قاسم بزعيق انتي ايه الي جابك هنا انتي اتجننتي 

دارين ببرود وبتبعدهم عن الباب انا مش جيالك انت على فكره انا جايه لعمو مراد 

حلم بتمنعها من الدخول خدي يبت انتي هنا هو بيت ابوكي 

دارين بتبعدها اوعي يا مجنونه انتي وملكيش دعوه بيا 

حلم لسه هترد عليها وقفها صوت مراد 

مراد قرب عليهم وبيسلم عليها 

ازيك يا حبيبتي وبابا أخباره ايه 

دارين بتمثل العياط رمت نفسها ف حضنه شوف يعمو قاسم والبتاعه الي معاه دي بيعملو فيا ايه شوف حتي مش عايزين يدخلوني اكلمك 

قاسم وحلم بصينلها بقرف 

وحلم عايزه تجيبها من شعرها وقاسم ماسك ايدها 

مراد بيمنع ضحكته وبيطبطب عليها لا لا ازاي يعملو كده الوحشين دول وبيبعدها عنه

دارين بدلع قولهم يعمو اني واخده المعاد ده منك اصلا 

قاسم بستغراب ايه امتا ده 

مراد اه فعلا هي كالمتني وقالتلي عايزه تقابلني ضروري وتكون انت موجود  قولتلها تيجي 

قاسك باصصلها بغيظ ايوه حضرتك عايزه ايه دلوقتي يعني جايه تشتكيني لابويا 

مراد استني يا قاسم مش كده اتفضلي يا دارين جوه يا حبيبتي واحكيلي على كل حاجه 

ودخلو يقعدو ويسمع منها وكل ده بيحصل وسط نظرات كمال الي متشالتش عينه من على دارين من ساعه ما دخلت من الباب 

عجبته كل حاجه فيها دلعها وكلامها وجمالها الي واخد من الجمال الغربي كتير 

كمال ايه يا جماعه مش هتعرفوني مين القمر 

دارين ضحكت وبتمد ايدها ناحتو بمياعه هاي انا دارين 

كمال ابتسم وبيسلم عليها تبارك الرحمن فيما خلق حتي الاسم حلو يا ناس 

قاسم خبطو في رجله وبهمس احترم نفسك وبطل فضايح 

كمال بيتوجع اه منك لله يشيخ ده انا بظهر اعجابي باللوحه الفنيه دي فين الغلط بس 

حلم بغيظ مشاء الله عليك يا كمال طول عمرك ذوقك يقرف

دارين بصتلها ببرود وسكتت 

مراد هاا يا دارين ف ايه بقا مالك انتي وقاسم 

دارين بتمثيل يرضيك يا عمو قاسم يزعقلى ويطردني من الشركه

مراد بنرفزه ايه الكلام ده ازي يعمل كده قاسم الكلام ده حصل فعلا 

قاسم ايوه حصل يا بابا بس 

قطع كلامه زعيق مراد 

مراد انت اتجنتت ازاي تعمل كده معاها وبتطردها من الشركه الي هي اصلا شريكه فيها 

حلم بس انت متعرفش هي عملت ايه و 

مراد بزعيق بس يا حلم انا مش عايز اسمع منك او منه اي حاجه 

اللعب بتاعكم ده يبقا في اي حاجه غير الشغل 

وبحده اعتذر ل دارين حالا على الي عملته معاها 

قاسم بابا انت بتقول ايه 

مراد الي سمعته والي قولته يتنفذ فورا من غير نقاش 

قاسم انا مقدر كل الشغل الي بينا وبينهم واد ايه هو مهم بس انا اسف جدا يا بابا لاول مره مش هنفذ حاجه تطلبها مني ومستحيل اعتذرلها 

مراد هيزعق

 دارين اتدخلت خلاص يعمو انا مش عايزاه يعتذرلي ولا حاجه وكفايه كده وشكرا لانك جبتلي حقي 

مراد انا بعتذرلك بالنيابه عنه يا حبيبتي وياريت الي حصل ده ميوصلش ل منتصر بيه 

دارين اكيد مش هقوله انا لو عايزه كنت عملت كده من بدري وحضرتك عارف رده كان هيبقا ايه بس انا كنت عارفه انك هتكون مكانه عن اذنك  يا عمو انا لازم امشي دلوقتي 

