رواية الهدف ياسين ولين الفصل الثامن 8 بقلم سلسبيل احمد
رواية الهدف ياسين ولين الفصل الثامن 8 هى رواية من كتابة سلسبيل احمد رواية الهدف ياسين ولين الفصل الثامن 8 صدر لاول مرة على موقع التواصل الاجتماعى فيسبوك رواية الهدف ياسين ولين الفصل الثامن 8 حقق تفاعل كبير على الفيسبوك لذلك سنعرض لكم رواية الهدف ياسين ولين الفصل الثامن 8
رواية الهدف ياسين ولين الفصل الثامن 8
لين: انا شايفة ناس كتير فين ديفيد ده؟؟
ياسين: ركزي هتلاقيه ف ركن لوحده فالزاوية عالشمال
جميلة: جماعة ده يعتبر قدامي
زين: و انا كمان
مريم: تمام انا كمان شوفته
ياسين: خليكوا مركزين من بعيد و شايفينه لكن محدش يقرب عند البار غير جميلة دلوقتي
" وفعلا كله كان بعيد و جميلة بتحاول تلفت النظر ليها عشان يبصلها بتفرك كتير و بتضحك بصوت عالي جدا بس هو مش مركز معاها "
جميلة و هي بتحاول متبينش انها بتتكلم: اعمل اي ؟
ياسين: خليكي قدامه يا جميلة و انت يا زين تابعها
مريم بصت قدامها بصدمه: سيادة المقدم!!!
ياسين: خليكي قدامه يا جميلة و انت يا زين تابعها
مريم بصت قدامها بصدمه: سيادة المقدم!!!
ياسين رد: في اية؟
مريم: انا شايفة جابر قدامي !!!!! ده داخل يسلم عليهم
مريم: حضرتك سامعني؟؟
ياسين: محدش يتحرك لحد ما اتكلم جميلة خليكي مكانك و اقفي عادي
" ياسين بص بسرعه ناحيتهم يتأكد هو جابر ولا لاء وقبل ما يتكلم لقي لين بتقرب من الترابيزة بتاعتهم "
ياسين و هو بيحاول يهدا عشان ميلفتش الانظار: لين ارجعي حالاً اوعي تتحركي خطوة واحده ناحيتهم
" لين سمعته من السماعه و لكن ابتسمت و راحت عندهم و سلمت على ديفيد و قعدت "
" ياسين قبض ايده و كان عاوز يكـ.سر
اي حاجه قدامه "
مريم: اية الغباء ده هنتصرف ازاي دلوقتي!!
زين: سيادتك احنا موجودين و كمان هنسمع كلامهم اعقتد مش هيحصل حاجه
"وفعلا بدأو يسمعوا الحوار بتاعهم"
(بيتكلموا عبري هكتب الترجمه)
ديفيد بصلها بتركيز: لكن انا اول مره أشوفك هنا
لين اتوترت انوه بيركز في ملامحها ولكن ردت عادي: لاء انا بروح أماكن كتير جدا بس بتنقل لما بزهق و أول مره أجرب المكان ده و شكله هيعجبني
دنيال: ديفيد صاحب البار كله و صاحب حاجات تانيه كتير من حظك انك معانا..
لين ابتسمت: اهاا اكيد طبعا!
جابر: بقولك اية انا عايز امشي
" جابر اتكلم مصري و لين اتصدمت و كلهم كانوا سامعين الحوار و اتصدموا برضو.! "
" لين فضلت مبتسمه على اساس أنها مش فاهمه طريقة كلامه وبتبصلهم ببلاهه.. "
ديفيد هو كمان اتكلم عربي مكـ. سر: دنيال خيدو اتفق معو وبعدين انا بجي وراكم
لين بذكاء بعد ما مشيوا: هوا قال اي و مشي مفهمتش مضايق من وجودي ولا اية ؟
ديفيد: لاء هو ميعرفش عبري هو عربي
"ديفيد قال عربي مقلش مصري لكن طبعا لين فاهمه انوه خبيث.. وعرفت ان جابر مصري"
لين: اها بس كويس انك اتعلمت عربي شكلك شاطر
ديفيد: انا شاطر فكل حاجه هاروحلهم بقا عندنا معاد و عاوز اقابلك بكره هنا اتفقنا؟
لين ابتسمت: عيوني ليك يا باشا بس ليه؟
ديفيد: لما تيجي احتمال نشتغل سوا
لين: اوه! ده شرف ليا
"ديفيد اتحرك و ياسين يعتبر صبره نفذ ولولا انهم مينفعش يقربوا من بعض كان راح دعْدغ لين عادي جدا"
اتكلم بهدوء مرعب في السماعه: هنرجع للمكان الى العربية نزلتنا فيه عشان نروح متخرجوش مرة واحده
" و فعلا خرجوا على فترات و اخر واحده خرجت لين الى كان ياسين مستنيها و على اخره منها "
لين اول لما شافته متعصب: انا هشرح لحضرتك!
