رواية الهدف ياسين ولين الفصل السادس 6 بقلم سلسبيل احمد
رواية الهدف ياسين ولين الفصل السادس 6 هى رواية من كتابة سلسبيل احمد رواية الهدف ياسين ولين الفصل السادس 6 صدر لاول مرة على موقع التواصل الاجتماعى فيسبوك رواية الهدف ياسين ولين الفصل السادس 6 حقق تفاعل كبير على الفيسبوك لذلك سنعرض لكم رواية الهدف ياسين ولين الفصل السادس 6
رواية الهدف ياسين ولين الفصل السادس 6
ياسين بزعيق و صدمه: اية الى عملتيه ده !!!!!! قولت محدش يتحرك !!!!!!!!!!
"فجأة صْرب النا* ر اشتغل عليهم جامد من كل حتة "
"زين و احمد جريوا بسرعه يغطوا على مريم و عمر و فاطمه"
زين: عدوا بسرعه عدوا !!!!
"كل واحد استخبي ورا صخر و كان التعامل عليهم شديد و لكن هنا هنا كمان بيصْربوا نا* ر"
"لين بدأت تصْرب هي كمان و ياسين مكنش مركز غير في حد اتصاب ولا لاء و بعدين بدء يدي التعليمات"
- زين اتحرك انت واحمد هناك اتفرقوا كلكوا عشان يحسوا اننا كتير و خلي بالكم!!
"كل اتنين جريوا في ناحيه"
و لين كانت اكتر حد بعد عنهم فا ياسين راح وراها و بدء يزعق: كفاية كدا متبعديش عننا تاني !
لين بصوت عالي عشان يسمع: انا شايفه حد على الجبل فوق لازم اصْرب عليه
" مستنتش ياسين يرد عليها و جريت مسافة تانيه و بدأت تصوب عليه و وقعته! "
'فضلنا نصْرب على بعض دقايق و بعدين ياسين ادة إشارة اننا نحدف عليهم قنـ* ابل وكان بيتواصل مع القيادة'
ياسين: احنا حصل علينا هجـ. وم
و العدد كبير ابعتو دعم ابعتولناااا دعم بسرعه
" لحد ما لاحظنا ان الصْرب وقف فجأة و سمعنا صوت عربيات!!!! "
زين بزعيق: دول بيهربوا يافندم !!!!!!!!!!!!
"لين رفعت المسدس و بدأت تصوب على العربية بسرعه لكن ياسين نزلة بقوة وبصلها بتحذير"
: سبوهم محدش يتحرك وراهم ولا يعمل حاجه
لين: يعني اي هنسبهم يهربوا كدا وهما قدامنا!
ياسين بزعيق: انا قولت سبوهم يعني تنفذي الاوامر فاهمه؟؟؟ و لما نرجع هنتكلم على الى عملتيه انتي عرضتي حياتنا للخطر بغبائك و تسرعك
لين بنرفزة: بس انا كنت ب
ياسين زعق مرة تانية: خلاص ! ومتجربيش تتنافشي معايا في قراري انتي فاهمه ؟
" لين سكتت و صْغطت على قبصْتها بعصبية "
"ياسين حْد نفسوا و بدأ يبص حوليه حْايف انهم يكونوا"
هيرجعوا و رجع بص ليهم كلهم: قدامهم ساعه ونص عبال ما يوصلوا بالطيارة مش عايز حركة من اي حد لحد ما نمشي من هنا وخليكوا مركزين عشان لو رجعوا مفهوم؟
- تمام يافندم
"قعدت بعيد عنهم كلهم و حطت المسـ. دس قدامها"
***********************************
( اللهم صلي وسلم وبارك على سيدنا محمد )
" في بيت لين "
علي: قولتي اي يا ماما لين جتلك امبارح!
- أيوه
= وسبتيها تمشي معقول !!
- هعمل اي؟ احنا كنا عرفنا نسيطر عليها قبل كدا!
= ماما لين لحد دلوقتي مش بتعترف بمو*ت بابا
- اية الكلام ده يا علي؟ هي عارفه كويس و مدركه انا اتكلمت معاها
= انا اقصد.. ماما لين منزلتش دمعه عليه بابا مش
مـ* يت من مدة قصيرة و هي بتتعامل كأنه بقاله سنين!
- لين من صغرها وهي مش بتعيط بسهوله يا علي و انت عارف ده تقصد اي بكلامك بقي
= يا ماما!! قصدي انها كاتمه حاجه معينه! و بتعمل حاجه او هتعمل انا مش قادر افهم لكن اصرارها انها قوات خاصة مش طبيعي! فضلت اقول يمكن عشان بابا لكن دي مكنتش رغبتة! كان دايما يقولها ده مجال صعب و مش اي حد يدخله
- يبقي لازم تتصرف و ترجعها !!!! انت بتقولي كل ده و عارف كل ده و سايبها!
