- الو 

= الو مين؟؟

- انا علي 

= علي! 

- انا عند البوابة بتاعت المبني اخرجي

"خرجت بسرعه و اتحْضيت لما شوفته قدامي بجد"

- انت ازاي وصلت لهنا ! وعرفت منين اني هنا! 

مسك ايدها: انتي لازم تيجي معايا حالا يا لين !! 

ظهر صوت من ورايا: انت مين ؟ 

"بصيت لاقيته ياسين"

"ينهار ابيض كملت!"

اتحرك وقف قدامه: انت مين و ازاي تدخل لحد هنا

= انا علي عدلي المهدي دكتور في مستشفي القوات المسلـ. حة و جيت هنا كتير مع والدي كنت بعالج حالات

- ده اخويا يا سيادة المقدم..

ياسين بصلنا بشك: ممنوع دخولك مبني قوات خاصة تحت اي ظرف دخلت ازاي ؟ 

علي اتنهدت: بالكارنيه ده قولت لحضرتك جيت هنا قبل كده

- دي كانت ظروف أكيد لكن دلوقتي طالما مش بتخدم او بتتمرن هنا يبقي مش من حقك تدخل

= تمام انا فاهم هتكلم معاها دقايق و هتحرك فورا  

مشي وسابنا فا رجعت ابص لياسين: عاجبك كده ؟ 

- عاجبك انتي ؟ بتضحكي على ماما و تقولي عند واحده صاحبتك و انتي عملتي الى في دماغك اصلا و قدمتي هنا؟ اتقبلتي ازاي ولا دخلتي ازاي!!؟؟؟

= ملكش دعوة! انا مش عايزة حد منكوا لي دعوة بيا و ياريت تطمنها وخلاص!

- انتي مش بتردي عليها بقالك اسبوع و بتقولي اطمنها ؟؟ ماما تعبت منك وانا كمان!

= خلاص وانا قولت لك ملكوش دعوة بيا ! 

- يعني مش هترجعي معايا؟

= لاء و ياريت تبطل تراقبني او ايا كان عرفت مكاني منين متبقاش تسأل عني تاني!

- لا هسأل يا ليان ! انتي اختي

= اختك! طب ياريتك وقفت جمبي كأنك اخويا يا علي بس انت وقفت ضدي مع ماما

- عمري ما كنت ضدك! احنا خايفين عليكي انتي بتدخلي سكه بابا نفسه مكنش عاوزك فيها ! 

بعصبية: متتكلمش عن حاجه متعرفهاش بابا كان بيثق فيا و عارف اني قوية !!!

- بس عمره ما اتمني تدخلي المجال ده !!

= المجال ده انت نفسك دخلت فيه ! وبتحبه !!! 

- انا دكتور!

زعقت: ولما روحت لسينا كنت دكتور ؟؟ كنت رايح فعلا عشان تعالج حالات وبس ؟ ممسكتش سلا* ح يا علي ؟ مصْربتش نار ، ما ترد؟

اتلجلج فالكلام: كانت مجرد ظروف فترة وعدت و..

قاطعته: انت كداب!

بصلها بنفاذ صبر: اها كنت عايز ابقي ظابط ارتحتي؟ و لما عرفت انوه حْطر و ماما رفضت ده حولت طب عسكري وشلت الموضوع من دماغي عشانهم لكن انتي عملتي اية؟  انا اخترت ارضيها و دخلت طب عشانها وعشانك عشان افضل جمبكم! لكن انتي كدا بتحسسيها انها هتحْسرك زي بابا يا لين

= لاء متخفش هي مش هتخسرني  

بصلي بستغراب فا كملت: انتوا اصلا خسروتني من وقت ما حبستوني زي المجنو*نة و وصيتوا كل الناس  ترفضني في المجال بعد اذنك بقي عشان عندي تمرين

" اتحركت من قدامه و الدموع متجمده فعيني لكني  خدت عهد على نفسي معيطش ابدًا مش هنهار ولا هقع دلوقتي مش وقته "

" روحت لقيت ياسين قاعد على حرف البسين فا نزلت بهدوء و بدأت اعوم "

" كان ساكت ومتابعني بعينه "

- اعتقد اني كدا بقيت جاهزه و اتعلمت يا سيادة المقدم صح؟

= اخوكي كان عاوزك ترجعي معاه ؟

- محدش بيقررلي اعمل اي!

