< بعد أسبوع >

في الليل

كانت نجمة خلصت شغل و رايحه بيت سيلا علشان كلهم هيتجمعوا هناك ، كانت ماشيه و فجأه ظهر أمامها 3 شباب و نجمة جريت بسرعه منهم بس واحد منهم مسكها من الطرحه

نجمة بألم : ااااااااه سبني إلحقوني حد يلاحقني 

الشاب 1 بعصبيه : اخرسي مش عاوز اسمع صوتك خالص

نجمة : الله يخليكم سبوني امشي

الشاب 2 : متخافيش إحنا هنستمتع جدا

و كان بيقرب منها و نجمة فضلت تصرخ بأعلى صوت و بتبكي لحد ما ظهر شخص و قال بصوت رجولي : ابعدوا عنها

الشاب 3 : ملكش دعوه امشي انت

الشخص بخبث :انتوا اللي جبتوه لنفسكم

و نجمة اول ما شافته أنصدمت و قال بصوت منبوح : بدر

و بدر كان بيضربهم جامد و واحد منهم عصاية حديد و ضرب بدر من ظهره ضربه قويه ، و بدر وقع على ركبه و كانوا الشباب بيقربوا من نجمة و قام بدر و هوا متعصب جدا و مسك العصايا و ضربهم كلهم لحد ما وقعوا على الأرض كل ده و نجمة كانت بتعيط بدر قرب منها بسرعه و سألها بخوف : انتي كويسه في حد عمل حاجة ليكي

نجمة هزت رأسها بنعم و رفعت وشها  اتخضت لانه كان مجروح في وشه كتير

نجمة : انت لازم تروح المستشفى بسرعه انت متعور جامد

بدر كان سرحان في عيونها و و انفها الحمراء

نجمة كانت بتشاور بايدها ليه علشان يركز

نجمة : ياا رحت فين يلا بسرعه لازم نروح المستشفى

بدر رجع لوعيه و قال : تمام يلا

و ركبوا عربيته و بعد مده وصل المستشفى و الدكتور عقم جروحه و ضمها

بدر : شكرا

الدكتور : العفو الف سلامه على حضرتك و حمدالله على السلامه 

و خرج الدكتور كانت نجمة وقفه على جانب و قالت بندم و تأسف : أنا اسفه جدا لحضرتك على اللي حصل كله كان بسببي انا اسفه بجد

بدر : ولا يهمك المهم انك كويسه و محدش قربلك و بعدين انتي ملكيش ذنب هما السبب مش انتي

بدر : و لو سمحتي قولي ليا بدر من غير حضرتك

نجمة : بس حضرتك اتعورت بسببي

بدر : متخافيش انا كويس و بلاش حضرتك ده تاني

نجمة : شكرا يا بدر على انقذك ليا انا مش عرفه لو مكنتش جيت اي الي كان ممكن يحصل بجد انا بشكرك جدا و مستعده اعمل اي حاجه ليك بعد الي عملته معيا

بدر : العفو ولا يهمك محصلش حاجه ، ممكن اطلب منك طلب

نجمة : اتفضل

بدر : ممكن اعزمك بكره على الغدا

نجمة باستغراب : ليه

بدر : الصراحة انا عاوز اتعرف عليكي

نجمة خفت و توترت ، و بدر لاحظ توترها

بدر : متخافيش انا مش هعملك حاجه انا بجد عاوز اتعرف عليكي

نجمة كانت متوتره و مش عرفه تقول اي بس حاست انها مرتاحه و كانت حاسه بشعور غريب و مش فهمه بس وافقت