صوته علي نسبياً: تشرحي اية ؟؟؟؟ انا قولت تعليماتي و انتي عملتي عكسها اكيد شك فيكي لما روحلتهم من نفسك كدا !!!!! انت بتتصرفي من دماغك و
لين قاطعته: لو سمحت!!! اديني فرصة انا مروحتش من نفسي هو شاورلي !!! انتوا كلكوا ملاحظتوش! كنتوا مركزين على دخول جابر! ومحدش خد باله
ياسين: يعني اي شاور لك؟؟
لين: يعني شاورلي بأيده! و حضرتك قولت انوه هيختار واحده فينا و دي كانت فرصة عشان كان ممكن يقولوا اي حاجه مهمه نعرفها و تسمعوها
مريم بحقد لما لاحظت ان ياسين بدء يهدي: انتي غبيه ولا اية هيتكلموا قدامك ف اية و هما اول مره يشوفوكي؟؟
زين: على الاقل عرفنا ان جابر مصري يعني حْاين !
"مريم معرفتش تتكلم تاني و سكتت"
جميلة: زين معاه حق لين مكنش عندها اختيار هو كان هيشك فيها لو مراحتش! وبعدين كلامها معاهم كان عادي جدا وذكي
لين: و لازم اروحله بكره زي ما قال
ياسين: انا مش عايز كلام تاني دلوقتي
ياسين اتنهد وبص قدامه لقي سامح بينزل من العربية: لامؤاخذه ياباشا اتأخرت عليكوا ؟
ياسين: يلا اركبو
"ركبوا في صمت و لين مكنتش فاهمه هي غلطت ولا لاء بسبب نقده الدايم و انوه بيفرض الأسوء و مريم الى بتصطاد في اي حاجه ضدها و لكن كل ده مكنش هاممها لأنها عندها هدف وحيد مركزة عليه. "
**********************************
( استغفرالله العظيم )
" نزلوا من العربية و اتحركوا كلهم و دخلوا البيت إلا لين مدخلتش البيت معاهم و راحت قعدت على صخرة جمب البيت بشوية.. "
"ياسين خد باله و كان لسه سامح واقف معاه"
- اي يا باشا تمام كدا؟!
= اها بس بقولك انا كنت عايز مايك صغير نعرف نزرعه ف اي مكان او اي حد فاهم؟
- يحضر بكره هجيبه و انا جاي
"اتحرك سامح بالعربية و ياسين كان رايح ناحيه لين و لكن موبايلة رن و كان العقيد"
- ألو كنت بتكلمني ؟
ياسين بهدوء: في حاجات حصلت جديده
" و بدء يحكي له الى حصل "
العقيد بأسف: يعني طلع خا*ين
- بالظبط سيادتك المفروض نعمل اية؟
= انتوا كده عرفتوا مكانه؟
- تقريبا احنا دلوقتي بنتعامل على ديفيد و بنقرب لين منه لأنه اختارها و طلبها تروحله بكره و مشي عشان يتكلم مع جابر
= انا هبلغ اللواء و باقي المسؤولين و نكلمك خليكوا ماشين عادي و روحوا البار بكره و بلغني بأي جديد
- تمام سيادتك
" قفل معاه اخيراً و قبل ما يتحرك خطوة ناحيه لين لقي عمر خارج ناحيته "
- خير ؟
= لا مش خير خالص الى اسمه سامح ده جايب لحمه دلوقتي و انا بحب الفراخ
ياسين بصله بعدم تصديق: انت بتقول اية ياعمر؟
- الأكل الى سامح جايبه مفهوش فراخ
= انت بتكررها تاني؟! غور من وشي يا عمر امشي!!