= انتي هنا من وراهم صح ؟

بجمود: ايوه

= و ليه الاصرار ده؟ 

- كده 

= عمتاً النتيجة بكره و اها انتي كده بقيتي تمام فالسباحه مش هتحتاجيني تاني

- شكرا ليك يا فندم.

" اتحرك وسابني و انا طلعت من المياه طول الاسبوع ده كنت بحس بحاجه غريبة لما ياسين بيدربني معرفش ليه بثق فيه مع اني مش بتقبله! بس بسببه مبقتش اخاف من المياه و دي حاجه كبيرة بالنسبالي."

**********************************

( صلي على محمد )

" الساعه 6:00 الصبح "

- يادي السرينه دي الى بتجيب للواحد فزع ! 

= يلا بسرعه زمان النقط نزلت !!! 

- براحه يجميلة هتكعبليني ! 

" وكنا واقفين طابور كالعادة ومعانا الحيوانات والقطة العبيطه بتاعتي الى يارب متكسفني.. "

" اتفاجئنا بالعقيد شوقي عبد الله موجود ومعاه مجموعة تانيه و المقدم آسر جاين علينا و بيضموا مجموعتنا على مجموعة المقدم آسر "

العقيد شوقي: طبعا كدا فات تلت اسابيع عليكم  هنا و اسبوع واحد على الي انضموا جديد انتوا كلكوا خرجتوا من العسكرية وانتوا 20 سنة و بعد كدا فضلتوا 5 سنين لحد ما خلاص هتبقوا ملازمين رسمي اهو.

" الكل ابتسم بفخر "

- انتوا اتعينتوا كلكوا و لما جيتو هنا كان زي تأكيد على التعين ده و عشان تعرفوا نظام القوات الخاصة هنا ازاي مش اكتر وتتعودوا على التدريب و بعد اسبوعين بالظبط هتنزلوا شغل رسمي كل مجموعة مع القائد بتاعها.

" حسيت بفرحه رهيبه جوايا و ان قلبي بيرقص انا خلاص بوصل لهدفي تقريبا! قربت اوي! "

- بالتوفيق يا أبطال تقدروا تروحوا تشوفوا النقط.

"الكل راح ولكني لاحظت ان العقيد بيقرب عليا"

- اية الاخبار؟ 

اللقيت التحيه: تمام يا سيادة العقيد 

- كنت متابع تمرينك للسباحه و عايز اتكلم معاكي في موضوع تاني

= اكيد يا فندم!

- هكون موجود لحد بليل تعالي المكتب الساعه 8 

= تحت امرك يا فندم 

" اللقيت التحية مرة تانيه و اتحركت! كنت خايفه او مرعوبة عاوزاني ف اية؟ معقول هيمشيني ممكن يكون علي او ماما عملوا حاجه تانيه او كلموا حد ! عقلي فضل يفكر و مش قادره ابطل تفكير ! "

" روحت عشان النقط و بعد ما شوفت النقط بتاعتنا مريم كانت اعلي مني بنقطه واحده بسبب السباحه و زين كان اعلي واحد فالرجالة "

" و اتفاجئت ب زين قدامي "

زين: حقك عليا عشان اول يوم مكنش قصدي..

- ولا يهمك حصل خير 

= حقيقي مش مدايقة؟ 

- لاء محصلش حاجه الضربة بتاعتك ملهاش اثر 

خالد دخل فالحوار بسرعه: مش قولتلك قلبه طيب! شبه القطة الى شايلها

زين: خالد ونبي متفكرني بالبتاعه دي بحاول مبصلهاش! 

