هنا بعين متسعه : يزييييد!!!!  متقولهااا مين دي يا بشمهندس يزيد 

يزيد : دي هنا ي ريم خطيبتي ...

ريم ب تعجب: اااه ...  اسفه معرفكيش انا اول مره اشوفك سووري

هنا: هههه هفك لوري يحبيبتي ...... ههههه بهزر معاكي 

همشي انا بقا عشان الحق الصلاه .. هاا 

بتمشي هنا وهي بتبص ل يزيد بنظرات فيها توعد يزيد وقف مكانه، مش عارف يرد على نظرات هنا المتوعدة، وهو شايفها بتمشي بعيد بيتمتم ف نفسه : دا انت يومك اسود عليك وع ال خلفوك ي يزيد الهي تتشلي ي ريم 

 بعد الانتهاء من الصلاة ووصول يمني وهنا وعدي قدام بيتهم

 ‏

يمني: مش هتستني  معانا ي هنا 

 ‏

هنا: لا هطلع .. انتو العبوا شويه وابقوا اطلعوا ورايا 

يمني: مااشي

بتطلع هنا بملامح ضيق متذكره موقفها مع يزيد والبنت ال كان واقف معاها تحس بالغيره اكتر وتقرر تستني يزيد لحد ي يرجع م الشغل وتعاتبه 

امل بشرود: اعمل اكل اي بكرا ي هنا 

هنا:اي حاجه ي ماما 

امل: انتي كل يوم تقوليلي اي حاجه.. متفديني مره يبنتي

هنا: اعمل مكرونه بالصلصله وسلطه وخلاص 

امل: طب سيبك م الاكل دلوقتي ... المهم عاوزه اكلمك ف موضوع مهم

هنا: همم اي هو .

امل: انتي عارفه اني فرحك قرب صح 

هنا: لا مش اول لسا بدري برضو

امل: ما علينا.. لسا فاضل شويه

هنا: ‫ااه

امل: انتي جاهزه يبنتي تتجوزي ! حاسه هتقدري تشيلي مسؤوليه بيت وراجل وحياه تانيه غير ال انتي فيها دلوقتي دي خالص

هنا: انشاء الله ي ماما 

امل: م هو انشاء الله ماشي احنا دلوقتي داخين ف الجد لازم اعرفك واجباتك ناحيه جوزك وبيتك.. جوزك يرجع م الشغل يلاقي بيته نضيف هدومه نضيفه اكله جاهز وانتي مستنياه ولابسه نضيف  وحلو.. متبقيش مهمله ف نفسك و لا ف بيتك .. اوعي ي هنا جوزك يشتكي منك ف مره ويقول دي مهمله فيا و ف بيتها فاهمه 

هنا: إنشاء الله ي ماما 

امل : انتي هتتجوزي وانتي داخله رابعه يعني قدامك سنه ف الكليه وانتي متجوزه الله اعلم يمكن تبقي حامل وتول...

هنا مقاطعه : اااااييييه حاااامل هي مين ال تبقي حامل يست انتي 

امل: انتي يقمر .. اومال انتي فاكره الجواز اي لعب عيال

هنا ب توتر: ماماا .. بصي انا غيرت رأيي انا مش عاوزه اتجوز دلوقتيي خااالص .. 

امل: انتي يعني لما تهربي كده مش هتتجوزي كده كده هتتجوزي ويزيد يبنتي بيحبك وشاريكي وطيب وكويس معانا كلنا ومع امه واخواته  .. دا انتي ربنا رزقك بيه ي هنا 

هنا: الحمد لله ي ماما .. والنبي متجبليش سيره الجواز دلوقتي بطني بتوجعني م السيره دي

امل: هو انتي هتتوئدي انتي هتتجوزي 

هنا متجهه ناحية غرفتها : الف مبرك ..الله يبارك فيكي لوووولوولي .... صحيني ع السحور ي مااماا لو نمت انا داخله اتخانق مع يزيد ..