- يا سيادة المقدم يعني حضرتك دلوقتي هتاكل لحمه؟ طب افرض بتحب الفراخ
= هقوله حاضر يجيب فراخ بكره ومالو
- و سفن بقي ولا بيبيسي كدا عشان معدتي لسه تعباني و شوية لب كده ولا حاجه
= و ترابيزات بلياردو و بينج
عمر ضحك: اسف سيادتك انا بس قولت انكش عشان بيقولوا جوه حصل حاجات جديده و كدا بس انا واثق اننا هنحقق الى جينا عشانه لأننا على حق صح؟
ياسين ابتسم: صح
- بعد اذن سيادتك
" و دخل عمر و ياسين خد نفسُه و هو بيرتب كلامه و بيقرب عند لين "
- قاعده كده ليه؟
وقفت: انا بس بهدي أعصابي لو ده مخالف للأوامر هدخل
- لا خليكي
= حضرتك ليه مش بتديني فرصة! انا أكيد مش جاية ابوظ المهمه!
- عشان انتي متهو*ره ومش بيهمك حاجه
= طب ماهو طبيعيي احنا قوات خاصة!
- بس انتي بتعرضي نفسك للحْطر
= برضو ده العادي!
- لاء
= لاء اية؟ انا مستغربة سيادتك لأنك قولتلي مخفش من حاجه و لازم اتعلم سباحه و نزلت اعوم مسافة في البحر و كل ده عشان ميبقاش عندي نقطه ضعف
- بس في نفس الوقت مترميش نفسك للمو*ت احنا هنا مينفعش نخطي خطوة مش محسوبة ولا نآمن ليهم!
= تمام حضرتك بس انا لما شارولي مقدرتش ارد في السماعه عشان كان باصص عليا و مركز معايا فا مرضتش اعمل اي موقف عشان ميشكش فيا
"جت تمشي فا وقف قصدها و هي رفعت عينيها وبصتله و من وقت ما كانو بيتمرنوا ملاكمه مقربتش منه كدا ولا ركزت مع عيونه وتاهت فيهم بالشكل ده!"
" معروف ان دايما العيون ليها سحر خاص وبالذات عيونه و هو متلخبط.."
- انا مش عايزك تزعلي انا بعمل كل ده حفاظاً على حياتكم مش اكتر
لين حاولت ترد بدون تهته: اكيد يا سيادة المقدم مفهوم.
- روحي نامي
" ابتسمت من كتر ما كان بيقول الجملة دي و رجع يقولها تاني فجأه"
= تصبح على خير سيادتك
دخلت وهو فضل مكانه لثواني مبتسم بدون سبب وبعدين فاق: هوا في اية مالي؟ الواحد باين عليه مخه اتلحس و اتجـ نن خالص
"دخل هو كمان و بعد ما شرحلهم انوه كلم العقيد دخلت الرجالة تنام ف اوضتهم و البنات كذالك"
*********************************
( صلي على محمد )
"تاني يوم الصبح ف مبني القوات الخاصة و بالتحديد جوه مكتب العقيد عادل"
- يا سيادة العقيد بقول لحضرتك لين مش كويسة و مش مؤهله انها تبقي مسؤلة عن كل ده و تتعين ملازم!
= بتقول الكلام ده بناء على اي يا دكتور علي؟
- انا اخوها و اعرفها!
= انت الظاهر متعرفهاش لأنك مشوفتش التمرينات الى عدت بيها دي تعتبر من اكفأ الملازمين!
- ده عشان والدي الله يرحمه اللواء عدلي المهدي كان بيدربها لكن بعد وفاتة مبقتش كويسة و انا متأكد من كلامي ارجوك ترجعها من هنا و اتمني متعرفش اني جيتلك عشان مترفضش ترجع وتعاند
= موعدكش بحاحه زي دي لكن انا لآخر مره هتكلم معاها ولو لاحظت الى انت بتقول عليه وانها مش متزنه نفسيا أكيد ساعتها مش هيكون من الجيد انها تفضل معانا
- طيب هي قدامها قد اي وترجع؟
= 6 ايام
- تمام متشكر لحضرتك و اسف عشان جيت فجأة.
