: بص ي فارس الموضوع ده مينفعش نتكلم فيه  دي متجوزة بعيد عن انه جوزها واطي وابن كلب ومتخلف بس متجوزة هنخدها من جوزها عشان نجوزها اخوك يعني 

انا حسه بيك وفهمه انك عايز تساعد سيف 

الي حالتو تقهر ده بس مينفعش ي فارس 

: تمام ي ندي اقفلي ع الي عندك بقا واعتبري نفسك معرفتيش حاجه 

: فارس انت زعلت 

: انا مقهوور مش زعلان بس 

: انتي مشوفتيش منظرو وهو بيسلم ع جوزها عشان خطرها ولا منظرو بعد ما دخل وقفل الباب والقهر 

والكسرة باينه عليه الدخان والمايه الي بيشربهم 

عشان ينسا ومش هيقدر ..

: منك لله ي فارس وجعت قلبي 😢 طب وبعدين طيب 

يعني يوم ما دموع تلاقي الي يحبها يكون متحرم عليها 

قهرتني بجد وسيف عامل ايه دلوقتي 

: مش كويس ي ندي 

: يربي ع القهر 🤦

وفجاءة فارس سمع صوت وكأن وحده بتتوجع لا مش بتتوجع دي بتت... : خخخخخخ ي دين امي والله كنت حاااسس ووقف يجري شغل مكبر الصوت الي ف الصاله 

ع اخر درجه 

سيف الي ف البلكونه سمعو وبتسم بسخرية وعرف فارس شغلو ليه بسبب نفس الحاجه الي قعدتو ف البلكونه ...وخد نفس من سجارته 

: معاكي 

: انت روحت فين وسبتني اكلم نفسي 

: معلشي حصلت حاجه كده ولحقتها 

: حاجة ايه 

: بطلي فضول ي طنط عيب انتي كبيرة 

: وحياة طنط 

: وحياتك 

ندي اتكسفت 

: ايوة بس برضو مقلتيش هنعمل ايه 

: سبها للايام هي كفيله بكل شئ وربنا يصبر سيف وانت خليك جمبو الفترة الي جايه عشان صعبه اوي 

دموع قلتلي ان حسين زفت جاي معانا 

بكراا 

: احا كماان 

: احترم نفسك يلاااه 

: ماهي حاجه تقرف الصراحه وبعدين ايه يلاه دي يا بت انتي هتخيبي ولا ايه 

: مين معايه ؟! 

: جوزك 😉

: 😂 طب ماشي ي جوزي يلا هروح انام 

: ماشي ي بطتي تصبحي ع خير 

: وانت من اهل الخير ي فارس ♥️

فارس قفل الفون وهو بيعض ع شفته ومرجع راسه لوراه بفرحة وملامحه اتعكننت لما افتكر حال سيف 

ندي قفلت معاه وهي مبتسمه ومسكه الفون مقرباه علي صدرها وفاقت لنفسها ورمت الفون ونامت ع جمبها 

سيف لسه بيجلد ذاته وقلبه الي حب وحده مش ليه 

دموع كانت غطسه ف العسل مع ابن بتعه بتاعت الجاز 

المغشوش ...او غطسه زي ما وهمت نفسها 

ياسمين كانت بترن ع تميم كالمعتاد مش بيرد عليها ..

تاني يوم الصبح اتجهزو ابطالنا وكل واحد اخد شنطتو ومستلزماته الشخصية وطلع ع مكان الانطلاق وطبعا 

كان فيه موديلز ومصورين الاعلان 

فارس طلع ف العربية مع سيف.. ندي ودموع ركبو مع ياسمين وتميم وحسين الي نط ف الليلة ووراهم عربيتين تاني وسيف قدمهم ماشي بسرعة 

الصروخ ...

وصلوا شرم ونزلوا الكمب الي هيعملو فيه الاعلان ونزلو يشوفو الديكورات وتفقو هيبدئو ازاي وهيعملوا ايه 

وامته وبعد كده اتعشوا وكل واحد طلع الغرفه بتاعته 

عشان يستريحو من السفر ...

سيف دخل الغرفة بتاعته وخد شور وطلع نام ع السرير بالفوطه كالمعتاد ..عشان منمش الليله الي فاتت

حسين دخل مع دموع واول ما دخلو حضنها وقرب عشان ياخد شفيفها وعنيه ف عنيها اتوترت وفتكرت 

صور الحلم الي جمعها بسيف بعد ما اقنعت نفسها 

انه حلم وده حصل معاها امبارح ومقدرتش تبوس حسين الي مكنش مهتم غير بجسمها ومفرقش كتير باسها او لا ولما غمضت عنيها 