امل بتعجب: الله يكون ف عونك ي يزيد ي ابني 

--------------

هنا ل يزيد : الباشا هيرجع م الشغل امتي 

يزيد : شكلي هطبق.. معااايا شغل كتيرر كل سنه وانتي طيبه بقاا ههه 

هنا : لا تروووح ي يزيد انا مستنياك عاوزاك ف موضوع مهم 

يزيد: من عنيا ينور عنيا ..ساعتين وجاي

هنا: تمام 

---------------

يزيد في نفسه: استر ي الي بتستر 

هنا : ليلتك هتبقي فل انا هعرفك تتكلم مع بنات غيري ازاي 

----------------

بتفضل هنا مستنيه يزيد ل اكتر من ٣ ساعات لحد متسمع صوت بوابته بتفتح .. تستني ربع ساعه وبعدين ترن عليه 

يزيد ب ارتباك وبتمثيل صوت نعساان:  الوووو

هنا بصوت اعلي نسبيا: لاء متعمليش فيها ناايم انا شيفاك داخل م البوابه من ربع ساعه 

يزيد: ااه نمت ي هنا نمت تعبااان طول اليوم ف الشغل

هنا: فوووق ي يزيد متمثلش انا حافظه حركاتك دي كويس هااا... مين السلعوه ال كنت واقف معاها دي ... انطق .. دا انت يومك هيبقي نكد ف نكد انطق ي يزيد مين د.....

يزيد بمقاطعه: م تصبررري اصبررري اديني فرصه اتكلم عماله لولولولولو هتكلم ازاي وانتي بتتكلمي

هنا محاوله الهدوء: اهووو سكت اهوو اتفضل قوول مين دي 

يزيد بهدوء: دي ريم ي هنا ريييم عميله كان ليها شغل وجايه تاخده وماشيه .. فيها اي دي بقا 

هنا: هه لا مفيهاش اي حاجه خاالص .. عيله ملزقه . متتعاملش مع البت دي تاني فاهم

يزيد: م اقفلها خاالص اقفلها واقعد ف البيت جمب امي ولما نتجوز ناكل رمل 

هنا: بطل تقلب الموضوع هزار.. 

يزيد: هنا انا تعبان بجد طول اليوم ف الشغل واقف علي رجلي مش قادر انهارده والله اجلي خناق

هنا قلبها بيرق وبتقول بهدوء: طب .. نام واصحيك قبل الفجر تتسحر .. !

يزيد: لاء هاكل دلوقتي وخلاص.. بس صحيني الفجر عشان اصلي.

هنا: حاضر يبابا... تصبح على خير 

يزيد: وانتي من اهله ي هنايا 

هنا: يزيد 

يزيد: نعم 

هنا: متزعلش مني انت عارف مش بقصد اتخانق معاك .. بس البت دي استفزتني .. وانا اي واحده تفكر تيجي جمبك هقرقشها بسناني فاهم!..

يزيد بضحك: ي واد انت ي شرس ياللي بتغير

هنا: روح نام ي يزيد انت مش تعبان

يزيد: حاسس ان النوم راح .. بقول اخليني معاكي شويه 

هنا ب: لاء روح ي بشمهندس انت عندك شغل الصبح  .. تصبح علي خير 

----------------

صباحا عند هنا بتصحي قبل الضهر تتوضي وتقرأ ورد قرأن وتستني صلاه الظهر تصليها وتروح تساعد والدتها ف البيت 

امل: ربنا هداكي النهارده يعني وجايه تساعديني ف المطبخ 

هنا: م أنا قولت انا قربت اتجوز بقا اما اقف اشوف واتعلم عشان ابقا ااكل جوزي حبيب قلبي 

امل بعين متسعه: دلوقتي جوزي حبيب قلبي ..امبارح مش عااااااوزه اتجوز ي مامااا متجبيش سيره الجواز

هنا: هيييح م انا فكرت ف كلامك ولقيت عندك حق يا امول يزيد يحبيبي علي طول لوحده وطنط زينب ف الشغل لازم يرجع يلاقي حد يونسه برضو.. صح 

امل بتعجب: يا حول الله يارب .. سبحان مغير الاحوال 

هنا: المهم عاوزه انزل النهارده اجيب طقم جديد عشان العيد انتي روحتي جبتي ل يمني و عدي وبصراحه يزيد فاتحني ف الموضوع ده وكان عاوز يديني فلوس بس انا موافقتش طبعا قولتله لما ابقي ف بيتك ابقي هاتلي انت عاوزو

امل: برافو عليكي .. طول م انتي ف بيت ابوكي مينفعش تاخدي منه حاجه... 

