يزيد: مش هتنامي هاه 

هنا بنوم : امم

يزيد: وانتي من اهله ي هنا 

صباحا بتصحي هنا بخمول شديد بتطلع تلفونها من تحت المخده بتشهق بخضه 

: ياااربي انا نمت ازاي... دي الساعه بقت ٩ 

امل بتعب: روحي ي هنا ودي عدي الحضانه انا مش قارده 

هنا بخضه: مالك ي ماما فيكي اي

امل:شويه صداع بس هيفرتك دماغي يبنتي

هنا: طب ارتاحي انا هودي عدي الحضانه واجيبلك حاجه م الصيدله وانا جايه 

امل: طب علي طول ي هنا احسن من ساعه م ابوكي مشي الصبح وانا الصداع مسك دماغي مش عارفه في اي 

هنا: مفيش حاجه يحبيبتي هو مسكن بس وهتبقي كويسه 

بتنزل هنا ف اتجاه مكان حضانه عدي وف طريقها بتلاقي مكالمه من يزيد 

يزيد: صباح الخير 

هنا: احمم صباح النور 

يزيد: ينفع ال انتي عملتي امبارح ده 

هنا: بجد نمت غصب عني استنيتك كتير علي م رجعت م الشغل بس مره واحده لقيت النوم بيغلبني 

يزيد: اممم وهو ده ال هفضل ارن عليك لحد م اصحيك شكلك بتكلي بعقلي حلاوه ي هنا 

هنا: والله ابدا.... انا صحيت لقيت ماما تعبانه ف اتشغلت معاها ش...

يزيد بمقاطعه: مالها .. الف سلامه عليها

هنا: كويسه شويه صداع بس .. انا نزلت اودي عدي الحضانه واجبلها مسكن 

يزيد: سلامتها ... لا دا انا اجي ازورها النهارده بقاا 

هنا: اممم ماشي.... هروح واكلمك

يزيد: خلي بالك من نفسك ي هنا 

هنا: حاضر.. وانت كمان خد بالك من نفسك 

في منزل محمد خال يزيد 

سلوي: انا لسا مش قادره انسي ال اختك عملتوا ي محمد بقا تفضل معشمه  البت ده كله وف الاخر تروح تخطبله .. ده ينفع

محمد بضيق: متضحكيش علي نفسك ي سلوي انتي كنتي عارفه ان يزيد هو ال مش عاوز نيره 

سلوي: ليه انشاء الله هي بنتي ناقصها اي ي محمد 

محمد: مش ناقصها حاجه بس هو كل شئ قسمه ونصيب ودورك مع بنتك انك تخليها تتخطي تعلقها الوهمي بيزيد .. متجبلهاش سيرته تاني ي سلوي الراجل بقا خاطب وقرب يتجوز.. خلي بنتك تنسي 

سلوي بتوعد: تنسي!! بعد كل ده وتنسي .. لاء ي محمد الخطوبه دي هتتفركش يعني هتتفركش  وهتشوف 

محمد بزعيق: انتي اتجننتي ي سلوي .. اي هتفركشيها بمزاجك يعني .. اعقلي كده ي سلوي وعقلي بنتك 

سلوي : بكرا تشوف انا هعمل اي

محمد : ورحمة ابويا يسلوي لو فكرتي تعملي حاجه م انتي قاعده فالبيت ده دقيقه واحده ... فاهمه 

دي العيشه معاكي تقصر العمر 

عصرا في منزل هنا

هنا: بقيتي احسن صح ي ماما 

امل:الحمد لله دا .. بس شكلي داخل عليا دور برد تقيل

هنا بنغاشه: اتحسدتي ولا اي ي امووول 

امل: علي ااي 

هنا: دا انتي زي القمر ي امووله ... اها صحيح يزيد قالي انه هيجي بالليل يزورك

امل: والحجه زينب معاه

هنا: لاء طنط زينب ف الشغل 

امل: ربنا يقويها .. بس ابقي لمحيله ي هنا يجي وقت م بابا يكون موجود.. دا لسا خطيبك يبنتي ومش عاوزين حد يتكلم علينا 

هنا: حاضر ي ماما ... وبعدين الشارع كله عارف يزيد وأخلاقه 

امل: معلش يحبيبتي لما نكتب كتابكو يجي ف اي وقت يعجبه اهو هيبقي جوزك .. دي الأصول يبنتي 

هنا بخجل: حاضر ي ماما 

يمني بتدخل: يارب ي هنا اشوفك متجوزه بكرا يااارب

هنا: هيييح عاوزه تفرحي بيا ي يويو 

يمني باستنكار: افرح بيكي ايي انا عاوزه اخد الاوضه لياا لوحدييي

هنا : اسفوخس عليكي 

امل: قومي ي هنا يلا شوفي الاكل علي م يمني تجيب عدي  من الكُتاب

هنا: حاضر ي امول .. انت تأمر بس 

بعد شويه بتاخد هنا موبيلها وتقرر تطلع ع الروف شويه وتتكلم مع صحبتها سهيله 

سهيله: العرووسه

هنا: لا لا قلبي قلبي غضبان عليكي 

سهيله: ليه بس كده ي هنونه... طب وحياة ربنا غصب عني .... كان نفسي اكون معاكي ف يوم زي ده بس انتي عارفه مكنش ينفع اجي لوحدي

