وَأكْثَرُ مَا يَضُرُّكَ .. مَا تُحِبُّ!

-الشَّافِعيّ.

_من اول ما أسر عرف ان حبييته القديمه لسه عايشه علي قيد الحيااه ونسي كل حاجه حواليه حتي شهد اللي سابها في بيت اهلها ورجع لبيته لوحده من غير ما يبررلها ليه هيمشي اصلا، وفضل طول الليل بيحاول يوصل للمكان اللي هيبقي فيه فايز في مصر بس ما عرفش.. 

_وتاني يوم الصبح صحي أسر من نومه علي صوت الباب اللي اتفتح وكانت شهد اللي قربت منه وهو نايم علي الكنبه اللي في الصاله وقالت بقلق. 

شهد

في ايه؟.. 

أسر بهدوء

صباح النور.. 

شهد 

في ايه يا اسر وليه سيبتني امباارح ومشيت.. 

أسر 

جالي شغل مهم، انتي ايه اللي جابك؟.. 

بصتله شهد بحزن وهو قال بسرعه

مش قصدي يعني انا كنت هاجي اخدك او ابعتلك السواق.. 

شهد بغيظ 

اصلا مش جايه عشااانك انا في حاجات مهمه هنا جايه اخدها ورايحه المعهد.. 

_وسابته ودخلت اوضتهم، ورجعت تاني بسرعه وهو بصلها بضيق وقال.. 

أسر

استني ادخلي غيري يا هانم البلوزه دي واول واخر مره تلبسي حاجات دايقه كده وانتي طالعه.. 

شهد بصت للبسها بعدم فهم وقالت

مالها البلوزه ما هي كويسه اهي.. 

قعد علي الكنبه وقال بحده 

لا مش كويسه دايقه جدا ادخلي غيريها الاول لحد. ما اطلبلك اوبر.. 

شهد 

مالوش لازمه انا هاخد تاكسي وبعدين مش هينفع اغير البلوزه لاني هغير لبسي كله كده عشان يبقي لايق علي بعضه وانا متأخره.. 

رد عليها بعصبيه مبالغ فيها وقال

انا قولت ادخلي غيري الزفت ده يا شهد و فارق معاكي اووي يبقي اللبس لايق علي بعضه.. الله يرحم... 

اتملت عيونها دموع وقالت

معاك حق.. 

_ودخلت شهد تاني اوضتهم وهو بصلها بندم من كلامه الغير مقصود ليها، ومسك علبة السجاير وولع سجارته بهدوء ومسك موبيله وكلم ياسر اللي كان لسه موبيله مقفول لانه في الطياره راجع مصر هو كمان، اتنهد بضيق وقام دخل اوضته هو وشهد لقاها فعلا غيرت البلوزه بس لواحده تانيه طويله وفضفاضه، وواقفه قدام المرايا بتلف حجابها.. 

قرب منها اسر بهدوء وقال

اسف... ما كانش قصدي حاجه بس انتي يا شهد ما بتسمعيش الكلام غير لما بتحرقي دمي الاول وتخليني اتعصب.. 

_بعدت عنه بسرعه وردت عليه وهي بتاخد حاجتها وبتطلع من الاوضه.. 

شهد 

ولا يهمك.. 

أسر بضيق

استني يا شهد انا لسه بكلمك.. 

شهد بدموع 

نعم؟.. 

أسر 

خلي بالك من نفسك.. 

شهد بغيظ 

مالكش دعوه.. 

_وسابته ومشيت وهو ابتسم بهدوء وافتكر انه خلاص كده صالحها، وفضل مشغول بنتالي اكتر واكتر.. 

ــــــــــ #بقلم_الكاتبه_رحاب_القاضي ــــــــ

_وفي مكان تاني علي سطح بيت راقي جداً، وقفت الطياره الخاصه بفااايز ونزل منها هو ومعاه نتالي اللي كانت بتبص حواليها بخوف، واستقبلهم فكارم وقال.. 

كارم 

يا اهلا وسهلا بالحبايب.. 

وبص لنتالي وقال 

مش معقول أسر الفيومي ده ذوقه حلو اووي في الستات، انتو ما شوفتوش مرااته بسكوته صغننه كده اموره اووي.. 

فايز بخبث

هنشوفها اومال انا جاااي ليه... 

كارم 

مش هنتكلم هنا خلينا ننزل تحت، انا مجهزلك كل حااجه تحتاجها هنا.. 

فايز مسك ايد نتالي بقوه ومشي مع كارم وقال

وايه الاهتمام ده كله، معقوله مهتم اووي باللعبه اللي هنعملها علي صاحبك؟.. 

كارم ببرود

اللعبه دي يا فايز بتاعتكم انتو مجرد تسليه ومكسب بسيط، انما انا جايبك لحاجه تانيه ما حدش هيعرف يساعدني فيها غيرك.. 

_قعد فايز علي الكنبه اللي في الصاله الكبيره اللي في بيت كارم وخلي نتالي تقعد جنبيه وقال.. 

فايز 

مدام هتساعدني فاللي انا عايز اعمله في أسر يبقي انا كمان هسااعدك.. 

كارم 

السبااق بعد اسبوع بالظبط من دلوقتي، اختار العربيه اللي انت عايزها وتكون عندك.. 

نتالي بسخريه 

مالوش لازمه كده كده أسر هيكسب.. 

ضحك فايز بكل قوته وقال

معاكي حق.. أسر هيكسب في العادي بس لو انا بقي قولتله ان لو كسب السبااق انا هقتلك تفتكري هو هيعمل ايه هيكسب برضو؟.. 

بصتله نتالي بخوف وكارم قال بخبث

وانا في نفس الوقت هتكون مراااته معايا ولو خسر السبااق مش هيشووف مراااته تاني وهيبقي لازم يختار بينك وبينها، لعبه حلوه مش كده؟.. 

نتالي بدموع وعصبيه

انتو ايه شياطين ليه بتعملو فيه كده؟.. 

فايز بخبث

ايه يا بيبي خايفه انه يضحي بيكي ويختار مراااته، بس هو ممكن يعمل كده لانه لو كان بيحبك بجد. ما كانش اتجوز واحده تانيه.. 

نتالي بغيظ 

انت مهما عملت يا فايز انا مش هكره أسر، حتي لو اختار مراااته انا مش هكرهه برضو ارتحت كده.. 

في الوقت ده موبيل كارم رن وقال بجديه 

أسر بيكلمني.. 

فايز بخبث

رد عليه هنا وافتح الصوت خليها تسمع صوته.. 

بصتله نتالي بلهفه وهو رد علي أسر وقال

حبيبي اخبارك ايه؟.. 

أسر

سيبك من اخباري دلوقتي يا كارم وعايزم تعرفلي فايز جه مصر وقاعد فين بالظبط؟ 

_جات نتالي تتكلم بس فاايز طلع مسدسه وحطه علي راسها فسكتت وبصت للفون تاني بدموع، وكارم رد عليه وقال.. 

كارم 

مش حلو الكلام ده يا حبيبي احنا ما اتفقناااش علي كده؟ 

أسر

والله العظيم ورحمة ابويا ما هقتله  ولا عايز منه حاجه غير اني اعرف مكااانه، نتالي عايشه ومعاه انا لازم اعرف مكانه فين هو اكيد جايبها مصر لهدف وس*خ في دماااغه.. 

بصله فايز بصدمه وكمان كارم اللي قال

انا ماليش دعوه بالكلام ده مين عايش ومين ميت انا متفق معااك انت مش هتعرف مكانه ولا هتوصله غير بعد السباااق اللي انت هتكسبه وكمان تجيبلي تمن كل قرش انا ظفعته علي الموضوع ده بالقيمه اللي انا قدرتهالك.. 

أسر

هديلك اللي انت عايزه بس نتالي ما ترجعش معاه تاني امريكا، يخلص السبااق هتقولي مكانها فين قبل ما تاخد مني ولا قرش.. 

كارم بخبث

مع انك كده بتيجي عليا وبتغير الاتفااق بس اوكي انا موافق عشان انت حبيبي يا أسر، حلو الكلام كده؟.. 

أسر

مستني منك اي حاجه جديده سلام.. 

قال كلامه وقفل معاه وكارم قال لفايز بقلق

وبعدين أسر مش ساهل ومدام عرف ان نتالي عايشه مش بعيد يعرف الاتفاق اللي بينا اذا ما كانش عرف.. 

فايز 

قدم معاد السباااق يومين تلاته ونفذ اللي متفقين عليه مع مراااته... 

وبص لنتالي وقال بخبث

هخليكي تشوفي حرم أسر الفيومي بنفسك هنا وتقعدو مع بعض كمان يا بيبي.  