مراد اتفضلي ياحبيبتي ووصلها لغايه الباب ورجع 

حلم كانت مضايقه جدا من الي حصل وبزعل انا بجد مش مصدقه الي حصل انت ازاي تعمل كده

وقاسم بيبصله بحزن 

كمال حس انو وجوده كده غلط طيب يا جماعه عن اذنكم انا علشان عندي معاد مهم ومشي علطول 

مراد بصلهم اظن انتو الاتنين المفروض تكونو فاهمين انا عملت كده ليه وخصوصا انت يا قاسم كل الورق بتاع شغلنا مع ابوها انتا عارفه وعارف ان غلطه زي دي منك ممكن تخسرنا كل شغلنا

قاسم انا فاهم كل ده بس هما كمان ميقدروش يستغنو عننا وزي ما احنا محتاجنلهم هما كمان محتاجلنا ومكنش هيقدر يعمل حاجه

مراد انا مش عايز يبقا بينا اي مشاكل علشان ده راجل مش تمام اصلا ويتخاف منه وخلاص كده مش عايز كلام في الموضوع ده تاني حوار واتقفل

................................عند امال 

يارا بتوتر باسم انا 

باسم بيقرب منها اكتر وبابتسامه انتي ايه يا يارا  

امال خرجت من الاوضه باسم بعد عنها وبيحاول يكون طبيعي

يارا ارتبكت وبتكح جامد  

امال بشك يارا مالك يا حبيبتي ف حاجه ولا ايه

باسم هيكون في ايه يعني يا امال ما تجبيلها شويه مياه طيب 

امال جابت مياه بسرعه وشربتها 

هاا يا حبيبتي بقيتي احسن 

يارا بابتسامه اه الحمد لله 

امال ده مين يترا الي كان جايب ف سيرتك ده اكيد رامي المسكين الي مش راضيه تعبريه ده 

باسم بنرفزه مين رامي ده ويجيب سيرتها ليه 

امال ده زميلي في الشغل يا سيدي وشافها ومعجب بيها وعايز يتجوزها وانا قلتلها هو الحقيقة شخص ممتاز وميتفوتش 

باسم اه وانتي رايك ايه يا يارا 

يارا بلهفه لا طبعا انا رفضت 

باسم ابتسم بفرحه برافو عليكي 

امال بستغراب ايه الي انتا بتقولو ده ده بدل ما تقنعها 

يارا ريحي نفسك ي امال انا واخده قراري ومش محتاجه حد يقنعني بحاجة ويالا بقا احنا مش خارجين كفايه كده احنا اتاخرنا 

امال اه يالا 

باسم بيبصلها وابتسم بحب وهي كمان

امال اخدت بالها وبشك يارب كل الي ف دماغي يطلع غلط

............................. بعد 3 ايام

مها بحب لو شوفتي مصطفي كان بيتكلم عني ازاي قدام بابا طلع بيحبني اوي ي حلم 

حلم ربنا يسعدكم ببعض يارب 

مها امين يارب وعقبالك انتي كمان بقا كان نفسي يكون فرحنا ف يوم واحد

حلم بحزن مش بينلها فرح ابدا يا مها بس سيبك مني انا دلوقتي المهم انتو اتفقتو ع ايه 

مها اتفقنا ان مش هيبقا ف خطوبه وهنتجوز علطول الاسبوع الي بعد الجاي ان شاء الله

حلم بضحك ايه يبنتي السرعه دي ف ايه مالكم 

مها ايه يستي حرام عليكي كفايه الوقت الي عده مننا ده والله لوعليا كنت اتجوزتو بكره الصبح بس بابا بقا مرضيش الموضوع يكون اسرع من كده اعمل ايه وبحب مع ان طوفي حبيبي مستعجل جدا وقعد يقنع فيه بس معرفش يقنعو بقبل عن كده 

حلم ضحكت مين مين مصطفي بقا طوفي لا وكمان ايه مستعجل هو ي اما يسكت خالص ي اما يفتح كده ع الرابع مفيش عندو وسط ابدا 

مها ضحكت والنبي اسكتي وسبيه ف حاله ده انا مصدقت انه يشتغل ده هو كده حلو اوي احسن من الصمت الي كان فيه 

حلم والله عندك حق اظبطيه ع الوضع ده بقا

مها م خلاص هو اتظبط لوحدو المهم بقا اني الفتره دي عايزاكي معايا علشان اكمل الحاجات الي نقصاني ومفيش وقت خالص ف عايزين ننجز بقا 

