يعني قصدي عادي ....بس اصل الموضوع متورط قوي ولو ما تقبضش عليهم مش هنعرف نرجع

راضي بصلها باستغراب وقال ...انتي تعرفي حاجه تعرفي هما عايزينك ليه

سهر قالت بارتباك....اخويا حكالي عنهم

وكملت بحرج وقالت...هو بصراحه اخويا عزمي غلط غلطه كده من زمان... وبيدفع تمنها لحد دلوقتي.... هو كان في مكافحة الممنوعات ..وثريا كانت مطلوبه و عايز يوصل لمعلومات عنها....فدخل في علاقه مع بنتها الوحيده علشان يوصل لها....البنت بقت حامل...و لما قالتله ...قالها انها مجرد علاقه عابره في حياته

راضي قال بسرعه... اخص عليه واطي و قذر

سهر قالت بسرعه وغيظ ...انت ما بتصدق ټشتم ولا ايه هي ما قالتلوش انها حامل..قالتلو انها بتحبه وانه المفروض يجي يطلبها من امها ...و لما رفض يتجوزها وقال لها الكلام ده ما رضيتش تقوله انها حامل

ونزلت دموعها وهيه بتحكي وقالت... البنت للاسف خاڤت من امها قوي ..و...

راضي ا تسعت عنيه بذهول وقال ...ايه...ماټت

سهر اتنهدت وقالت... اه ماټت...ثريا دلوقتي بتحاول تعمل نفس الموضوع معايا عايزاني ابقى زيها وتورط اخويا .. او اضطر اعمل زي بنتها

راضي انزهل وقال پغضب شديد..... ايه التفكير العقيم ده ..ازاي

حد اتكوى پالنار دي يفكر يرمي فيها حد تاني ....وبصراحه ما تزعليش مني زي ما البنت غلطت انها فرطت في نفسها وكمان كفرت بربها واڼتحرت... اخوكي كمان غلطان جدا شال ذنب البنت دي باللي عملو ايا كانت دوافعه

سهر قالت بدموع ....معاك حق..هو فعلت شال ذنبها ...بعدين لما عرف انها ماټت زعل جدا وحس بالذنب وخد فتره كبيره مش بيشتغل ولا بيطلع من اوضته....هو كان واخدها طريق علشان يوصل لامها ما كانش فاكر ان الموضوع هيوصل لحمل وجواز وكده

راضي اتنهد ومسك ايدها وابتسم وقال...على العموم انتي ملكيش دخل بكل ده...و ما تقلقيش انا جنبك كل يوم هنروح الكبينه اللي جنبنا و نتصل على اخوكي و ان شاء الله لو ما اطمنتش عليكي وامنتك مش هسيبك

سهر ابتسمت وبصت لعيونه وقالت ...انا معرفتش الامان غير لما شوفتك ياراضي بجد انا بحس بامان الدنيا كله وانت جنبي

راضي ابتسم و قرب اكتر وقال...كمان لو تحسي بالامان اللي بين ايديا... يا لهووووي امان وحنان.... وعليا واحسان

سهر ضحكه جامد وقالت... مين دول

راضي ضحك وقال ....والله ما انا عارف

وعدت الايام وكان كل يوم ينزلوا في الكابينه وسهر تقوله رقم اخوها لانها حافظاه ويفضل يتصل عليه بس ما فيش فايده ويرجعوا تاني على البيت بياس رغم ان كل واحد فيهم مبسوط من جواه جدا انه ما ردش وانهم هيفضلوا سوا

وكانوا عايشين اخر يعاده وبيخرجوا وياكلوا على عربيه الفول مع بعض ويرجعوا يقعدوا في الوكانده يشتغلوا سوا ويتكلموا مع بعض ومبسوطين جدا