_بصتله بقرف وهو سابها وطلع مع كارم ورجع بعد شويه وقالها.. 

فايز 

في اكل هنا وفي اوضه ناحية الشمال فوق اقعدي فيها واوعي تفكري تعملي حركه غبيه من بتوعك وقتها هقتلك يا نتالي من غير ما افكر مفهوم.... 

نتالي بخوف كبير منه 

حح حاضر... 

ــــــــــ #بقلم_الكاتبه_رحاب_القاضي ــــــــ

_وفي شقة سعيد... 

صحيت نسمه الي صوت دوشه جنبيها ولقيت سعيد لابس هدومه وطالع فقالتله بقلق.. 

نسمه

انت رايح فين بدري اووي كده في حاجه ولا ايه؟ 

سعيد بضيق

عندي. شغل يا نسمه ونازل.. 

نسمه 

طيب انا هقوم اجهزلك الفطار بسرعه.. 

سعيد 

ماليش نفس خليكي مرتاحه.. 

نسمه بقلق

هو في ايه يا سعيد انت بتعاملني كده ليه؟.. 

سعيد بحده 

شوفي تصرفاااتك يا نسمه، وانا ورحمة ابويا لحد دلوقتي بتعامل معاكي بحسن نيه علي قد ثقتي فيكي.. 

نسمه بخوف 

انت بتقول ايه يا سعيد هو انت شاكك فيا في حاجه؟.. 

سعيد 

انتي مش عايزه تقوليلي حااجه؟.. 

بصتله بدموع وخوف وافتكرت كلام هاني لما قالها  

"انا عندي استعداد اقول لجوزك حاجات ما حصلتش بينا وهخليه يصدقها ومعايا الدليل".... 

سعيد بحده 

كل ده بتفكري تقولي ولا لا؟ 

نسمه 

اصلا ما فيش حاجه اقولها يا سعيد، بس والله العظيم انا بحبك انت وما في حد في حياتي كلها غيرك.. 

_اتنهد بضيق وسابها ونزل والشك زاد جواه اكتر ناحية نسمه وتصرفاتها، وفي الوقت ده الباب خبط وقامت تفتح بس قبل ما تفتح الباب قالت بخوف.. 

نسمه 

مين؟.. 

نعمه 

انا يا بت افتحي هيكون مين يعني.. 

_اتنهدت نسمه بأرتيااح انها اختها مش هاني، وفتحتلها الباب وقالت بهدوء.. 

نسمه 

ادخلي يا نعمه واقفلي الباب ورااكي.. 

دخلت نعمه وقفلت الباب وقالت

محمد شااف الواد هاني نازل من عندكم امبارح وسألني ايه علاقة الواد ده بيكم وجاي ليه.. 

_فضلت نسمه تعيط من غير ما ترد علي نعمه اللي قعدت جنبيها وخدتها في حضنها وقالت بقلق.. 

نعمه 

في ايه يا بت مالك هو سعيد مزعلك في حاااجه ولا ايه قوليلي وانا والله المره دي ما هسكتله.. 

نسمه بعدت عنها شويه وقالت ببكاء

انا في مصيبه يا نعمه وبيتي هيتخرب بسببها، ده اذا ابوكي وسعيد ما قتلونيش فيها.. 

نعمه بخوف حقيقي

يا نهار اسود للدرجه دي في ايه يا بت انتي انطقي؟.. 

نسمه ببكاء

من كام يوم روحت مع حماتك للدكتور بتاع العظام زي ما قولتلك، فروحت اجيب حاجه من السوبر ماركت وحماتك دخلت العيااده وفجأه طلع في وشي الزفت اللي اسمه هاااني.. 

نعمه بقلق

هاني الواد اللي كان خاطبك قبل سعيد؟. 

نسمه 

ايوه هو انا هقولك كل حاجه واقسم بالله ما بكدب وانتي الوحيده اللي هتصدقيني وتقوليلي اعمل ايه.. 

_وبدأ نسمه تقولها علي كل اللي حصل من هاني وتهديده ليها وشك سعيد فيها مؤخراً.. 

نعمه 

يا نهار اسود ومنيل وهو ايه اللي فكره بينا المنيل ده ما كنا رميناله شبكته في وشه من زمان وخلصنا منه راجع يفتح في القديم تاني ليه؟ 

نسمه ببكاء

مش عارفه بقي يا نعمه، انا قولت لسعيد عايزه الفلوس اللي كنت هقدم بيها لـ الوظيفه اللي في الضرائب واخدهم منه واديهم لهاني ويحل عني بقي.. 

نعمه 

اوعي تعملي كده هو مش هيشبع من دول بس وكل شويه هيفضل يكلمك ويهددك عشان يااخد منك فلوس.. 

نسمه 

طيب واعمل ايه دلوقتي؟.. 

نعمه 

انتي تعملي زي ما هو عمل تسجلي المكالمه بتاعته لما يكلمك ويهددك وتوريها لجوزك وابوكي في نفس الوقت وهما بقي يجيبولك حقك منه ويوقفوه عند حده.. 

نسمه بقلق

وهما هيصدقوني يعني؟.. 

نعمه 

انا معاكي وبعدين احنا هيبقي معانا الدليل والزفت ده بيهددك، بس انك تسمعي كلامه كده هتخلي  الموضوع يتعقد اكتر... 

نسمه بقلق

ربنا يستر بقي.. 

ــــــــــ #بقلم_الكاتبه_رحاب_القاضي ــــــــ

_وعند شهد كانت قااعده مع رحمه وشيري في الكافيتريا بتاعت المعهد، ومدايقه جدا من كلام أسر معاها الصبح، وشيري ورحمه قاعدين بيتكلمو مع بعض ورن موبيل شهد برقم أسر وبصتله بضيق وما ردتش عليه.. 

رحمه 

بت يا شهد تيجي نطلع الرحله اللي عندكم في المعهد دي.. شهد بكلمك.. 

شهد بأنتبااه 

ايه يا رحمه؟.. 

شيري

في رحله هنا في المعهد بعد الامتحانات لشرم الشيخ ايه رئيك نطلع سوا وعلي فكره رحمه ممكن تطلع معانا.. 

رحمه 

ما فيش حجه دلوقتي ان ابوكي مش هيوافق، اصلها زمان يا شيري كان عم صابر علي طول مانعها تطلع رحالات... 

شهد بسخريه

هي فرقت يعني، أسر مش هيوافق اكيد.. 

رحمه 

مش هيوافق ليه بالعكس جوزك تفكيره مش زي تفكير ابوكي اكيد.. 

شهد 

والله انتي ما تعرفي حااجه يا رحمه، بس ابقي اقوله ويمكن يوافق.. 

_في الوقت ده رن موبيل رحمه فطلعته وكان رقم غريب، ردت عليه وقالت.. 

رحمه

الوو.. 

أسر

ابعتيلي رقم صاحبتكم اللي مع شهد دي عشان شهد مش بترد عليا.. 

رحمه 

حيلك حيلك طيب قول ازيك الاول ايه الجليطه دي؟ 

أسر

اخلصي يا بت انتي انا مش فاضيلك.. 

رحمه 

طيب علي فكره بقي شهد جنبي اهي،ده أسر جوزك.. 

أسر بضيق

وايه اللي جاب شهد عندك؟.. 

رحمه 

لا انا اللي عندها اهي، وانت جيبت رقمي منين بقي؟. 

أسر

انتي هترغي معايا اديني شهد.. 

رحمه 

قول بس جيبت رقمي منين انا ما بحبش رقمي يبقي عند حد غريب؟.. 

أسر بغيظ

بحثت علي جوجل كتبت عايز رقم انثي الخنزير طلعلي رقمك.. 

رحمه 

ولما اهزأك واقفل في وشك دلوقتي هتبقي مبسوط.. 

_ضحكت شيري وشهد ابتسمت علي طريقة رحمه، وأسر رد عليها وقال بغيظ... 

أسر

ما هي شهد كانت بتكلمك من عندي ومسجله رقمك عندي علي فكره.. 

رحمه 

ايوه صح خلاص هبقي اسجل رقمك انا كمان..خد اهي شهد معاااك.. 

اخدت منها شهد الفون وردت عليه وقالت

ايوه يا أسر.. 

أسر 

ما بترديش عليا ليه؟.. 

شهد 

ما اخدتش بالي من الموبيل في حاجه؟.. 

أسر بحده 

لما اكلمك تردي عليا يا شهد ولو في المحاضره تبعتيلي رساله تقوليلي انك في المحاضره... 

