بتصرخ هنا  بقوه اول م الكرسي يتحرك وتحس انها بتقع ويمني تسيب هنا  وتجري ناحيه الاوضه

هنا بصويت: ييييزيييييد

يزيد ب صوت اعلي: حاااسبي ي هنااا 

بتقع هنا ورجليها تتلوي تحتها وتصوت بوجع 

هنا ب عين متجمع فيها الدموع: ااااه الحقيني ي ماماا رجلييي الحقيني

امل بتيجي جري علي صوت صوويت هنا ويزيد بينزل بجري يروح ل هنا وبتفتحله يمني الباب بخوف

امل بفزع : هنااا اي ال حصل .. في ااي

هنا بعياط: مش قادره احرك رجلي ي ماما الحقييني 

يزيد بلهفه : وريني كده  وريني..  . دي مورمه  شكلها اتكسرت 

امل بخضه: لالالا لازم نروح المستشفي بسرعه 

هنا بعياط : لا والنبي خلااص هحركها اهوو ...ااااه 

يزيد: متتحركيش ي هنا   هنزل اشوف اي عربيه ولا توكتوك حتي 

امل: خليكي قاعده مع اخوكي ي يمني اوعي تنزلي اندهي سلسبيل تقعد معاكي حتي لو اتاخرت اوعي ي يمني تسيبي اخوكي

بيجي يزيد بعد  خمس دقايق  .. 

يزيد: امجد ابن عمي هيودنا بالعربيه يلا ي هنا بسرعه

هنا بتحاول تقوم لكن مش بتقدر 

بيقرب يزيد منها ويشيلها بحذر  : خليكي زي م انتي .. يلا يطنط امل

امل بخوف: علي مهلك ي يزيد دي رجلها ورمت اوي ييني 

اثناء ركوب العربيه

هنا ببكاء مع توتر من قرب يزيد: لاا والنبي اربطيهالي وخلاص مش عاوزه اروح المستشفي 

يزيد: اهدي ي هنا متخافيش احنا معاكي اهو

امجد: الف سلامه ي انسه هنا  معلش هتعدي انشاء الله 

هنا بتعيط بوجع بدون صوت ف حضن امل 

امل: الله يسلمك يبني معلش هنتعبك معانا 

امجد: ولا تعب ولا اي حاجه... خير ان شاء الله 

يزيد : بسرعه شويه ي امجد معلش 

بعد ربع ساعه بيوصلوا للمستشفي ويدخلوا للطوارئ والدكتور يأكد انها حاله كسر 

الدكتور: هتقعد ف الجبس شهر كامل وياريت تكون الحركه خفيفه عشان الكسر يلم بشكل اسرع وميبقاش في مده اطول 

امل:حاضر ي دكتور .. ربنا يكرمك يارب

يزيد: طب في علاج او اي حاجه تمشي عليها ي دكتور 

الدكتور: حضرتك زوجها 

يزيد:  ايوه  انا خطيبها 

الدكتور ب ابتسامه: طيب هي هتمشي علي شويه الفيتامينات دي بس مش اكتر ...

يزيد: طيب ي  دكتور شكرا تعبناك معانا.. نقدر نروح صح

الدكتور: اها مفيش مشكله ...

بعد م وصلوا للبيت امل كان وعلي وشها التوتر من خوفها علي هنا .. ويزيد بملامح ضيق من تصرف هنا المتهور ومزيج من خوفه عليها ومن شعوره بالغضب

امل: ارتحتي شويه يهنا صح 

هنا بصوت ضعيف: الحمد لله 

امل: والله ي يزيد م اعرف اقولك اي لولاك يبني كان زمانا محتاسين 

يزيد : جت سليمه يطنط امل ... اهم حاجه بس تاخد الدوا وتاكل كويس عشان الكسر ده يلم 

هنا: هو انا هقعد طول رمضان بالجبس ده

يزيد بضيق: انتي مش ركبتي الفانوس وعملتي ال ف دماغك استحملي بقا نتيجه عِندك ومكابرتك 

هنا بعياط: انتي بتزعقلي ليه .. هو انا وقعت نفسي ..يمني  هي ال سابتني فجأه 

يزيد: وانا قولتلك تصبري هاجي اركبه أنا انتي ال ركبتي دماغك 

هنا بعياط: متزعقش ي يزيد 

يمني ب توتر: ان اناا مكنش قصدي والله 

امل : ال حصل حصل خلاص .. يزيد خايف عليكي ي هنا مش بيزعق  متعيطيش يبنتي انشاء الله هتفكي الجبس قبل العيد 

