يزيد : هنايا 

هنا: لا علي صوتك حاسه انها لسا مسمعتش 

يزيد بضحك: انا مشيت من عندهم اصلا ي عبيطه 

هنا بجز  علي سنانهاا: ينهارك اسوووود ي يزيييد ده انت يوومك مش معددددي

يزيد: علي طووول ظلماني كده .. دا انا جيبلك حاجه حلوه وانا جاي 

هنا: مكلمتنيش وانت هناك ليييه ي يزيد

يزيد: مكنش فيه فرصه والله ي هنون حقك عليا 

هنا: انت خليت فيها هنون ... خلاص ي يزيد اعمل ان انت عاوزه .انا مبقاش ليا لازمه اصلا.. مع السلاامه

يزيد: بلاش تتكلمي كده ي هنا الله يخليكي 

هنا بزعيق: خلاص ي يزيد براحتك .. ولا هنكد ولا هتكلم اصلا .. كل مره تضحك عليا بكلمتين واكتم  لساني واسكت عشان منتخانقش... انت مش روحت هناك وعملت ال ف دماغك.. سيبني ف حالي بقا دلوقتي

يزيد بعصبيه مكتومه: اول واخر مره تتكلمي معايا بالاسلوب ده تاني ي  هنا فاهمه

هنا: سلام ي يزيد 

يقفل يزيد مع هنا وبسيبها عقلها بيغلي من التفكير ليه يزيد راح هناك ..بتحس بلوم من طريقه كلامها معاه .. لكن  مش بتنسي زعلها منه ومن تصرفه 

اما يزيد بيزعل من طريقه كلام هنا لكن يفتكر انه من حقها تضايق خصوصا انه عارف هنا بتحس ب ايه تجاه نيره .. لكن بيقرر لما يروحلها يصالحها ب الحاجات ال جبهلها وبتحبها ويطيب خاطرها 

بتطلع هنا للصاله وعلي وجهعا ملامح الضيق وبتلاحظ ده امل ف تقول

امل بتعجب: مالك ي هنا وشك مكرمش كده ليه 

هنا : مفيش ي ماما اتخانقت مع يزيد 

امل: يادي الخيبه ... ليه ي هنا اي ال حصل 

هنا: بيستفزني ي ماما بجد .. بصي انسي مفيش حاجه .. 

امل: ربنا يهديكوا لبعض يبنتي

--------

في منزل رضوي اخت يزيد 

بتفتح رضوي الباب بعد متسمع الجرس بيرن عده مرات 

رضوي: يزييييد ... اي المفجأه الحلوه دي

يزيد محتضن رضوي: وحشاني والله ي رضروض 

رضوي: وانت كمان يحبيبي.. اي كنت فين كده

يزيد: كنت فمشوار كده وقولت بما اني ف القاهره اجي اسلم علي رضروض 

حور بتدخل: خااالوووو حبيبي

يزيد: رووح خاالوو .. مش بتكلميني ليه يبت لما ماما بتكلمني

حور بطفوله: هي مش بترضي.. بتقعد تقولي.. هو انا مش بكلم خاالو دلوقتي روحي العبي مع حسن

يزيد بضحك: معلش متزعليش بعد كده انا ال هقولها هاتي اكلم حور عشان وحشتني..... خدي بقا الحاجات دي ليكي بس متقوليش للولا حسن

حسن بتصنت: وحسن موجود اهو ي استاذ خالو 

يزيد: منوور يحبيب خالو ..

رضوي: هقوم افرغ الاكل عمرو زمانه علي وصول.. هينبسط اوي انك موجود يزوز لسا كان بيقولي انكو بقالكو كتير مشفتوش بعض

يزيد: واحشتني والله 

بعد مده قصيره بيوصل عمرو ف وجود يزيد بيسلم عليه بترحاب

عمرو: وانا بقول البيت منور ليه .. اتاري زوز عندنا 

يزيد: ليك واحشه يعمور .. اي الاخبار 

عمرو: زي الفل يمعلم انت ال عامل اي بعد م دخلت القفص 

يزيد بضحك: واقع والله ي عمرو ي خويا مكنتش متخيل كده يجدع الواحد بينام يصحي يشوف هنتخانق علي اي النهارده 

عمرو : اهم كلهم كده ي زيزو ربنا يعينك

رضوي بتدخل: انتو ال ظلمه... وانت ي يزيد بتتخانق مع هنا .. انا مش قولتلك لو زعلتها انا ال هقفلك .