شهد بضيق

حاضر حاجه تاني؟.. 

أسر

السواق هيوصلك البيت عند. هاله خليكي هناك عشان انا احتمال هبات بره النهارده.. 

شهد 

هتبات فين؟.. 

أسر

عندي شغل وممكن ما ارجع متأخر برضو، بس ما تبقيش لوحدك... 

شهد 

هروح بيت اهلي.. 

أسر

اسمعي الكلام يا شهد.. 

شهد بضيق

بص انا هرجع الشقه بتاعتك وهقعد لوحدي مش بخااف علي فكره.. 

أسر بحده 

هو اي عند. وخلاص يا شهد، السواق هيوصلك البيت عند هاله وخلصنا خلاص.. 

_قال كلامه وقفل في وشها وهي اتملت عيونها دموع واديت الفون لرحمه اللي قالت.. 

رحمه 

ويسالونا بتتعقدو ليه من الجواز، اهو كلمها دقيقتين عكنن عليها ونزل عليها غضب ربنا.. 

شهد بحزن 

انا ماشيه مش هقدر اكمل اليوم.. 

رحمه 

ومحاضراتك مش لسه عندك محاضره دلوقتي، اهدي يا شهد ما تبقيش خفيفه كده.. 

شيري 

يعني ايه ما تبقيش خفيفه.. 

رحمه 

يعني ما تبقاااش زيك كده.. 

ضحكت شهد غصب عنها وشيري قالت 

مش فاهمه برضو بس حسااكي بتتريقي عليا.. 

رحمه 

وانا اقدر ده انتي حبيبتي انا بهزر معاكي ما تزعليش.. 

شيري

مش بزعل منك علي رأي شريف احنا ما بناخدش عليكي.. 

رحمه بغيظ 

ما انتي اخته وبتحبي تتهزأي انتي كمان.. 

شهد 

خلاص طيب يا رحمه احنا هنروح المحاضره وانتي هتروحي الكليه بتاعتك ولا هتستنينا؟.. 

رحمه 

لا رايحه الكليه بتاعتي هجيب الحاجات اللي فاتتني.  

شهد 

ماشي وهبقي اكلمك لما اروح، يلا بينا يا شيري.. 

_ومشيت شيري مع شهد وراحو المحاضره بتاعتهم، وجات رحمه تقوم بس فجأه قعد قدامها شريف اللي قال.  

شريف

علي فين بس ده انا مستنيهم يقومو من بدري عشان اجي اقعد معاكي.  

رحمه 

وتقعد معايا ليه انا لا بطيقك ولا انت بطيقني عايز ايه؟.. 

شريف 

ليه يا رحمه انا عملتلك ايه عشان ما تبقيش طيقاني ده انا بتهزأ منك بس حتي.. 

رحمه 

خلاص تجنبني عشان ما تتهزأش مني.. 

شريف 

مش عارف ده انا حتي اهو سيبت المحاضره وجيت اقعد معاكي.. 

رحمه 

لا ما انا ماشيه رايحه اشوف اللي ورايا.. 

شريف

طيب اوصلك.. 

رحمه

هو انت مش عندك محاضره هتبدأ دلوقتي؟.. 

شريف

 ما مش مهمه بالنسبالي، هوصلك وبعدين ارجع هنا.. 

رحمه

لا شكرا انا هروح لوحدي.. 

شريف

خلاص يا رحمه احنا صحااب عادي.  

رحمه

احنا ايه يا سكر؟.. 

شريف بقلق

صحااب.. زمايل وكده يعني.. 

رحمه 

لا انا ما بصاحبش ولاد علي فكره انت اخو شيري صاحبتي وبس ولو كان علي انك بتقعد معانا سعات فكنا بنتكسف نحرجك ونقولك قوم بس مش اكتر.. 

شريف بضيق

ما كانش قصدي ادايقك انا بس عايز علاقتنا تبقي احسن شويه.. 

رحمه 

ولا انت شكلك فاضي وانا مش فضيالك... سلاااام.. 

_قالت كلامها وسابته ومشيت وهو فضل قااعد. مكانه وهو مدايق وقال لنفسه بغيظ.. 

شريف

ودي ادخلها من انهي سكه بس.. 

ــــــــــ #بقلم_الكاتبه_رحاب_القاضي ــــــــ

_وبالليل في شقة سعيد كان قااعك بيتعشي هو ونسمه وشكله مدايق جدا وقالتله هي بهدوء.. 

نسمه

هو انت ما طلعتش ليه تتغدي معايا النهارده؟.. 

سعيد 

ما كنتش جعان.. 

نسمه 

وكلمتك ما ردتش عليا.. 

سعيد 

ما كنتش فاضي ما انا بشتغل ومش باخد بالي من الموبيل وجاجات كتير مش باااخد بالي منها.. 

نسمه بقلق

زي ايه حاجات كتير يا سعيد،اتكلم.من غير تلقيح؟.. 

سعيد قام وقال

ولا حاجه اعمليلي شااي.. 

نسمه 

طيب كمل اكلك انت ما اكلتش حااجه.. 

_ما ردش عليها سعيد وراااح قعد قداام التلفزيون وهي عيونها دموع، وشالت الاكل وعملتله شااي وراحت قعدت جنبيه وقالت بتوتر.. 

نسمه 

فكرت في موضوع الشغل بتاعي ولا ما اخدتش بالك من دي كمان.. 

سعيد. بجمود. 

فكرت وما فيش شغل.. 

نسمه بحزن

يعني ايه ما فيش شغل ما انت كنت موافق يا سعيد.. 

سعيد بحده 

وغيرت رأيي فيها حااجه دي، وبدل ما تشتغلي اتعلمي ازاي تهتمي ببيتك بدل ما اختك كل يوم تطلعلنا الاكل ولا امك تبعته.. 

نسمه بدموع 

هو في ايه يا سعيد ايه الطريقه.. 

سعيد 

ومالها طريقتي كمان هو انا عشاان بقولك تهتمي بـ بيتك ابقي غلطااان، وقوليلي صح هو انتي ناويه تخلفي امتي؟.. 

نسمه بغيظ 

والله دي حاجه بتاعت ربنا مش بأيدي.. 

سعيد 

لو الموضوع في دماغك كنتي بدل ما تقوليلي عايزه اشتغل كنتي قولتي نروح لدكتور نطمن، اي واحده بتحب جوزها بيبقي نفسها تخلف منه مش عايزه تهرب منه ومن بيته بحجة الشغل.. 

نسمه بدموع

تصدق انا غلطااانه اني طلبت منك حااجه اصلا، براحتك يا سعيد.. تصبح علي خير.. 

_قالت كلامها وسابته ودخلت اوضتها وفضلت تعيط وكانت فاكره انه هيجي وراها يصالحها بس هو تجاهلها تماماً ونام في الصاله كمان... 

نسمه بخوف 

يا نهار اسود لو كان الزفت ده قاله حاجه، لا لا سعيد ما كانش هيسكت لو كان عرف حااجه.. يارب استرها معايا يارب انا ما عملتش حاجه لكل اللي بيحصل فيا ده.. 

ــــــــــ #بقلم_الكاتبه_رحاب_القاضي ــــــــ

_وفي الشركه بتاعت أسر كان قاعد علي مكتبه وهو بيكلم كارم في الموبيل وقاله بحده.. 

أسر

يعني ايه هو انت مش واخد معاد معين من المنظمين؟.. 

كارم

معارفي هنا كتير يا حبيبي وقولت بما انك عايز تخلص بسرعه هقدم المعاد، ولا انت مش جاااهز؟ 

أسر بجمود

لا جاهز بس الفلوس ممكن ما اقدرش اجيبهالك غيير بعد السباااق.. 

كارم 

وتكسب طبعاً قبل اي حااجه انت لازم تكسب السباااق، انما بقي الفلوس فبسيطه كده كده انت هتديهالي او انا هعرف اخدها بطريقتي

أسر

بكره هجيلك ونتفق بقي علي اللي هعمله، اول ما اكسب السباااق تقولي نتالي فين بالظبط في مصر وما تخرجش بره مصر يا كارم.. 

كارم 

عيب عليك انا علي اتفاقي معاااك، ده. انت صاحبي وحبيبي يا أسر.. 

أسر بجمود 

هبقي اجيلك بكره يا كارم سلااام.. 

_قفل معاه وبعدين فضل قااعد بيفكر ازاي هيااخد الفلوس من غير ما فؤاد يعرف او يحاول يوقفه وخصوصا ان الموضوع دلوقتي مش متعلق بانتقامه وبس، وجود نتالي خلاه يفكر في كل حاجه من اول وجديد والمهم عنده يلاقيها وبس.. 