" و مشي علي من عند العقيد بعد محاولات كتيره عشان يقدر يدخله و فالأخر حاسس ان كل ده غلط بعد ما سمع كلامه عن لين و اتمني لو تكون بخير بس! هو كان بينفذ كلام والدته مش اكتر "
************************************
( الله أكبر الله أكبر لا إله إلا الله )
فلـ.طين - الساعه 4 ونص العصر..
جميلة: يلا نصلي يا بنات كنت لسه شايفة المقدم ياسين بيصلي هو و الباقي
لين: هتوضي و اجي استنوني
___________________________
( بعد الصلاة اتجمعوا كلهم ..)
ياسين: لما خرجنا الصبح عرفنا جابر بيتواجد فين و بعتنا للقياده تعرفلنا عنه معلومات لما كان في مصري و طبعا اي سبب حْيانته يعني قدموا لي اي بالظبط فلوس او غيره دلوقتي خط سير المهمة اتغير و بقينا قصاد الى عَين جابر جا**سو**س علينا و خلاه يخو**نا
مريم: يعني دلوقتي هدفنا مبقاش جابر !؟
ياسين: لاء جابر كدا كدا هنتصرف معاه أكيد دلوقتي هنركز على ديفيد و دنيال وهنروح بليل يعني بعد كام ساعه كدا
عمر: و انا و فاطمه برضو هنكون حراسه؟
ياسين: لاء انت و فاطمه هتيجوا و الى هيقعد زين و جميلة مع خالد و احمد هنبدل افضل..
احمد: و احنا بنراقب الشبكة امبارح لاحظنا حاجات غريبة زي ماتكون سيم بينهم على المو**قع
خالد: بالظبط ولاحظنا كمان حاجه غريبة اوي بص حضرتك
" خالد حط شاشة اللاب توب قدامه و عرض عليه صور للهرم و ابو الهول من قريب "
ياسين: اية يخليهم يبعتوا لبعض صور زي دي بالقرب ده وازاي اصلا لقطوها؟
جميلة: اكيد مش هيسرقوا الهرم يعني فعلا غريبة!
ياسين: عمتاً انا هبلغ القياده بكل ده دلوقتي هنرتاح ساعتين و نصحي نجهز..
" و فعلا بعد ساعتين صحيوا و جهزوا نفسهم و نفس الى حصل امبارح رتبوا لي و السماعات "
- لين خلي دي معاكي دي سماعه هتحاولي تزرعيها فيهم هي صغيرة جدا مش هتبان لكن اوعي تبيني و انتي بتحطيها فاهمه؟
= تمام يافندم.
سامح: ها يا باشا جاهزين؟
ياسين: ان شاء الله
*************************************
( سبحان الله وبحمده سبحان الله العظيم )
دنيال: يعني البت بتاعت امبارح مجتش
ديفيد: هتيجي
دنيال: فهمني بس عاوز منها اي؟
ديفيد: زي غيرها هنشغلهم معانا مالك؟
دنيال: من غير ما تعرف عنها اي حاجه؟ من أمتي ؟
ديفيد: هعرف بس هي وجه جديد و هتساعدنا ولا انت شايف اية؟!
دنيال: مش عارف انا كل همي جابر ينفذ الى احنا عاوزينه
ديفيد: هينفذة يا حبيبي خليك تقيل متنساش ان جابر كله تحت ايدنا و ميقدرش يتصرف في اي حاجة
دنيال ضحك و رفع الكاس بتاعه: صح ، بس انت شكل البت دي عجباك
ديفيد ضحك: يعني.. ههههههه
**********************************
" وصلوا البار لين اول واحده دخلت و شافت ديفيد و دنيال قاعدين وسط بنات فا راحتلهم "
ديفيد: اتأخرتي يا حببتي
لين: ده يا دوبك عبال ما خرجت
دنيال بخبث: بيتك بعيد؟؟
لين بتفكير: بيتي؟
ديفيد: اها يقصد المكان الى قاعده فيه؟
لين: لا انا مش قاعده في بيت
ياسين كان سامع الحوار و فاهم انهم كدا بدأو يستفسروا عنها ويمكن شكوا فا اتكلم بسرعه فالسماعه: لين قولي انك قاعده في فندق في رام الله
دنيال: امال فين؟
لين: حاجزة في فندق في رام الله
ديفيد ابتسم: طب مش تقولي كنا حجزنا ليكي جناح مخصوص في مكان تبعنا
لين بضحك: ما احنا لسه فيها
ديفيد: انتي صح نسيتي تعرفينا اسمك؟!