خالد: انا علمت قطتي تخربش 

زين ضحك: حاسس انها هتبقي سبب استبعادي بس هي كيوت فداها 

خالد: قطتك باين عليها دلوعة اوي يا لين

- دي عبيـ. طة و فراكه ومش راضيه تتعلم حاجه

جميلة قربت: احم احم القائد مراقبنا يلا عشان التمرينات

" جميلة لفتت انتباهي ان غالبا ياسين بيراقبنا بجد "

"وقف قصادي و هما مشيوا"

- لين

= افندم يا سيادة المقدم

- انتي هتقدري تنزلي شغل رسمي بعد الأسبوعين؟ 

= اها اكيد هو في اختيار

- في انك تقعدي هنا او تنزلي إجازة لأنك جاية متأخر وفايتك حوالي 15 يوم تمرينات

= لا متقلقش حضرتك انا هقدر 

- تمام اتفضلي

" كنت عارف ردها و متوقع انها تقدر و لكن في حاجه غريبه في تعينها مش قادر افهمها.. " 

***********************************

(استغفر الله العظيم )

"بليل في مكتب العقيد بعد التمرينات"

- انا فخور بيك جدا يا آسر انت و ياسين مفيش حالة استبعاد واحده 

ياسين: هي الدفعة دي غير الى فاتو عموما

آسر: دي حقيقة بسبب نظام ان التمرينات زادت و في كام حاجه اتغيرت فالعسكري لما جم هنا كانوا تقريبا جاهزين محتاجين بس حبة توجيه

- البركة فيكوا برضو ، كدا يا رجالة  لما الأسبوعين يخلصوا هيكون كل واحد فيكوا في عمليات مع مجموعته مفهوم؟

آسر: اكيد يافندم

- تمام لو حصل اي حاجه بلغوني اتفضلوا

********************************

(سبحان الله وبحمده سبحان الله العظيم )

" في اوضة البنات "

مريم: سكتي قطتك الغبية دي منامتش لي! ملبوسة!

" مردتش عليها و ختها و خرجنا راحت جريت فا جريت وراها بسرعه "

- يخربيتك يا مشمشه يخربيتك خدي هنا

" فضلت اجري وراها لحد ما لقتها وقعت فالبسين ! بصتلها بصدمه و نزلت وراها بسرعه و المياه كانت تلج "

مسكتها وكانت زي الفار المبلول: مشمشه انتي عايشة !!! 

- مياوو ميععااااو

= الحمد الله 

"خرجتها وبعدين طلعت انا كمان و اتفاجئت ب المقدم آسر هو و ياسين قدامي! "

- انتي كنتي بتعملي اية هنا 

= ءءء ده... كنت كانت القطه كانت بتنتحر تقريبا ونزلت البسين بس نزلت جبتها و لحقتها 

آسر كتم ضحكتة: طيب اللحقي غيري و نشفيها قبل ما تمـ  .وت بجد من البرد 

- اكيد اكيد دي حياتها اهم من حياتي.

"مشيت من قدامهم بسرعه و دخلت اوضة البنات"

ياسين برفعه حاجب: بتضحك علي اي يا اسر؟

= دمها خفيف

- دمها خفيف اه

***************************************

( الحمد لله )

جميلة بصدمه: اي غرقكم كده ! 

- بقي انا على اخر الزمن انط وراه الهانم! البسين 

البنات كلهم ضحكوا فا كملت:

- و المقدم آسر و المقدم ياسين شافوني 

مريم: معرفش بجد قرف بلونا بلوي سوده بالحـ. يوانات دي اول مره تحصل فالعسكريه

جميلة: بس انا حبيت الكلـ. ب اوي و سميتو سيمبا

فاطمه: وانا للاسف اتعلقت بالقطة بتاعتي برضو

قولت في نفسي: وانا اول مره اتعلق بحـ. يوان كدا و نطيت وراها و شكلي كنت خايفه عليها ولا اي!