_قام من علي مكتبه وراااح للمكتب اللي فيه اكرم واول ما دخل عنده لقااها ماااسك موبيله وبيقول وهو مدايق.. 

اكرم

انا غبي انا غبييي. 

أسر

انت بتكلم نفسك يا ابني؟.. 

اكرم 

لا ابداً اتفضل يا أسر بيه.. 

أسر

اسر بس يا اكرم انا قايل للكل هنا انك صاحبي وبعدين بلاش رسميه بينا ده انت متوصي عليك جااامد.. 

ابتسم أكرم وقال

من شهد. مش كده؟.. 

اتنهد أسر بضيق اول ما أكرم قال اسمها وقال

المهم انت بتكلم نفسك ليه بقي، اوعي تكون بتلعب بابجي بتاعت العيال دي.. 

أكرم 

لا لا انا مش فاضي والله للكلام ده، بس اا بصراحه انا بحب رحمه وقولتلها اني بحبها بس قولتلها برضو ظروفي واني ما اقدرش اتقدملها دلوقتي وهي زعلت وقطعت اي تواصل بينا بعد ما كنت خلاص قدرت ارجعها تاني لحياتي.. 

أسر

هي زعلت انك مش هتتقدملها ، هي عايزه تتجوز يعني؟ 

اكرم 

مش الفكره انها عايزه تتجوز وخلاص، رحمه بنت كويسه ومش عايزه تعمل حااجه من ورا اهلها وده حقها اصلا وتستاهل حد يحافظ عليها ويغليها بس بجد. الظروف جايه معايا غلط اووي، المهم دلوقتي انا كالعاده داخل اراقبها بصمت ومن غير ما اقصد رنيتلها علي الماسنجر قامت عملالي بلوووك.. 

ضحك أسر وقال

هههههه عنيفه اووي، بس ما تشغلش بالك لو عايز تتقدملها انا هروح معاك وشه... والمدام هاا المدااام وزي ما وقفت معايا قدام اهل مراتي وانا بتجوز انا كمان هقف معاك.. 

أكرم 

انا بجد. مش عارف اقولك ايه، بس شرف ليا اني اعرفك واننا نبقي صحااب.. 

أسر بص حواليه وقال

عايزك في خدمه ما حدش هيعرف يخلصهالي غيرك.. 

أكرم. 

انت بتتكلم كده ليه، علي فكره انا ماليش في الحرام.  

أسر

حرااام ايه يا ابني انت هتلبسني مصيبه، انا بس عايز مبلغ معين وعايز الورق بتاعه يخلص من غير شوشره هنا، يعني بحيث اسحب من البنك الورق يجي هنا كأنه مجااش وانت بقي وشطارتك.. 

أكرم

انت عايز تسرق نفسك يعني.. 

أسر بغيظ 

حاجه زي كده يا اذكي خلق الله، هتنفذ اللي اقولك عليه يا اكرم.. 

اكرم 

انت المدير هنا وانا اكيد هسمع كلامك.. 

أسر بخبث

يبقي اتفقنا.. 

ــــــــــ #بقلم_الكاتبه_رحاب_القاضي ــــــــ

_وفي بيت الفيومي كان قااعد فؤاد في الجنينه وبيشرب الشاي بتاعه وبيقلب في موبيله وبص ورااه لما حس بحركة ولقي هاله واقفه وباصه معاه في الفون فقالها بغيظ.. 

فؤاد 

اتفضلي خديه كله.. 

هاله 

بجد هااات اشوف مين اللي عملالك لاااف دي علي صورتك.. 

فؤاد 

دي بنت مستثمر عندي في الشركه... 

_اخدت منه هاله الفون وفضلت تقلب فيه وبعدين اديته ليه وقالت ببرود.. 

هاله 

خد بس. عملتلها بلووك.. 

ضحك بهدوء وقال

فدااكي يا قلبي في اتنين كمان عندي اعمليلهم بلوك اقولك علي اسمهم.. 

ضربته علي كتفه بهدوء وقعدت جنبيه وقالت بهدوء

بغير علي جوزي عندك. مشكله.. 

فؤاد قرب منها اكتر وحاوطها بدراعه وقال

براحتك بالعكس دي حاجه تسعدني ان مراتي بتحبني وبتغير عليا، يبقي راااجل عبيط اللي يزعل ان مراته بتهتم بيه ومش عايزه حد غيرها يبقي في حياته.. 

هاله 

انا عايزه اجيب بيبي تاني.. 

فؤاد بحماس 

يلا بينا دلوقتي حالاً.. 

ضحكت بخجل وقالت

لا مش كده استني انا بتكلم بجد.. 

فؤاد بهدوء

بصي انتي عارفه كويس انه صعب واحنا جيبنا تيام بالعافيه وكانت حالتك خطر والموضوع ده ما حدش كان يعرفه غير مامتك الله يرحمها هي وباباكي، لو اتعمل دلوقتي هيبقي في خطر اكبر عليكي وما فيش حد معانا يعني انا وانتي بس مش هنقدر نتحمل لوحدنا الضغط اللي كنا فيه زمان هيبقي صعب بجد.. 

هاله بدموع 

انا هتبقي معايا شهد وبعدين انا كلمت دكتوره ووريتها كل حاجه تخص حالتي وقالتلي ان العمليه اا.. 

قاطعها فؤاد وقال بحده 

لا يعني لا كفايه علينا تياام والحمد لله كده، مش هخليكي تعرضي حياتك للخطر تاني.. 

هاله دموعها نزلت وقالت 

يعني انت ما بتزعلش لما تيام يفضل يقولنا عايز اخ او اخت يبقو معاه.. 

فؤاد 

البركه في اخوكي هو لما ربنا يرزقه ويخلف تياام هيبطل يقولنا كده.. 

هاله 

هيبقو ولاد خاله مش اخواته.. 

فؤاد 

يا سلام طيب ما انا ما كانش عندي اخوات واتربيت معاكم هنا وانا يتيم الاب والام والف حمد وشكر لقيت عمي ومرات عمي عوضوني عن غياب اهلي، وبقي عندي اخ هو غلس ورخم بس انا واثق مليون في الميه انه بيحبني زي اخوه الكبير ومستعد يفديني بحياته، وكمان ربنا عوضني بحبيبة عمري كله فين بقي النقص اللي حسيت بيه.. 

بصتله هاله بأقتناع وهو كمل كلامه وقال

صدقيني يا هاله النقص ده بيبقي في ناس معينه زي المرض كده، والناااس دي هتلاقي عندهم كل حاجه اي حد يتمناها بس عينهم بتبقي ديما علي اللي في ايد غيرهم، واحنا مش هنربي ابننا كده ابدا.. 

هاله بهدوء

خلاص كنسل موضوع البيبي.. 

فؤاد بخبث 

بس ده ما يمنعش برضو اننا نفكر في الموضوع واحنا في اوضتنا ولوحدنا وبابانا مقفول علينا.. 

طلع تياام من ورااهم وقال 

وانا معاكم.. 

_ضحكت هاله بكل قوتها علي شكل فؤاد اللي اتخض وقال.. 

فؤاد 

انت ايه اللي مصحيك يا ابن القرده، علي اوضتك يلا.. 

تيام 

لا مش هنااام خالو أسر قالي ما فيش راجل ينااام بدري.. 

فؤاد بغيظ 

شايفه اخوكي يا ست هانم؟. 

هاله 

يا سلاام بقي اخويا انا دلوقتي، واهدي انا هروح اخليه ينام عشان المدرسه الصبح يا عيون ماما.. 

فؤاد بصوت واطي 

تنيمي الواد وتيجي مش تنامي جنبيه انتي كمان.. 

هاله ابتسمت وقالت

انت ونصيبك بقي.. 

_وقامت مسكت ايد تيااام وطلعو اوضته، وقابلت في طريقها شهد طالعه اوضتها هي كمان وقالتلها.. 

هاله

شهد هو أسر فين كل ده؟. 

شهد. 

مش عارفه ما قاليش هو فين؟ 

هاله 

طيب كلميه شوفيه اتأخر ليه يا حبيبتي.. 

شهد 

حاضر هبقي اكلمه.. 

هاله 

وعايزين قبل امتحاناتك نعزم اهلك يوم وصحابك يوم تاني عشان نتعرف عليهم اكتر.. 

ابتسمت شهد وقالت 

حاضر بس اشوف اسر هيبقي فااضي امتي.. 

هاله 

يبقي مش هنعزمهم خالص لانه مش بيحب العزومات والجو ده.. 

شهد بثقه 

معايا انا هيحبها.. 