هنا: كان كريم اخوكي يجيبك يسهيله ساعتين حتي .. انا كنت لوحدي ي سهيله محدش من صحابي جه نهائي 

سهيله: حقك عليا يهنون والله ف الفرح ل اجيليك قبلها ب اسابيع 

هنا: ياااه بجد طب اجهزي بقا من دلوقتي عشان أنا خلاص هتجوز اهوو

سهيله: بتهززري اكييد

هنا: يزيد عاوز الفرح بعد كام شهر..بس لسا انا بحاول اقنعه انه لسا بدري 

سهيله: اوعااا المستعجل ع الجوااز هتتجوزي قبلي يهنوونه

هنا: يستي اتنيلي .. انا مش عاوزه اتجووز... انا ركبي بتخبط ف بعض وهو واقف قدامي يسهيله هتجووووز ازااي

سهيله: يبنتي بكرا تتعودي عليه وبعدين الجواز علي طول كده احسن .. ميبقي في خناقاات الخطوبه وحوارات الجهااز وكل ده كده احسن صدقيني 

هنا: ربنا يسهل يسهيله ادعيلي 

سهيله : ربنا يكملك علي خير ويفرحك ياارب ي هنوون 

في شغل يزيد واثناء مكالمته مع عميل 

العميل: محتاج ٢٠٠ قطعه ان شاء الله هتقدر تنفذ يبشمهندس 

يزيد: قول يرب بس... انت محتاجهم بعد اد اي

العميل: يومين بالظبط

يزيد: كده هيبقي ضغط كبيره جدا ي استاذ محمود

محمود(العميل): و انت قدها ي يزيد والمبلغ ال انت عاوزه بس اهم حاجه شغل نضيف 

يزيد: اكيد يعم محمود هو اول تعامل

محمود: لا ي اداره عشان كدا طالبك انت بالاسم ولو الدنيا تمام هيبقي في عدد اكبر انشاء الله 

يزيد: ربك يسهل بإذن الله ... 

مساءا الساعه ١٠ .. بتقلق هنا علي يزيد بسبب عدم  اتصاله طول اليوم 

هنا: اي يا  يزيد انت فين 

يزيد: ف الشغل يحبيبتي لسا

 سلميلي علي طنط امل وقوللها كنت عاوز اجي اطمن عليها بس عندي شغل كتير لسا مش هقدر اجي دلوقتي 

هنا: هي بقت احسن كتير 

طب هتيجي امتي الساعه بقت ١٠ ي يزيد 

يزيد: عندي طلبيه هتتسلم بعد يومين ي هنا ادعيلي اكملها علي خير 

هنا: ربنا يقويك يارب... طب اكلت 

يزيد : اممم يعني 

هنا: يبقي مكلتش ي يزيد 

يزيد: بتشغل والله ي هنا م بلحق 

هنا: طب كل اي حاجه سريعه ي يزيد ... ي اما ابعتلك اكل

يزيد: لو انتي ال هتيجي وتجيبيه انا موافق 

هنا بكسوف: لا هبعتلك يمني 

يزيد: خلاص مش جعان 

هنا: ي يزيد بقا 

يزيد: حاضر ي هنايا هروح اجيب اكل اهو .. اهم حاجه مضيقيش نفسك انتي بس.. 

وكمل بضحك: احنا عاوزين ننول الرضا

هنا ب ابتسامه: علي طول بتعرف تغير الموضوع 

يزيد:بعرف اثبتك انا صح 

هنا ب احراج : لما تخلص شغل طمني ي يزيد أنا هفضل صاحيه 

يزيد: ولو اني اشك ف هفضل صاحيه دي بس حاضر

يارب بس مجيش ارد عليكي الاقيكي بتقوليلي

مقلد صوته هنا وهي نايمه: الوو مين!!   ااه نايمه... تصبح علي خير

هنا بصدمه : اناا بتكلم كده ي يزيد 

يزيد بضحك: بهزر معاكي ي هنايا 

هنا : اممم طيب سماح المره دي .. يلا بقا روح كل وكمل شغلك وابقي طمني لما تروح ... متتأخرش ي يزيد 

يزيد: حاضر ي قل.... احمممم ياا ..يااا انسه هنا 

بتقفل هنا مع يزيد وملامحها شارده بابتسامه هاديه ولاول مره من فتره طويله حاسه بقلبها مرتاح وجواها احساس بالرضا والاطمئنان تجاه يزيد .. بتشكر ربها ان في حياتها يزيد بالرغم علاقتهم ال لسا ف الاول لكن قلبها مطمن وسعيد معاه 

يزيد بيتنهد بحب وملامح هاديه واخيرا بيعيش احلي ايام حياته مع شريكه حياته ال اختارها بقلبه بيدعي ربه يجمعهم علي خير ويبقوا اسعد شخصين علي وجه الارض ..