حلم طيب ماشي انا معاكي اكيد 

مها قولي ل ريان اني هاخد اجازه وانك انتي كمان 

حلم ضحكت الله احنا الاتنين هنسيبو لوحدو ربنا يهديه وميقتلناش 

وقالتلو ووافق

وعدي الاسبوعين من غير اي حدث يذكر غير التجهزات الي كانت بتحصل للفرح وجيه اليوم المنتظر يوم الفرح 

كمال بيظبط الكرڤاتا لمصطفي يبني اثبت بقا زهقتني بقالي ساعه بعملهالك ومش عجباك 

قاسم بضحك ساعه في كرڤاتا وربنا انتو الاتنين اغبي من بعض اوعي يبني

 ومسك هو الكراڤاتا يعملهالو 

مصطفي انت وهو هتتعلمو فيا ولا ايه بقولكم ايه اخلصو البت زمانها خللت وهي مستنياني

قاسم ضحك هي فضلت كل ده مستنياك مجاتش من خمس دقايق يعني اتكتم بقا خلينا نخلص 

واخيرا خلصو وراح علشان يجيبها من الجناح الي بتتجهز فيه وينزلو القاعه 

واول ما شافها وقف مبهور بجمالها وفستانها الابيض وطارحتها الي بيذيدو من جمالها 

قرب عليها وباس جبينها مبروك يا اجمل وحده شافتها عيني وشافها قلبي بحبك يا مها 

مها ابتسمت بحب وبترد بكسوف انا كمان بحبك اوي 

حلم وقاسم وكمال واقفين وبيتفرجو عليهم والابتسامه على وشهم 

كمال هيييح الجواز حلو اووي يا جدعان الاتنين دول فتحو نفسي علي الموضوع اوي 

حلم بصت على قاسم بغيظ ياما نفسي ناس تانيه يكون عندها احساس كده بس نقول ايه بقا الاحساس ده نعمه من عند ربنا 

ومشيت بعيد عنهم وراحت عند مها 

كمال بقولك ايه يا قاسم ايه رايك في دارين 

قاسم بستغراب ليه يعني بتسال عليها 

كمال ابتسم وسرح فيها يعني اصلها عجباني وبفكر يعني لو 

قاسم قطع كلامه بحده اوعي يا كمال دارين دي بذات بلاش 

كمال بستغراب ليه يعني بص انا متاكد انها معجبه بيك بس دي حاجه عاديه وهي مش في دماغك صح 

قاسم اكيد عمرها ما هتبقا في 

دماغي بس انا بقولك بلاش علشان انتا زي اخويا يا كمال ومن واجبي اني انصحك 

كمال ليه يبني كل ده لو على الاعجاب فا انا هعرف اخليها ازاي تحبني وم

قاسم بحده انا قولتلك الي عندي يا كمال لو داخل ع جواز وبيت وام لولادك بلاش دي ومش هقدر اقولك اكتر من كده دلوقتي 

مصطفي من بعيد ايه يا جماعه مش هننزل ولا ايه 

قاسم يالا يالا

 ونزلو القاعه 

جت امال وباسم وابنهم وطبعا معاهم يارا 

امال ايه ده بصي مين هناك ده رامي وجاي علينا اهو كمان 

رامي جيه وسلم عليهم 

وبيسلم على يارا ازيك يا انسه يارا ممكن اتكلم معاكي شويه 

باسم بعصبيه وتتكلم معاها بصفتك ايه يا استاذ 

امال ف ايه يا باسم وانتا مالك انا اسفه يا رامي يارا انتي اكيد مش عندك مانع تتكلمي معاه صح 

يارا باحراج اه اه طبعا وبعدت عنهم شويه هي وهو 

وباسم متعصب وعينو متشالتش من عليهم 

امال بعصبية ف ايه يا باسم انتا ازاي تحرجه كده هو مقالش حاجه غلط وبعدين حاول تساعدني اننا نقنع يارا ونخليها توافق عليه 