= طيب هنعمل اية
- نكلم عمك!
= اها الى هي مش بطيق ابنه هتسمع كلامه هو!
بعصبية: اتصرف يا علي !!! رجعهالي بأي شكل
- حاضر يا ماما حاضر اهدي هتصرف.
*************************************
( سبحان الله وبحمده سبحان الله العظيم )
" في سينا "
زين: لين انتي كويسة
بصتله ورجعت بصت للأرض: انا كويسة يا زين بس مش عايزه اكلم حد دلوقتي معلش
زين: عمتاً متقلقيش من حاجه المهم اننا كلنا تمام وكلنا سوا يعني ماشي؟
- هزت راسها فا مشي و سابها و هي كانت حطه راسها بين ايديها و سانده على رجلها و ياسين متابع كل الى بيحصل و مركز معاها و هي مش واخده بالها -
" اكيد في حاجه خلتها تعمل كدا انا مش فاهمها.. بس هي كده غلطت و خالفت اوامري دي مفروض تتعاقب دة غير طبعا لما نرجع و القيادة تطلبها..!!!. "
" الطيارة وصلت و ركبوا كلهم و لين فصلت ساكتة و واخده جمب لوحدها و ياسين بدء يحس انوه مكنش ينفع يزعقلها كدا ويفهم اتصرفت كدا ليه وهو شاكك في حاجة معينة اصلا! "
*********************************
صلي على محمد
" وصلوا المبني و كان آسر في استقبالهم بره "
آسر: انت كويس؟ وهما بخير؟
ياسين بهدوء: اها كلنا كويسين اطمن
لف للمجموعة: اتحركوا على الاوض دلوقتي.
" مشيوا كلهم و هو فضل مركز مع لين وبعدين بدء يمشي بسرعه هو وآسر ناحيه مكتب العقيد "
- اية الى حصل يابني ؟
= هشرحلك جوه
"و دخلوا المكتب و بعد اللقاء التحيه على العقيد واللواء الى كان موجود اطمنوا عليه وبعدين بدأو يسألوه عن الى حصل"
العقيد: دي اول مرة تحصل ان مهمة معاك تفشل يا ياسين مكناش متوقعين كدا!
- يافندم التعامل كان شديد علينا و المعلومات الى جاتلنا انهم اربع افراد بس و لكن هما كانوا اكتر غير اني ملاحظتش اي اثر لاسماعيل و احنا كان هدفنا هو.!
فا مقدرتش احْاطر خصوصا انها اول مره لكل الملازمين الى معايا و لما مشيوا سبناهم
اللواء محمود: يعني اسماعيل مكنش وسطهم؟!
- مكنتش متأكد سيادتك عشان كدا مقدرتش اهجـ. م
و اضطرينا ندافع بس لما لقناهم بيصْربوا علينا وكشفونا
= اتكشفتوا! ازاي ده حصل؟؟؟
- اعتقد انهم شافونا لأن كان في منهم واحد
على الجبل و اشتبكوا معانا فا كل ده مكنش مترتب لي لكن الحمد لله كلنا كويسين و الملازمين كانوا قدها اتوزعنا بطريقة صح هيأت ليهم ان عددنا كتير فا هربوا
اللواء وقف و رتب على كتفه: تمام انا هبلغهم بالي حصل فالمركز و هنحاول نعرف هربوا على فين واهم حاجه انكم فعلا كويسين وانا واثق فيك.
ياسين: بستأذن معاليك المهمه دي احنا الى هنطلعها تاني و هنجيب الهدف
العقيد ضحك وبص للواء: اصل ياسين مبيحبش يخسر
اللواء: اها طبعا ماهو من ابطال المجال
" سلموا على بعض برسميه و ياسين خرج مع آسر "
- انا مش مصدق انك خسرت مهمة همسكها عليك لأن ده حدث بيجي مره واحده في العمر
= يعم ماشي انت عملت اية؟
- المهمة اتلغت يعم العيال الى كنت رايح اجبهم هربوا قبل ما نوصل معرفش ازاي
= اها اكيد لما عرفوا ان المقدم آسر بنفسه هيبقي القائد اترعبوا
- يخفيف!
سمعوا صوت العقيد: عاوزك يا ياسين
آسر بصله ورفع ايده الاتنين بشماته: اللعب هتاخد جزا؟ ده يبقي حدث بجد و هنزلة فالجرايد
ياسين بغرور: جزا مين ريح وسع لما اشوف اي الموضوع
"اتجه للمكتب و العقيد طلب منه يقعد قصاده"
- خير سيادتك؟!