عشان تهرب من الذكرة دي مشفتش قدامها غير 

سيف جسمها كان مع حسين بس عقلها مع سيف 

ودي اكبر مشكله ممكن تقابل وحدة ست احترسو 

لان ده يعتبر غلط كبير انك تكوني مع زوجك 

وتتخيلي حد تاني او بتفكري ف حد تاني اثناء علاقتك مع زوجك ده  بيكون زنا خالي بالك

بدل ما ترتكبي كبيرة عقوبتها عظيمه 

عشان شوية تخيلات تراضي بيها 

قلبك او شهوتك او اين كان  ..يلا نرجع 

دموع بعدت عن حسين وهي متوترة وحسين رما نفسه ع السرير وتعدل مره وحده ع كوعه : ااايه ي بت ي دموع النضافه دي ايه الناس دي حقك والله تتبتي ف شغلك اكل وهدوم وعز ومنجها وأماكن نضيفه 

وحريم جااامده 

دموع بصتله بقرف : طب ناام ناام ي حسين الله يصلح حالك 

حسين نام تاني : تعالي خلعيني الكتش مش قادر كلت لما اتخمت 

دموع : ااه انت هتقولي شوفت بعيني محدش قالي وبعدين انت مش هتاخد دش

حسين : تؤ مش قادر 

دموع راحت خلعته الشوز والشراب مسكته بطرطيف صوابعها ورمته ف البسكت بسبب ريحته الي تخنق : طب قوم حتي اتشطف وغسل رجليك دي 

حسين بسخريه  : ايه مش عجبك دلوقتي 

دموع بحنق  : هو انا كل ما اكلمك هتقولي مش عجبك ي حسين هو في ايه 

حسين : مفيش يختي وبعدين ما انا من صبحيت ربنا لابس الزفت بسببك اكيد هيبقا ف ريحه 

دموع : مش مبرر ع فكرة مانا جيبالك بودرة بس انت الي بتكسل 

حسين : طفي النور ف ايدك ي دودو 

دموع طفت النور بزهق وخدت اللاب توب  وهي مخنوقة مش عارفه ايه السبب وحسها انها مشتاقة 

لريحه معينه ريحة دخان مع نعناع برفان داركي 

رجولي هزت دماغها بعنف وفتحت البلاكونه 

وقعدت تخلص الشغل الي اتفقو عليه ..

فارس طلع غرفتو ورن ع ندي الي كانت لسه وخده شور وقعده ع السرير ..ندي ردت 

: ايوة ي فارس 

فارس : عمله ايه ي قمري 

: كويسة وانت

: فل ي قلبي ..طب ايه 

: ايه 

: تعالي نتمشي شوية ع البحر 

: تؤ 

: انجزي ي ندي 

: لا ي كوكو عيب 

: كوكو وعيب طب تصبح ع خير ي طنط

وقفل معاها بنرفزه وندي قعدت تضحك وهي ف بالها ده الي لازم يحصل عشان العلاقة دي مينفعش تكمل ..

وحست انها زعلانه عشان ملحش عليها اكتر 

بس نفضت دماغها ونامت ..

ياسمين حست انها خسرت تميم وكرمتها مش هتسمح لها ترن عليه تاني ولا تبعتلو مسدچات وهتتجاهلو 

زي ما هو متجاهلها ولو كلمته يرد بكلمه او اتنين 

دموع قعدت تشتغل ع اللاب توب لحد 12 خلعت نضرتها ورجعت لوراه وهي بتاخد نفس عميق محمل بريحة البحر جو لذيذ خلاها بتتثأب زي القطه الصغننه 

وغمضة عنيها بنعس ونامت مكانها ع الفوتيه 

بعد ما ضمت رجليها لصدرها ..

تاني يوم قبل شروق الشمس كان سيف قام من النوم خد  

شور وطلع طلب قهوة وقام لبس بنطلونه ورش برفانه 

ع صدره ورقبته ولبس القميص وساب الازرار مفتوحه 

ووقف يسرح شعرو الاسود والروم سيرفس دخلت

بالقهوة والكروسون والذبدة والمربي وفطار خفيف 

البنت دخلت بالعربية وشافت سيف وشكله وصدرو العضلي وعضة ع شفتها بجرائه 

؛ صباح الخير ي فندم

: صباح النور مرسي ليكي تقدري تتفضلي 

: اوكي لو احتجت اي حاجه انا ف الخدمه 

وبصتله بنظرات جريئه صريحه وهي بتفصلو 

بعنيها 

سيف اومأ بتكلف والبنت خرجت ببطئ واغراء مأثرش فيه ولا ف قلبه الي متعلق بوحدة مش حسه بيه 

سيف قرب صب فنجان قهوة بدون سكر وطلع البلكونه 

ولتفت وخد اول رشفه وشنق ف القهوة وهو شيفها 

نايمه ف البلكونه الي جمبيه وشعرها بيطيرو الهوي 

وضمه نفسها وشفيفها مفتوحه بخفوت وخدودها 

ومنخرها حمره وباين عليها انها بردانه ..

سيف لعن حظو الي ديما موقعها ف طريقه ف كل حتي بقت تظهر لي زي الاشباح بقا فعلا بيصارع نفسه 

ومش قادر يقاومها بيهرب منها وتطلع له 

قدام عنيه كأن الدنيا والظروف كلها اتفقت 

تعذبة ..بس دي حركة مش ذكية من فارس

الي ظبط غرفهم جمب بعض 

سيف قرب من سياج بلكونته لحد ما بقا واقف ف

وشها : دموع ي دموووع ي بنتييي 

دموع محستش بيه سيف خد مخده ورماها عليها : دمووع ..