" افتكرت ان الساعه 8 مفروض اروح المعاد غيرت بسرعه عشان اروح مكتب العقيد "

" طق طق طق "

- اتفضلي ، جيتي فمعادك 

= اكيد حضرتك.

"قعدت قصاده و هو ساب الورق الى ف ايده و بصلي"

- شوفي بقي يا ليان انتي الوحيده هنا الى كنتي فالعسكرية اربع سنين بس مش خمسه زي المعتاد لأنك مش نفس تخصص زميالك  الى هنا و تبقي اصغر واحده كمان لكن انتي اتعينتي عشان مهارتك ، و الى انا متأكد انها هتزيد و تتطور عشان كدا اتوافق عليكي لكن محدش يعرف اتوافق عليكي ازاي..

= انا فاهمه يا فندم و حقيقي مقدره ده

- مش لازم حد يعرف لخصوص تعينك.

= يعني اية؟

- يعني انتي هنا سنك مش 24 لا 25 زي زميالك ومتقوليش برضو انك مختلفة ف اي حاجه عنهم كأنك  قعدتي خمس سنين و كنتي نفس تخصصهم 

= تمام 

- قرار تعينك يا ليان انا واللواء المسؤول 

 الى كنا بنراجعه ده حسب النقط بتاعتك طول الاسبوع الى شوفناها و عشان مهارتك عالية و لأنك بنت اللواء عدلي الله يرحمه موثوق فيكي و في عيلتك و مفيش منك خطر عالجهاز فا اتقبلتي و عشان زي ما قولتلك المكان ده مش اي حد بيدخله وطالما دخلتي يا تبقي مننا يا علينا واحنا اخترناكي معانا.

= تمام انا فهمت سيادتك ، محدش هيعرف غير اني زيهم وعندي 25 سنه و اتخرجت في نفس سنتهم.

" سكت شوية فكرت فحاجه فا بصتله "

- هو المقدم ياسين طيب عارف؟ 

= هو ميعرفش المعلومات الدقيقة دي لكنه ذكي ممكن يوقعك بسهوله او يعرف لوحده بالتخمين لأن خبرته مش هينه لكن مفيش خوف منه لو عرف.

- انا بشكر سيادتك على كل حاجة انا كان زماني لسه مرفوضه بسبب كلام امي و اخويا لمعارف بابا

= مفيش عتاب على ام خايفه على بنتها لأن مجالنا مش سهل يا ليان

"هزيت دماغي بتفهم"

- تقدري تتفضلي.

********************************

( صلي على محمد )

" خرجت من المكتب وقابلت المقدم ياسين " 

- انتي كنتي عندي العقيد؟ 

= ايوه ، هو طلبني 

- انا كنت بدور عليكي 

اتوترت جدا: انا؟ 

= ايوه ، بما ان فايتك اسبوعين واهم حاجه فيهم كانت التمرينات البدينه فا هترجعي تتمرني اضافي 

- ملاكمه ؟ 

= ايوه ، معايا و بعد كدا هيبقي في ماتش غير العادي مع زمايلك و هتنزلي قصاد حد انتي وهو قريبين فالنقط

- تمام

= اتفضلي

" مشيت و دخلت اوضة البنات عشان انام وفضلت افكر ف ياسين بستغراب وجوايا احساس حلو ناحيته غير العادي! او غير الاول يعني "

>>>>>>>>>>>>>>>>>>>>>>>>>>>>>>>>>>>

"بعد ساعه لما لين و الكل فالمبني نام"

جميلة بصريخ:  اية ده يجماعه اية الصوت ده !!!!!! 

" الكل صحي مخضوض على صوت السرينه الى مفروض بنسمعها لو في حْطر! على المبني "

لقينا المقدم ياسين بيفتح الباب فجأة و معاه باقي

المجموعة من الولاد:

-  في تعامل على المبني خدوا الاسحلة بسرعه و اتحركوااااا يلااااااااااا 

جميلة بخضه: تعامل اي يعني اي !!! 