هنا بفخر: تربيتك يا اموووله .... هاا بقاا هننزل امتي 

امل: لو فضينا النهارده ننزل انشاء الله 

هنا بفرحه: ‫اشطااا عليييك ...

ــــــــــــــــــــــــــــــــــــ

يزيد : هنا 

هنا: ايون 

يزيد : بعتلك كذا صوره اختاريلي منهم اتنين تلاته 

هنا: امممم الكحلي دي جميل و الاسود برضو بيبقا حلو عليك 

يزيد: اوعا الشياكه انا كدا هبقا واد حليوه وممكن واحده تخطفني منك 

هنا بثقه: مفيش واحده تقدر تخطفك مني عشان انا ماليه عينيك وقلبك ..مش انت علي طول تقولي كدا!

يزيد بضحك : ايوه كده.. احبك وانت واثق ف نفسك كدا 

هنا : احمم .. طب ع فكرا انا نازله انا وماما كمان اجيب هدوم ليا انهارده 

يزيد: هو انا مش قولتلك ي هنا انا عاوز انا اجب...

هنا بمقاطعه: لاء ي يزيد قولتلك لما نتجوز هاتلي ال انت عاوزو .. 

يزيد بتنهيده: طيب .. نازلين امتي؛

هنا : بعد الفطار ان شاءالله 

يزيد: طب خلي بالك من نفسك ي هنا... ولو احتاجتكوا حاجه انا موجود يعني ف الخدمه اجي تاخدي رأيي كده او كده اختار معاكي يعني انا جاهز

هنا: لاء يبابا شكرا انا بحب اختار 

يزيد: ماشي يصاحبي ال انت شايفه .. بكرا اختار واعاين انا بنفسي ..

هنا بكسوف: سلام ي يزيد 

-----------------------

قبل العيد بيومين بيتجمع عيله يزيد ..زينب ورضوي ودعاء وعيله هنا وامل ويمني وعدي ونرمين اخت هنا ل خبيز الكحك والبسكوت 

امل: الشارع كله ريحته كحك وبسكوت ال ماشي ف الشارع مش عارف الريحه دي طالعه من انهي بيت مشاء الله 

زينب بضحك : ربنا م يقطعها عاده يا ام هنا .

رضوي: انشاء الله المره الجايه نكون بنعمل كحك وبسكوت بتاع فرح يزيد وهنا 

نرمين: والله ي جماعه مش متخيلين انا مبسوطه ازاي اني معاكو دا انا مصدقت ابو يزن قالي روحي عيدي معاهم مصدقتش نفسي

دعاء بضحك: انتي عامله زيي ينرمين مبصدق عمار جوزي يوافق اروح ف حته انا أخري عند ماما 

رضوي بوشوشه ل هنا: مش عاوزاكي تبقي زيهم كده يبت ي هنا خليكي زيي كده حره طليقه اول م عمرو جوزي يقولي مفيش مرواح بقوله دا انت تؤمر ي سيد الناس 

هنا بضحك عالي: بتهزري 

بيرجع يزيد م الشغل ف حضور العيلتين بيشوف رضوي وهنا وهما بيتوشوشو ونرمين ودعاء مع بيتكلموا وزينب وامل .. وباقي الاطفال بيلعبوا ف اوضه يزيد

يزيد : متجمعين عند النبي انشاء الله 

زينب: انشاء الله يحبيبي ... تعالي دوق عمايل ايدينا 

رضوي: بلااااش ليجيلك تلبوك معوي 

دعاء : بس يبت امسك ي يزيد دوق الكحكه دي هنا ال عملاها

يزيد بضحك: لا طالما هنا ال عملاها يبقي مش هيجرالي حاجه

رضوي: وانتي عرفتي منين ان الكحكه دي بالذات هنا ال عملاها يام العريف 

دعاء : ملكيش دعوه .. خليكي ف كحكك 

زينب: عقبال كحك فرحكوا يحبيبي  

يزيد بنظره ل هنا: يااارب ي ام يزيد 

امل: قريب اهو .. هنا تخلص امتحانتها بس ونفرح بيهم علي طول 

زينب: علي خير انشاء الله 

ــــــــــــــــــــــــــــــــــــــــــــــــ

ف غرفه هنا بعد وصولها بيتها واثناء تواجدها مع نرمين ف نفس الغرفه .. 