يزيد: يستي اسكتيي.. دا انا غلبان 

رضوي: المهم... هنفرح بيكو امتي 

يزيد بتنهيده: ربنا يسهل ي رضوي .. ادعيلنا انتي بس

رضوي: ربنا يهنيكوا ي حبيبي ونفرح بيكو واشوف عيالكو يارب.. واجوز بنتك للولا حسن

يزيد: حسنن.. لاء معنديش بنات للجواز .. انا بنتي متتجوزش البلطجي ده

حسن : انا مش موافق اصلا

عمرو بضحك: يعم اهدي  مش يمكن تجيب ولد ساعتها يمكن ربنا يرزقنا ببنوته كماان نجوزهاله 

رضوي: لااااا اخلف تااني .. هو انا عااد فياا حيل اربي عيال تاانيي .. كده حلوو اوي رووضا

-------------

مساءا بعد م يزيد يرجع البيت وزينب ف انتظاره 

زينب: اتأخرت ي يزيد كل ده عند خالك يبني 

يزيد: لاء ي ماما روحت ل رضوي اختي قعدت معاها شويه وبعدين جبت شغل ووديته ع الورشه وجيت .

زينب: طب مقولتليش كنت عند خالك ليه مش عوايدك يعني .

يزيد : ولا حاجه... عادي يست الكل ... المهم بس عاوز اشرب شاااي من ايديكي الحلوين دول م اغير هدومي 

........

زينب اثناء تقديم الشاي: علي فكره انا روحت ل خطيبتك النهارده

يزيد: طب كويس.. طنط امل عامله اي وهنا 

زينب: امل كويسه الحمد لله .. هنا ال كان فيها حاجه مش طبيعيه 

يزيد: اممم تلاقيها عندها مذاكره متراكمه ولا حاجه 

زينب : يعني انتو مش متخانقين 

يزيد: عادي ي زوزو متشغليش بالك انتي ... هقوم انام بقا عشان هنزل الشغل بدري بكرا اعوض النهاره 

زينب: الله يقويك ويكرمك ويرزقك ي يزيد ي ابن بطني.

ــــــــــــــــــــــــ

عند هنا واثناء م تكون قاعده بتكلم نفسها وجواها احساس شديد بالضيق تجاه يزيد وعدم اتصاله طول اليوم 

وف اللحظه دي بتسمع صوت رنه تلفونها وتلاقي يزيد لكن احساسها بالضيق يخليها متردش عليه وتقابل زعلها منه بعدم الرد 

يرن يزيد عدة مرات ف تستسلم هنا وترد بجمود

هنا:الوو

يزيد: اي ساعه عشان تردي عليا دا اسمه اي انشاء الله

هنا: اسمه اني مضايقه .. اسمه اني مخنوقه طول اليوم بسبب ال عملته 

يزيد: انا عملت اي ي هنا قولتلك رايح لخالي ف موضوع مهم

هنا: ااه طب ممكن تحكيلي اي هو الموضوع المهم ولا ده سر من اسرارك ال المفروض معرفهاش.. عارف ي يزيد انا ساعات بحس اني معرفكش 

يزيد بهدوء: اي انتي بتقوليه ده ي هنا . هو حصل اي ل ده كله 

هنا بصوت اشبه للعياط: لاء.. محصلش حاجه خالص .. انا عاوزه انام ي يزيد بعد اذنك سلام

يزيد: متقفليش ي هنا واصبري لما نخلص كلام .. انا محتاج افهم مالك .. كل دا عشان روحت لخالي 

هنا : الموضوع مش موضوع خالك ي يزيد وانت فاهم كده كويس.. 

