شهد بضيق : بس دلوقتي الموضوع صعب بسبب البنت نورهان.. تصوري النهارده شوفتها معاه وهيا في اوضة نومه وهوا كان صدره كله عريان... كانت بتعمل ايه عنده 

مامتها بغضب: واحده اهي مكملتش حاجه وعرفت توقعو مش واحده خايبه زيك... اقفلي اقفلي دلوقتي وابقا اكلمك بعدين اشوفك عملتي ايه جاتك القرف 

وقفلت السكه في وشها... رمت شهد التلفون بغضب شديد وهيا بتفكر هتعمل ايه مع وسيم عشان تخليه يحبها ويتجوزها 

رسمت ابتسامه ماكره علي وشها اول ما خطرة علي بالها فكره عشان يتقربو من بعض 

كان وسيم قاعد في الاوضه بتاعته وهو بيفتكر شكل نورهان بالبيجامه وشعرها المفرود اللي ذاد من حلاوتها.. ولا غمازاتها.. رسم ابتسامه خفيفه علي وشه ذادت وسامته 

خبط الباب فسمح للي بيخبط الدخول... دخلت وكانت شهد اشتغرب لما لقي هدومها مليانه ميا قام وقال: اي اللي حصل مبلوله ليه كده 

شهد ببرائه مصتنعه: حنفية الحمام باظت مش عارفه حصلها ايه والحمام كله ميا حاولت اصلحها معرفتش... ممكن تيجي تصلحها لي 

هز راسه ابتسمت ومشيت ومشي وراها.. دخل اوضتها وكانت باخه عطر خفيف في الجو.... دخل وسيم الحمام لقي البانيو مليان ميا والميا بدات تنزل على الارض والحنفيه مش بتبطل عامله زي الشلال 

وسيم: فين المفاتيح 

شاورت شهد جنب البانيو وقالت: هناك اهي 

خد وسيم المفتاح اللي عايزه وبدا يربط الحنفية... كانت شهد واقفه وبتبص علي عضلات ايديه اللي بتتشد كل ما يضغط علي الحنفيه 

صلحها وقام وقال: جربيها 

قربت شهد وفتحت الحنفيه وقالت: تمام كده ميرسي تعبتك معايا 

وسيم بهدوء: عادي مفيش مشكله 

اتحركت شهد واتزحلقت في الميا ووقعت علي وسيم فوقع بيها في البانيو اللي مليان ميا 

بصت علي ايديها اللي كانت مساكه في صدره عشان كانت خايفه متقعش... بصت عليه ووشه وشعره اتبلو ميا... قامت بحرج ورجعت خصلات شعرها لورا وقالت برقه: انا اسفه معرفش ازاي حصل كده 

قام وسيم بعد ما حس بوجع في ضهره لما استضم في البانيو وقال: حصل خير 

بص علي نفسه وهدومه اللي بقت كلها ميا.... شهد بأسف مصتنع: انا بجد اسفه 

حركت رجليها واتظاهرت بألم وقالت: ااااه رجلي 

وسيم: مالك في ايه 

شهد بألم مصنتع: اظاهر رجلي اتلوت 

عيونها دمعت وقالت: بتوجعني اوي مش قادره اقف عليها... ممكن تساعدني 

هز راسه بهدوء... حاوط خصرها وسندها عشان تقدر تمشي... طلع بيها من الحمام وقعدها علي السرير.. نزل قعد علي الارض ومسك رجليها وحركها براحه وهيا تظاهرت انها بتتألم 

ساب رجليها وقام وقال بهدوء: متخفيش مفهاش حاجه... شويه و الالم هيخف 

هزت راسه بدموع وابتسمت وقالت: شكرا 

هز راسه بهدوء بصتله وقالت: لازم تغير هدومك عشان متخدش دور برد 

هز راسه بعدين سابها ومشي...... بصت عليه بعدين قامت قفلت الباب براحه وهيا مبسوطه اوى... قعدت ومسكت رجليها مكان ما هوا مسكها بابتسامة جانبيه وقالت: لسه... لسه يا وسيم هيحصل بينا حاجات كتيرر 

بصت لرجلها وقالت: النهارده مسكتني من خصري ورجلي هنشوف بكرا هتمسكني من اي 

خلصت كلامها وهيا بتعض شفايفها 

دخل وسيم اوضته وقلع الفانله وكان جسمه غرقان ميا... خبط الباب اتنهد بضيق وراح فتح... كانت نورهان لسه هتتكلم بس شقهت بصدمه لما لقيته بيفتحلها وهو عاري الصدر 

غمضت عينيها وقالت: مينفعش كده.... انت ازاي تطلع قدامي وانت بالشكل ده 

وسيم ببرود: عايزه ايه انتي كمان 

بصتله بغييظ وقالت: يعني افهم انك مدايق اني قدامك دلوقتي 

اتنهد بنفاذ صبر وقال بهدوء: نورهان ارجوكي انا مش ناقص 

بصتله وقالت بدهشه: انت بملول ليه كده... انت كدا ممكن تستهوا

وسيم: كنت بصلح الحنفية اللي في اوضة شهد 

بصتله باستغراب... غرق ميا كدا عشان صلح حنفيه ولاا حصلت حاجه تاني وهوا مش عايز يقولها.... هزت راسه بهدوء ومدت اديها بورقه وقالت: دي ورقه مهما هتحتاجها مع باقي الورق اللي معاك 