دموع المخده لطشت ف وشها قامت مفزوعه ..

سيف ابتسم : بس بس اهدي اهدي 

دموع برقة عنيها : سيف 

سيف : اممم للاسف 

دموع ابتسمت : صباح الخير 

سيف بخفوت : صباح القمر 

دموع حطت ايدها ع رقبتها بتوتر من منظر سيف وصدره العاري وبصة في الارض : اممم شكلي نمت هنا امبارح وانا بشتغل هتسسيي 

سيف وهو بيقفل ازرار القميص لما شاف خجلها : شوفيتم ي قطه ...انتي شكلك خدتي بارد لما نمتي هنا امبارح وبعدين انا مش قولتلك الصبح هنخلص 

باقي الديتلز مع بعض بتضغطي ع نفسك ليه 

دموع ربعة ايدها لصدرها : مش مهم بقا الي حصل 

سيف : استني اجبلك فنجان قهوة سخن تشربيه اوكي 

دموع اومأت بهدوء وسيف ركن فنجانه ع التربيزة ودخل صبلها فنجان قهوة بالبن وحط مكعبين سكر 

ودوبه وهو طالع خد شال بتاعه كان لبسه ف الطريق 

امبارح وهو سايق من الهوي والجو اصلا بقا خريفي 

وفيه برودة ..

سيف خرج البلكونه ومد فنجان القهوة : اتفضلي 

دموع اومأت وخدته ببتسامه : مرسي 

سيف : انا حطتلك معلقتين سكر شوفي كده عشان انا بشرب سادة زي مانتي عارفه 

دموع : اه انا اصلا بشربو كده تعبتك 

سيف : ولا تعب ولا حاجه خدي الشال ده 

دموع : مفيش داعي 

سيف : خدي بدل مانتي كشه ف نفسك كده لحد ما تشربي قهوتك وتدخلي 

دموع اومأت وخدته بكسوف ولفت نفسها بيه وغمضة عنيها ولقت نفسها بتقرب الشال من منخيرها وبتستنشق 

وكأنها هتموت ع الريحة دي حاجه تيها ولقتها حاجه 

بتكمل حلمها بتكمل الي ناقص جواها ومفتقداه 

ريحه بتداعب مشعرها وبتدب القشعريرة ف جسمها 

وفاقت ع نفسها بصدمه ده شاله دي ريحته ريحت سيف الي وقفه تشمها قدامه بدون خجل وفتحت عنيها بعنف وحمدت ربها لما لقت سيف مش مركز معاها وبيقلب ف الفون وبيشرب قهوته ...

قهوة ايه وفون ايه سيف جواه صراع دلوقتي لما شاف منظرها وهي بتشم ريحت شاله بالمتعه دي دمه سخن 

وقلبه بقا ينبض بعنف وهو عايز  يخدها من ايدها ويدفنها ف صدره جوه ضلوعه ...واول ما لفت ليه 

عمل نفسه بيقلب ف الفون ومش واخد باله 

نظراته ليها كانت هتكشف ضعفو ..

دموع شربة القهوة بتوتر وهي بتتنفس بالعافيه  ومدت ليه الفنجان : شكرا ي سيف عن اذنك 

ودخلت تجري ع جواه وفتكرت الشال وجت تلف عشان تديه ليه بس اترددت وطبقته وحطته ف شنطتها وطلعت 

غيار ودخلت تاخد شور عشان يبدئو شغل  فات خمس ايام عبارة عن شغل وبس من اول النهار 

لحد المغرب وتم تصوير الاعلان وجيه وقت الاحتفال 

وكان هيستمر يومين يوم حفله ع البحر ويوم هيخيمو ف الكامب  واليوم السابع هيرجعو للقاهرة ..

فارس كان بيحاول مع ندي يخرجو مع بعض وندي كانت بترفض... التجاهل بين ياسمين وتميم من الطرفين وكل واحد مداري وجعه وشتياقه ....دموع كل ما تغمض عنيها وهي مع حسين مش بتشوف غير سيف وده خلاها تتهرب منه اغلب الوقت غير طبعا نظرات سيف المتابعه دموع ف صمت ...

طلعو بعد العصر وصلو الكامب الي كان فيه حفلة شواء و

وقاعدات عربي وقهوة وخيم وناس بتغني وتعزف وهي قعده ع الارض بالبس البدوي وكان جو خيالي ...

نزل جروب الشركه وقعدو مع بعض ف مكان مخصص ليهم حولين النار وفارس سابهم وقام يرقص مع الاجانب 

وتميم وسيف بيتكلموا ودموع وياسمين قعدين جمب بعض وندي مش معاهم عنيها مع الوقح الي لما بيصدق يشوف شوية حريم وبقا يرقص ف حضن كل وحده شوية وندي قعده جواها نار و حسين جمب دموع وحاطت ايده ع كتفاها ..