يزيد : طب لو سمحتي اطلعي نتكلم عشان الكلام ف التلقون كده ملوش لازمه

هنا: لا مش هطلع انا عندي كليه الصبح وهنام 

يزيد: هحكيلك حاجه عشر دقايق وادخلي 

---------------

بتطلع هنا للبلكونه وعلي ملامحها الضيق المختفي 

يزيد: لاء كده مش هنتكلم طول م انتي عامله ميه وحداشر علي جبهتك كده 

هنا بطرف عين: قولت هتحكيلي حاجه اتفضل 

يزيد: اخر مره هتكلم معاكي فموضوع نيره ده ي هنا .. شيليها من دماغك يحبيبتي محدش هيقدر ياخدني منك ولاهي ولا الف زيها .. تفتكري يعني انا ابص لواحده تانيه غيرك .. يارب اموت قبل م اعملها

هنا بتسرع : بعد الشرر متقولش كده 

يزيد ب ابتسامه: متقدريش علي فرااقي صح 

هنا : رخمم 

يزيد: بس بحبك

هنا بتحذير: يزييد

يزيد: ياااارب .. ياارب جوزهالي بقاا يارب .. انت العالم دي مصلحتها معايااا اناا ياارب

هنا بهدوء: جبتلي اي حاجه حلوه 

يزيد بضحك: همك علي بطنك كده استني هدخل اجيبها من جوا 

بيدخل يزيد يجيب بوكس كبير في شكولاتات وشيبسي وعصاير من ال هنا بتحبهم 

هنا ببراءه: دوول كتيير اوي انا هقعد اكل فيهم سنه 

يزيد : مفيش حد تكتر عليكي ي هناياا .. بس بطلي غيره شويه بقاا .. انتي ناقص تغيري عليا من الفلنه ال انا لبسها

هنا باحراج: يزيد احترم نفسك 

يزيد: هو انا قولت حاجه .... طب في حاجه كمان عاوز اديهالك بس مش هعرف اديهالك هنا 

هنا: ليه .. هي اي تاني.. انت مبزر ي يزيد 

يزيد: انتي بتقفليني ليه ي هنا يحبيبتي متستهدي بالله كده وتعالي نقعد يومين منتخانقش

هنا : اممم افكر 

يزيد: هو أنا ممكن اطلب منك طلب

هنا بتردد: اي هو 

يزيد: عاوز اخدك ونخرج يوم .. يعني عاوز اعوضلك الرحله ال انتي متطلعتهاش واخدك انا اخرجك .. اي رأيك 

هنا بكسوف: ااي .. لااء ..بابا مش هيوافق .. وبعدين مش هينفع نخرج لوحدنا 

يزيد: انا هحاول اقنع عمي رؤوف.. وهنبقا ناخد عدي او يمني معاناا...

وكمل بنبره حنونه: انا مش هخطفك ي هنا .. هما ساعتين تلاته هننزل نتغدا ف اي مكان ونشرب حاجه وهنيجي 

هنا بتقطع: مش.. عارفه 

يزيد: ملكيش دعوه انتي.. سبيني انا اتصرف 

هنا بصوت هادي: طيب 

يزيد بتنهيده: لو عاوزه تنامي ادخلي يلا عشان كليتك الصبح ... تصبحي على خير ي هنايا

هنا : وانت من اهل الخير 

يزيد : هنااا

هنا ب التفات: هه

يزيد: انا  بحبك 

هنا عينه بتتسع ب كسوف 

يزيد وهو داخل ل اوضته: شششش خليها ف سرك بقا اوعي تقولي لحد .. 

-------------

وبعد مرور عدة ايام وباقي ايام قليله علي شهر رمضان 

اثناء وجوده امل وهنا ف السوق بيشتروا خزين ل رمضان 

هنا بضيق: كفاايه ي مااامما مش قادره اشيل تاني كتفي هيتخلع

امل : خلاص فاضل البلح اخر حاجه اهوو 

هنا: طب انا هوقف توكتوك بسرعه مش هنعرف نروح بكل الشنط دي 

امل: طيب ماشي يلا علي م اوزن البلح 

ــــــــــ

وبعد ربع ساعه بتوصل هنا وامل للببيت .. هنا بتحس بارهاق شديد من زحمه السوق والدوشه 

هنا: اخرررر مره ف حياااتي اجي معاكي السوق ده تاني ابدااا

امل: ومااله 

يمني: هنا بنتك دي خرررعه اوي ي ماما عليا النعمه م اعرف يزيد ده خطبها علي اي 

هنا: متخلي لسانك جوا بوقك ي سوسه  .انتشييي مالك خطبني علي ايييي بيحبني يستي

يمني: علي اي برضوو .. 