نجمة : تمام أنا موافقه

بدر : تمام

نجمة تلفونها رن و كانت سيلا و استأذنت من بدر علشان تخرج ترد و خرجت نجمة و ردت

سيلا بعصبيه : اي يا بنتي اي التأخير ده كله

نجمة : انا اسفه يا سيلا بس حصل موقف معيا و اجي هحكليك

سيلا : تمام بس مش تتأخري تاني

نجمة : تمام يلا سلام

سيلا : سلام

و دخلت نجمة الاوضة 

نجمة : أنا لازم امشي و حمدلله على سلامتك شكرا بجد

بدر :اسنتي هوصلك الوقت اتأخر

نجمة : لا لا ملهوش لزوم انا همشي لوحدي انا اصلا كنت رايحه لبيت صحبتي 

بدر : لو سمحتي خليني اوصلك علشان اطمن ان مفيش حاجة تحصلك تاني

نجمة خافت فعلا ان حاجه تحصلها تاني علشان كده وافقت

بعد مده

كان بدر وصلها

نجمة بابتسامة ساحرة : شكرا جدا ليك و حمدالله على سلامتك

بدر بابتسامة خفيفه : العفو ، هوا ممكن رقمك

نجمة : تمام 012

بدر : تمام شكرا

 نجمة : العفو سلام

بدر : سلام

نزلت نجمة من السيارة و طلعت بيت سيلا و خبطت

***************************

سيلا بتكلم مها :هي ليه اتأخرت

مها :متخافيش اكيد هي جايه

و سيلا سمعت الباب بيخبط و راحت تفتح بسرعه اول لما شافتها حضنتها

سيلا و هي بتضربها : حرام عليكي خضتيني عليكي ليه التاخير ده كله

نجمة و هي بتضحك :طب ممكن تسبيني و حكي ليكم كل حاجه

سيلا بعدت عنها و قفلت الباب و نجمة راحت تسلم على مها و حضنتها

نجمة : عاملين اي يا بنات

سيلا : إحنا كويسين ، انتي بقي عامله اي و ليه اتأخرتي

نجمة : أنا الحمدلله كويسه لولا بدر مكنتش عرفه اي ممكن يحصلى

مها :اي الي حصل اصلا ومين بدر

نجمة :بدر ده صاحب المستشفى الي انتي كنتي فيها

سيلا : و ده اي علاقه بيكي اصلا عرفته ازاي يعني

نجمة : انا خبطت في بالغلط لما كنا في المستشفى و عرفني على نفسه

و نجمة حكت ليهم كل حاجه

سيلا : ممكن اعرف انتي ليه وافقتي على طلبه

نجمة : مش عرفه بس حاست اني عاوزه اوفق يمكن عشان مرتاحه او علشان اللي عامله معيا

مها : سبحان الله انتي حظك جميل وقعتي مع بدر الحسني أكبر رجل أعمال في مصر

نجمة : انا مكنتش اعرفه اصلا ، و انتي يا سيلا عملتي اي في الوظيفة 

سيلا : طلع مدير الشغل شخص انا كنت شتمته في موقف 

مها و نجمة :ازاي يعني 

و سيلا حكت ليهم كل الي حصل من المستشفى و الشركة

سيلا : اكيد هترفض بعد الموقف يلا مش مهم

مها : بجد انتوا الاتنين اغراب من بعض

***************************

في صباح اليوم التالي

كان تلفون سيلا بيرن كتير لحد ما زهقت و ردت

سيلا بنعاس : الو

شخص : حضرتك أنسه سيلا أحمد

سيلا : ايوه أنا 

شخص : تم قبولك في وظيفة سكرتيرة المدير

سيلا :اي انت بتتكلم بجد

شخص : ايوه و حضرتك لازم تجي دلوقتي الشركة

سيلا :تمام انا هاجي

و قفلت الخط

سيلا : غربيه ازاي وافق

دخلت سيلا المرحاض و اخذت شور و اتوضت خرجت صلت صلاتها و دعت ربها ان يكون خير لها في هذا العمل و جهزت و نزلت لقيت مها و نجمة يحضروا الفطار

سيلا :يا بنات شركة الألفي كلمتني و قالوا اني اتقبلت في الشغل بس انا مستغربه ازاي قبلني بعد الحصل

مها : هي فعلا حاجه غربيه بس اكيد في سبب للموافقة إن شاء الله خير

نجمة :يلا علشان تفطري

سيلا :لا مش هينفع لازم امشي دلوقتي باي

نجمة و مها :باي

نجمة : انا هفطر ولازم امشي علشان الشغل و لازم اخلص بسرعه

مها : و انا هخلص و هروح الدار

***************************

<في شركة الألفي >

وصلت سيلا الشركة و دخلت عن مكتب المدير و قالت انه في الدور الثالث و راحت سيلا دخلت المصعد علشان تتطلع و طلعت خبطت الباب

مراد بصوت رجولي :اتفضل

دخلت سيلا و كانت متوتره

مراد :اتأخرتي نصف ساعة عندك ساعتان إضافي

سيلا : كل ده علشان نصف ساعة

مراد : لو اقرارت تاني اعتبري نفسك مطروده

مراد :خدي رجعي الشغل ده

سيلا :بس ده كتير اوى مش هلحق اخلصه انهارده

مراد :اعتقد ان ده حاجه تخصك انتي ، اتفضلي يلا روحي على مكتبك

دخلت سيلا و هي متعصبه جدا منه و راحت سألت الموظفه عن مكتبها و الموظفه قالتها

بعد مده

كانت سيلا مندمجه جدا في الشغل لحد ما جه عدي و سألتها على مراد

عدي :  هوا مراد موجود 

سيلا :  اه بس حضرتك مين 

عدي : انا عدي الألفي شريك في الشركة ، انتي الي مين 

سيلا :انا سيلا سكرتيرة مراد بيه الجديدة ، اتفضل حضرتك ممكن تتدخل

دخل عدي لمراد

عدي :صباح الخير

مراد :انهارده الوفد الالماني هيجي كل حاجه جاهزه

عدي : اه كله جاهز بس في حاجه يعني المترجم بتعنا مش موجود

مراد بغضب شديد و زعيق : ازاي مش موجود امال اي لزمته

عدي :اهدي بس متقلقش انا هتصرف

عدي خرج و شاف سيلا بتشتغل و سألتها

عدي : انتي تعرفي تتكلمي ألماني 

سيلا : اه اعرف ألماني و انجليزي و إيطالي و فرنسي

عدي :كويس جدا طب بصي في وفد الألماني هيجي و أنتي علشان بتعرفي تتكلمي ألماني هتيجي معنا الاجتماع و هتكوني المترجمه بس مش عاوزين أخطاء لازم تركز شديد

سيلا : تمام

و ذهب عدي

سيلا في سرها :هوا انتي اصلا خلصتي شغلك علشان تروحي هعملي حاجه تاني

***************************

<عند نجمة >

كانت بتشتغل و فجأه تلفونها رن من رقم غريب اترددت في ارد بس في الاخر ردت

نجمة : الو مين معيا

بدر : انا بدر

نجمة :اه بدر عامل اي دلوقتي

بدر : الحمدلله انا كويس

نجمة : الحمدلله

بدر : انا اتصلت علشان أكد عليكي المعاد و هبعتلك اللوكيشن

نجمة : تمام ، انا اسفه لازم اقفل سلام 

بدر :تمام سلام

***************************

< في المطار >

نزلت فتاة ذو شعر احمر و بيضاء البشره و ذو عيون زرقاء كانت ترتدى بنطلون اسود و تيشرت اسود و جاكيت جلد اسود و كوتشي اسود و ارتدت نظارة شمسية و حوليها الكثير من الحراس و ركبت سيارتها و قادها السائق .

في سرها

: اشتقت إليك يا مراد 

يتبع ....