_سألت وانا أكاد اضحك، مراتى؟

ايوة مراتك يا سى ادم هو انا مشبهش ولا آيه، دفعت رزان يدى لتتحرك فأمسكت بها من كتفها دفعتها إلى خارج الشقة!

اسمعى يا بت انا مش ناقص جنان، انت كنتى عملتى مصيبة روحى حليها بعيد عنى

_انا مش مجنونه يا ادم، انا مراتك والله هو انت فقدت الذاكره ولا ايه؟

اتفضلى امشى من هنا بلا ذاكرة بلا زفت!! انتى فين اهلك اصلآ وازاى يسمحو ليكى تعملى كده؟

_ابتسمت رزان هو انا بعمل حاجه حرام يا ادم انت اتجوزتنى على سنة الله ورسوله، اسمع لو كنت فاكرنى بنت شمال تقضى معاها ليله وتسيبها تبقى غلطان!

انت ناسى نفسك عملت ايه امبارح؟

رفعت يدى لأصفعها، كنت قد وصلت النهايه واكتفيت من تلك المزحه

اندفعت رزان بعيد عنى، انت هتضرينى وأخرجت من جيبها ورقه القتها فى وجهى انا مش جايه اتبلى عليك، انا بنت ناس يا ادم ولا يمكن اعمل الغلط آبدآ

كان عقد زواج مؤرخ بتاريخ امس تفحصت الورقة بدت حقيقية

كانت رزان قعدت على الكنبه ها صدقت؟

صرخت، ايه اللعبه القذارة دى يا بت انتى، انتى مزوره العقد ده؟

اتصل بالشرطه! همست رزان وهى تخرج سيجارة من سجائرى وتدفعها فى فمها، انا عايزة اتحبس

قلت طبعا هكلم الشرطه وهكلم اهلك وهطربقها فوق دماغك

اتفضل :

رمت رزان تليفونها تجاهى، تليفون بابا مسجل عندك طربقها وشوف هيحصلك ايه

لم اتردد سجلت الرقم وهاتفت الرجل الذى بدا مزعور، قلت تعالى خد بنتك من عندى قبل ما ارميها فى الشارع

بنتك وصلت هنا وبتبلى عليه بتقول انها مراتى

قال الرجل انا جاى حالا، ارجوك متعملش فيها اى حاجه، سيبها عندك لحد ما اوصل

تنهدت بارتياح وقعدت على الكنبه ولعت سيجاره وقلت بررود لرزان تولعى؟

قالت روان اه يا ريت، بس اوعى تقول لابويا انى بدخن ابويا ميعرفش انى بدخن

وقلت فى سرى هذة الفتاه مجنونه حقآ وعلى ان اخدها على قد عقلها لحين وصول والدها

تمددت رزان على الكنبه، همست تصدق الكنبه دى مريحه؟

الواحد ممكن يفكر ينام عليها ويسيب غرفته

ضحكت غصب عنى وبصيت على الساعه، والدك ممكن يوصل فى لحظه، قدام فرصه تهربى، تروحى اى نصيبه بعيد عنى

نهضت رزان تصدق كويس انك فكرتنى وفتحت باب التلاجه

هو انت عندك اكل يطبخ؟

اصل والدى بيحب الاكل جدا وسحبت لحمه نيئه ودخلت بها المطبخ

دى مجنونه حقيقى والأفضل ابعد عنها لحد ما ابوها يجى ياخدها

وبسرعه طهت رزان اللحمه وطبخت خضار وارز ثم عادت تجلس وهى متعرقه

لحظه وطرق باب الشقه، اندفع منه رجل خلفه شابان قويان

هى فين؟ ومسح بعينه الشقه

قلت بسخريه فى المطبخ بتعملك اكل

صرخ الرجل انتى يزفت، يا زفت فينك واندفع بغضب نحو المطبخ جر رزان من شعرها واسقطها على الأرض بتفضحينى على اخر ايامى يا رزان والله لاقتلك

صرخت رزان تقتلنى ليه؟ انا اتجوزت الراجل ده على سنة الله ورسوله وعقد الجواز اهو

امسك الرجل الورقه وكانت وظيفته محامى على ما يبدو ثم بدأت ملامحه تهداء

امبارح جيت هنا اعتذر لادم هو جوز رودينه بنت عمى على فكره، انفتح فم الرجل بصدمه

لكن رزان اردفت، كنت شككت فى رجولته قبل كده، سمعت من مراة عمى كلام مينفعش اقوله

انا عارفه انى غلطت انى دخلت شقة راجل غريب لكن دا هو الى حصل

وادم بعد شويه حاله اتغير وحاول يتهجم عليه، حلول يثبتلى انه راجل وان كل الكلام إلى اتقال عنه مكنش حقيقى

قاومت ومكنش قدامى حل غير انى اطلب منه أنه يتجوزنى ودا إلى حصل يا بابا

قلت البنت دى بتكدب

بنتك كدابه العقد دا مزور

رفع الرجل يده، العقد سليم يا استاذ ادم

صرخت مستحيل انا هتصل بالشرطه

بلاش فضايح، صرخ اخ رزان، اختى غلطت لكن عقد الجواز صحيح

قلت وانا انهض واصرخ الحركات دى مش هتخيل عليه

اللعبه إلى بتلعوبها لا يمكن تتم

خد بنتك يا راجل انت وامشى من هنا

تأدب صرخ اخ رزان الآخر مش كفايه انك تهجمت علي اختى وكنت هتغتصبها؟

وكلمه من هنا وكلمه من هنا تشابكنا با الايدى وضربنا بعضنا وارتفع صوت صراخنا حتى حضر الجيران ووصلت شرطة النجده

ومعها سيارة إسعاف فقد تعرضت لاصابه فوق حاجبى الأيمن

نظف جرحى ووضع لاصق طبى فوقه

ثم اخذونا إلى إلى قسم الشرطه وراح ضابط المباحث يحقق معنا واحد تلو الآخر

فى المحضر اتهمت رزان وأهلها بالتزوير وطالبت ضابط الشرطه ان يثبت الحقيقه

اخرجنى ضابط الشرطه إلى الاستراحه واستمع لرزان وأهلها ثم طلبنى مره اخرى للتحقيق أمامه

قال الضابط انت عملت المحضر زى ما طلبت وعايز اساعدك

قلت ياباشا عقد الجواز مزور دى مش امضتى انا بطالب بعرض العقد على خبير خطوط انا متأكد ان الحقيقه هتظهر

قال الضابط ماشى، انت هتضطر تقضى الليله معانا فى الحجز لحد ما نعرض العقد على خبير خطوط بكرة

تمام ياباشا وبكره لما الحقيقه تبان لازم البنت دى واهلها ياخدو عقابهم

تمام يا استاذ ادم، يا عسكرى خد المتهم على الحجز

قلت لو سمحت يا باشا انا مش متهم، وبكره تعرف ان كلامى مفيهش ولا حرف كدب

معلهش يا استاذ ادم، انت متهم زيك زيهم إلى أن يفصل خبير الخطوط فى صحة العقد

قلت بغضب ماشى يا باشا ماشى