وصلت عربية جيب فيها بنات مسكه قزايز خمره وصوت الاغاني والضحك عاالي ونزلت بيري عابد فكرنها الي ابوها ضم شركته مع سالم الالفي ووراها الشاله ..

الي دخلو يرقصو ع طول وفارس اتعرف عليها ولما عرف هي مين دعاها للسهر معاهم وراحت معاه هي وكام وحده من صحابها للمكان الي قعدين فيه ..

فارس قرب : جبتلكم الوجه الجديد لشركتنا 

: هاااي جاايز 

ياسمين ببتسامه : اهلا ي بيري 

: هاي ياسمين بتعملوا ايه هنا 

: كنا بنصور اعلان وبنحتفل بعد الشغل الي عملناه 

: طب ايه مش هتعرفينا ..وهي بتبص لسيف 

: اه طبعا ده سيف القاضي اخويا وطبعا انتي اتعرفتي ع فارس وده تميم اظن عرفاه ودي دموع مديرة الدعاية والاعلان ودي ندي وعرفتها ع الجروب كله ..ودي بقا ي جماعه بيري بنت عابد بيه شريكنا الي هينضمو لينا ف الشركه الاسبوع الجاي هي واخوها وابن عمها 

بيري قعدت جمب سيف : هاي سيف 

سيف ببرود : اهلا ي قمر 

وعنيه مش معاها مع دموع الي بتبتسم وحسين بيهمس ف ودنها والي يشوفهم يقول قمة الرومانسيه بس حسين اصلا كان بيتريق ع بيري ودموع بتحاول تكتم ضحكتها مش عارفه ....

بيري كانت بتحاول تفتح حوار مع سيف الي بيرد عليها ردود برده وشافت نظراته لدموع وأمأت بخبث وهي 

عايزة تجذبه ليه وحطته ف دماغها وف بالها مش بيري هانم الي تتعامل ببرود ..

بيري بحماس مزيف : ايه الملل يلا نعلب ايه رايكم ف جرأه وصراحه ..

كلهم وافق وحسين وقف : لا مع نفسكم انا رايح اشوف الخروف الحلو ده وهو بيتشوي ع النار 

دموع بصت له بصدمه بعد الاحراج ده وحسين طنشها ومشي لمكان الشوي ..

بيري فضت القزازه الي في ايدها ع جمب وبدأت تلفها جت ع ندي وتميم وندي هي الي هتسأل 

ندي ضحكت وتمتمت  : ده انت جيت ع حجري صراحه ولا جرأه ي تميم 

: صراحه

: انت بتحب ي تميم 

تميم بص لياسمين ورجع بص ع النار: اناا عاااشق مكوي بنار الحب ..

فارس بضحكه : سيدي ي سيدي  

ندي بصتله بقرف ولفة القزازة جت ع فارس وسيف 

فارس هيسأل : هههههعههعهعه حبيبي ي برو تختار ايه 

سيف بصله ببرود وهو عارف اسألت اخوه : جرأه ي روح امك 

فارس : ياااااه ده انت حبيبي اختار وحده بوسها من الي قعدين ..فارس فكرو هيبوس دموع عبيط فارس 

سيف بصله بخبث وقرب من ندي ومسك ايدها : Me permettrez-vous, mademoiselle ?

هل تسمحي لي انستي 

ندي بصتله بصدمه وبصت لدموع وهمست : يبختك بتسمعي من ده كتير  ..ورجعت بصت لسيف 

: بسرعه لو سمحت 

دموع وياسمين فطسو من الضحك وبيري نفخت بنرفزة وفارس قاعد عنيه بطق شرار وبيعض ع شفته ..

سيف ابتسم وباس طراطيف صوابعها برقه ضيقت دموع وخلتها بلعة ريقها وبصت بعيد وسيف عيونه عليها 

سيف رجع مكانه بعد ما غمز لفارس وفضلو سهرانين يلعبو ويهزرو وتعشوا مع بعض وحسين دخل نام ف خيمه من الخيم المنصوبة بعد ما طول السهرة خلي سيف عنيه بطق شرار لحد ما استأذن وقام يعمل تليفون ..

بيري خدت صحابها ورجعو الفندق عشان متقدرش تنام ف الخيم وتفقت تروح معاه رحلة الجزيرة ف نص البحر  بكرا ..

ندي قعدت تتكلم مع تميم ويدردشو لاول مره وكانت متجهله فارس بطريقه مستفزة ياسمين قعده جمبها بتلعب ف الفون بس مركزة مع كلامه وكان وحشها اوووي .. دموع لمة الجاكت بتاعها ع جسمها وراحت تتمشي لما زهقت من القاعده وهي بتفكر ف الي بيحصل وحصل وهيحصل 

..من ساعة ما دخل حياتي وشوفته لاول مرا وهي في حاجه غلط بتحصل معايه نظراته طرقته همسه كلامه 

مزاجه الرايق ضيقته وبروده انا مركزة مع كل ده ليه انا بقيت مشتته وخايفه انا بقيت مش طبيعيه ووقت ما حسين يرجع لاصله انا اتغير العيب ف مين يمكن مركزة معاه بسبب اهتمامه طب هو بيهتم بيا ليه اصلا يمكن عشان جيران طب مش بيعمل كده مع ندي ليه ..