اما نوجا كانت بتابعهم پحقد شديد وحاسه ان راضي كل يوم بيتعلق بيها اكثر

بعد اسبوع جه راضي

وقال.... شوفي

يا ستي اشتريت عده صغيره علشان نكلم اخوكي منها بدل ما ننزل لحد الكابينه ونيجي

سهر ابتسمت باستغراب وقالت... صحيح انا اخدو مني تليفوني هناك انت بقى فين تليفونك

راضي اتنهد وقال ....ما انا اتقلبت زيك بالظبط فتشوني قبل ما ادخل عندك واخذوا التليفون والمحفظه قالوا لي هنديهم لك بعد ما تخلص..و احنا هربنا وما اخذتهمش منهم

سهر ابتسمت بحزن قالت.... خسرتك كتير انا

راضي قرب منها وقال ...اه خسړت... بس اللي كسبته اكتر بكتيييير كفايه اني تعرفت عليكي

سهر ابتست ونزلت عيونها بكسوف

راضي رفع وشها ليه وبصلها جامد وقال... اوعى تبعديهم عني انا بقيت اعشق اشوف الدنيا في عيونك....انا مكنتش متخيل ان المصلحه اللي روحتها علشان اكسب منها قرشين وامشي ممكن تكسبني حياه كامله

سهر قربت منه وبصت لعيونه وقالت.... انا كمان يا راضي

بصلها بدهشه وقال... انت كمان ايه

سهر قالت بكسوف...مش عارفه.... انا كمان بفكر فيك دايما ومبسوطه من وقت ما بقينا سوا ..ودايما حاسه بسعاده معاك و

بس قاطعها لما شدها هليه وقال بدون مقدمات... بحبك...انا مش لاقي لها اي تفسير تاني

سهر اتفاجأت وابتسمت بكسوف

وراضي ابتسم وقال... مشتاق لهم قوي ...ممكن

سهر هزت راسها بلا وهو قرب منها

اول ما بعد ابتسم وقال ..موووووز

قالت بغيظ منه ....وبعدين يعني في قلة ادبك دي.... ابعد عني

راضي ابتسم وقال...مقدرش ابعد بقولك بحبك يا بت

سهر قالت ....ايوه سمعت...هو ما ينفعش تحبني من غير قلة ادب

راضي ابتسم وقال بهمس ....لسه قله الادب لما نتجوز هوريها لك

سهر قالت بلهفه .... نتجوز

راضي ابتسم بسعاده على فرحتها وقال... هتبقي مبسوطه لو اتجوزنا

سهر ابتسمت وقالت بخجل.... عادي يعني

راضي ضحك وقرب قوي وقال ....متاكده عادي

سهر هزت راسها ب لا وقالت... مش قوي يعني

ضحك جامد ولسه هيرد سمع صوت نوجا بتقول بضيق.... عايزينك تحت يا سي راضي

راضي

اتنهد وقال...ده وقته.... يا ترى مين اللي عايزني.. هشوف اجي لك على طول ..لسه مخلصناش كلامنا

راضي نزل وسهر ابتسمت بسعاده شديده

وبقت تحاول ترن على اخوها وهي طايره بسبب كلامه

تحت كان راضي قاعد بقى له نص ساعه

بص لنوجه بضيق شديد وقال.... بقى لك ساعه بتقولي لي في واحد كلمني وعايزك.... ومفيش حد بيجي في ايه يا نوجا انتي بتعطليني على الفاضي

نوجا قالت پغضب شديد ..بعطلك عن ايه هو انت وراك حاجه..ولا يعني السنيوره هتطير

راضي قال بضيق شديد...اممم... طيب بقى لما يرن لك تاني اديه رقمي الجديد انا طالع

ولسه هيمشي دخلت ثريا ونجيب وقالوا بغيظ ...ومستعجل ليه ياراضي

راضي اتسعت عنيه بزهول وبص لنوجا پصدمه شديده وقال..اه يا زباله يا 

نجوى بصتلو بحزن و قالت.... البنت فوق بس زي ما وعدتوني راضي ما لكمش دعوه بيه