خدها منها وقال: تمام ماشي 

سابته ومشيت وهيا بتفكر اي اللي حصل معاه ومع شهد... افتكرت كلام شهد لما قالت

" انا بحذرك... ابعدي عنه.... لانه مش ليكي... لا انتي مناسبه ليه ولا هوا مناسب ليكي "

"ابعدي عن وسيم يا نورهان..... لان في الاخر قلبك هينكسر ومش هتستحملي اللي هيحصلك" 

شكها ذاد معقول حصل بينهم حاجه... هزت راسها بالنفي ايه اللي هيا بتفكر فيه دا... لا طبعا مستحيل يكون حصل حاجه... يمكن قالت كده بس عشان تبعدها عنه مش اكتر 

_استغفر الله العظيم واتوب اليه 🌸

رن جرس الباب راحت نورهان فتحت الباب.. لقت راجل بصلها من فوق لتحت بعدين بعدها عن طريقه ودخل بوقاحه من غير ما هيا تسمح له بالدخول 

نورهان باستغراب: انت مين 

الراجل: انتي اللي مين.... بس وشك دا مش غريب عليا 

كانت نورهان لسه هتتكلم بس سكتت لما سمعت صوت احلام وهيا نازله من علي السلم وبتقول بغضب مكتوم: انت جاي هنا ليه وعايز ايه 

قرب منها وهيا وقفت علي اخر درجة من السلم وهوا قال بابتسامة جانبيه: دا سؤال برضو... يعني هكون جاي ليه... جاي اطمن علي مراتي وابني ومتنسيش دا بيتي يعني اجي فيه وقت ما انا عايز 

ابتسمت بسخرية وقالت: بيتك.... دلوقتي افتكرت ان ليك بيت وابن ومراتك 

رد عليها وقال: انا بفتكركم دايما بس انتو اللي مش واخدين بالكم

احلام بقوة: اطلع بره 

بصلها بهدوء وقال: دا بيتي ومش من حقك تطرديني منه..... متنسيش العز والمال اللي انتو عايشين فيه من خيري انا 

احلام بسخرية: خيرك بأمارت اي بقاا ان شاء الله... كل دا من تعب ابني ومن شغله مفيش مليم واحد منهم بتاعك... كل دا ملك وسيم وعمه مالك 

كانت نوراهان واقفه وبتسمع كل حاجه وهيا مش فاهمه ولا حاجه 

رد بضيق وقال: وانا طلعتوني برا الحسبه ولا ايه 

"انت بتعمل ايه هنا " 

بصوا كان وسيم قالها وهوا بيدخل البيت.... بصله الراجل وقال بابتسامة: ابني وحشتنى 

وكان لسه هيحضنه بس رجع وسيم لورا وقال بغضب مكتوم: انت ايه اللي جابك يا انور 

انور بدهشه: انور حاف كدا من غير بابا ولا اي حاجه 

انصدمت نورهان اول ما عرفت انه الراجل يبقي ابو وسيم وجوز خالتها 

وسيم بهدوء: انت متستحقش اللقلب دا... انت متستحقش تكون اب 

انور وهوا بيبص علي احلام بضيق: كرهتي ابنك فيا.... طبعا هتوقع اي من واحده زيك 

مسكه وسيم من هدومه وقال وعنيه حمرا من الغضب: لسانك ميتكلمش معها تانى والا هقطعهولك المره الجايه

سابه وسيم وقال: اطلع بره ومشفش وشك هنا تاني 

اندهش انور من تعامل ابنه معاه وقال: انا ابوك وليا حق عليك انت تتصرف معايا كده 

صرخ وسيم فيه وقال بصوت هز اركان البيت: بابا مات 

بصتله نورهان بدهشه وكانت خايفه من غضبه اول مره تشوفه وهو بالحاله دي 

وسيم بغضب: انا لما جيت علي الدنيا جيت وانا يتيم الاب.... انت بالنسبالي معدش ليك وجود في حياتي.... انت مت من زمان ودفنتك 

بصله انور بصدمه.... دفن ابوه وهوا حي ولسه فيه الروح موته وقلبه بقا جاحد عليه بقاا قلبه عامل زي الحجر ناحيته 

وسيم: امشي يلا اطلع بره 

بصله انور وهوا مش مصدق ازاي ابنه بقا كده.... صرخ وسيم فيه وقال بحده اخافت كل الموجودين: اطلع بره 

هز انور راسه ورفع صباعه السبابه في وش وسيم وقال بغضب: اللي بينا لسه مخلصش وخليك فاكر اللي انت عملته معايا عشان هتندم عليه 

بعدين سابه ومشي.... بصت احلام علي وسيم بحزن وعنيها كلها دموع بصلها وسيم وفي عنيه كلام كتير مش عايز يطلعه... سابهم وطلع علي اوضته 

قعدت احلام علي ركبها علي الارض وبدات تبكي... بصتلها نورهان بحزن ودموع وراحت قعدت جنبها وخدتها في حضنها وهيا بتحاول تهديها برغم انها مش فاهمه انور عمل ايه عشان وسيم يكرهه كدا... ليه وسيم اتصرف مع ابوه كدا... ليه انور مش عايش معاهم.... في حاجات كتيره واسئله اكتر وهيا مش عارفه ولا اجابه ليها بصت علي اوضة وسيم وهيا بتسأل نفسها لييييه