وفتكرت لما خدت دور بارد وجبلها علاج المشريب السخنه الي كل شوية تنزل قدامها وهما شغلين 

كل ما تعطس ولا تكح يمد لها منديل جواكته 

الي بيخلعها عشانها وكأنه متاح لراحتها بس 

كل ده ليه وعشان ايه طب الاحلام والصور 

الي بتجيلي حتي وانا صاحيه دي سببها 

ايه ...انا بقيت خايفه خايفه اوووي 

دموع فاقت من شرودها لقت نفسها ف وسط الخلاه والصحرا فين المخيمات فين النار فين الناس كانت بتفكر لدرجة نسيت نفسها وهي ماشيه دموع قعدت مكانها بخوف وطلعت الموبيل بتاعه لقت مفهوش شبكه

حطت ايدها ع عنيها وغمضت بخوف .. ي تري ف حد هيحس بختافئ حد هيفتقدني ويقول دموع فين 

انا خايفه وف اصوات غريبه سمعاها اااه قلبي 

هيقف من الخوف حسين ..حسين مين ده 

في سابع نومه دلوقتي وندي ملهيه ف فارس 

وياسمين ملهيه ف همها وتميم طب وانا 

مييين هيلحقني ومجاش قدامها غير 

صورت سيف بطلها وقت ضعفها  

وحست ببعض الراحه وهي 

متيقنه ان سيف هيلحقها 

ده ملفتش نظرك لحاجه ي مغفله ..

سيف كان قاعد ف العربية لما شاف دموع بتتمشي بعيد عن الخيم لكن محبش يركز معاها عشان مكنش طايقها 

كل ما يفتكر نظرات حسين وهمسه ولمسه ليها كل شوية يكره نفسه. ويلعن قلبه ..

بعد ساعه رجع مكان ما هما قعدين شرب له كاسين روقو اعصابه وقعد جمب تميم تاني : ااحم امال فين دموع 

ندي وياسمين بصو لبعض وكل وحده رفعت كتفاها بجهل : منعرفش

سيف اتعدل : قومي ي ندي شوفيها ف خيمتها كده 

ندي وقفت وفتحت الخيمه لقت حسين بس الي نايم فيها رجعت لهم : مش موجودة ..

سيف وقف : دي بقالها ساعه وشوية ومحدش فيكم حس بيها 

ندي بخوف : هي راحت فين طيب 

: انا شوفتها بتتمشي لكن مركزتش روحي دوري عليها ف الكامب وانا هدور حوليه ..

تميم وفارس وقفو : جيين معاك 

: خليكم حولين الكامب عشان لو رجعت 

سيف مشي ف الاتجاه الي شافها فيه وفارس من نحية وتميم معاه ..

سيف فتح الكشاف عشان يشوف اثر رجليها ف الرمل ويمشي وراه وفعلا قدر يوصل لاثر بسيط وفضل وراه 

وهو دماغه بتودي وتجيب وكل الافكار السلبيه ركبت دماغه وهو ع تكه وهيتجنن عليها من الخوف ..

دموع كل ده كانت قعده مكانها وضمه ايديها ع ركبها ودفنه راسها ما بينهم وجسمها بيترعش من الخوف والبارد وهي مش بتردد ... تعالي ي سيف عشان خطري انا مستنياك انا خاايفه اوي ..ودخلت ف حاله هستيريه

سيف حس بحاجه بتعصر قلبه وسرع ف خطواته لحد ما شافها من بعيد متكورة حولين نفسها واحد غيرة كان جري من الخوف ومنظرها المرعب وسط الصحرا 

بس سيف عرفها عارف دموعه بيمزها من بعد بسبب ريحتها الي ادمنها قرب منها وهو بيمد ..

دموع سمعت صوت حركه بتقرب منها وبقت تصوت وخايفه ترفع راسها ..

سيف سماعها وحول يطمنها : بس ي بابا اهدي انا معااكي انا جمبك ي دمووعي اهدي ده انا 

دموع سمعته ورفعة عنيها براحه وشفته بيمد ايدو ليها وهو منور كشاف الفون وعنيه الي بتلمع بالخوف طمنتها .. مدت ايدها ليه وهي مطمنه اخيرا مخيبش ظنها ..دموع وقفت ورمت نفسها ف حضنه او هو شدها ليه المهم ان الاتنين اتمعشقو ف بعض وكل واحد جواه 

مشاعر بتخبط ف كيانه بعنف ..

