يزيد متعمد النظر ف عنيها: عاجبني وعلي قلبي زي العسل 

هنا ب كسوف موجهه نظرها ف اتجاه آخر: طاايب .. اما نشوف 

يزيد بضحك : احلي واحده بتتكسف ف الدنيا ي جدعان 

---------------------

(((بعد مرور ٢٠ يوم ))))

اثناء تواجد هنا وامل ويزيد ف المستشفي 

الدكتور بضحك : حمدلله ع السلامه ... المره الجايه نجبس الرجل التانيه بقا

هنا: لا يا دكتور حرمت خلاص 

يزيد: يارب نبطل عند بس وربنا يهدينا كدا 

امل: هتقدر تتحرك ي دكتور وتمشي طبيعي مش كدا؟

الدكتور: هتحس بشويه تنميل ف الاول بس .. شويه شويه هتبدء تمشي طبيعي هي برضو بقالها شهر ف الجبس طبيعي تحس بتغير

يزيد: متقلقش يدكتور هنعلمها المشي من اول وجديد 

امل: تعبناك معانا يدكتور ربنا يخليك

الدكتور: ولا تعب ولا حاجه حمدلله ع السلامه وكل سنه وانتو طيبين 

------------------

هنا بسعاده: مش مصدقه اني ماشيه علي رجليا الاتنين ... ياااااه ع السعاااده اااه

امل: احمدي ربنا بقا وصلي ركعتين شكر لله 

يمني: هنا دلوقتي اكتر حاجه مفرحاها انها هتنزل تولع سلك ف الشارع

يزيد: تنزل فين!!!! ليه هي لسا عيله بضفرتين ولا ي مزمزيل يمني

هنا بقمص اطفال :يعني اي يعني .. هو انا مش هنزل

امل:تنزلي فين ي هنا ... انتي عاوزه الناس تضحك عليكي

يزيد بضيق: قوليلها يطنط امل عشان بنتك خلاااص فاضلها شويه وهتموتني بجلطه 

هنا: هوووووف ..

يزيد: هتعوزوا مني حاجه هروح انا اخلص كام حاجه ف الشغل 

امل: سلامتك يبني 

هنا: يزييد هترجع النهارده م الشغل امتي

يزيد: الله اعلم يمكن اجي افطر مع امي وارجع تاني مجيش غير ع السحور ... عاوزه اي 

هنا ببلاهه: عاوزه انزل النهارده اصلي التروايح مع يمني وصحابها ....والله والله هخلص وهطلع علي فوق مش هستني يولعوا بومب ولا اي حاجه 

يزيد: بصي ف ايديكي كدا ي هنا 

هنا بعدم فهم: اهوو مالها ايدي 

يزيد: لا ايديكي اليمين

هنا: ممممالهاا برضو

يزيد: شايفه فيها اي 

هنا بتعجب: مفيهاش حاجه .. كويسه اهي 

يزيد بعصبيه: فيهااا دبله ... دبله هااا حضرتك مخطووبه وعندك ٢٠ سنه مش ١١ عاوزه تنزلي مع العيال ال ف الشارع .. 

هنا : هو انت متعصب ليه 

يزيد بسخريه: لا  هتعصب ليه ... هتعصب ليه ي يمني تفتكري  اتعصب ليه ي طنط امل...

امل: اتكل علي الله ي يزيد يبني انا مش هخليها تنزل ...

هنا: متربطيني ف رجل السرير ي ماما احسن.. اقولك احبسيني ف العشه مع الفراخ 

يزيد متجهه ناحيه الباب: الصبر من عندك ياارب

امل: امشي ي هنا من وشي هتشليني انا وخطيبك وابوكي .. كلنا متمتمين منك ومن عمايلك .. 

هنا:  هو انا عاملت اي يعاالم ي ظلمه 

امل: والله العظيم ي هنا تخلصي امتحاناتك من هنا تروحي علي بيت جوزك من هنا .. يزيد هو ال هيعلمك الادب احسن م انتي ماشيه بدماغك كده

هنا بتمثيل: كل دا عشان بقول انزل اصلي التروايح

-------------

مساءا هنا قاعده ف غرفتها بضيق بعد م يمني وعدي ينزلوا ويسبوها

هنا بضيق: حلو كده يعني مبسوطين !!

امل: ابقي انزلي بكرا يهنا ع الاقل اصبري انهارده انتي لسا فكي الجبس دا انتي فراااكه 

هنا: ماشي ي ماما مااشي

وبتمسك تلفونها ب غيط تكلم  يزيد 

هنا: يارب تكون مبسوط اهي ماما مش راضيه تنزلني 

يزيد: ف قمه انبساطي 

هنا: يزيد احنا نسيب بعض .. انت من طريق وانا من طريق ي ابن الناس 

يزيد: يوووه شوفي ي هنا عاوزه نسيب بعض امتي ونسيب انا موافق

هنا: انت مبقتش تحبني عاوز تستغني عني بسهوووله

يزيد: اقولك التقيله .. انا بخونك ي هناا بخونك  

هنا: حلووو نفضها سيره بقا 

يزيد: حسبي الله ونعم الوكيل 

هنا : فيا ي يزيد!!!