= خير ان شاء الله قبل ما تطلع المهمة دي الكاميرات جابت ان الملازم ليان عدلي خرجت من المبني و ده ممنوع و سيادتك خرجت وراها
- ايوه حصل حضرتك انا خرجت ارجعها و عرفتها حدودها كويس و كنت مقرر هتتعاقب على ده لكن قالت ان ده كان ظرف طارئ عشان تشوف والدتها قبل ما تطلع كانت تعبانة اعتقد ، فا فضلت معاها حسب التعليمات مينفعش يتحركوا لوحدهم فترة وجودهم فالمبني؟!
العقيد ضحك وبرم شفايفه: امممم كسبت النقاش كالعادة يعني و بتجاوب بدبلوماسية
- العفو يافندم لكن ده الى حصل بالظبط احنا حتي مكملناش ساعه يعتبر
= طيب عالعموم انا بثق في قراراتك و عارف انك مسيطر فمكانك
- شرف ليا اكيد وهكون عند ثقة سيادتك دايماً
= تمام يا سيادة المقدم اتفضل
ياسين خرج و مخه فضل شغال: دي الكدبة الكام ولا التحويره الكام بقي؟ اممم هبطل اعد احسن.
***********************************
( استغفرالله )
" رجع عند المجموعة بتاعته و طلب منهم يتجمعوا و الساعه كانت 8 بليل اتجمعوا فمكان التدريب بتاعهم العادي "
عمر بتعب: احنا اكيد مش جاين نتمرن
ياسين: لاء مش تمرين
عمر: اها الحمد لله
ياسين: ده عقاب ، لأن زي مانتوا عارفين السيئة تعم
عمر بهمس: غطوني و صوتوا.
زين: عقاب على اي!
ياسين: مش خسرنا المهمة؟!
مريم بغل: بسبب لين! مش بسبب حد فينا
جميلة ردت بسرعه وبصتلها بغضب: احنا كلنا فريق و مينفعش تتحاسب لوحدها و ده قضاء و قدر
ياسين: استكوا!!! احنا مش في سوق
لين: مريم معاها حق سيادتك مفروض اتعاقب لوحدي لأني انا الى غلطت.
"ياسين استغرب اجابتها وانها حتي محاولتش تبرر قد اي شخصيه غريبه وعنيده!"
خالد: بعد اذنك يا سيادة المقدم
ياسين: اتفضل
خالد: احنا يعتبر خسرنا بس مش بسبب لين احنا رايحين على أساس انهم عدد معين و طلعوا اكتر الى مفروض يتحاسب الى قال معلومات غلط احنا حتي لو كنا هجمنا مع إشارة سيادتك كان نفس السيناريو هيحصل
" الكل اتفق مع كلام خالد من جواه و ياسين عجبه ذكاء خالد لأن يعتبر قال نفس الكلام الى ياسين قالة فالمكتب مع العقيد "
احمد: صح ده غير ان دي اول مرة نطلع مهمة مع سيادتك ولو كان حد فينا اتلخبط غير لين مكناش هنلومه لأننا فعلا فريق
ياسين: والله ده شيء جميل وشعور كويس منكم و انا مش هعاقب حد فيكوا لكن الكلام ده مش هيوصل للقيادة و انا هتصرف بطريقتي لأنهم مش هيفهموا الغلطات دي..
زين: اكيد يافندم الى تشوفه مناسب.
ياسين: تمام اتفضلوا
مريم: حضرتك سألتنا يعتبر وخت رأي الكل عشان تتصرف بناء على ده؟!
ياسين ببرود: اكيد هعمل كدا انتوا مش عيال انتوا ملازمين وليكوا رأي اتفضلي.
"مريم مشيت و كانت نيتها شر ناحية لين و متعصبة بسبب دفاع الكل عنها و غيرانه جدا!"
" كانوا ماشين طابور و لين فالأخر لكن وقفت سابتهم يكملوا و رجعت قدام ياسين وهو بصلها و ضيق عينه مستني يسمعها؟"
- انا مش مستعدة ان حد غيري يشيل اخطائي ومش خايفة من عقاب حضرتك
= عقابي و لا عقاب العقيد؟
- اياً كان انا هتحمل نتجية الى عملتة
بصلها بتمعن: اها و الى عملتيه ده ياتري حصل ليه؟!
سكتت شوية و مرضتش تتكلم فا ياسين بصلها: اية هتقوليلي احولك نيابة او ايا كان زي اول مرة عشان تتكلمي؟!