دموع انهارت جوه حضنه وكل الخوف اللي حست بيه الساعه اللي عدت وبكل القلق وكل الرعب اللي عشته بقى يطلع على شكل شهقات وهي بتضموا ليها بكل قوتها وبتلف ايديها حوالين رقبته رقبيت منقذها اللي دايما معاها وحواليها ويقينها ان هو اللي هيلحقها طلع صح بقت تشهق وتعيط زي الاطفال الصغيرين وهي بتردد : سيف سيف كنت متاكده انك هتلحقني

سيف ضمها ليه بكل قوته ونسي نفسه ونسي الدنيا ونسي العالم نسي ان دي واحده متجوزه ما افتكرش غير ان دي حبيبته اللي كانت ممكن تضيع منه في اي لحظه و متعلقه في رقبته بتستنجد بيه عشان يطمنها حبيبته مرعوبه ودموعها نازله بتكوي قلبه بقى مش عايز يعمل اي حاجه غير ان هو يطمنها : بس يا حبيبي بس يا بابا انا معاكي ما تخافيش انا مش هسيبك يا دموع انا جنبك بس اهدي اهدي عشان خاطري دموعك بتقتلني 

دموع سكتت مره وحده وجسمها تقل بين ايديه وعرف انها اغمي عليها سيف نزل ع ركبة ونص ةخدها ف حضنه وهو بيخبط ع وشها بقلق.. 

: دمووعي فووقي 

سيف بصلها بحزن ودفن وشه ف رقبتها وهو بيضمها ليه ودمعه شرده نزلت من عينه ع حالها وحاله 

: اعمل ايه طيب مش قادر اعمل حاجه متكتف بسببك ولا عارف اقرب ولا انا قادر ابعد عذبتيني بحبك 

رفع راسه وبص لها بكسرة ولعق شفيفه وباس دماغها وهو بيشم ريحت شعرها بشتياق وهوس باس عيونها 

منخيرها وخدودها : Je veux profaner le caractère sacré de tes lèvres chaque fois que je désire t'embrasser après avoir goûté ton miel interdit.

(اريد ان استبيح حرمة شفاتيكي كل ما اشتهيت تقبيلك بعد ان تذوقت شهدك المحرم  )

وغمض عنيه وبكل رقة العالم حط شفيفه ع شفايفها وهو بيردد ...سامحيني وبقا يبوسها بوسات رقيقه 

وهو حاسس بملمس شفايفها الطرية تحت شفايفه 

ومحبش انه يتمدي اكتر من كده ولا يخدهم من غير رضاها تكفيه قبله رقيقه تراضي اشتياقه 

وراح وقف وهو شيلها بين ايديه وهو بيضمها لصدره لحد ما وصل بيها الكامب وشاف تميم وفارس ريحين جين بقلق واول ما لمحوه جريوا عليه 

: ايه يا سيف مالها دموع

: استر ي رب خير خير 

ودخل بيها المخيم وحطها ف خيمة ندي وياسمين الي شفوها ودموعهم نزلت بخوف ..

: مالهاا بالله عليك طمني حصلها ايه

: متخفيش اغمي عليها من الخوف وهي قعده وسط الصحرا بقالها ساعه ونص ومحدش حس بيها بس 

كده شوفتي بسيطه ازاي ..وبص لندي بغضب وراح العربيه طلع برفانه ورجع تاني للخيمه وشاف 

ندي مسكه ايدها وبتعيط بحرقه وياسمين 

مسك الايد التانيه ودموعها نزله بصمت 

وقرب ورش برفان ع رقبتها وهدومها ومفيش ثواني وبدأت تفوق من شدة برفانه الي دخل منخيرها ..

وبخفوت وعيوني بترمش : سيف 

ندي بصت لها بصدمه وبصت لسيف الي عض ع شفته بقهر : سبوها نايمه محدش يفوقها عشان كانت منهارة 

بدل تفتكر الي حصل وتتعب ..يلا تصبحوا ع خير

طلع سيف قعد جمب تميم وفارس عند النار وولع سجارا 

تميم : انت زين 

سيف بتهكم : زين اووي يعني ده من كتر مانا كويس وبخير همشي اوزع ابتسمات للناس 

فارس بحزن : اهدي ي بروو وهتتحل انشالله 

سيف بيأس : ولو متحلتش مش فارقه كتير بقا فكك فكك ..

دموع صحيت الفجر وهي بتشهق وفكرت انه كان كبوس لقت ياسمين وندي كل وحده نيمه جمبها من نحية  ابتسمت بحب وقامت براحه وراحت خيمتها 

مع حسين ودخلت براحه وقربة منه وحطت 

دماغها ع صدره وهي خايفه من مشاعرها 

واحلامها و كوابيسها الي بقت عبارة عن 

سيف ..وغمضة عنيها وهي بتهرب من افكرها 

وستحرمت تفكيرها ف راجل تاني وهي 

ف حضن جوزها وفجاءة ريحت سيف 

دخلت منخيرها وبقت تشم ف حسين 

بستمتاع وفتحت عنيها لما عرفة ان 

الريحه مش مصدرها حسين لا 

: هيييييئ ..شهقت دموع الي كتمتها لما اتضح لها ان الريحه ف هدومها وكانت خايفه ازاي ريحته جت ع هدومها ووقفت بسرعه وخلعت هدومها ولبست غيرها وحطت هدومها ف الشنطه  وهي حسه برضو بريحته خدت قزازة ماية وطلعت قدام الخيمه ..