يزيد: انا همشي يطنط امل ولا احتجتي حاجه كلميني متخرجيش انتي 

امل: طب استني ي يزيد اتغدي معانا 

يزيد وبيبص ل هنا بنظره عتاب: لاء معلش انا هروح ع الشغل  انا كنت جاي ساعه نعلق الزينه ال ست هانم شبطانه فيها وراجع ع الشغل تاني 

امل: معلش يبني  حصل خير .. الحمد لله انها جت علي قد كده 

---------

بتنفجر هنا من العياط فور خروج يزيد من البيت وبتكلم ب صوت متقطع

: مكنش قصدي اقع كده .. يماما ده بيزعقلي كأن وقعت .. نفسي .

امل: انتي غلطانه ي هنا انتي عاندتي وصممتي انتي ال تركبيه واديكي خدتي اي اهو يبنتي رجليكي اتكسرت 

هنا بنظره لوم ل يمني: الحيوانه دي ال سابتني وطلعت تجري  

امل: خلاااص بقاا .. احمدي ربنا انها جت علي قد كده..واعذري يزيد  انتي مكنتش شايفه كان شايلك ازاي وداخل بيكي المستشفي 

هنا بتوتر : و انتي.. انتي ازاي تخليه يشلني كده 

امل: يعني انا هقدر اشيلك انا ي هنا .. ووهو احنا نعرف حد غيره معانا يبنتي .. 

هنا: بس .. انا كنت 

امل بمقاطعه: انا هقوم افرغ الاكل عشان تاخدي علاجك وتاكلي كويس ي  هنا .. وكمان شويه ترني علي يزيد تراضيه .. سامعه 

ـــــــــــــــــــــــــــــــ

مساءا بيرجع يزيد من الشغل علي وجهه ملامح انزعاج عاوز يروح يطمن علي هنا لكن بيحس بالضيق وانه هيتخانق معاها غصب عنه من تصرفها لكن بيهدي شويه لان ده قد ربنا وال حصل حصل .. وبيقرر يكلمها ويراضيها 

في نفس التوقيت عند هنا قاعده ف اوضتها علي سريرها يمني قاعده جمبها حاسه بتأنيب ضمير 

يمني ب اسف: متزعلش مني ي هنا والله م كان قصدي اسيبك 

هنا بدون رد 

يمني: ردي عليا ي هنا بقا انتي من الصبح مبتكلمنيش 

هنا : اديني هقعد ف الجبس شهر يدوب هتحرك عشان ادخل الحمام .. حلو كده 

يمني: انا اسفه والله 

هنا: خلاص ي يمني روحي نامي انتي عندك مدرسه الصبح 

يمني: طب انتي مش هتنامي 

هنا: هكلم يزيد اطمنه عشان مكلمتوش م الصبح نامي انتي انا كويسه لو احتاجت حاجه هصحيكي 

يمني بهدء : طي..ب

-------------------

هنا بتمسك تلفونها تكلم يزيد تلاقيها باعتلها رساله

: حقك عليا مكنش قصدي ازعق . انا كنت خايف عليكي 

بتشوفها لكن مبتردش وبتقرر تتصل عليه 

يزيد بهدوء: الو

هنا: مكنتش اعرف اني لما اركب الفانوس كل ده هيحصلي

يزيد بتنهيده: حصل خير ي هنا ...انتي مش زعلانه مني صح

هنا: عمري م ازعل منك ي يزيد 

يزيد ب ابتسامه: بس انتي طلعتي خفيفه ريشه ... كده انا اطمنت هقدر اشيلك ف فرحنا كذا مره .

هنا ب توتر: يزيد .. بص .. اسكت هو انا ف اي ولا ف اي دلوقتي

يزيد بترقب: رجليكي لسا بتوجعك

هنا: شوويه .. حاسه انها سخنه 

يزيد: عشان في حاجه قافله عليها معلش استحملي شويه .. يارتني كنت انا ي هنايا

هنا : بعد الشر عليك ...

يزيد بضحك: هتفضلي قاعده ف الجبس شهر .. يعني مش هتشوفي حد غيري انا وامك وابوكي وأخواتك.. 

حتي مش هتنزلي تصلي التروايح ولا حتي في نزول كليه

وشي ف وشك بقا طول الشهر انا فاضيلك

هنا بعياط: انت فرحاااان فيا .. فرحان فياا ي يزيد حرام عليك 

يزيد : انا ي هنا اخس عليكي ... 