مريم: يعني ناس دخلت بأسلحه و هتموتنا اتحركي !

جميلة: طب و القطط هنسبهم هنا! 

احمد شدها بسرعه: مش وقته يلا 

كلنا خدنا الاسحلة بسرعه و خرجنا من الاوضة كل واحد جري مع التاني وسط صوت ضرب النار القوي وخدنا ساتر كانوا الى بيصْربوا علينا مقنعين ولابسين اسود !

" لقيت زين جمبي هو والمقدم ياسين انا كنت منكشمه ومحْضوضة مش فاهمه اي حاجه !"

زين: لين فوقي امسكي مسدسك

"كل شوية عماله اشوف حاجات بقالي فترة بحاول انساها و لكن ذاكرتي رافضه و بتيجي قدامي بتشوش عليا!!! وبتشتت تركيزي "

" انكمشت اكتر و المسدس وقع مني و حطيت ايدي على راسي وانا حاسه بضغط رهيب  "

ياسين مسك ايدها وحط فيها السلاح: لياااااان ركزي!!!!!!  لازم نتعامل معاهم اصْربي نار ده امر نفذي !!!! 

" بصيت حوليا التعامل كان شديد و الصوت مسببلي  حالة رعب و الدنيا ضلمه لكن زميلنا بيتعاملوا معاهم جامد بدأت افوق على صوت ياسين و اصْرب نار و اصبت كذا شخص فات حوالي ربع ساعه او اكتر! مش عارفه و احنا لسه مستمرين و بنتعامل معاهم كانهم مش بيخلصوا !!!! "

ياسين زعق: الذخيرة بتخلص محتاج دعم!!!!!! 

زين: وانا مسدسي فضي ! 

"حاولت اغطي عليهم و اضرب فكذا اتجاه 

و لكن انا كمان مسدسي بيفضي و الطلق خلص مني! "

" و فجأة اتحدف علينا احنا التلاتة قنبلة !!!! "

"ولاحظت ان كل زمايلنا اتحدف عليهم قنابل "

" جريت عليها انا و ياسين لكني مسكتها الأول رمتها ف اخر لحظه قبل ما تنفـ. جر بس هي منفجرتش اصلا!! و الموقف حصل معانا كلنا محدش القنبلة الى اتحدفت عليه انفـ. جرت ! ؟؟ وفجأة لقيت انوار المكان كله نورت و واحد من الى لابسين اسود و مقنع قلع القناع و كان المقدم آسر ! "

زين بصدمه: ايه ده!! ؟؟

" كلنا اتصدمنا و مبقناش فاهمين حاجه و خصوصا مجموعة المقدم آسر بصتله بستغراب! "

" الاشخاص المقنعين مشيوا كلهم "

ياسين نفض هدومه و قام: كله يقف طابور حالا

كنا مازلنا مصدومين فا زعق: قولت اقفوا طابور ! 

"وقفنا بسرعه واحنا بننهج من الموقف و آسر و ياسين وقفوا قصدنا و لقينا العقيد جاي للمرة التانيه فا اللقينا التحيه تحت صدمتنا"

العقيد: ده كان اختبار و المقنعين دول تبعنا احنا 

والرصـ. اص مش حقيقي ، احنا هنا بنتعلم حاجات كتير و اهمها التصرف بسرعه تحت اي ظرف و التفكير السليم ف وقت قصير لو حصل حاجه زي دي بجد لازم تكونوا مدربين عليها تحت الضغط

جميلة: يعني القطط الكلاب كويسين؟ 

"مريم بصتلها بقرف و الكل مكنش مصدق  سذاجه سؤالها! "

العقيد بصلها بجدية: سؤال كويس القطط و الكلاب مش مهمين فحالة زي يا سيادة الملازم مفهوم؟ المهم تحافظي على حياتك انتي و الى معاكي من البشر 

ياسين: انتوا اتصورتوا و انتوا بتتعاملوا و ردة فعلكم الجهه المسؤلة هتقيمها و بالذات وقت ما القنـ. بلة اتحدفت

العقيد بص تجاه لين: يعني مثلا خصْتك و عدم استيعابك للي بيحصل حوليكي ده مش صح و هيبقي عليه تعقيب 

لين بتوتر: أ.. انا كنت...

