الفصل الاول 

احنا لسه ف الماضي الوقت الحال دهب عندها 25..

روحنا البلد وبابا اشتري بيت وسط عمامي وكانت بلد ارياف مفيهاش حياه مفيهاش فهد والبيت 

بتاعهم فوق سطحهم قبل المغرب وهو واقف 

ع الغيه وبيطير الحمام بتاعه ويفضل يصفر

ليه عشان يرجع 

مفيش ف صحابي مفيش الشارع الي كبرت فيه مفيش مدرستي وبرضو مفيش فهدي 

كنت بموت حتي حزني مش عارفه احزنه بسبب ماما الي كانت واقفه لي وتفضل تقطم فيه بكلامها 

روحي راحت مني وخسيت ووشي اطفي وبان الزعل ع ملامحي وكل يوم اصحي ع كبوس 

فراق حبيبي ودموعه ف عنيه كنت بعاني 

من غيره ومن غير صوته ولا عيونه شمسي

الخاصه ومحدش حاسس بيا غير اختي 

دنيا لانها كانت عارفه الي بينا ..

ف يوم بنات عمي كانو عندنا وكنا قعدين ف سهرة بنات ريقه وحده منهم 

سعاد : قوليلي ي دهب مالك حزينه ليه وديما سرحانه فضفضي يمكن ترتاحي 

دهب : ابدا انا بس لسه متعودتش ع المكان وصحابي وحشوني 

سعاد : ان عارفه الي انتي فيه ده اكتر من كده بس هسيبك براحتك لحد ما تحكي بنفسك 

اهل بابا كلهم كانو بيحبوني وكلهم بيمدحو ف جمالي واخلاقي وشطرتي ف المدرسه وشغل 

البيت كان عندي ابن عمي الكبير يقول 

انا عندي اختين ودهب التالته كان بيعشقني زي عنيه وده خله الحقد ف قلوب بنات عمي يزيد من نحيتي ...

وانا ف قعدت سراحه حكيت لهم ع فهد وقعدت اعيط فيه الي حس بيا وخدني ف حضنه 

وكان فعلا بيحبني وف الي الغيره 

كانت عميه ..

سعاد ف مره جت عندنا وقلتلي تعالي اقعدي معايه شوية انا روحت لاني كنت مخنوقه اوي اليوم ده 

ولقتها بتمد لي فونها  انا استغربت سعاد : خدي كلمي سي فهد الي عامل فيكي ده كله 

انا خطفت الفون من ايدها بلهف بعد ما ماما كانت منعه اي حد من اخواتي يدين تلفوناتهم 

ورنيت ع رقمه الي حفظاه عن ظهر قلب وسمعته سمعت صوته اخيرا بس كان مطفي 

فهد ببرود: الو 

دهب بكت : فهدد فهدد 

فهد بلهفه : دهبي انت صح عشان خطري بلاش دموع وطمنيني عليكي ي دهب وحشتيني 

دهب بدموع: وانت وحشني اكتر بكتيير ي فهدد اااه مش عارفه اعيش من غيرك صدقني انا 

بموووت ي فهدي 

فهد بغصه : بعد الشر عنك ي حبيبي انا مش نسيكيي دهب ومش هسيبك عمري كله 

هستناكي ترجعي وهعمل المستحيل 

عشان اوصلك صدقيني 

دهب ابتسمت : وانا وانا ي حبيبي هفضل مستنياك لاخر نفس جوايه انا بعشق التراب الي بتدوس 

عليه ي فهد انا بعشقكك 

فهد بضحكه : رووحي ردت لي ي دودو بحبك ي دهبي بحبك اوووي 

دهب : خالي بالك من نفسك عشان خطري لو بتحبني 

فهد : وانتي كمان ي دهب وبلاش بكي كتير قلبي 

بيوجعني كل ما تبكي ..يلا لا اله الا الله

دهب : محمد رسول الله مع السلامه ..

ولسه بحط ايدي ع قلبي براحه لقيت ابن عمي الكبير واقف قدامي وبيقولي خلصتي وصلت 

الشر*** ولا لسه انا اتفزعت روحي ساخت 

مني مش عايزه يفهمني غلط انا بعزه 

زي اخويه وابويه ...

بصيت ع بنت عمي لقتها بتبصلي بشماته وعرفت انها وقعتني ف الغلط وطلعتني وحشه ..