هنا: ي اباااااي غيره مني وولعي 

امل: مش وقته منقارتكو دي .. ادخلي رصي الحاجه يلا يهنا 

رؤوف: انتو شارين السوق كله وانتو جايين 

امل:ده خزين الشهر كله ي رؤوف الواحد داخل شهر بركه وبعدين لازم هنعزم اهل يزيد مره واتنين لازم نعمل حاجه تشرف

رؤوف: يلا علي خير 

هنا : هو يزيد كلمك هيجي بالليل ي بابا

رؤوف: اها ان شاء الله هيجي هو والحجه زينب  

--------------

مساءا اثناء زياره يزيد 

زينب: كل سنه وانتو طيبين وانشاء الله ف رمضان الجاي نبقا احنا ال بنزور يزيد وهنا ف شقتهم يارب

امل : ياارب ي ام يزيد 

رؤوف: اي اخبار الشغل ي يزيد 

يزيد: الحمد لله يعم روؤف الشهر ده كله ضغط بسبب دخله رمضان ..بس الدنيا ماشيه تمام يعني 

رؤوف: ربنا يسهلك الحال يبني 

امل: انتو معزومين عندنا اول يوم رمضان انشاء الله ي ام يزيد

زينب: لا  انتو ال معزومين عندنا اول يوم 

امل: لا والله ابدا انتو ال هتيجوا انتو والجماعه دعاء ورضوي 

زينب: سيبها علي ربنا بس ي ام هنا 

امل: انشاء الله ... ربنا يعود الايام بخير يارب

-------------

يزيد: انتي كويسه ي هنا 

هنا: اهاا مالي

يزيد: كنتي ساكته كده واحنا بنتكلم لما كنا عندكو

هنا بضحك: مش مصدقه ان حصل تغيير ف حياتي اوي كده وماما بتعزم اهل خطيبي وكده 

يزيد: شوفتي .. لا وبكرا كمان احنا ال هنعزمهم ف شقتنا ان شاء الله 

هنا: ايوه ... وهتساعدني ف الاكل ولا هتسبني اعك  لوحدي انا مبعرفش اطبخ

يزيد: يباشا هنعك سواا ولا تزعل نفسك 

هنا بهدوء: انا مش مصدقه انك معايا ي يزيد انت غيرت حياتي ١٨٠ درجه 

يزيد: وانتي شقلبتي حياتي  ي هنت خلتيني يزيد ال بيحلم كل يوم وبيخطط ازاي يبقي مبسوط ف حياته بعد كنت عايش ف الدنيا كده من غير روح.... بقيتي روحي 

هنا: ربنا يخليك ليا 

يزيد : ويخليكي ليا ي هناياا

هنا بفرحه: اهاا صحيح ي يزيد بكره هنعلق الزيييينه بتاع الشاارع .. وانا اشتريت فانووس هركبه ف البلكوونه

يزيد: هتفضلي تفرحي ب اي حاجه كأنك حور ال عندها ٤ سنين برضو ... بس علي قلبي زي العسل برضو

----------------

تاني يوم واثناء تجمع اطفال الشارع لتركيب الزينه والجيران كل واحد واقف ف البلكونه وبيناول بعض الزينه من بلكونه ل بلكونه لتثبتها 

يزيد واقف بيثبت فرع وبيدي ل هنا فرع وبيخلصه تركيبه

يمني : الشارع كله بقااا ملييااان شكله تحفهه

هنا : فاضل الفانوس هجيبه اركبه

يزيد: استني ي هنا مش هتعرفي حتي لو وقفتي علي كرسي انتي قصيره 

هنا: استني بس انا هعرف هربطه ف العليقه دي 

يزيد : يبنتي استني هتقعي هاجي اركبه اناا 

هنا بمعافره ف محاوله تركييه :  لاا.ااء انا بحاول اهو

يمني: حاسبي ي هنا .. خلي يزيد الى يركبه 

هنا بعند : لاااء .. خلاص قربت اركبهه

بيلاحظ يزيد تحريك كرسي هنا بيحذرها بسرعهه لكن مبيحلقش يخلص جملته 

يزيد: حاسبي ي هن.......

 بتصرخ هنا  بقوه اول م الكرسي يتحرك ويمني تسيب هنا  وتجري ناحيه الاوضه

هنا بصويت: يبييزيييييد