وبقت تغسل ف وشها ورقبتها وتمسح ع شعرها وهي بتشم ف هدومها وايديها سيف الي كان سهران ومش جاي له نوم رفع راسه وهو قاعد ف عربيته وشافها 

قدام الخيمه وعرف انها مش عايزة ريحته عليها 

ضحك بسخريه : اايه لما تفوق كنت عايزها تجري عليك لا هي جريت ع جوزها الي خايفه ع مشاعر ابن الخرتيته ...ومش طايقه ريحتك عليها  

وفضل يضرب ف الدركسيون بكف ايده لحد ما مفصلو

زرقت وفيهم الي جاب دم ..

دموع دخلت تنام جمب حسين بس مجلهاش نوم وفضلت تتقلب وكان بطل افكارها سيف وجمبيه 

الف علامه استفهام 

وبعد الضهر كلهم جهزو نفسهم ورجعوا الفندق وكان دموع سكته بشكل مبهم وندي مقدرتش تسألها ع 

حاجه بسبب حسين الي لازق فيها ومحدش خد باله 

من ايد سيف بسبب انه طول الوقت حطتها ف جيبه 

رجعو الفندق وكل واحد خد شور وجهزو ونزلين عشان يتغدو ويطلعوا ع البحر ..

دموع خرجت من الحمام شافت حسين واقف ولابس شال سيف الي كانت مخبيه ف شنطتها وبيشم فيه 

ونظراته متتفسرش ...

حسين ببتسامه : ايه ي دودو الشال الحلو ده 

دموع كانت وقفه متصلبه مكانها ومش عارفه ترد عليه : ده مش بتاعي انا خدته من ياسمين امبارح لما بردت ونسيت اديه ليها ..

حسين اومأ : ااه ياسمين خلاص فرمناها الهديه لا ترد يلاا عشان منتأخرش 

دموع : انت هتنزل بيه 

حسين ببرود : ااه ولا مش حلو عليا 

دموع ابتسمت بتسليك : هاا لا حلو يلاا 

نزلوا كلهم وتقبلوا ف المطعم وسيف الي كان ماسك كأس وبيشرب ف عز النهار بعد ما خلطه بعصير عشان منظره 

قدام الناس شافها دخله ومحطوها حسين الي لابس شاله الي كان مديه لدموع والكأس اتفرتك بين صوابعه 

من شدت الضغط عليه كل الي قعدين صوته من الخضه 

وسيف اعتذر ودخل الحمام ..

دموع شافت الي حصل وقلبها اتقبض وكانت عايزة تعيط واحساس تاني بيرودها انها تجري وراه وتطمن عليه بس بصت لحسين الي مركز معاها وابتسمت وكملت معاه 

قعدت تلعب ف الطبق الي قدمها ومكلتش حاجه 

ومتكملتش مع الموجودين وسيف مرجعش من 

ساعتها ..وتليفون فارس رن 

: ايوة ي سيف ...تمام يلا طلعين اهو ..سلام 

فارس وقف : يلا ي جماعه عشان نخلص من ام الرحله المشؤمه دي يلاا 

هنادي : روق ي فارس اليوم مش بيكمل غير بمزاجك الرايق 

ندي بصت لها بقرف وفارس بص لندي بسخرية وخد نضارته وشنطه ع كتفه وخرج قدمهم ..وقابل بيري 

وصحابها 

و طلعوا كلهم ع اليخت الي كان ماشي بيهم ف عرض البحر ولسه موصلوش الجزيرة وكان اغاني مايوهات وهزار ومسخره من فارس الي تعمد يتجاهل ندي ..

اليخت رسي بيهم ف نص البحر بامر من فارس الي قال لسيف يلا ننزل نعوم ..سيف طلع بالمايوة ونط ف البحر وكانت كل الانظار عليه بما فيهم دموع الي اتوترت من منظره ونظراته وشكل عضلاته الرجولية ونزل فارس معاه وكام واحد 

وبعديها نطت البنات وراهم وكانت بيلعبو ف الماية ويتدلعو قدام الرجاله وبيري كانت قدام سيف وبتحاول 

تفتح معاه حوار وهي حطه ايدها ع كتافه وضوفرها 

ع رقبته ...ودموع وندي وياسمين بيتفرجوا وكل وحده بتبص للتانيه وهي مقهورة ..

بعد ساعه طلع سيف ورجع شعرو لوراه قربة وحده من البنات ومدت له باشكير اومأ ببتسامه باردة وخدها منها وهو بيمسح كتافه ورقبته ببطء جنن اغلب القعدين اله الي عينه عليها وهي مشغوله مع جوزها

سيف راح اخر اليخت وسند ضهرو ع السياج وهو متابع دموع الي الهوي كان بيطير شعرها وكل 

شوية ترجعو لوراه وهي بتتكلم وتضحك 

ومتابع كل حركتها مسح وشه بقهر 

وراح للقبطان وقالوا يطلع بيهم ع الجزيرة  

اغلب الموجودين اتزمرو لكن امر وانتهي النقاش ..