هنا: اقفل ي يزيد مش عاوزه اكلمك 

يزيد بضحك: بهزر معاكي ي هنايا مال خلقك ضيق ليه .. دا حتي الجبس عاووز صبر كده 

هنا: يزييييد

يزيد بجديه: خلاص والله حقك عليا ... شوفي بس انتي عاوزه اي وانا اجبلك ال انتي عاوزاه .... اقولك هجيليك كل يوم في رمضان ونقف ف البلكونه نولع بومب ونرميه ف الشارع 

هنا: بجددد

يزيد: ونولع سلك كمان يلا خلي النار تمسك ف السجاد وامك  تولع فينا وتطردنا مالبيت

هنا بضحك: لالا ماما غلبانه مش هتعمل كده 

يزيد: لاء انا عاوزها تطردنا عشان أقولهم انتو محدش فيكو مستحمل البت وهي مكسوره هاتوها انا هاخدها اخلي بالي منها ونطلع عالمأذون نكتب الكتاب ونروح 

هنا: ياااااا سلااام 

يزيد: ياااه هي دي فرصتي ال لازم استغلها 

هنا: اي ال انت بتقوله ده اعقل ي يزيد كده احنا لسا قدامنا سنه ونص 

يزيد: هأاااو ده ف المشمش ... وربنا ي هنا تفكي انتي الجبس بس وبعد العيد ل تكوني مراتي 

هنا: بس ي يزيد بطل انا قولتلك قراري 

يزيد: احتفظي بيه لنفسك وبكرا تشوفي مين فينا كلامه ال هيمشي 

هنا: ماشي ي يزيد بكره نشوف  

--------------------

((((((اول يوم رمضان)))))))

هنا: كفايه ي ماما رز كده هيتبقي كتير 

امل:لاء مش هيتبقي لسا في محشي البتنجان

هنا: يالهووي عليكي يماما عامله وليمه

امل: وليمه اي يبنتي مش خطيبك وحماتك جايين يفطروا معانا.. وبعدين لو اتبقي حاجه نبقي نخليها ل بكره 

يمني: ايووووا اهو احنا هنفضل ناكل ف الفاضل ده باقي الاسبوع.. 

امل: بس يبت روحي يلا هاتي البلح قطعيه عشان احطه ف اللبن يتنقع 

يمني: اشطااا عليك ي اموول

امل: اقعدي ي هنا انتي ف الصاله عشان رجليكي يماما

هنا بزهق: زهقتت ي ماما بقاا 

امل: هانت خلاص كلها ٢٠ يوم ولا حاجه

هنا: لسااا ٢٠ يوم هكون خللت بمنظري ده 

امل: اطلعي بس اقراءي قرأن واقعدي ادعي كده .. يمكن ربنا يكرمك وتفكي الجبس بدري

هنا: يااااارب

-------------------

مساءا اثناء تجمع العائله 

زينب: سفره دايمه ي جماعه .. تسلم ايديك ي ام هنا 

امل: الله يخليكي ي ام يزيد ... دي حاجه بسيطه كده المره الجايه تكون رضوي ودعاء معاكو

زينب: كان نفسهم  يبقوا موجودين بس كل واحده مع زوجها وعيلته بقا تتعوض مره تانيه عندنا انشاء الله ......والخير كتير اهو انتي تعبتي نفسك والله.. اكيد هنا يحبيبتي مقدرتش تعمل معاكي حاجه 

امل: هنعمل اي بس ي زينب يلا الحمد لله 

رؤوف: هنا بنتي لو تبطل فرط الحركه ال عندها ده بس هتبقي زي الفل

يزيد: اهوو حتي عم رؤوف عارف ان عندك فرط حركه 

هنا بصدمه: انااا!!

يزيد: اوماال انااا ال ركبت الفانوس 

هنا: يزيييد مش هنفتح الموضوع ده تاني بقا

رؤوف: عشان انتي ال غلطانه ...

امل: كلوو بس انتوو خلاص ال فات فات... بكره نفرح بيهم وهتبقي زي الفل 

يزيد: بالمناسبه ي عمي رؤوف ... انا بستأذنك يعني لو نكتب الكتاب ع العيد كده انشاء الله 

رؤوف بتردد: والله يبني مش عارف اقولك اي.. انتو لسا قدامكو كتير ع الفرح و..