ياسين: فعلا دي حقيقة بس تعاملك مع القنـ.بلة كان تصرف ذكي عكس زين الى بصلها بصدمه وتنح..

ياسين وجه كلامه لزين: كنت مستنيها تنفـ. جر فيك ؟

العقيد: ما علينا يا سياده المقدم كل ده اكيد هتتعلموا منه و هتيجوا مناقشة لردة فعلكم دي مع اللواء محمود عبد الرحمن و كذا حد من المسؤلين بعد اذنكم.

" اللقينا التحية و العقيد مشي ولكن فضل آسر و ياسين كل واحد قدام مجموعتة كنا جمب بعض فا ياسين بدء يوجه كلامه لينا كلنا "

- احنا طبعا مقدرين ان البعض اتحْض لكن الموقف ده لو اتكرر حقيقي و حد قالي نستني قطة و التاني بص للقنـ. بلة بصدمه و الى مكنش عارف يصْرب فين ولا يعمل اي كل ده هيقضي على حياتكم في ثانيه لازم يكون عندكم ثبات انفعالي و إستعداد في اي لحظه لأي حاجه؟؟ مفهوووم؟؟ 

الكل رد بقوة: تمام يافندم

آسر: اتفضلوا روحوا على اوضكم نامو

خالد: ننام اي ده بعد المعجنه دي انا تقريبا عملتها على نفسي 

احمد: عملتها مره واحده؟ 

خالد: مش فاكر

عمر: انا غالبا عملتها تلت مرات.

" فاطمه و جميلة سمعوا وفضلوا يضحكوا بتعب" 

 مريم: و انا الى كنت بضايق عشان صحيت من صوت قطة لين اديني صحيت على حـ. رب عالميه و كمان طلعت مزيفه فالأخر!!

"الكل ضحك على طريقة مريم و فعلا كلهم اتخضوا عالفاضي و هما كانوا ف احلي نومه"

" اما لين كانت فعالم تاني والى ملاحظ ده ياسين فا وقف قصدها قبل ما تتحرك معاهم" 

- ياريت تفوقي اسرع بعد كدا فاهمه؟!

" هزت راسها بالإيجاب وعينها بتزغلل ياسين بصلها بستغراب وقبل ما يتكلم كانت بتمسك دماغها وبتقع بس هو لحق دماغها بأيده قبل ما تصتدم بالأرض "

" محستش بحاجه مكنتش شايفه غير كوابيس لكن المره دي وانا صاحيه !! " 

**********************************

( صلي على محمد )

" اتنقلت لين لغرفة مخصصه للعلاج جوه المبني "

ياسين كان واقف جمب الدكتور: هو ممكن ده يبقي بسبب الحْضه يا وليد ولا اية؟  

= هي ضغطها علي و الدم موصلش للمخ عشان كدا اغم عليها و اها اكيد الموقف الى اتعرضت له السبب و انها ضغطت نفسها زيادة عمتاً الحقنه دي هتخليها كويسة و هتقوم

- طيب كويس

" خرجوا بره الاوضة "

وليد بخفوت: خفوا عليهم شوية انا كنت سامع ضرب النار من هنا و اعتقد ده اختبار جديد

- ده طبيعيي يا وليد وبعدين هي جريئة في بيخافوا  اكتر منها ومحصلهمش حاجه

= خلاص يبقي ده ضغط عمتاً مش عارف ، بس الأكيد ان موضوع الاختبار ده كمل عليها

- امممم لحسن اروح اللاقي حد تاني مرمي ربنا يستر

= خليهم يخدوا اجازة عشان يبعلوا الى حصل و يدلعوا شوية 

- هو شغلناا في كدا برضو انا ياما جتلك بطلقات ف ايدي و رجليا ولا نسيت

= هو انت تتنسي ربنا يحميكوا 

- يارب ، طب انا هاروح اشوف الباقين اخبارهم اي

= طيب هي كدا هتفضل نايمه شوية و تقوم زي الفل

- تمام.