فارس بضحكه : خلاص ي بنات متزعلوش كل وحده تحضر نفسها عشان الحفلااااه 

كلهم صفرو وصوته بحمس للفكرة وصلو الجزيرة وقت غروب الشمس وجو كان حالمي وشتغلت موسيقي هادية وفي كابلز رقصو مع بعض ع الشط اول ما وصلو 

وبقا ينزلو واحد وراه التاني اول ما الليل ليل الاغاني اشتغلت بصوت عالي والاضاءة كانت ساحرة 

مع تربيزات وستدچ للرقص وبار ....

بيري بنفخ : اووف بقا ايه الملل ده 

فارس بضحكه : حد يبقا حاسس بلملل وهو قاعد معانه ي مزة 

بيري : ااه انا عايزة ارقص 

ندي بخفوت لياسمين : مالها الحلوة الي مش طيقه مايوها من ساعت ما شوفنها زهقانه وملانه وطبعا 

مين هيساعد الصبيه غير الدنجوان محن 

ياسمين كتمت ضحكتها : يخربيتك ي ندي 

فارس : اختاري ي حلوة عندنا البارد وشاور ع تميم المقطع وشاور ع سيف والغشيم وشاور ع حسين 

وغمز لها وهو بيشاور ع نفسه ..وانا 

حسين ضحك وضم دموع وهو بيخدها ف حضنه تحت الشال : تؤ متشغليش دماغك بيا بعد مراتي ميشغلنيش 

بيري طنشته ومدت ايدها لسيف : تيجي نرقص 

دموع كانت بصه لسيف ومستنياه يرد

سيف بص لدموع ببرود : يلا ي قطه ليه لا 

وسحبها وراه ومشي شوية وهو محاوط وسطها ووقف يرقص معاها حسين سحب دموع : يلا احنا كمان ي دودو 

دموع الي كانت مخنوقه : لا مش عايزة 

حسين قومها بالعافيه لحد ما وصل نحيت سيف ووقف يرقص معاها ...

فارس بص لندي : هتفضلي باردة كده كتير 

ندي بصتله بحزن متداري ف برودها : فكك مني ي فارس 

فارس بضيق : متفكك انتي بقا ي ندي انا مش عارف ايه البرود والملل الي انتي فيه ده 

ندي برفعة حاجب : خير مش عجبك دلوقتي 

فارس مسك ايدها من تحت التربيزة براحه : عجبني عجبني اوي بس بلاش برودك ده معايه عشان 

خطري اعمل ايه تاني عشان اخليكي تغيري 

وحس انك مهتميه بيه زي ماانا مهتم 

ندي ارجوكي بقا انا جبت اخري 

ندي بلعة غصتها : روح ي فارس عيش اللحظه وسيبك مني البنات ف كل حته وسهلة الشقط متقلقش 

فارس ابتسم : انا مش عايز غيرك ي طنط يلا بقا متنحيش وانتي قمر كده 

ندي كتمت بسمتها : لاه 

فارس حرك صوابعه ع ايدها براحه وبص ف عيونها بعد ما لعق شفته ببطء : يلا ي ندي عشااني 

ندي جسمها اترعش وجت تسحب ايدها ضغط عليها وهو بيهز دماغه بالرفض : مش هسيب اخر يوم يضيع مننا بسببك انا مصمم هتقومي ولا اشيلك بالعاافيه 

ندي بسخرية : وانت هتقدر تشيلني ي كوكو ..

فارس ضحك : شيلتك مره مش هعرف اشيلك التانيه 

ندي لسه هتسأله ع قصدو راح لافف ايده ع وسطها وشالها ومشي بيها لمكان هادي وندي بتحاول تنزل وتضرب ع كتفه عشان ينزلها 

لحد ما وصل مكان هادي مفهوش حد ونزلها وهو حضنها لصدره : انسي نفسك شوية معايه متقلقيش 

انا مش هبعد وهحبك كل يوم اكتر من اليوم الي قبلو 

ومش عايز غيرك ومش شايف غيرك خليكي ف حضني ي ندي بجد مشتاقلك ..

ندي سمعت همسه وهو حضنها ليه وسلمت كل حصونها ودفاعتها اتهدت وهي ف حضن فارس الي محتويها وكلامه الحنين دوبها ضمها ليه اكتر بعشق وفضل يرقص 

بيها بهداوة ...وهي كانت مشتاقه ليه ومحتاجه حضنو

دموع كانت بترقص مع حسين بس عنيها متعلقه بسيف الي بيبتسم لبيري ويتكلم معاها بخفوت وايده بتتحرك ع وسطها بس مركز مع دموع 

لحد ما حسين نزل ع رقبت دموع وكان بيبوسها بوضوح 

سيف شاف منظرهم وقلبه ماات بص لدموع بغضب 

ومسك وش بيري بين كفوفه ونزل ع شفايفها 

ف بوسه عنيفه وكأنه بينتقم منها ونظراته 

لدموع ..

دموع شافت نظراته وطريقته وهو ماسك بيري وشفيفه الي بتأكل شفايفها ..وفتكرت البوسه الي كنت فوق السطح وشهقت بعنف وهي بترجع لواره ووو