يزيد: ي عم روؤف ولا كتير ولا حاجه الشقه جاهزه وكله تمام .. ونحدد الفرح بعد امتحانات هنا انشاء الله 

امل : لسا في جهاز مجبنهوش يبني .. وهنا مش عارفه تنزل معايا تنقي حاجتها عشان رجليها 

زينب: ال تقدروا عليه هاتو ي ام هنا والباقي نجيبه احنا.  متشليش هم بس نفرح بيهم 

امل: يارب يخليكي ي زينب ... بس ال فاضل مش كتير ده هو لبس هنا وحاجتها والحاجات هي ال تنقيها أنا مليش خلق وي عالم تفك الجبس امتي وتنزل تجيب حاجتها.. ونرتب امورنا بس

يزيد: يبقي نكتب ع العيد ي عمي رؤوف ونخلي العيد ب فرحتين 

رؤوف: ربنا يسهل ي يزيد انشاء الله يبني ربنا يتمم فرحتكو علي خير يارب 

هنا بتابع الحديث بسكوت تام مستغربه من طريقه اقناع يزيد لوالدها بسهوله بيلاحظ يزيد سكوت هنا بيبصلها من غير م حد ياخد باله ويغمزلها بطرف عينه 

--------------

مساءا وبعد السهره ف جو عائلي في اجواء رمضان بتقعد زينب مع امل ف الصالون ... ويمني وعدي مع اطفال الشارع .. ويزيد وهنا ف بلكونه هنا 

هنا بزعل: بص بيلعبوا ازاااي ... انا عاوزه انزل اوووي

يزيد بضحك: تنزلي فين ي هنا .. انتي كبرتي ياحبيبتي انتي شويه وهتبقي امرأه متزوجه 

هنا ب انتباه: اسمع اما اقولك انا جواز مش هتجوز دلوقتي . وابقي وريني بقا هتتجوزني ازاي 

يزيد: بالعافيه... هتجوزك عافيه ... قوه واقتدار ... ابوكي موافق وامك موافقه.. مش محتاجين رأي حضرتك

هنا : اسمع ي يزيد انت يبابا عاوز تكتب الكتاب وبعدين الفرح لسااااا كمان كام شهر بعد امتحاناتي .. وانا مش عاوزه كده .. انا مش عاوزه فرح اصلاا ودوشه وقرف

يزيد بتعجب: مش عاوزه فرح!!!

هنا: ايووه .. كنت عاوزه كتب كتاب هادي وسط ناس بنحبهم وبعدين نتصور كام صوره للذكري وبس 

يزيد: اممممم بس محدش هيوافق علي كده ولا عمي رؤوف ولا طنط امل ولا امي .. دا انا امي واخواتي من دلوقتي بيخططوا للفرح 

هنا: هيبقي فرح برضوو وف قاعه شيك وراقيه بس وسط عيلتنا بس مش عاوزه حد ملوش لازمه يجي كماله عدد يقول رأيه فيا ولا فيك ولا في اي م الموجودين 

يزيد: سبيها ل ربنا ي هنا .. سبيني افكر شويه بس وأشوف الدنيا 

وكمل بضحك: اهم حاجه رجليكي دي تلحم بقااا عاوزين نروح نصلي العيد وانا واخدك ف ايدي كده  

هنا بكسوف: طبعا اووومال 

يزيد بهدوء: عرفتي بقا عاوز اكتب الكتاب ليه!! نفسي أحس أني من حقي المس ايديك او اخدك ونخرج لوحدنا ... دا احنا من ساعه م اتخطبنا واحنا مخرجناش الا مره واحده مع عدي ويمني ...

عاوز احس انك بقيتي ليا بجد ي هنا ومن حقي اشوفك ف اي وقت .. ولو ع الفرح مستعد نأجل شويه علي الشقه والجهاز يخلصوا وبعدين نكتب الكتاب ونتجوز علي طول...

هنا : انشاء الله .. اهم حاجه هتبقي تنزل معايا واحنا بنختار باقي حاجتي ولا هنزل لوحدي وماما مش هترضي تنزل معايا 

يزيد: لا يستي هاجي معاكي يارب بس متفرهدنيش وتللفيني وراكي 

هنا بنغاشه: لا هلففك واذا كان عاجبك بقا 

يزيد متعمد النظر ف عنيها: عاجبني وعلي قلبي زي العسل ي هنايا

هنا ب كسوف موجهه نظرها ف اتجاه آخر: طاايب .. اما نشوف 

يزيد بضحك : احلي واحده بتتكسف ف الدنيا ي جدعان

شكلنا هتفرح قرييب؟؟؟؟😂😉😉♥️♥️♥️ 

ولا القدر مخبي حاجه تانيه🌚🤌