هاله 

لا بقي انا كده هبدأ اغير علي اخويا.. 

ضحكت شهد وقالت 

علي ايه بس ده مطلع عيني، عارفه انا مع النااس كلها مهما حصل ما بخليش حد. يخليني اعمل حاجه مش عايزاها الا اخوكي من يوم ما شوفته ويقول الكلمه من هنا واقول مليون مره لا وغصب عني برضو اعملها وبرضايا.. 

هاله بخبث

عشان بتحبيه بقي وهما ما قالوش الحب بهدله من قليل.. 

تيااام 

انا عايز انااام.. 

هاله 

طيب يلا بينا خلاص، تصبحي علي خير يا شهد.. 

شهد 

وانتي من اهله.. 

_ودخلت شهد اوضتها وفكت حجابها ولبست بجامه رقيقه ونامت وهي ماسكه موبيلها ومتردده تكلمه تطمن عليه وتشوفه اتأخر ليه، بس اول ما افتكرت اهانته ليها الصبح وقالت لنفسها بحزن.. 

شهد 

مش هكلمه اصلا ما يستاهلش اني اهتم بيه.. 

_وفضلت تقلب علي موبيلها ولقيت قدامها علي الانستجراام الاكونت بتاع دكتور ادهم اللي بحثت عنه قبل كده، وبكل تلقائيه وفضول دخلت الاكونت بتاعه واول حاجه وقعت عينها عليها الاستوري بتاعته اللي كان كاتب فيها.. 

 "يقول الناس يا عُمري بأنك سوف تنساني

وتنسى أنني يومًا وهبتك نَبض وجداني، وهذا ما حدث " 

_وجات تطلع من عنده بس لقيته بعتلها رساله وقالها فيها.. 

ادهم 

"عامله ايه؟ سوري اني بعتلك بس حبيت اطمن عليكي لما لقيتك شوفتي الاستوري"

شهد ردت عليه وقالت

"انا كويسه الحمد. لله" 

ادهم 

"ده اللي بتمنااه اصلا، انتي تستاهلي كل خير يا شهد" 

شهد اتوترت وردت عليه وكتبت 

"شكرا".. 

_وقفلت الفون بسرعه من غير ما تسمع رده، وندمت انها دخلت عنده اصلا وقبلت تكلمه وهي متأكده ان أسر لو عرف هيدايق، وفضلت تلوم نفسها لحد ما نامت.. 

ــــــــــــــــ

_وبعد نص الليل بأكتر من ساعه دخل أسر عندها وبصلها وهي نايمه بهدوء وغير هدومه من غير ما يعمل ولا صوت ونام جنبيها وبصلها وابتسم علي ملامحها الطفوليه اللي بتخليه يُفتن بيها فكل مره بيقرب منها، واول ما جات في باله نتالي اختفت ابتسامته واتنهد بضيق وقال لنفسه بقلق.. 

أسر

يا تارا هتعملي ايه يا شهد لما تعرفي انها لسه عايشه ولا انا نفسي هتصرف ازاي معاكم انتو الاتنين.. 

ومد. ايده وحركها علي وشها بهدوء وقال بصوت مسموع

بس برضو انا مستحيل اخليكي تبعدي عني حتي لو ايه حصل، انتي ملكي انا وبس يا شهد وحاجه خاصه بيا لوحدي وهتفضلي معايا بأي وضع اختاره ليكي... 

_فتحت شهد عيونها بأنزعاج من صوته وحركة ايده ولما شافته قالت بهدوء.... 

شهد 

انت جيت امتي؟.. 

ابتسم بهدوء وقرب منها أكتر وقال

جيت من شويه.. لسه زعلانه مني؟.. 

شهد 

هو انت عملت حاجه عادي يا أسر.. 

أسر

لا ما هي عادي يا أسر دي معناها انا لسه زعلانه، علي العموم انا اسف ومش هتتكرر تاني وانا ما كنتش اقصد حاجه والله.. 

ابتسمت بهدوء وقالتله

طيب. كنت فين؟.. 

أسر

كان عندي شغل.. 

قعدت شهد فجأه وقالت

بس انا سألت فؤاد وهو قالي انك مشيت من الشركه بدري وكلم السكرتيره بتاعتك قداامي.. 

أسر بتوتر

ما هو الشغل ده بيكون بره الشركه سعات برضو عشان بنستورد حاجات وبنصدر حاجات، وبعدين هو انا هكدب عليكي ليه يا شهد.. 

شهد 

طيب يا أسر تصبح علي خير.. 

أسر

استني هنا ده انا ما صدقت صحيتي.. 

شهد 

لا لا انا عندي محاضرات الصبح وانت عندك. شغل الحق بقي ناملك ساعتين تلاته.. 

أسر

لا انا ممكن اطبق عادي اصلا ما بحبش انااام كتير، خليكي بقي قااعده معايا.. 

شهد بعدت عنه وقالت

انت ما بتحبش تنام كتير انت حر، انا بحب انام بدري واصحي بدري.. 

أسر بغيظ

لا ما هو انا كده متجوز فرخه تنام بعد العشا ومن فجر ربنا عينيا تبقي مفتوحه قد. كده.. 

شهد 

انت كمان هتغيرلي نظام نومي.. 

_قبل ما يرد عليها موبيلها رن فأستغرب مبن بيكلمها دلوقتي وقال.. 

أسر

مين بيكلمك دلوقتي.. 

اخدت شهد موبيلها من جنبيها. وقالت

دي رحمه.. 

أسر

وبتاع ايه رحمه تكلمك دلوقتي؟ 

شهد 

مش عارفه هشوفها.. 

مسك منها أسر الفون ورد علي رحمه وقال

عايزه ايه يا بت انتي؟.. 

رحمه 

انت رجعت طيب خلاص اقفل.. 

أسر

انتي عبيطه يا بت رجعت منين؟. 

رحمه 

مش كنت منكد علي البنت وطفشان من عندها عامل فيها مقموص.. 

بص أسر لشهد بغيظ وقال

هي لحقت تقولك، هو انتي ليه حاشره نفسك في أسرار حياتي ايه البرود ده.. 

رحمه 

ما كنااش كده اتعلمناااه لما شوفناااك وبعدين ما تستفزنيش انا ناويه ما اغلطش في حد.. 

أسر

طيب غوري اقفلي وما تتكلميش هنا تاني.. 

رحمه 

جرا ايه يا ذكر السحليه انت هو انا كنت مكلماااك انت انا بكلم صحبتي اللي انت منكد عليها، واقسم بالله يالا انت لو شوفت بس شهد مدايقه او متعكننه تاني بسببك لارنك علقه معتبره فهمت ياااه.. 

ابتسم أسر غصب عنه وقال

تصدقي انا من لما اتجوزتها لا من لما عرفتها اصلا ما فيش حد قالي الكلمتين دول غيرك.. 

رحمه بثقه 

اومال طبعا دي وراها رجاله.. 

أسر 

من الناحيه دي معاكي حق ناقصك بس الشنب.. 

رحمه بغيظ 

طيب اقفل بدل ما تهب في دماغي واجي اهزأك فيس تو فيس وسلملي علي شوشو.. 

قالت كلامها وقفلت وهو ابتسم وقال

بتسلم عليكي يا شوشو.  

_اول ما قفل مع رحمه وكان لسه هيديها الفون اتفاجئ بصورة ادهم في وشه لان شهد نسيت تطلع من حسابه علي الانستجرااام، وقالت شهد بعفويه.. 

شهد. 

تلاقيها كانت قلقانه عليا فكلمتني.... 

حط أسر الفون قدام وشها وقال بغضب مكتوم

ايه ده؟. 

اختفت ابتسامتها وبصتله بتوتر وقلق وقالت

انا اا انا فتحتها بالصدفه.. 

.

_رجع أسر بص في الفون وملامحه بتتحول للعصبيه اكتر واكتر، وقال بحده.. 

أسر

وكمان بتكلميه بروح امك، بعتلك رساله اهو.. 

شهد بقلق 

والله ما كنت اقصد اكلمه هو بعتلي رساله وانا رديت عليه بأختصار اهو زي ما انت شاايف.. 

_شاورلها بأيده انها تسكت وشغل الرساله الصوتيه اللي باعتها ادهم وقال فيها... 