لين: رايسيل
دنيال: انتي معاكي الجنسية بتاعتنا مش كدا
لين: اها لكني كنت عايشة بره
ياسين اتنهد انها جاوبت صح زي ما قالو دنيال قام عشان يتحرك لين بصتله بسرعة: مش تصبر شوية دايما مستعجل كدا؟
دنيال غمزلها: مش هتأخر راجع تاني
لين قامت وهي بتضحك و حضنته بسرعه: طيب متتأخرش بقا
" دنيال ضحك و مشي و كلهم كانو مصدومين من ردة فعل لين "
لين: انا هاروح الحمام يا روحي و هرجع بسرعه..
لين اتحركت بسرعه واتكلمت في السماعه: انا زرعت السماعه ف دنيال وانا بحضنه معاكم واحده تانيه؟؟
ياسين: مريم ادخلي الحمام و اديها الى معاكي
*************************************
" صلي على محمد "
- ازيك يا جابر
= انا تمام انا فكرت و خلاص خدت قراري الحاجه هتبقي عندك بعد يومين بس تعمل بالي اتفقنا عليه
دنيال: و انا عند وعدي ليك ، و كمان الفلوس هتوصلك
- و عايز رجالة معايا عشان لو اتكشفت
= رجالة منين؟ انت عارف اننا مش هنقدر ندخل رجلتنا مصر؟؟
- اتصرف بقي! قول لديفيد وشوف هتعملوا اي
= تمام يا جابر هشوف و نرد عليك
" دنيال مشي و طبعا الى كان سامع الحوار ده الملازمين كلهم و المقدم ياسين لأن لين رزعت فيه السماعه "
************************************
"لين رجعت لهم و لقتهم قايمين"
- على فين؟
ديفيد: هنكمل السهره عندي بقي تعالي معانا
" لين اتلخبطت و حطت ايدها في ودنها بسرعه بتحاول تسمع ياسين هيقول اي لكن مفيش اي صوت!!! "
فاطمه: انا مش سامعه صوتهم ليه ؟؟
عمر: ولا انا ؟؟ شكل السماعه وقعت منها!
ياسين حط ايده على وشة بعصبية وهو شايفهم واقفين: انا هحاول اقرب اشوف لين
"لين لسه واقفه قدامهم و مش عارفه تتصرف"
دنيال: يلا؟
لين ابتسمت وهي بتحاول تخبي توترها: يلا.. بس هجيب كا*س بسرعة عشان اجي معاكم فايقه روحوا وهحصلكم
"وغمزتلة و مشيت بسرعه عند البار فا ياسين فهم و راح عندها من غير ما حد يلاحظ و وقف بهدوء.."
و قفوا هما الاتنين من غير ما يبصوا لبعض بصوا قدامهم
لين بسرعه وبصوت واطي: عاوزاني اروح معاه مكان تاني و السماعه وقعت مني!
ياسين: لاء لاء مستحيل قوليلة عندك مشوار طارئ
لين: مش هينفع انا معنديش اختيار!
ياسين: انا قولت مستحيل تروحي معاه يا ليااان ده امر مني ! ومفهوش نقاش ومتفكريش تخالفيه!!
لين: ياسين مفيش وقت! خليك واثق فيا و اتحركوا ورايا لو حسيت بأي حْطر هعرف اخرج متقلقش
"و مشيت بسرعه بعد ما سابته و عملت نفسها بتشرب الكاس عشان ميشكوش فيها و ياسين فضل يقولها لاء بعصبية و كان ثواني و هيروح وراها يمسكها قدامهم ويمنعها تروح معاهم ولكن جاتلة فكره "
" لين اتحركت معاهم بتوتر شديد و مريم و فاطمه باصين عليها بصدمه "
"ولكن وهي ماشية معاهم اتخبطت جامد في كتفها لفت لقته عمر!!! "
عمر: اسف جدا..