******************************** 

( اللهم صلي وسلم وبارك على سيدنا محمد)

جميلة بلهفه: اية الى حصل ؟ هي فين

- تعبت من كتر الضغط بس و الدكتور قال هتبقي كويسة المهم في حد تعب تاني ؟ 

= لاء احنا كلنا كويسين

- طيب طمنيهم و ياريت تناموا لأننا هنتدرب بكره عادي و هنطول عرفيهم ده.

______________________________

" مشيت قولت نفس الكلام للرجالة حاولت اطلع انام انا كمان بس معرفتش ولقيت اني رايح تاني على اوضة لين ، شوفتها من ورا الازاز نايمة فا اتنهدت مبقتش فاهم هي قوية ومش هاممها ولا ضعيفه و بتتعب بسرعه؟! "

" لاحظت وانا باصصلها انها بتتحرك كتير فالسرير بتاعها فا دخلت الاوضة و شغلت الاباجورا الصغيرة"

- لياان؟

ردت بعدم وعي: بابا

" قولت اكيد بتحلم مكنتش عارف اصحيها ولا اسبها"

" طبطبت عليها لحد ما راحت فالنوم تاني مكنتش فاهم الى بعمله فا خرجت و قررت اروح انام..!" 

***************************************

" الساعه 6:00 الصبح "

" صحيت بحاول افتكر الى حصل و خرجت بسرعه من الاوضة الى كنت فيها غيرت ولحقت الطابور و اول ما وصلت كلهم كانوا بيطمنوا عليا و بعدين المقدم ياسين وصل و بصلي كذا مرة " 

- الكل موجود؟ 

= تمام يا فندم

- تمام كلنا؟ 

بصلي بالذات: لين؟

- انا تمام يافندم

= يلا نبدأ 

**************************************

(سبحان الله وبحمده سبحان الله العظيم )

"بعد تلت ساعات تمرينات جري وضغط و غيره!"

- دلوقتي كل اتنين قصاد بعض ملاكمه و اخر الاسبوع هيكون في ماتش ملاكمه كبير و عليه نقط اضافية فا نركز 

" جميلة اطحنت كالعادة من خالد ، و زين و مريم نزلوا قصاد بعض و مريم كسبت! و احمد نزل قصاد فاطمه و هي الى خسرت و جه عليا الدور قصاد عمر." 

عمر : اكيد مش هتعجنيني زي زين صح.؟ 

ياسين: ابدأو 

" بدأت عالهادي انا و عمر كان في روح رياضية و محدش فينا اتعور بس انا الى كسبت كالعادة. " 

" و بعد ما خلصنا جرينا وسط النار و اتبهدلنا ورجعنا و اتمرنا سباحه ساعه و كنا تعبانين جدا بجد" 

- عاش يا أبطال انهارده كان يوم مجهد تقدروا تتفضلوا تاكلوا ف خلال 20 دقيقة و بعدين ترتاحوا كويس وتناموا عشان بكره هنكرر الى حصل انهارده تاني مع شوية حاجات و هنشوف نتيجة تمرين الحيـ. وانات الى انتوا مسؤلين عنها.

= تمام يا فندم

*****************************

( الحمد لله )

" روحنا غيرنا خدنا دش حلو و بعدين كلنا و الكل بيريح الا انا نزلت تاني الحلبة و فضلت اتمرن على كيس الملاكمه بغل كل ما افتكر اني الوحيده الى مستحملتش الى حصل و اني مكنتش مستوعبه اصلا بسرعه زي ما العقيد قالي و كمان اغم عليا كل ده بسبب شوية كوابيس و ... !! فضلت افش غلي فيه" 

- انا قولت ترتاحوا و اظن انتي بالذات لازم ترتاحي؟؟

" بصيت ورايا و انا بنهج و بمسح وشي "

= انا كويسة يا سيادة المقدم بس محتاجه اتمرن حضرتك قولت هتمرني عشان الى فاتني.