نرمين : مش مصدقه انيي قاااعده معااكو يووومين وهبات معاكوو ف الاوضه يبت يهنونه 

يمني ب سخريه: عشان تسمعي الخناقات طول الليل

نرمين بتعجب: خناقات مين 

يمني: الحجه هنا وخطيبها

هنا: ههه خفه .. ابقي سدي ودنك ومتسمعنيش ي عسل .. وبعدين انتي مش بتكوني نايمه بتسمعي از....

اهوو بيتصل علي الله اسمع صوت معزه فيكم 

هنا بصوت هادي: الوو

يزيد : انا كلت احلي كحكايه دوقتها ف الدنيا انهارده 

هنا بضحك عالي :  بجددد 

نرمين بتعجب : اوعاا هو دااا الخناق ولا بلاش 

هنا بتحذير ومشاوره للخروج م الاوضه 

يزيد: اي الصوت ده .. جمبك حد 

هنا بتلعثم: هه ..ااه دي نرمين ويمني معايا ف الاوضه 

يزيد : طيب سلميلي عليهم 

نرمين ل هنا بصوت ضعيف : انا عاوزه اسمع الخناقاات ..

هنا : طااايب ي يزيد هقفل أنا بقا عشان معايا نسنستين ف الاوضه .... عاوز حاجه .. تصبح علي خير ‫ 

يزيد بضحك: لا مش عاااوز... وانتي من اهل الخير يهنايا بس خلي بالك .. النهارده مش محسوب بكرا في ساعه اضافيه 

يمني بتطفل: بيقولك اي بيقولك ايييي

هنا ب ضيق: لااء ي يزيد احنا اليومين دول هنقضيها رسايل بالحمام الزاجل لو عاوز حاجه ابعتلي حمامه 

يزيد بضحك: اااه فهمتك .. طايب هكلمك ع الواتس انا 

هنا ب ابتسامه: ماشي يبابا مع السلامه ..

هنا بزعيق: حلووو كدا عاجبكوا اهو قفل ملحقتش اكلموا ياللي تتشلوا 

نرمين : واحشك اوي يختي م انتو  البيت ف وش البيت  

هنا: ملكييش دعوووه خطيبي وانا حره فيه اكلمه وقت م اكون عااوزه

نرمين : ومااله بكرا تتجوزيه وتزهقي منه 

هنا بشقة خضه: ايييي مستحيل 

وبنظره هيام:  ده يزيد ده حبيبي 

نرمين ويمني ف صوت واحد : حبيبك 

هنا ب انتباه: وانتوو ماللكووو اوووف ااناا هنام مش عاوزه اسمع صوتكم

 خليني افضل سامعه صوته ف ودني كتكو القرف مليتو البلد 

-----------------------------

وبعد مرور يومين 

فجر يوم العيد بيبعت يزيد رساله طويله ل هنا مضمونها 

كل سنه وانتي طيبه ي هنايا ..كل سنه وانتي منوره حياتي وتفضلي منوراها طول عمرك بوجودك فيها .. والسنه الجايه نحتفل بالعيد ف شقتنا وانتي بتكويلي العبايه ال هصلي فيها .. كل سنه وانتي احلي صدفه حصلتلي ف حياتي يابنت الجيران.. بحبك 

بتشوف هنا  الرسااله عيونها بتتسع بفرحه وقلبها بيدق وتتمتم ف نفسها: بحبك اكتر ي قلب وعيون هنا 

لكن تكتفي بالرد عليه: وانت طيب ي احن واطيب قلب ف حياتي 

يزيد: طب اي مش هتنزلي تصلي معانا العيد رضوي ودعاء وماما بيجهزوا 

هنا: وانا كمان بلبس اهو .. وماما وبابا واخواتي نازلين برضو 

يزيد: ماشي يحبيبتي مستنيكوا ..