ادهم"انا بعتذرلك مره تانيه يا شهد علي كلامي معاكي دلوقتي وانا عارف انه ما ينفعش، بس انتي البنت الوحيده اللي اتمنيتها برغم سنك الصغير والفرق الكبير اللي بين اهلي واهلك بس ما قدرتش امنع نفسي اني احبك واتعلق بيكي في فتره قصيره، كنت بشوف نفسي فيكي حرفيا بحاول اديكي الحريه اللي انا اتحرمت منها بسبب اهلي وكان نفسي بجد تكملي معايا اللي جاي كله بس هو  'النصيب' بقي ما كتبلناااش نتجمع مع بعض، انا مش هكلمك تاني وهحاول انساكي ولو ما عرفتش زي ما بيحصل دلوقتي هفضل ادعيلك انك تبقي مبسوطه وسعيده ديما حتي لو مع غيري، مع السلامه يا شهد ".. 

_اول ما خلص كلامه أسر بص لشهد بغضب يكفي العالم وقبل ما تتكلم مسكها من دراعها جامد وقال بحده وعصبيه.. 

أسر

اعمل فيكي ايه، واحد شاف مراته بتكلم حبيبها القديم هيعمل فيها ايه؟.. 

شهد بخوف ودموع 

انا اسفه ما كانش قصدي والله.. 

أسر بحده

ما كنتيش تقصدي ايه يا شهد، ليه اصلا تدخلي عنده وتشوفي الاستوري بتاعته افسر تصرفاتك دي بأيه؟.. 

شهد ببكاء

والله العظيم مش قصدي حااجه كانت حركه غبيه مني ومش هتتكرر تاني وهعمله بلوك دلوقتي حالاً.. 

أسر بحده 

لا هو انتي هتمسحي اي برنااامج سوشيال ميديا من عندك خالص كفايه اووي الوتسااب عليكي.. 

شهد بدموع 

يا أسر صدقني انا ما كانش قصدي.. 

ضغط علي دراعها بقوه اكتر وقال بغضب

ما اسمعش صوتك خاااالص تقولي حاااضر وبس.. 

شهد بدموع والم 

حاضر بس سيب ايدي ارجوك.. 

ساب أسر أيدها وقال بحده 

غوري اتخمدي انا مش طايق اشوف وشك اصلا وكلامي يتنفذ،قال ما اقصدش قال اتكعبلتي فوقعتي في الشات عنده صح؟.... 

شهد بصتله بحزن وقالت

حاضر همسح كل حاجه زي ما انت عايز.. 

_رمالها الموبيل في وشها وقفل النور وسابها ونام وهو متعصب جداً، وبرغم طريقته العنيفه معاها الا انها اتحملت نوبة غضبه عشان هي معترفه بغلطها لما كلمت ادهم وما كانش ينفع اصلا تدخل عنده من البدايه..  

ــــــــــ #بقلم_الكاتبه_رحاب_القاضي ــــــــ

_وتاني يوم تحت بيت رحمه، اول ما طلعت من العماره ورايحه الجامعه بتاعتها سمعت صوت من جنبيها بيقول.  

أكرم

بس بس رحمه.. 

_بصت رحمه وراها ولقيته واقف متخبي ورا العماره بتاعتهم وقالت... 

رحمه

ينيلك انت ما بتحرمش.  

أكرم بقلق

مش هنا.. مش هينفع نتكلم هنا تعالي نروح اي مكان نتكلم فيه.. 

رحمه 

اطمن بابا مش موجود في البيت.. 

طلع اكرم من ورا العماره وقال

طيب مش تقولي كده من بدري.. 

رحمه بخبث

بس هو ممكن يجي في اي وقت.. 

أكرم بقلق

اجري طيب ولا اعمل ايه دلوقتي؟.. 

رحمه ابتسمت بهدوء وقالت

هو للدرجه دي بتخاف منه.. 

أكرم

لا مش حكاية خوف منه يعني، كل الحكايه اني مش عايزه يشوفني تاني غير وانا جاي اتقدملك.. 

رحمه 

احلف انت بتتكلم جد، قصدي ومين قالك اني عايزك تخطبني.. 

اكرم 

ما انا بقولك ما ينفعش نتكلم في الشارع تعالي نفطر سوا وو.. 

رحمه 

مستحيل انا مش هخرج معاك. تاني، وبعدين. ما انت عايز تتقدم وتخطبني ايه اللي مأخرك؟.. 

اكرم 

علي الاقل يا رحمه اجيب شقه ولا هتقدم لابوكي وانا قاعد في اوضة كوثر.. 

رحمه بهدوء

خلاص لما تبقي تجيب شقه ابقي تعالي وكلمني، غير كده. يا أكرم. ما عنديش.. 

اكرم بضيق 

ماشي يا رحمه زي ما تحبي.. 

_وسابها وركب الموتسيكل بتاعه ومشي من قدامها، وهي فضلت تسقف في الشارع وقالت بسعاده.. 

رحمه 

وهيتقدملي وهيتقدملي.. 

_قالتلها عفاف اللي كانت واقفه في الشبااك وشافتها وهي واققه مع اكرم.. 

عفاف

روحي جامعتك يا بت الهبله وحسابنا لما ترجعي.. 

رحمه بصتلها لفوق وقالت

انتي هنا يا ست الكل طيب مش كنتي تقولي، يلا مع السلامه.. 

ــــــــــ #بقلم_الكاتبه_رحاب_القاضي ــــــــ

_وعند شهد اول ما صحيت من نومها لقيت أسر مش موجود جنبيها، قامت بسرعه وطلعت لقيته قاعد قدام اللابتوب بتاعه وفاتح صوره لعربيه شكلها حلو جداً وحواليها كلام كتير بالانجليزي، واول ما هي وقفت جنبيها بصلها بضيق وقفل اللابتوب بسرعه.. 

شهد 

انا عملت زي ما قولتلي علي فكره ومسحت كل حاجه.. 

أسر 

لا كتر خيرك والله.. 

شهد بحزن

انا معترفه اني غلطت ومش هتتكرر تاني والله بس خلاص ما تزعليش مني، وبعدين انت زعقتلي وكمان مديت ايدك. عليا وانا برضو سكت عشان قدرت زعلك.. 

بصلها أسر بعدم. فهم وقال

انا مديت ايدي عليكي فين؟.. 

مسكت شهد دراعها وقالت بحزن 

دراعي اهو مش قادره احركه بسببك.. 

أسر بسخريه 

هو انتي بتسمي ده. ضرب؟.. 

شهد بحزن 

لا طبعا انا حصلي اكتر من كده بكتير، بس منك. انت ايوه هسميه. ضرب لاني مش مستنيه منك كده.. 

أسر بغيظ 

بتقلبي الترابيزه عليا هو اللي عملتيه ده صح يعني، تدخلي عنده ليه. يا شهد كان. المفروض من اول ما بعتلك تعمليلو بلوووك وتعمليلي حساب اني في حياتك وعارفه اني لغير عليكي ومش هقبل بحاجه زي دي.. 

قعدت شهد جنبيه ومسكت ايده وقالت بهدوء

انا اسفه مش هتتكرر تاني والله بس ما تزعلش مني، خلاص عديها بقي غلطه صغيره.. 

أسر بخبث

هو المفروض ان انا عندي شغل وبس لو اتأخرت ساعتين تلاته ما فيهاش مشكله.. 

شهد بتوتر

بس انا عندي محاضرات ومش هينفع اتأخر.. 

أسر

يبقي انتي مش عايزه تصالحيني خلاص.. 

شهد ابتسمت وقالت 

خلاص مش مهم بقي المحاضرات النهارده.. 

أسر 

ايوه بقي انتي كده بدأتي تفهميني... 

_وفضلت فعلا شهد قااعده معاه وما راحتش المعهد بتاعها، وبعد شويه هو سابها وراااح شغله.. 

ــــــــــ #بقلم_الكاتبه_رحاب_القاضي ــــــــ

_وفي الجامعه عند. رحمه كانت واقفه شيري هي وشريف هناك وقالتله وهي متعصبه.. 

شيري

والله انت هتبقي سبب فشلي، ما هي لما بتبقي فاضيه بتيجي عندنا المعهد.. 

شريف

انا عايز ابينلها اني مهتم يا شيري وتاخد بالها بقي مني.. 

شيري 

علي فكره رحمه مختلفه اووي عن اي بنت تانيه، يعني مش هتلفت نظرها بأنك تعملها مفجأه انك تجيلها الجامعه وكده.. 

شريف 

طيب اعمل ايه انا عايز العلاقه بينا تبقي كويسه عشان لما اتقدملها توافق بيا. 

شيري

انت بتتكلم جد يعني عايز يبقي حقيقي.. 

شريف

اااه انا كده كده هشتغل مع بابا ولو عايز ابداا شغل من النهارده ما عنديش مشكله وما فيش حاجه تعطلني اني اتجوز.. 