- اها بس مش انهارده

= و انا جاهزة!

" ياسين دخل الحلبة و ركن كيس الملاكمه على جمب  و وقف هو بداله و خد وضع الإستعداد وبصلها" 

- نبدء؟

= نبدء.

" حاولت اضربة كتير معرفتش! هو بيدافع بس " 

- سيادتك مش بتهاجم! 

= ركزي في حركاتك و سددي الأول

- انا  مركزة و بكسب كل الى بلاعبهم

= عشان مستواهم لسه مبقاش عالي

- و انا مستوايا عالي!

ضربني بوكس خفيف في جمبي: قولت ركزي و احمي نفسك متتكلميش وسط الماتش

" فضلت أحاول لحد ما ضربته ف جمبه نفس الضربة مكنتش مصدقه بدء ياخد وضع الهجوم وابتسم ابتسامه جانبيه و انا الى كنت بدافع و لحد ما وقفنا " 

- اوعي تتغري عشان صْربتيني انا سايبك بمزاجي 

ضحكت غصب عني: أكيد يا فندم 

- انتي بتضحكي علي اية ؟ 

سكت: ولا حاجه سعادتك ، بس اعتقد اني ضربتك بمجهودي

- اممم مجهودك؟

= اها! و فكيت نفسي برضو قبل كدا بمجهودي.

ابتسم بسخرية: طب خدي وضع الإستعداد.

" بدأنا جوله تانيه و المره دي كان اشد! ضرباته سريعه قوية مكنتش لحقه ادافع! لحد ما كتفني للمره التانيه بقوة "

- حضرتك خدعتني و لعبت بقوة

= لا هو ده لعبي العادي انا كنت متساهل معاكي بس في الاول وبعدين مش بحب حجج البليد 

- طيب سبني 

= مش انتي مستواكي عالي فكي نفسك بقا

"حاولت كتير معرفتش مسكته ليا خلتني مش عارفه احرك راسي ولا احرك ايدي كان متحكم فيا بشكل كامل"

- انا مش عارفه!!! 

ابتسم ياسين بأنتصار وسابها: استخدمي رجلك فالموقف ده ضربة واحده تحت الحزام هتقدري تسيطري على الى ماسكك لما يتوجع كام ثانيه و ساعتها هيسيبك و هيبقي عندك فرصة

- تمام بس حضرتك مكتفني هحرك رجلي ازاي

= ترخي اعصابك و تنكمشي فا تفضي مساحه بيني وبينك وساعتها تصْربي ؛ وفي طريقة تانيه تسحبي نفسك لتحت ايدك بسرعه هتتفكي و تخرجي تضربي فالراس و الرقبه مباشر هنجربها دلوقتي

" كتفني تاني و عملت زي ما قالي نزلت لتحت بسرعه و بعديت لفيت لي و ضربت عالهوا " 

- صح كدا ، روحي ارتاحي بقا ونامي

رديت وانا بتنهد: تمام يافندم

- لين

وقفت وبصتله فا قرب:

= هو انتي قعدتي كام سنة فالعسكريه؟! 

- أ.. انا. هو...أ.. انا قعدت خمس سنين عادي

= اصل مهارتك غير الباقين

لين بذكاء: بابا الله يرحمه كان بيدربني ..

= الله يرحمه

 طيب انتي بتشتكي من حاجه معينة ولا اغم عليكي مجرد ضغط من الاختبار؟

" مكنتش عارفه اقول اي و لكن حسيت انوه داسلي على جروحي كلها و اني عاوزة اعيط "

= لاء خالص هو بس تلاقيني مكنتش بنام كويس او حاجه لكن انا تمام.

ياسين بصلها وبص لعينيها المتوتره: يعني حاد* ثه والدك مش مأثره عليكي؟. 

لين: .......

يتبع..