بيقطع شرود هنا صوت يمني 

يمني: اي يست ام كلثوم السرحانه

هنا: هو انتي يبنتي لسانك متبري منك 

يمني: الله انا قووولت حاجه طااه .. متقومي ي هنون تعملي كوبايتين نسكافيه لزوم السهره 

هنا : لاء لما يزيد يجي

يمني بتعجب: يزيد!! هو يزيد هيجي دلوقتي!!!

هنا ب انتباه : اا لاء مقصدش اقصد بكرا لما يجي .. وبعدين سهره اي يبت هو انتي مش عندك بكرا دروس

يمني: يعني بريك بقا ي هنون وكده ..

هنا: قومي ي يمني نامي انا مش فقيالك 

يمني: اااهااا طبعاا فايقه للاستاذ يزيد وأقوم اعمل نسكافيه ل يزيد خطيبي ... انما احنا .. احنا ملناااش لازمه.

هنا ببرود : عندك حق ملكيش لازمه تصبحي علي خير بقا 

يمني ببرطمه وهي بتنام : يارب تنامي تصحي مسخوطه كولدير مايه ي هنا 

بعد ٤ ساعات بيوصل يزيد للبيت بارهاق شديد 

هنا بتغفل شويه وتصحي شويه تلاقي لسا مفيش اي رد منه وفجأه بتصحي هنا علي صوت رنه تلفونها

يزيد: انا روحت ي هنون 

هنا بصوت محاول الافاقه: حمدلله ع السلامه .. زمانك تعبان اوي  ي يزيد 

يزيد: اوي اوي... بس معلش بنسعي عشان ربنا يكرمنا ويرزقنا ي هنايا 

هنا: ربنا يكرمك ويوفقك يارب وتتحقق ال بتتمناه  

يزيد: وزودي عليها ونتجوز .

هنا: بضحك :حاضر يسيدي 

يزيد: هسيبك تنامي بقا ولو اني لو عليا عاوز افضل معاكي بس هعمل اي بقا

هنا: تصبح علي خير ..

يزيد: بس

هنا: بس اي 

يزيد: تصبح على خير بس

هنا بعدم فهم: اومال بتتقال اي 

يزيد: يعني معاها اي اضافات كده ... تصبح على خير ي حبيبي .. تصبح على خير يروحي... تصبح على خير ي قلبي .... يعني 

هنا : يززيد .. احنا قولنا ااي

يزيد مقلدا صوت هنا بحزم: بعد كتب الكتاب... تمااام يفندم

هنا: شطوور . تصبح علي خير بقا.. ومتقلقش انا هرن اصحيك بكرا 

يزيد: وانا هستني 

بعد مرور أيام، علاقتهم بدأت تتعمق أكثر، وبدأوا يفهموا بعض بشكل أفضل. كل واحد فيهم كان بيكتشف حاجات جديدة عن التاني، وفي نفس الوقت كانوا بيحسوا  بالراحة والأمان مع بعض. يزيد بقى يهتم بكل تفاصيل يوم هنا، وهنا كمان بدأت تلاحظ اهتمامه وتقديره ليها وحبه ليها ال ظاهر ف عنيه 

وطبعا بعض من الخناقات والمشاكسات بين الطرفين ال بتخلي علاقتهم اقوي و فكاهيه بعض الشئ

وبعد دخول فصل دراسي جديد ل هنا ف الكليه 

هنا: عشان خاطري يزيد واافق عشاااان خااطري 

يزيد: لاء ي هنا انا قولت لاء يعني لاء

هنا: ي يزيد بقولك عشان خاطري هو انا مليش خاطر عندك

يزيد: لا ليكي ي حبيبتي بس انا مش هينفع اوافق ي هنا مينفعش تتطلعي رحله زي لوحدك 

هنا: انا مش لوحدي ي يزيد انا معايا ناس كتير زمايلي من الكليه وكمان هاخد يمني معايا 

يزيد : برضو لاء 

هنا: يووووه دا أنا مصدقت بابا وافق وقالي لو يزيد وافق  روحي

يزيد: مهو بيقولك كده عشان عارف اني مش موافق

هنا: انت مبتحبنيش ي يزيد 

يزيد: بطلي كلام ينرفز ي هنا .. قولتلك لما نتجوز هنتطلع بدل الرحله عشره مش بس الفيوم لاء هوديكي كل الاماكن ال نفسك تروحيها

هنا : بجددد

يزيد : بجد بس شدي حيلك انتي بس كده واقنعي عم روؤف معايا بقا 

هنا: لاء مليش دعوه اقنعه انت بقا

يزيد: يعني انتي موافقه 

هنا: لو هتوديني الفيوم و الاقصر واسوان موافقه نتجوز بكرا

يزيد: ي بتاعه مصلحتك ... اقفلي ي هنا انا غلطان اني بتكلم معاكي اصلا... واقولك مش طالعين ف حته وهنتجوز برضوو .. 

  وبيقفل يزيد ف وشها

هنا بغيظ :  يزييييبد

طب مااشي ماشي ي يزيد  والله ل انكد عليك

شكلنا دخلناا ف الغميق ولا اي 😂😂😂😂😂🤌🤌🤌