شيري

انت مش شايف انك متسرع اووي، انتو الاتنين لسه في بداية حياتكم علي الجواز بسرعه كده.. 

شريف 

ما قولتش اتجوزها النهارده يعني انا بس عايزها تتعامل معايا بهدوء شويه عشان اعرف اتكلم براحتي ونفهم بعض... 

جات رحمه من وراهم وقالت

وانا اقول الريحه النضيفه دي جايه منين، انتو بتعملو ايه هنا؟.. 

شيري بتوتر

مش عارفه هو اللي جابني.. 

شريف

عادي يا رحمه لقينا نفسنا فاضين قولنا نيجي نزورك النهارده.. 

رحمه 

تنورو يا اخويا تعالو اشربكم حاجه وتمشو عشان مش فاضيه.. 

ضحكت شيري وشريف قال بغيظ 

ايه يا رحمه قلة الذووق دي، انتي لما بتيجي عندنا بنحطك في عنينا.. 

رحمه 

يعني. اشيلك والف بيك الجامعه هنا يعني ولا اعمل ايه.. 

ضحكت. شيري وشريف قال

لا شربيني حااجه. يا رحمه، ما فيش. جبر خواطر خالص عندك.. 

رحمه ابتسمت وقالت 

خلاص ما تزعلش تعالي هشربك عصير وكبايه كبيره كمان.. 

شريف 

هو انتي بتتعاملي مع ابن اختك ايه الطريقه دي.. 

رحمه بغيظ 

وانا اعملك ايه انا دلوقتي عشان ارحب بيك كويس.. 

شيري بقلق

بس بس هتلمو علينا الناس احنا هنشرب عصير وهنمشي بس كده.. 

رحمه بغيظ. 

جيبااه معاكي ليه ده هي ناقصه الحكايه.. 

شريف بضيق

لا وعلي ايه انا مااشي.. 

رحمه 

خلاص والله بهزر مش قصدي واصلا اللي هيسالني هنا هقولك عليك اخويا عشان السمعه وكده.. 

شريف 

اخوكي كمان؟ انا مااشي. يا رحمه وشكراً اوي علي المقابله الحلوه دي.. 

ومشي فعلا وهو مدايق وشيري بصتله بحزن وقالت لرحمه

هو اللي جابني علي فكره.. 

رحمه 

هو انا عملتله حاجه طيب، بقولك ايه انا مش ناقصه صدااع كفايه الدكتور ابن المدايقه اللي لسه رازعني تلات سعات يتغزل في نفرتيتي وحصلي اخوكي.. 

شيري

لا خلاص ما انا جيت هقعد. معاكي ونروح سوا، انا عايزه اشوف نفرتيتي انا كمان.. 

رحمه 

تعالي هوريكي حاجات حلوه اووي هنا واهو بالمره نحضر المحاضره الجايه مع بعض.. 

شيري

هو انا عادي ادخل معاكي.. 

رحمه 

ااه ده مدرج بيلم. من كل صنف ونوع مش زي عندكم انتو الموضوع مختلف.. 

شيري 

مختلف ازاي؟.. 

رحمه 

يعني اللي عندكم انتو بتاع الناااس الاغنيه نظام كويس اووي، انما اللي عندنا احنا هنا كويس اووي ان في شوية اصلا، تعالي وهتعرفي الفرق لوحدك... 

ــــــــــ #بقلم_الكاتبه_رحاب_القاضي ــــــــ

_وعند سعيد. كان قاعد علي القهوه اللي عندهم في المنطقه وقعد. علي مسافه قريبه منه هاني وعمل نفسه بيتكلم في الفون بصوت مسموع لسعيد وقال... 

هاني

سيبك. منه المغفل ده يا حبيبتي يومين كده. ينسي الموضزع وهجيلك.. 

بصله سعيد بغضب فتصنع هاني التوتر وقال

اا طيب يا صاحبي اكلمك وقت تاني.. 

وقفل الفون وقال لسعيد 

في حاجه يا استاذ سعيد؟.. 

_ما ردش عليه سعيد. وقام بسرعه راااح ناحية بيته وهو في قمة غضبه، وهاني اتكلم في الفون تاني وقال.. 

هاني

ايوه. يا ام. محمد عملت زي ما قولتيلي بس مالحقتش اكمل باقي الكلام هو شكله بقي علي اخره خلاص.. 

ام محمد 

خلاص طيب اقفل انت هو داخل عندي اهو.. 

_وفي الوقت ده كانت ام محمد واقفه علي السلم قدااام شقته واول ما طلع سعيد عملت نفسها نازله وهي زعلانه وقالت.. 

ام محمد 

انت رجعت يا ابني بدري ليه كده؟.. 

سعيد بضيق

نسيت حاجه وجاي اخدها ونازل، انتي كنتي عند. نسمه.. 

ام محمد بحزن 

ايوه جيت من شويه اقولها تقرالي ايه اللي مكتوب علي العلاج ده هاخده امتي عشان حاسه اني باخده غلط مش جايب اي نتيجه ورجلي لسه بتوجعني، بس نسمه بتتكلم في التلفون وقالتلي هتخلص وتقولي وبقالها ساعه قاعده جوه وما خلصتش.. 

سعيد بغيظ. 

ماشي يا اما وريني العلاج بتاعك.. 

_ومسك العلاج من ايدها وقال بجمود 

هتاخدي ده مرتين صبح وليل بعد الاكل. والتاني ده مره قبل الغدا كل يوم.. 

ام محمد 

طيب شوفت انا كنت باخدهم كلهم بعد. الاكل كل ما اكل اخد العلاج، هنزل انا بقي عايز حاجه يا حبيبي.. 

سعيد 

شكراً يا اما عايزك طيبه.. 

_وسابها ودخل شقته وكانت نسمه في المطبخ في الوقت ده، واول ما دخل المطبخ كانت واقفه هي ومش واخده بالها منه بتعمل في الاكل بكل تركيزها، واول ما لفت وشافته اتخضت وقالت.. 

نسمه

انت جيت امتي؟.. 

سعيد بحده 

شوفتي عفريت؟.. 

نسمه 

لا مش قصدي بس انت جاي في وقت غير معادك، في حاجه ولا ايه؟.. 

سعيد بص لموبيلها وقال

كنتي بتكلمي مين؟.. 

نسمه 

ما كنتش بكلم حد.. 

_مسك سعيد موبيلها وفضل يقلب فيه وكانت فعلا ما كلمتش حد وقالها بسخريه.. 

سعيد 

اكيد مسحتيها... 

نسمه بقلق

هي ايه دي اللي مسحتها.. 

مسكها سعيد من دراعها وقال بحده 

انتي لو مش عامله حاجه من ورايا ما كنتيش هتخاافي كده.. 

نسمه بدموع 

حرام عليك. يا سعيد. اللي انت بتعمله فيا ده، وبعدين فين ثقتك فيا انت بطريقتك دي بتخوفني منك بتخليني لو عايزه اقولك حاجه حصلت معايا اخااف اقولك.  

سعيد بحده 

ما تلفيش وتدوري عليا، وهاتي الموبيل ده هيبقي معايا انا اشوف بقي مين بيكلم مراااتي.. 

نسمه بخوف 

لا كده كتير هات الموبيل بتاعي وانا والله لرايحه بيت اهلي.  

مسكها من شعرها جامد وقال بغضب 

ورحمة ابويا لو رجلك عتبت بره الشقه لاكسرهالك، ومن النهارده ما فيش موبيلات وما فيش طلوع من البيت غير معايا فاهمه ولا لا.. 

_ذقها جامد فأيدها جات علي نار البوتجاز واتحرقت بشكل ملحوظ فمسكتها بايدها وهي بتعيط وسابته ودخلت اوضتها وهو اخد موبيلها معاه ونزل.. 

ــــــــــ #بقلم_الكاتبه_رحاب_القاضي ــــــــ

_وفي مول كبير وراقي جداً للتسوق كانت شهد ماشيه هي وهاله مع بعض ومعاهم تيااام اللي قال بملل.. 

تياام 

انا تعبت يا مامي وعايز اروح العب.. 

هاله 

استني يا حبيبي هنشتري شوية حاجات انا وشهد وابقي خليك تروح تلعب.  

شهد 

انا مش عايزه اشتري حااجه هروح معاه.. 

هاله 

لا لا استني تعالي ندخل هنا في حاجات حلوه.. 

_ودخلت هاله ومسكت قميص نوم لونه اسود وشكله حلو جدا وقالت لشهد بهدوء.. 

هاله 

ايه رئيك. في ده؟.. 

شهد 

حلو.. 

هاله 

طيب اجيبلك لون ايه معايا؟.. 