باسم بنرفزه اساعدك انا مليش دعوه بالموضوع ده  ومتتكلميش معايا فيه تاني لو سمحتي 

امال براحتك بس متتدخلش تاني بقا وخليني اعرف اقنعها بيه 

رجعت يارا وعلى شها ابتسامه 

امال بتضحي يبقا اقنعك هاا قالك ايه

يارا قالي ايه يعني عادي 

مودي مامي عايز اروح التواليت 

امال يووه وده وقته يا مودي 

طيب يالا يالا بسرعه هروح بسرعه وارجع تقوليلي كل حاجه  ماشي 

يارا ماشي ماشي بس الحقي مودي بسرعه 

مشيت امال 

باسم بعصبية قالك ايه الزفت ده 

يارا بخبث ابدا بيحاول يقنعني اني اوافق عليه واديله فرصه يظهرلي اد ايه هو بيحبني وبس 

باسم وبس وانتي رايك ايه انتي موافقه على الكلام ده يعني 

يارا وايه الي هيخليني ارفض يعني ليه لا مش يمكن يكون كويس بجد 

باسم بحده لا لازم تقولي لا 

يارا  ولا ليه يا باسم ايه المانع

باسم علشان انا بحبك يا يارا 

.......................عند دارين 

بتتكلم في الفون والله خلاص انا بس كان لازم استني الوقت ده علشان يصدقني ويقتنع 

لا لا بجد المره دي مفيش اي تاجيل تاني قريب هتيجي علشان تحضر الفرح اتاكد من كده 

........................ف الفرح 

قاسم واقف بعيد عنها بس عينه عليها متابع كل حركه بتخطيها 

بيتفرج على جمالها هي كانت لابسه فستان لونه اوف وايت ماشي مع كل تفاصيلها  وطرحه بنفس اللون كانت شبه الحوريات 

وهو مسحور بيها وكأنه بيشوفها لاول مره نفسه يخبيها من عيون الناس وهو شايف الكل بيتفرج عليها جمالها كان خاطف نظر الكل ليها وخفتها وحركتها مخليها الف عين تبقا عليها 

متابع ضحكتها وتصرفاتها وبيضحك اول ما يشوفها بتبتسم 

بس مره وحده الابتسامه اختفت من على وشه اول ما شاف مازن زميلهم بيسلم عليها وقف يتكلم معاه فتره مش قليله وهي بتضحك وتهزر زي عادتها وهو واقف متابع ودمو بيغلي وماسك نفسه لغايه ما يشوف ايه اخر الحوار واول ما لاقي الكلام بينهم بيزيد

 راح عندهم 

وبحده وهو متجاهل وجود مازن تماماً حلم تعالي عايزك 

مازن ايه يا عم قاسم هو انا شفاف ولا ايه مفيش عامل ايه حتي 

قاسم بصله ببرود اهلا

 حلم تعالي عايزك 

حلم شايفه أنه متضايق جدا وعارفه انها لو ممشيتش معاه هيطلع عفريته عليهم وتضغط على سنانها بغل حاضر يالا 

عن اذنك يامازن دقيقه وارجعالك 

قاسم شدها من ايدها ومشي هرجعهالك جثه ان شاء الله

وخرج بيها بره القاعه خالص 

حلم شدت ايدها منه بعصبيه اوعي كده في ايه بتعمل كده ليه 

قاسم بزعيق بعمل كده ليه اه صحيح انا اسف اني قطعت على الهانم القعده الحلوه الي هي قاعداها 

حلم انتا بتقول ايه ده مازن وكان بيسلم عليا عادي يعني مفيهاش حاجه 

قاسم بيسلم عليكي ده بقاله ساعتين واقف معاكي والهانم عاجبها الجو اوي وشغاله ضحك ومياعه 

حلم مياعه ايه يبني الهبل الي بتقوله ده يعني واحد بيتكلم معايا اقلو غور امشي من هنا 

قاسم بعصبية لا وليه بعدين انتي معاه هو كده من زمان من ايام الجامعه لا وكمان قريب كان بيتصل عليكي حلم هو انتي بيتحبه 

حلم بحزن وصوت مكسور  بحبه هو انت بعد ده كله بتشك اني بحب مازن انت بتتكلم جد ولا بتهزر 

قاسم بحده انا بسال سؤال واضح وعايز اجابه واضحه وكل كلامي جد 

حلم بقهر وكبت سنين جواها لا ده انت مش بتحس بجد بقى كل السنين دي ومش فاهم كل ده ومش عارف انا بحب مين انت مش طبيعي بجد

قاسم بتحبي مين يا حلم ريحيني بقا وقولي بتحبيه صح

حلم بزعيق وتعب افهم بقا يشيخ حرام عليك 

قاسم افهم ايه 

حلم اني بحبك انت يا غبى😯