" لين فتحت عينها بدهشه انوه لسه فاكر الى عملتة اول يوم ليها فالمبني لما كشفها "
- انا حاولت اشرح لحضرتك بس واضح اني فعلا غلطانه فا خلاص مش هتفرق
= وانا مش متأكد من ده و عارف ان في سبب خلاكي تتصرفي من دماغك فا اي هو؟
- حضرتك متأكد ليه!
= لأنك مش غبيه يا لين
- ايوه لكن سيادتك قولتلي هناك اني
= انسي الى حصل ده كان وقت غضب من سرعه قراراك الى خالف الى قولته
اتنهدت و بدأت تشرح: الي وقعته من الجبل بعد الاشتباك لما جريت مسافة طويلة مكنش الوحيد الى موجود فوق كان التاني الأول هو الي ضربت عليه من نفسي لأني لاحظت انوه ماسك مسد* س متوجه ناحيه مريم و وفاطمة و عمر و هما جاين علينا وانا مكنتش هلحق اقول لحضرتك خوفت يبقي اسرع مني و يصيب حد فيهم فا ضربتة انا الأول واستغليت انوه موقعي مكنش مكشوف زيهم ومحدش كان شايفني
= و انا كنت متأكد انها حاجة زي دي
لين بصتله و في عينيها سؤال الى هو طب زعقتلي لية!؟؟؟ لكن سكتت: حصل خير سيادتك.
ياسين اتنهد: انا زعقت لأني خوفت عليكوا و اتفاجئت بالي عملتيه لوحدك ، انتوا كنتوا اول مرة و فجأة بيضرب علينا نار و كل ده مسؤوليتي
= اكيد انا فاهمه محصلش حاجة
- و كمان كلام زميالك صح المعلومات كانت غلط فا دي مش غلطتك و طالما الموضوع طلع انك كنتي بتلحقي زمايلك المفروض كدا اني اكرمك عالموقف ده
لين ابتسمت و حطت ايدها على شعرها و هي بتبص للارض: لا عادي بقا
وبعدين لاحظت لون غريب في بنطلون ياسين:
- ده د**م ! انت متعور!!!؟؟ دي طلقة ولا اي؟!
ياسين خبط على مكان الد*م: اهدي مش وجعاني اكيد جرح سطحي انا محستش بيه حتي
لين فضلت باصة على رجلة بقلق: طيب شوفه!!
- هبقي اللفه باي حاجة انا متعود عالكلام ده
= طيب انا همشي عشان حضرتك تروح تلفها بقا دلوقتي أو لاء انا عايزة اتأكد الصراحة انها كويسة!
ياسين ضحك لأول مره على طريقة لين: مفيش حاجه! هي لو وجعاني هقف عليها عادي كدا؟
بصت لضحكته وهي متفاجئه وقلبها بيدق: أ.. ءء اصل كل ده بسببي و لو طلعت متعورة جامد هب..
ياسين قاطعها: لا صدقيني هي زي الفل ولا اي حاجة فاكرة لما صْربتيني بالرُوسيه و بصتيلي بستغراب اني متوجعتش حتي؟!
لين: ايوه صح! ازاي
- جسمي متعود غير أن عضمي اقوي منك بمرات فا بالنسبالي كأن كيس مخده خبطني
رفعت حوااجبها بأندهاش: انا كيس مخده؟!!!
- مثلا يعني..
= مثلا أيوه
- و كمان قولتلك دي مش غلطتك فا خلاص ، المهم مريم دي الى انتي كنتي منتحلة شخصيتها صح
= ايوه
- عشان كدا مش طيقاكي؟
= بالظبط ، بس عادي انا مش بدخل معاها في جدال عمتاً
- طيب روحي نامي
= تمام يافندم.
"رجعت الاوضة انام و جوايا احساس كدا ان قلبي بيتنطط بلاا سبب."
*******************************
- خير يا سيادة الملازم؟
= لو سمحت يا سيادة العقيد انا عاوزة اقدم شكوي ف الملازم لين عدلي بسببها خسرنا المهمة دي عشان لو هنتعرض لأي نوع من العواقب يبقي السبب واضح هي السبب مش احنا
- هي السبب إزاي؟ وضحي كلامك
= صْربت نا*ر على الهدف من دماغها من ان المقدم ياسين نبه علينا محدش يتحرك او يعمل اي حاجه لكن هي فجأة اشتبكت معاهم كأنها القائد و بتدي إشارة لو مش مصدقني تقدر تسألها وتسأل الكل.
العقيد بغضب:...............
يتبع...
>>>>>>>>>>>>>>>>>>>>>>>>>>>>>>>