ابن عمي جرني من شعري وعده بيا ع بتنا كانت سطوحنا مفتوحه ع بعض احنا وبيوت عمامي 

ونزل بيا ع الشقه وامي وقفت وسالته ف ايه حكلها 

الي حصل وعرفت اني رجعت كلمته تاني لا والاكتر 

اهل ابويه سرتي هتبقا ع لسانهم 

كريمه ببرود : كسر وانا هجبس 

عايزه اقولكم خدت علقه اليوم ده موتني كسرني تكسير الدم بقا بيطلع من كل حته ف وشي قصلي 

شعري الي فهد خلاني احافظ عليه ودراه من عيون 

الكل دمرني وانا بشوف خصلي بتقع قدامي 

وكانت اخر صوابع لمساهم صوابع فهد 

فضلت 15 يوم مش بقوم من ع السرير بسبب الي عملو فيا وخيبت امله فيا الي ردهالي بعنف وغباء 

وقسوة كل ده عشان حبيت وقلبي دق الطعنه الي بتيجي من القريب اسوء بكتير من الغريب 

قعدت من المدرسه وتحبست ف البيت وبعدها بشهر جالي عريس واهلي وفقو عليه واحد عنده 

37 سنه شكلو وحش او انا شيفاه وحش عشان 

عيون مش بتشوف غير فهد ..

وانا كنت رفضه رفض قاطع برغم محولات اخواتي 

الي قلولي اهربي من عيشتك مع ابن عمك الي مش هيسيبك ف حالك ولا امك الي هتهنيكي ف عشتك 

وانا برضو ولا اقتنعت نار اهلي ولا جنة واحد غير فهد ...

جيه ايني عمي وقالي برضاكي غصب عنك هتوافقي عليه مش بمزاجك ولما اعترضت 

مد ايده عليا تاني وبرضو مكنش فيه فايده 

لقيته رن ع رقم بيقوله جهز نفسك ف واحد عايزين نروح نجيبه متكتف هنا ..

وقرب مني وقالي مش ده برضو رقم حبيب القلب فهد رياض الصعيدي والعنوان ميتوهش نفس شارعكم هنزل اخطفو ليكي خالص وريحك منه 

ونرميه هنا ف اي ترعه ولا من شاف ولا من دري 

انا كنت صغيره قدر يلعب بعصابي وخوفني ع نقطة ضعفي خوفت غصب عني عليه ووفقت ع العريس 

جيه العريس وجاب اهله وكتب عليا وكان فرحي بعد شهرين ...

العريس جبلي فون تاتش هديه وانا كنت حتي مش طايقه ابص ف وشه غصب عني 

ابن عمي خد الفون نزل عليه برنامج تسجيل مكالمات وحط عليه رمز بحيث معرفش افتحه 

ولا امسح التسجيلات وقالي كل يومين هيجي 

يشوف تسجيلات ولو لقا رقم فهد اعتبريه 

نهيتك ..

بعد شهر رن عليا رقم غريب انا رديت لقيتها الصفرا فكرنها صحبتي من ابتدائي 

هدير : الو دهب ازيك عامله ايه انا هدير ي بت 

دهب : ااه ازيك عمله ايه ي دودو وحشاني 

جبتي رقمي من فين صح ..

هدير : اخدته من خالتك بالعافيه مكنتش راضيه تديه لبوسي مش عارفه ليه المهم 

دهب انا قلبي قبضني : ايه المهم 

هدير : فهد عايز يطمن عليكي وخايف يرن عليكي من رقمه قليلي اديلو الرقم ولا لا وبيقولك لو قعد 

مية سنه برضو هتكوني ليه وهيتجوزك 

دهب بوجع : فهد ايه بقا مخلاااص انا دلوقتي يعتبر متجوزه فهد ده طفل بالنسباله انا يوم 

ما اتجوز اتجوز راجل مالو هدومه معاه 

شئ وشويات مش حلاق  ..يلا فكك 

بقا ده كان لعب عيال المهم فرحي 

بعد شهر هسيبك انا دلوقتي 

امي عايزاني....

وقفلت الي معرفوش انها كانت بتسجلي الصفره ..

وانها سمعت فهد الكلام ده مش مهم شكلي هيبقا ايه قدامه ولا المهم هيفهم ايه من نحيتي المهم 

ان الكلام ده هيدمره انا عارفه فهد وكرهته كره 

العمي لم عرفت انها سبب من الاسباب الي وصل 

فهد لكده ...

فهد **

كلمتني وطمنت عليها وحسيت ان روحي هديت شويه لما سمعت صوتها وفجأة اختفت تاني 

عرفت انها اتخطبت من خالتها الي لسه ف المنطقه قولت اكيد كدب او مغصوبه حطيت لها الف عذر 

وسبب لكن اسمع بودني التسجيل الي سجلته 

صحبتها ده كان خنجر تلم ودب بكل غشوميه 

ف قلبي ...

********