يونس و ادم خبطوا عليها و كان وشهم كله غضب 

جهاد بخضه. مالكم فى ايه 

ادم بغضب و خوف شدها ل حضنه

جهاد بشهقه و بتزقه. انت اتجننت و لا ايه ابعد 

ادم بعد و بغضب. ليه مقولتيش أن بيجيلك تهديدات ب القتل انت مجنونه 

جهاد بتبرق. انتو عرفتوا منين 

يونس بغضب. امسكى ياختى كل دا رسائل تهديد و انت بارده و مش همك 

جهاد بتنهيده. طيب اتفضلوا نتكلم بره الاوضه 

طلعوا كلهم من الاوضه 

ادم بغيظ. ها قولى

جهاد بتنهيده. الكلام دا من يوم ما عمى محمد قالى صفقه و أن ال هيسلم لينا الشحنات حاطط فيها مخدرات و بلغنا البوليس و قبضوا عليه بس صفقه النهارده فيها اكبر تاجر مخدرات و انا عرفت و عمو محمد عرف 

ادم. عرفتوا ازاى 

جهاد. عمو محمد قبل ما بيدخل ف اى ثفقه لازم يعرف كل حاجه عن ال هيعقد معاه و عرف أنه أكبر تاجر مخدرات المشكله بقا أنهم لسه عارفين من يومين أن احنا عرفنا و الشحنات كانت ف نص لا عارفين يرجعوها و لا احنا عارفين ناخدها و كالعاده عمو محمد بلغ البوليس 

يونس بغضب. طيب و انت و اهلك ايه مش خايفه عليهم 

جهاد بتنهيده. اولا ربنا حامى أهلى ثانيا انا أهلى متامن عليهم اوى 

ادم برفعه حاجب. ازاى 

جهاد بابتسامه. حد موثوق منه هو واخد باله من اهلى 

ادم بغيظ. ايوا مين 

جهاد و هى بتقوم علشان تمشى. هيكون مين يعنى مفيش غيره صديق طفولتى زين المصرى و جت تمشى 

ادم شد أيدها. انت هبله يا بت انت انا قولتلك ابعدى عن الزفت دا صح و لا لا 

جهاد بغضب. قولتلك قبل كدا انا بحبه و هتجوز

ادم قبل ما تكمل كلامها كان باسها و قطع باقى كلامها بشفايفه ال كان بيعبر عن غضبه كله بيهم 

جهاد كانت ف حاله صدمه و بقيت تبعده عنها بس مش قادره عليه 

يونس ضحك و سابهم و مشى 

ادم بعد عنها لما حس بطعم دموعها و الدم ال على شفايفها. أقسم بالله لو لقيتك بتقولى الكلام دا تانى ل هكمل ال كنت بعمله علشان تبقى بتاعتى طول العمر انت فاهمه 

جهاد ضربته ب القلم و بغضب. انا بكرهك بكرهك يا ادم و سابته و مشيت أو بمعنى أصح بتجرى على أوضتها 

ادم بغضب و حط ايده على وشه. بتضربينى ماشى يا جهاد 

عند ياسمين 

يونس بيكلم أم كريم 

يونس. ها يا ام كريم عامله ايه دلوقتى 

ام كريم بضحك. هتموت من الغيظ و ندمانه و انا بلعب على الوتر الحساس 

يونس بضحك. ايوا بقا هههه قولتيلها ايه 

ام كريم. قولتلها خلى بالك منه لما هيلاقى مفيش منك فايده هيسيبك زى ما انت على زمته و يتجوز واحده تانيه تدلعه و تحبه و يحبها هى لو بايديها تسافرلك تشوفك بتخونها و لا لا كانت عملتها 

يونس فضل يضحك بعلو صوته. جدعه علشان تحرم بعد كدا و بحزن بس لسه بتجيب سيره ياقوت صح 

ام كريم بحزن. متنساش دا كان حبيبها يا يونس و ابو ابنها كمان صعب عليها بردو يا بنى بس هى بدءت تحبك و لو ياسمين حبيتك مش هتفكر ف حد تانى خليك انت بس متكلمهاش كدا كمان يومين علشان تشتاق ليك 

يونس بتنهيده حزن. طيب يا ام كريم خير ان شاء الله ياسين عامل ايه 

ام كريم. بخير الحمدلله  

يونس. طيب الحمدلله هقفل انا دلوقتى 

ام كريم. ماشى يا حبيبى سلام 

ياسمين بدموع و هى بتفتكر لحظاتها مع يونس و كلام ام كريم أنه ممكن يتجوز و يعيش حياته هتموتها 

ياسمين باستغراب. هو انا زعلانه على يونس و لا خايفه يتجوز عليا هو هو انا بحبه ازاى ط طيب و و ياقوت و هنا افتكرت الحلم بما ياقوت جلها ف الحلم 

ياسمين بدموع. انا هعيش حياتى يونس ملهوش ذنب ف الحصلى شكرا يا ياقوت دايما مريحنى ف دنيا و الاخر و انا بردو عمرى ما هنساك و لبست و اخدت ياسين و راحوا المقابر 

ياسمين قرءت ليه الفاتحه و فضلت تتكلم معاه شويه و روحت البيت لكن شافت اخر حد ممكن تتخيله و اغمى عليها 