شهد بأحراااج

لا لا انا مش. هلبس الحاجات دي هاتيه انتي.. 

هاله 

هو ايه اللي مش هلبس الحاجات دي، ده. انتي متجوزه أسر الفيومي يعني. لازم. تبقي ماليه عينه بزيااااده اووي والله لولا اني خايفه. منه كنت قولتلك. علي الكوارث اللي كان بيعملها زمان.. 

شهد بغيظ

مش عايزه اعرف ومش عايزه اخد حاااجه من الحاجات دي خديها انتي انا اتكسف البسها والله.  

هاله بخبث

اللون الاحمر حلو هجيبلك ده.. 

شهد بخجل 

هاتيه انتي انا مش هاخده.. 

_ضحكت. هاله بهدوء وبدات تشتري حاجات ليها هي وشهد، وبعد ما خلصو تسويقهم كانو طالعين من المول وحطو الحاجات في عربية هاله وقبل ما تركب شهد العربيه وقفت قدامهم عربية كارم ومعاها عربيه تاني فيها رجالته.. 

هاله 

ايه قلة الذووق دي لو سمحت انا كده مش هعرف اتحرك بالعربيه.. 

كارم 

انتي اخت أسر مش كده.، ايه العيله اللي كلها ستات حلوه دي.  

هاله بضيق 

ما تحترم. نفسك والا هوديك في ستين داهيه، انا مش عارفه ايه الاشكال اللي اسر بيعرفها دي، اركبي يا شهد خلينا نمشي من هنا.. 

كانت شهد بتبصله بخوف وهو ابتسملها ببرود. وقال

لا معلش يا مدام خدي ابنك وامشي وانا هاخد. شهد معايا.. 

زاد خوف شهد اضعااف وهاله زعقت فيه وقالت 

تاخد مين انت اتجننت... 

قرب منها كارم وهي بدات فعلا تخاف وقالها ببرود

بلاش تعصبيني انا مش عايز ازعلك عشان انتي اخت حبيبي أسر.. 

هاله قفلت باب العربيه علي تياام ابنها وقالت بقلق

ومدام هو حبيبك انت عايز تخطف مرااته ليه؟.. 

كارم 

حقك تعرفي ليه، عشان انا مش واثق فيه ينفذ الاتفاق اللي بينا السبااق معاده بكره لو كسب السبااق وجاب الفلوس هرجعله مراته، لكن لو نفذ الجريمه بتاعته قبل ما يديني حقي انا مش هخليكم تشوفو الاموره دي تاني.. 

وبص لشهد بخبث وقال

وانا نفسي بصراحه ما ينفذش اتفااقه يلا بينا يا حلوه.  

شهد بخوف 

انت لو قربت مني انت واللي معاك انا هصوت وافضحكم.. 

كارم ببرود

طيب بحيث كده بقي انا هساعدكم تصوتو انتو الاتنين عشان النااس تتلم اكتر.. 

واتحولت فجأه ملامحه للغضب وقال

لما البيبي الصغنغن ده يتضرب بالنااار.. 

بصت هاله لابنها بخووف وكارم قالها بحده 

ما تحاوليش توقفينا او تعملي حاجه تزعلني يا بنت الفيومي احنا لعبتنا مع اخوكي خليكي انتي وابنك وجوزك بعيد عن اللعبه دي.. 

_ومسك كارم شهد من ايدها بهدوء حاولت تبعده عنها بس شدها ليه جامد وقال بهدوء.  

كارم 

ما تخافيش يا بيبي ده انا عاملك مفجأه حلوه اووي، نفسك في حاجه اجيبهالك واحنا ماشيين.. 

_نزلت دموع شهد بخوووف واخدها كارم في عربيته ومشي، وهاله نزلت دموعها بخوف وقلة حيله وخافت تعمل حاجه يكون ابنها هو الضحيه لافعال اخوها المره دي، ومسكت موبيلها وكلمت فؤاد اللي اول ما رد عليها قالتله بسرعه وبكاء.. 

هاله 

فؤاد الحقني شهد كانت معايا واتخطفت.. 

فؤاد بصدمه

اتخطفت ازاي وانتو فين، انا هجيلك حالاً... 

_وفي عربية كارم كانت شهد قااعده جنبيه وهي خايفه وطلعت موبيلها من غير ما كارم ياخد باله وكلمت أسر واول ما رد عليها مسك كارم الفون وقال.. 

كارم 

فاكراني مش شايفك يا بيبي، انا كنت عايزك تكلميه اصلا.. 

بصتله شهد بخوف وهي مرعوبه وقال لأسر

ايوه يا حبيبي.. 

أسر بصدمه

انا مش قولتلك مليون مره ما تقربش من مرااتي.  

كارم 

ما تقلقش يا حبيبي دي مرااات اخويا وهتفضل قااعده في امان لحد ما تنفذ اتفاقنا.. 

أسر بحده 

يا نهار ابوك اسود انت خطفت مراااتي.  

كارم 

ههههههه ايوه خطفتها بص هديهالك طمنها بكلمتين البنت خايفه مني اووي بزمتك انا يتخااف مني؟.. 

اسر بعصبيه 

اقسم بالله يا كارم لو ما قولتلي هي فين دلوقتي وطلعتها من الحوار ده كله لتنسي اي اتفااق بينا.. 

كارم 

يبقي مش هتشوفها تاني ولا حتي هتعرف توصلها خالص، وبعدين ما انا لازم اضمن حقي انك هتنفذ اتفاقنا يا حبيبي افرض قتلت فايز وسيبتني انا محتاااس لوحدي في السبااق.. 

أسر بحده 

هي فين يا كاارم بلاش تخسرني وطلعها بره الموضوع ده.. 

كارم 

اهي جنبي اهي خد كلمها وبلييييز اوعي تخااف عليها دي في عينيا.. 

_واداها كارم الموبيل وهي اخدته منه وايدها بتتنفض بخوف واول ما حطت الفون علي ودنها قالت بدموع ولوم.. 

شهد 

انت ليه كدبت عليا مش قولتلي انك شيلت الموضوع ده من دمااغك عشااني.. 

أسر بضيق

ما تخافيش يا شهد انا مش هخلي حد يعملك حااجه.. 

مسحت دموعها وقالت بحده

انت طلعني من الورطه دي وانا مش عايزاااك تاني... 

_قالت كلامها وقفلت الفون في وشه وهي بتعيط بدون صوت، وكارم اخد الفون من ايدها وقفله وادااه للحارس اللي قااعد من قدام وقال لشهد بهدوء.. 

كارم 

تعرفي اني كنت مظبط اموري ان أسر مش هيتجوز ابدا ده كان كل يوم يعرف واحده واتنين وتلاته، بس انتي جيتي غيرتيه وده اللي خلاني اقلق منه وافكر في حد غيره يساعدني في شغلي.. 

بصتله شهد بعدم فهم وهو كمل كلامه وقال

كنت مستلم أسر متحطم من ناحية صحابه ومن مشاكله مع اهله، كان هيساعدني في شغلي ان حد زيه ليه معارف كتير يقدر يخلصلي شغلي الخااص، وبالفعل كنت هنجح في الموضوع ده لحد ما أنتي ظهرتي في حياته وبدأ ضميره يصحي وانا ما بحبش اللي عندهم. ضمير في الشغل فعشان كده بقيت واخد. صف عدو أسر عشان اكسب شغلي.. 

بصتله شهد بقلق وقالت 

يعني ايه انت... 

قاطع كارم كلامها وقال ببرود 

خونت اتفاقي معااه وحطيت ايدي في ايد اكتر واحد أسر بيكرهه وانتي السبب، انتي اللي خلتيه يتغير يا خساره.. 

بصتله شهد. بخوف وقالت 

انت مش طبيعي والله.. 

كارم بهدوء

ادينا اهو وصلنا عارفه هخليكي تقعدي مع مين دلوقتي؟.. 

بصتله شهد بقلق وهو قال بخبث

نتالي حبيبة جوزك القديمه.. 

شهد بدموع وخوف

انت هتقتلني.. 

ضحك كارم وقال

ههههههههههه لا لا ما بحبش اقتل البنات الحلوين، بس ازاي أسر ما قالكيش ان نتالي عايشه، انزلي يلا انا هعرفك عليها وعلي فايز.. 

_بصتله شهد بصدمه وعدم استيعاب لكل اللي بيحصل؟. 

_تفتكرو بقي نصيب شهد لسه مخبيلها ايه؟؟.. 

ـــــــــــــــــــــــــــــــــــــــــــــــــــــــــــــــــــــــــــــــــــــــــــ