتعجب: لاء ي يزيد 

يزيد: طب نقدر نستلمه امتي 

البنت: لو حابب دلوقتي بس هتحتاج تجييه تاني قبل الفرح ب اسبوع مثلا نوديه الدراي كلين ونظبطه علي مقاستها 

يزيد: طيب تمام احنا هنحجزه وده عربون وبكرا أنشاء الله هاجي استلمه واكمل باقي الفلوس 

البنت: تمام.... مبروك عليكو 

هنا بتابع الحوار بصدمه وبتبص ل يزيد وبعدين يزيد ياخدها ويطلعوا

هنا: ليه عملت كدا 

يزيد : عشان عاجبنا اوي انا قولتلك من ساعه م شوفته وانا حسيته بتاعك 

هنا: طيب ي يزد كنت هأجره بس ده كده غالي اووي

يزيد: لاء مفيش حد يلبسه بعدك ده هيبقي ذكري طول العمر كل متفتحي الدولاب تفتكري أحلي يوم هيعدي علينا ف حياتنا ...و بعدين مفيش حاجه كتير علي هنايا 

هنا بعدم انتباه وتلقائيه: أنا بح.....

بتتسع عيون يزيد وفجاه هنا تاخد بالها وتسكت 

يزيد: قوليهااا ي هنا قوليها بقا

هنا بكسوف: لاء لما نكتب الكتاب 

يزيد : يااارب الهمني  الصبر ...... يالا نروح نتغدا ف اي مكان وبعدين نجيب باقي حاجتك عشان جوعت حاسس ب اعراض اغماء 

هنا بضحك: اغمااء ... لاء يلا نروح نااكل .. عااوز اكل شاورما

يزيد: بس كده .. يلا بينا 

---------------------

وبعد ساعتين بيخلص هنا ويزيد كل الطلبات وبيرحوا بارهاق وامل ف انتظارهم ب قلق 

امل: اتاخرتو اووي ي يزيد ..اي كل دا ي هنا

هنا: علي مخلصنا كل حاجه يماما 

امل: طب عملتي اي ف الفستان 

هنا بنظره ل يزيد: اشترناه ي ماما ويزيد هيروح يستلمه بكرا 

امل: اشترتوا!! ليه الكلفه دي بس ي يزيد 

يزيد: ولا كلفه ولا حاجه يطنط امل مفيش حاجه كتير علي هنا

امل: ربنا يكمل فرحتكوا ببعض علي خير يبني 

--------------------

في منزل محمد خال يزيد

سلوي: انا كلمت عمتك زينب تيجي بكرا تعملي زي م اتفقنا .. متبطليش عياط والكلام ال قولتهولك تقوليه بالظبط 

نيره : ماشي.. بس تفتكري طنط زينب تخلي يزيد يسيب هنا وهنا خلاص قربوا يتجوزوا 

سلوي: مش زينب ال هتخليه يسيب هنا ... زينب لما تلاقيكي بالمنظر ده ومتشحتفه كده هتصعبي عليها وهتكره هنا وهتكرها فيها وبالتالي هنا هتكره يزيد وهي ال هتطلب تبعد عنه 

نيره: صح كده ... 

--------------------

مساءا في منزل هنا قاعده بتذاكر شويه وتتخيل نفسها بفستان فرحها شويه تترسم ابتسامه حب علي شفايفها 

يزيد: هنون 

هنا: نعم 

يزيد: بتعملي اي يحبيبتي .

هنا: بذاكر يبابا محتاج حاجه 

يزيد: لاء كنت عاوز اتكلم معاكي شويه بس طالما مشغوله يبقي وقت تاني او بعد م تخلصي

هنا: لاء معاك انا اصلا زهقانه عاوزه افصل شويه 

يزيد: طيب...  كنت يعني بفكر في حاجات كتير النهارده وإحنا مع بعض .. عارف إننا بنحضر كل حاجة لفرحنا، بس أنا كمان عاوز أكون متأكد إنك مبسوطة ومرتاحة، مش حاسّة بأي ضغط أو خوف

هنا: بابتسامة خفيفة: ليه بتقول كده؟ بالعكس، أنا مبسوطة جدًا... بس يمكن متوترة شوية من التغيير والمسؤولية بس مش خايفه طول م انت معايا

يزيد: انا علي طول جمبك ي هنايا 

هنا: عارفة يا يزيد، وأكتر حاجة مطمّناني إنك دايمًا بتبسط الأمور وبتخليني أحس ان كل حاجه هتعدي حتي وانا خايفه دلوقتي ومتوتره بس عارفه انك دايما جمبي 

يزيد: بموت فيكي ي هنا 

هنا: بس ي يزيد بطل بجد 

يزيد: والنعمه م عااارف امسك لساني دهووو

هنا: انا بنام ي يزيد تصبح على خير 

يزيد بتنهيده: عقبال م تنامي وأنتي فحضني ي عيون يزيد