ام كريم بشهقه و خضه. ياسمين يا بنتى

الشخص. شالها و دخلها الاوضه 

ام كريم جابت برفان و رشته علشان تشمه 

ياسمين فاقت و بتبص بصدمه. ي ي ياقوت 

يامن بحزن. لا انا مش ياقوت لاسف انا اخوه التؤام 

ياسمين باستغراب. اخوه بس هو كان ملهوش حد 

يامن بحزن. ياقوت اخويا التؤام بس كانت امى اخدتنا معاه علشان نروح ل تيته طلعوا علينا ناس بلطجيه اخدوا ياقوت و سابونى مع امى و برجاء. ممكن يا ياسمين تيجى تقعدى معانا ف بيتنا ماما تعبت اوى لما عرفت أن ياقوت مات و لسه عارفين قريب والله 

ام كريم اتصلت على يونس و حكت ال حصل 

يونس بغضب. اياك تروح ف مكان 

ام كريم بحزن. ياسمين خودى كلمى يونس 

ياسمين. الو 

يونس بغضب. اياك تمشى من عندك انت فاهمه هى كانت ناقصاه هو كمان 

ياسمين بتفهم. بس هى لازم تشوف حفيدها مش هبات اكيد بس هاخد ام كريم معايا 

يونس. طيب و قفل 

و لبسوا و راحوا معاه ل ام ياقوت ( نشوى) 

جهاد بتكلم ف الموبيل. تمام اوى كدا يا يامن و زين اخد اهلى كمان خلى بالكم منهم كويس 

يامن بضحك. ماشى يا اوزعتى بقولك ايه هترجعى امته علشان نتجوز بقا انا على أخرى 

جهاد بضحك. يا عم اتنيل بقا كل شويه جواز جواز طيب انت مستعجل إنما انا لا كان ادم شد منها الموبيل و سمع 

يامن بضحك. هو انت هتلاقى احسن منى يعنى للجواز 

ادم بغضب و زعيق. انت مين يا حيوان دى هتبقى مراتى انا 

يامن بغضب و صدمه. حيوان انت ال مين ياا 

جهاد شدت منه الموبيل. اقفل دلوقتى يا يامن و قفلت 

ادم بغضب. هو انا اخلص من زين يجيلى يامن بقولك إيه والله ما هتبقى ل غيرى يا بنت صلاح و سابها و مشى 

تمت الثفقه و اتقبض على اكبر تاجر مخدرات 

و كل واحد داخل اوضته حصل ضرب نار و اتصاب 

يونس و جهاد و ادم البوليس بقا ف كل مكان و محمد اتصل ب الإسعاف و دخلوا عمليات 

الدكتور طلع و هو بيجرى 

محمد بقلق. ف فى ايه 

الدكتور. عمو محمد يونس فقد دم كتير و لازم نلاقى فصيله دمه هى الحمدلله مش نادره هروح اجيب دم و اجى 

طلع دكتور من عند ادم. 

محمد.  ادم عامل ايه 

دكتور بعمليه. ادم الحمدلله طلعنا الرصاصه و هو كويس لكن ال بنت 

محمد بخضه. م مالها 

دكتور بعمليه. لاسف شلل نصفى و لسه هنشوف ايه تانى لحد ما تفوق عن اذنك 

محمد قعد و هو بيعيط هى اه بتشتغل عنده بس هو بيعتبرها زى بنته رغم عمرها الصغير جدا على الشغل إلا أنها الوحيده ال قدرت تكسب ثقته ف كل حاجه و ادها هى معلومات معطهاش ل ابنه 

محمد بعياط. انا اسف يا بنتى انا ال عملت فيكى كدا 

بعد يومين 

كان يونس و ادم بقوا كويسين لكن محمد مجبش سيره جهاد قدامهم 

ادم بتعب. عمو محمد جهاد فين 

محمد بتوتر. كويسه يا بنى بس هى ف اوتيل 

ادم بقلق. بس انا شوفتها اضربت زينا برصاصتين و وقعت و كانت مش بتتكلم 

محمد بتنهيده. الحمدلله هى تمام متقلقش 

يونس بغضب. بابا بعد اذنك متكذبش علينا هى مالها فيها ايه 

محمد بتنهيده كلها حزن. جلها شلل نصفى و مش هتقدر تمشى و كمان فقدت النطق 

ادم و ليقوم من على السرير انا هروح ليها 

محمد بغضب. اقعد مكانك انت لسه تعبان 

ادم بغضب. لا هروح ابعد يا عمو أو تعالى معايا وصلنى ليها 

يونس قام بتعب و انا كمان هروح 

ادم بغضب. لا انا بس 

دخل ادم عندها شافها مفتحها عيونها و شعرها مفرود و ساكته 

ادم. چين 

جهاد مبصتلوش 

ادم راح قعد جنبها و قفل الباب. جهاد بصيلى

جهاد بصتله. 

ادم بدموع. قولى اى حاجه بس ما تسكتيش كدا 

جهاد بصتله بدموع و مش قادره تتكلم 

ادم راح قعد جنبها و حضنها و باس راسها 

جهاد ضربته على صدره و زقته 

ادم بضحك. مفيش فايده حاضر هبعد أهدى انت 

ورجع قعد على الكرسى 

الباب خبط و كان يونس 

ادم شد طرحه و حطها شعرها و عدلها و فتح الباب دخل يونس

يونس. جوجو عامله ايه 

ادم بغضب. اسمها جهاد 

يونس بصله و كان هيرد دخل 

يامن 

يونس بصدمه. ياقوت 

..............   

جهاد بصتله بفرحه......