" حط السماعه ف ايدها بخفه يد و اتحرك حتي قبل ما يشوفوا ديفيد و دنيال و لين فهمت و ابتسمت لهم وكملت مشي معاهم.. "
"ركبوا العربية و اول ما ركبت عملت نفسها بتعدل شعرها و حطت السماعه في ودنها "
فا سمعت صوت ياسين: سمعاني؟!
لين كحت: احمم
ياسين فهم انها سمعاه: انا وراكي!
" اتنهدت بأرتياح و حاولت تهدي دنيال كان بيسوق و ديفيد جمبها ورا و بيطبطب على ايدها و بيبتسم وهي بتبادله الابتسامه. "
" ياسين خرج هو والباقي بهدوء واحده واحده و لقوا سامح "
ياسين: هات مفتاح عربيتك بسرعه و خليك معاهم هات عربية تانيه و وصلهم فاهم؟
سامح: حصل اية؟
ياسين: مش وقتة
" خد منه المفاتيح بسرعه و طلع وراهم لوحده "
***********************************
( صلي على محمد )
" في مبني القوات الخاصة كانت الدنيا مقلوبة و في اجتماع اتعمل مفاجئ وبأستعجال "
اللواء محمود عبد الرحمن: يعني اي يا عادل؟ انت كأنك بتتكلم عن مهمة تانيه
اللواء ممدوح احمد: احنا كده قدام عملية ضد البلد!
العقيد للواء محمود: احنا مش عارفين بس المقدم ياسين قالنا ان جابر اتفق معاهم على التسليم بعد يومين ! مقابل فلوس وحاجه تانيه مفهمنهاش!
حد من باقي المسؤولين اتكلم: دي تبقي مصيبة ! جابر ده كان فالمجال بتاعنا و كان راجل مهم ! و سابه من سنة و بقي جا**سوس عندهم واحنا معندناش علم ! يعني اكيد عرفوا معلومات قبل كدا لما كان في مصر
العقيد عادل: انا بقترح نقولهم يجيبوا جابر و يرجعوا و يسيبوا ديفيد و دنيال هنبعت حد تاني وراهم من المقدمين مش ملازمين لأننا لازم ندخل قبل ما يقولهم اي معلومة!
اللواء عبد الرحمن بعصبية: ده لو مكنش قالهم معلومات تانيه و كمان منعرفش كانوا بيعملوا اية بصور الهرم و الحاجات التانيه ؟؟ و فيه صورة للحدود و ده معناة اعتد* اء على حدودنا!
العقيد: طب هنتصرف ازاي دلوقتي سيادتك ؟
قام و قف و كل المسؤولين قاعدين: الموضوع ده كبر و لازم يتصعد لرئيس القوات الخاصة لأنه كدا ممكن يدخل في توتر العلاقات الدبلوماسية بينا!
و قبل ما يتحرك وقف و وجه كلامه للعقيد: كلم المقدم ياسين و قوله ميخدش اي خطوة.
**********************************
(سبحان الله عدد ما خلق ، سبحان الله ملئ ما خلق ، سبحان الله ملئ ما في السماوات والأرض ، سبحان الله عدد ما في السماوات والأرض ،
" لين وصلت الاوتيل معاهم و كانت قلقانه تطلع و لكن مبينتش ده و اتحركت معاهم عادي جداً"
دنيال: اسيبك انا بقي
"لين افتكرت ان كان معاها سماعه تانيه و قربت من دنيال سلمت عليه و طبطبت على ضهره و زرعت السماعه في جيب الجاكيت بتاعه"
ديفيد قرب من لين: سلام يا دنيال يلا بينا احنا
"وقتها لين فهمت الى هيحصل و قلبها كان هيخرج من مكانه.."
ياسين اتكلم عشان يطمنها: انا معاكي متخافيش مفيش اي حاجة هتحصلك.
***********************************
سبحان الله ملئ ما احصي كتابه ، سبحان الله ملئ كل شيء سبحان الله عدد كل شيء.)
" في البيت عند باقي الملازمين "
سامح: انا هفضل معاكم لحد ما المقدم يوصل.
عمر: مفيش داعي احنا تمام
فاطمه: خليه!
عمر: احنا تمام يا فاطمه؟
بص لسامح: مش عاوزين نعطلك يا سامح
سامح: متخافش انا هفضل هنا بره لو حصل اي حاجه الجماعه هيكلموني
" و دخلوا هما و مريم "
جميلة: هي فين لين؟
احمد: و المقدم ياسين فين؟!