بعد عشر دقايق بتنزل العيلتين .وسط أجواء الفرح والبهجة، العيلتين نزلوا مع بعض عشان يصلوا العيد، وكل واحد فيهم كان حاسس بسعادة كبيرة، 

لكن قلب "هنا" كان بيخفق بسرعة. كل ما تفكر في رسالة "يزيد"، قلبها كان يدق بسرعة أكتر، الرسالة اللي فيها كلمات حلوة عن حبهم ل بعض، 

بتخطف هنا نظره ل يزيد بملامح كسوف عفويه وهو بيقرب منها ماشين مع بعض وسط العيله 

يزيد : مينفعش اخدك منهم ونهرب 

هنا ب ابتسامه: بس ي يزيد 

يزيد: ه بس حاضر انا قاعد مؤدب مستني دوري زي عمرو وعمار وهما ماشين كل واحد واخد مراته ف ايديه كده ... وانااا انا غلبان مش عارف حتي امسك ايديك 

هنا ب احراج : يزيييد هسيبك وهروح امشي جمب نرمين  

يزيد: وعلي اي الطيب احسن 

هنا ب ابتسامه: شكلك حلو اوي ف العبايه البيضا 

يزيد : عيب كده ي انسه هنا انتي بتعاكسيني ولا اي 

هنا: ايييه اعاكسك.. لاء طبعا... 

يزيد:  طب تسمحيلي انا اعاكسك طيب 

هنا بتوتر: بس ي يزيد اسكتت .. امشي وانت ساكت 

يزيد بمناغشه: حاااضر .. حااضر ي معذبااني ي الي مطلعه عييينيي ومغلباني حاضر 

----------------- 

بعد مرور عدة اشهر في فتره امتحانات هنا ف الكليه بتعدي الشهور علي يزيد بفارغ الصبر مستني فرحته تكمل ب هنا .. اما هنا مشغوله بتجهيزات الفرح والبيت والجهاز وسط مذاكرتها ل امتحانتها بتحس بضغط شديد 

هنا : تعبت ي يزيد تعبتتتت طاقتي خلصت .. لقد نفذ رصيدكم 

يزيد: هااانت ي هنايا خلاص امتحاناتك ع الابواب هتخلصي وهترتاحي 

هنا: ارتااح!!! دا انا هدخل ف دووامه فستان الفرح والقاعه ورص الشقه و لييييله كبيييره اوي .. بص ي يزيد انا محتاجه شهرين تلاته كده  كمان بعد الامتحانات استجم 

يزيد: شه ايييي يختي لاء بقولك اي احمد ربنا اني صابر عليكي لحد دلوقتي ومكتبناش الكتاب تقوليلي شهرين لا دا انا اخطفك واتجوزك بالعافيه اسهل

هنا : يااا ربي ... انت علي طول تعاندني 

يزيد بهدوء: هو انا اقدر ي هنون. طب والله بكرا نفتكر الضغط ال احنا فيه دلوقتي ده ونقعد نضحك واحنا قاعدين كده قدام التلفزيون وانتي عامللنا كوبايتين نسكافيه وحله فشاار ياااسلاام 

هنا ب ابتسامه : والله انت رايق ي يزيد 

يزيد: طبعااا مش هتجوز احلي ف الدنيا... ربنا يكمل فرحتنا علي خير ي هنايا 

هنا: يارب ي قلب هنا 

--------------------------

في منزل محمد خال يزيد 

نيره: هتعملي اي ي ماما 

سلوي: كل خير .. انا سكت شويه علي م ابوكي ينسي بس دلوقتي خلاص ان الاوان 

نيره: انا عاوزه يزيد ب اي طريقه ي ماما حتي لو نخلص م ال اسمها هنا دي 

سلوي بشر: هنخلص منها بس مش دلوقتي .. حتي فرح بيها واتجوزها .... هنخلص منها يعني هنخلص منها