يزيد: لاء في نفسيي في نفسي اني حبيتك وخطبتك  ما انا كنت عايش اعزب ومبسوط اي ال انا جبته لنفسي ده

هنا: نصيبك 

يزيد: اقفلي ي هنا ف ايدي شغل

هنا: لا حسا في شويه زهق عاوزين يطلعوا..

يزيد،: هقفل ف وشك وبترجعي تزعلي 

هنا: انا زهقااانه ي يزيد هطأ

يزيد بهدوء: طب معلش يحبيبتي  انا شويه وهخلص شغل  وهاجي بصي معاكي للسحور طلعي زهقك عليا

هنا بتهيده: اممم ماشي .. هروح اتفرج علي المسلسل علي م تيجي .. 

----------------

في محل يزيد بيقفل مع هنا وهو بيتمتم ف نفسه

: ربنا يهديكي ي هنا واتجوزك واريح ابوكي وامك منك ياارب 

اثناء تمتمه يزيد بيدخل واحد من اصدقاء ‫يزيد 

خالد: عااامل اي ي زوز.

يزيد:ء كويس الحمد لله .. محدش بيشوف خلقتك يعني ..مختفي فين

خالد: مفيش كان في شويه حوارات ف الشغل وبجهز الشقه عشان هتجوز بعد العيد واهل خطيبتي نازلين طلبات طلبااات لما الواحد هيبع هدومه والله يصاحبي

يزيد: وانت اي ال جابرك علي كده متفشكل وتشوف ناس ولاد حلال يقدروا دنيتك وشارينك مش طماعين

خالد: خطيبتي كويسه اوي ي يزيد اهلها ال ولاد ..... والواحد مش عاوز ياخدها بذنب اهلها هي لو عليها عاوزه المعقول انما هماا جشعين يجدع 

يزيد : اتجوزها من هنا وخليها تقلل معاهم خالص ربنا يهدي دنيتك ويكملك علي خير ي خالود 

خالد: يارب ي صاحبي.. 

ــــــــــــــــــــــــــــ

يزيد: ست هانم صاحيه

هنا:  اهاا قولي بقا نتخانق على اييي انا قاعده بقالي ساعه بفكر ومش لاقيه

يزيد:، وطب ونتخانق ليه ي هنا اقولك تعالي احب فيكي شويه .. بصي بلاش تعالي نفكر نروح فين بعد  الجواز بلاااش تعالي نشوف فاضلك اي وهننزل نشتريه

الكلام كتير بس أنتي ال مخك قفل

هنا: مش عارفه ليه حاسه ان النوم كبس عليا

يزيد: بجدد طب يحبيبتي تصبحي على خير

هنا: انت بجد بقيت بتزهق مني ي يزيد

يزيد: اي ال انتي بتقوليه ده بقا

هنا: أنا حاسه ان حبك ليا مبقاش زي الاول

يزيد: عشان بقا اكتر .. والنبي ي هنا تشيلي من دماغك الأفكار بنت الكلب دي بقا 

هنا: طيب 

يزيد: فاكره ي هنا اول مره شوفتك فيهاا خاالص ف البلكونه لما اتخانقنا

هنا ب ابتسامه: اممم فاكره

يزيد: والله لو كان حد حلفلي ع المايه تجمد م كنت اصدق يحصل كل ال احنا فيه ده ... بس البت رضوي اختي قالتلي حاجه كل شويه تتردد ف بالي 

هنا: قالتلك اي بقا 

يزيد: لما عرفت اني معجب بيكي وبحبك قالتلي وجود هنا ف حياتك مش صدفه ربك بيألف القلوب ..قبلها موضوع نيره كان بيكبر وانا وامي كنا ف خناق وزعل انتي عارفه ي هنا انا كنت بنام ف المحل بالايام مبروحش البيت مش عاوز اتخانق معاها 

كنت بفضل اقول لنفسي طب م اتجوزها اهي اي جوازه وخلاص  وانت كل ال فرقالك رضا امك وخلاص وارجع اقول لاء انا ال هعيش معاها مش عاوز اعيش حياه انا مخترتهاش.. لحد م ظهرتي ي هنا حيرتي ذادت اكتر ..خصوصا بعد م اتاكدت اني بحبك.. مبقتش عارف اعمل اي مبقتش عاوز غيرك ولا شايف حد غيرك .. .. بقف بالساعات مستنيكي عشان اشوفك بس اطمن عليكي.... بقيت بدعي اقول يارب طالما بقت ف طريقي مش عاوزها غير ف حلالك ولو مقدرلي غيرها ارضيني ب ال انت كتبهولي ..  وخطبتك وبقيتي ليا وحياتي كلها اتغيرت بيكي .. والله لحد دلوقتي م اعرف عملتيلي اي... بس اهو ربك بقا بيألف القلوب .. شوفتي عملتي فيا اي ي هنايا 