مريم بعصبية: الى بتتصرف من دماغها كالعادة راحت مع دنيال و ديفيد مكان منعرفوش!
زين: اية ؟؟ ازاي و هما دلوقتي هناك؟
مريم: المقدم ياسين راح وراها عرضت حياتهم هما الاتنين للحْطر !
جميلة: كفاية كلام عنها بالسوء طول الوقت اكيد عندها مبرر او غصب عنها
مريم: ملكش دعوه !
احمد: اهدوا يجماعه في اي هتمسكوا فبعض مش وقته
زين: خالد! تقدر تعمل تتبع لمكانهم بالجهاز؟
"خالد بدء يتعامل على اللاب توب بسرعه و بطريقتة الخاصة فالها**كر بيحاول يخت**رق الكاميرات و يوصل لأي حاجه و كلهم كانو قلقانين!"
**********************************
" عند لين في الاوضة "
ديفيد: قلقانه ولا اي
لين ضحكت: انا ؟ ابدا ده انا مبسوطه جدا اني هنا معاك و اتمني نشتغل سوا كمان
ديفيد بدء يقرب منها: فعلا ؟
"لين اتعاملت معاه بذكاء زي ما تم تدربيها وبدل ما تبعد و تبين انها خايفه حطت ايدها على كتفه و قربت اكتر"
قالت ببرود: اكيد هو انا هطول البنات فالبار كانوا بيتكلموا عنك كتير و نفسهم يشتغلوا معاك
ديفيد: بس انا شغلي صعب و فيه سفر كتير و كمان خطر لأني بحب اعرف حاجات معينة مش اي حد بيقدر يجبلي الى انا عايزة.
"لين فهمته و لكن قررت تسأل كأنها متعرفش"
- لو ليك منافسين في شغلك اقدر اقف معاك و نتغلب عليهم بسهوله.
ديفيد ضحك: لا الموضوع اكبر من كدا بس نشرب الأول
الباب خبط و قبل ما يتحرك ديفيد لين سمعت ياسين في السماعه: افتحي الباب انتي
حطت ايدها على ديفيد و اتكلمت بدلع: انا هفتح
لين فتحت الباب بسرعه و اتفاجئت ب ياسين قدامها!!!!!!
**********************************
( الحمد لله عدد ما خلق الحمد لله ملئ ما خلق الحمد لله ملئ ما في السماوات والأرض الحمد لله عدد ما خلق في السماوات والأرض الحمد لله عدد ما احصي كتابه الحمد لله عدد كل شيء الحمد لله ملئ كل شيء)
"عند الرجالة فالاوضة"
زين: هاه يا خالد ؟؟
خالد قام بسرعه: عرفت مكانهم يلا بينا بسرعه
عمر: انت اتجننت ده خلانا نروح من هناك هتروحوا وراه؟؟ وهو مطلبش حد
خالد: اهدي يا عمر الموضوع كبير ، سامح بره ؟؟
عمر: اها!
خالد بص لأحمد: احنا لازم نروح تعالي ورايا
"و خرجوا لسامح.."
خالد بصله: ارجوك محتاج انك تسمع كلامي
سامح قام وبصله هوو احمد: مش مرتاح لكم؟؟!
احمد شده: ولا احنا يلا بينا
**********************************
" لين برقت بعيونها لما شافت ياسين قدامها و ياسين هز راسه بمعني اطمني و كان لابس زي بتوع خدمه الغرف و ساب الحاجه و مشي و هي دخلت بيهم عادي و بدأت تسمع ياسين.."
- اشربي الخ**مرا معاه و اشربي انتي الأول بعد ما يختار الكاس الى هيشرب فيه.
"لين عملت زي ما قالها و هي مش فاهمه حاجه! و لكن ديفيد شكه منها بدأ يقل.."
- في صحتك يا حلوة
"و شربت معاه و بدأت تحس انها دايخه و دماغها بتتقل جدا..! "
"ديفيد قرب منها و لين راحت في عالم تاني لكن فجأة هو كمان اغم عليه.. "
ياسين: لين؟؟ لين؟؟ سمعاني؟!
يتبع..