هنا بتسمع كل كلمه عياطها يزيد اكتر ومش قادرة تمنع دموعها. قلبها كان مليان مشاعر متضاربة، فرح وحزن، حب وقلق

هنا بتقطع: مش....عارفه ارد 

يزيد بضحك: طب انتي بتعيطي ليه يبنت المجنونه... يبنتي هرموناتك دي مودياكي ف داهيه 

هنا ابتسمت رغم دموعها وقالت: انت احلي صدفه ف حياتي ي يزيد 

يزيد: طب بطلي عياط ي عيوطه افندي ...

واتنهد وقال: انا عارف ي هنا انك مش عاوزه تعترفي بمشاعرك غير بعد كتب الكتاب وانا فاهم ده ... 

وكمل بطريقه كوميديه: بس وحياه امي لو مصبحتيني ب بحبك ومستيني ب بعشقك ل اطلقك واتجوز عليكي سته يبنت عمي رؤوف 

هنا ضحكت بعفويه : سته !! سته مره واحده  . ده حتي الشرع محلل ٤ 

يزيد بصوت هادي: وانتي عندي بالاربعه ي هنايا بس ربنا يهديكي كده وتبطلي جنان 

هنا بجديه: يزيد 

يزيد: نعم.

هنا: انت عمرك مهتزعلني لما نتجوز صح 

يزيد: نتجوز بس وبعدين نقرر

هنا: يزيد انا بتكلم بجد! يعني حتي لو اتخانقنا متسبنيش انام زعلانه عشان دماغي متسوحنيش واحس خلاص انك بطلت تحبن....

يزيد بمقاطعه: مش هسيبك تنامي زعلانه عشان ساعتها انا مش هعرف انام وانتي مش ف حضني 

هنا بكسوف وعين متسعه بخجل: انت.. انت 

يزيد: انا بقول تروحي تنامي عشان تلحقي اليوم من بدري كده وتنكدي عليا براحتك .. كار الرومانسيه ده مش كارك 

----------------------

مساء تاني يوم بعد الفطار ويمني وعدي نازلين ك عادتهم لصلاه التروايح ..

وهنا بتصمم تنزل معاهم 

امل: تصلي وتيجي علي طول يهنا سامعه

هنا: دا احنا عنينا

امل: امسكي طبق الحلويات ده حوديه علي يزيد انتي واخواتك ف طريقكو ف المحل  هو و ازازه العصير دي ... يتسلي فيهم ف الشغل يبنتي الواحد طول النهار صايم 

هنا: حاضر ي اموول ..حاجه تاني 

امل: لاء متتاخريش بقا وخلي بالك من اخواتك 

--------------

بتروح هنا  مع اخواتها ف طريقهم ل محل يزيد .. بتحس ب الحماس عشان هتشوفه ف المحل بتاعه من مده طويله مشفتهوش بيشتغل 

بتدخل هنا واول حاجه بتشوفها بنت واقفه مع يزيد ف المحل بتاعه لوحدهم بتتسع عينها بصدمه وبتمشي بخطوات بطئيه ناحيتهم

يزيد ب فرحه ممزوجه بتوتر : هنااا !! اي ال جااابك .قصدي في حاجه ولا اي 

هنا بفحص للبنت الواقفه بنظرات ضيق

هنا بعين متوعده: جيت اديك دووول ماما باعتهملك .. مين العسوله !!!

ريم: انا ريم 

يزيد: ريم ي هنا عميله بتيجي تاخد شغل علي طول

هنا : امممم علي طوووول مشاء الله عقبال ميبقي علي عرض 

ريم بضحكه : لا دمك خفيف بجد.. هي مين دي ي يزيد 

هنا بعين متسعه : يزييييد!!!!  متقولهااا مين دي يا بشمهندس يزيد 

يزيد : دي هنا ي ريم خطيبتي ...

ريم ب تعجب: اااه ...  اسفه معرفكيش انا اول مره اشوفك سووري

هنا: هههه هفك لوري يحبيبتي ...... ههههه بهزر معاكي 

همشي انا بقا عشان الحق الصلاه .. هاا .. الصلاه

بتمشي هنا وهي بتبص ل يزيد بنظرات فيها توعد يزيد وقف مكانه، مش عارف يرد على نظرات هنا المتوعدة، وهو شايفها بتمشي بعيد بيتمتم ف نفسه : دا انت يومك اسود عليك وع ال خلفوك ي يزيد  منك لله ي ريم الهي تتشلي