قفل يونس التلفون وهوا بيتوعد للشخص اللي دبر للحادثه دي وهو بيفكر مين ممكن يعملها اتخض وقلبه اتقبض لما سمع صوت صراخ نور... قام جري علي اوضتها وفتح الباب من غير تردد اتفاجأ من شكلها كانت خايفه و مرعوبه جدا وبتبكي بطريقه هيسوريه 

قرب منها وقعد جنبها وقال بلهفه وقلق: نور حصل اي انتي كويسه

بصتله بعنيها اللي كلها دموع وحزن وقالت: كل ما اغمض عيني افتكر شكل بابا وماما وهما غرقانين في دمهم صورتهم مش مفارقه بالي... نفسي دا كله يكون كابوس واصحي منه 

صعبت عليه ومن حالتها وقال: هما دلوقتي في مكان احسن ادعيلهم بالرحمه 

نور بعياط: انا كنت معاهم في العربيه ليييه ليه ممتش زيهم وخدوني معاهم ليه سابوني لوحدي في الدنيا 

زعل اوي عليها وقال: متقوليش كده كل حاجه بايد ربنا... وانتي مش لوحدك انا معاكي وفيه عمك كمان كلنا جنبك 

حضنته جامد وهيا بتبكي وبطلع كل الحزن اللي جواها محتاجه حضن محتاجه اللي يطب طب عليها ويطنها.. عامله زي الطفل اللي تاه ومش عارف هوا فين.... بصلها يونس وهوا مصدوم.. رفع ايديه وكانت متردد... بس حضنها كان عايز يخفف عنها يحسسها انها مش لوحدها هوا معاها وجنبها علي طول... فضل حضنها وهو بـ طب طب عليها بحنان لحد ما هديت تماما 

فتحت نور عينيها لتستوعب انها في حضنه حست بخجل شديد و زقته بعدين عنها وقالت بغضب بداري بيه خجلها منه ومن تصرفها: انت بتعمل ايه مش قولت مش هتقرب مني 

استغرب من تحولها المفاجأ وقال: انتي اللي حضنتيني الاول 

حست بكسوف وخجل شديد قامت ونزلت علي السرير وقالت بغضب: مكنتش مستوعبه انا بعمل ايه.... متقربش مني تاني انت فاهم ولا لا 

قام وقال بهدوء: انا غلطان اني جيت اشوفك 

نور بغيظ: وانت ازاي اصلا تيجي وتدخل اوضتي من غير ما تخبط افرض كنت....... 

قاطعها وهوا بيقول: كنت خايف عليكي 

بصتله من اللي قاله بصلها وكمل بهدوء: سمعت صوت صراخك خوفت عشان كده دخلت بالطريقة دي 

حست باحراج هوا سمعت صوتها من اوضته... سابها وطلع من غير ما يقول اي حاجه تاني وقفل الباب وراه 

*****

نزلت نور من اوضتها وهيا بتتفرج على الفيلا و منبهره بجمالها و اساسها الراقي... بس استغربت انها مشفتش حد من اهل يونس لحد دلوقتي... وقفت وحده من الخدم وقالت: معلش هوا مفيش حد عايش هنا ولا ايه 

الخادمه: مفيش يونس بيه وحضرتك يا هانم 

نور بدهشه: هانم...... طيب اهل يونس فين 

الخادمه: معنديش اي فكره عنهم 

استغربت نور بعدين هزت راسها سابتها الخادمه ومشيت تشوف شغلها..... 

نور بتفكير: هوا اهله فين.. وعايش لوحده ليه.... طيب انا زهقانه دلوقتي ومفيش حاجه اعملها... اوووف 

راحت نور لفت الفيلا كلها عشان تسلي نفسها بدل الزهق اللي هيا فيه... بعدين طلعت علي الجنينه وكانت مبسوطه بالمكان.. فضلت قاعده في الجنينه لحد ما زهقت... قامت ودخلت الفيلا تاني 

علي السفره 

بصت نور علي يونس وهوا بياكل بهدوء سابت نور الشوكه وقالت: اهلك فين 

وقف عن الاكل لما سمع اللي قالته بصلها وقال بهدوء: بتسألي ليه 

نور بتوتر: عادي يعني بما انك جوزي زي ما بتقول يبقي من حقي اعرف كل حاجه عنك وانا من ساعة ما جيت وانا مشفتش حد من اهلك او قرايبك 

بصلها يونس شويه كانه بيفكر في رد ليها بعدين قال: معنديش قرايب ولا اهل عايش لوحدي 

كانت لسه هتتكلم بس قاطعها وقال بحده: نقفل علي الموضوع وبلاش نتكلم فيه تاني 

حست بخوف من نبره صوته مسكت الشوكه ورجعت كملت اكلها... خلصت بسرعه وسابته وطلعت علي اوضتها 

ساب يونس الشوكه ودفن وشه بين كفوف ايديه بارهاق وتعب

********

ماجد بضيق: وانت بتشتغل ايه بقاا 

حمزه: شغال في مطعم 

ماجد بسخريه: جارسون يعني...... وانت جاى بكل ثقه وطالب ايد اختي للجواز 

بصله حمزه وهوا قلقان من كلامه.... قام ماجد وقال بحده: وانا مش موافق ومعنديش بنات للجواز واتفضل اطلع من غير مطرود 

قام حمزه بصدمه وقال: بس.... 

قاطعه ماجد وقال بحده: بس ايه عايزني اوافق عليك بصفتك اي..... هتقدر تعيش اختي بنفس العيشه اللي هيا عايشاها دلوقتي... هتقدر تجبلها عربيه كل سنه هتقدر تخرجها تفسحها تسفرها.... تجبلها كل طلبتها 

سكت حمزه فهوا حاله علي قده وهوا عارف انه مش هيقدر يحققلها كل دا بس هوا بيحبها وهيا بتحبه ودا اللي شجعه اني يجي ويطلبها من اخوها 

ماجد بسخريه: يبقي مش هتقدر ولما انت مش هتقدر جاي وطلبها للجواز ليه...... الا اذا كنت طمعان في فلوسها 

بصله حمزه بصدمه وقال: انا عمري ما طمعت في حد... ولا يهمني الفلوس... واختك عارفه دا كويس و..... 

قاطعه ماجد وقال: طبعا منتا قدرت تلعب بعقلها وخلتها تحبك وقدرت تخدعها عشان الفلوس.... عارف كويس الناس الرخيصه اللي زيك وعارف نواياهم الوسخه كويس بس لو انت قدرت تضحك علي اختي مش هتقدر تضحك عليا 

حمزه بغضب: بس هنا وكفايا مش هسملحك تهين فيا اكتر من كده.... وانا اسف لو ازعجتك 

وسابه وخرج من البيت..... طلعت بسمه من اوضتها وقالت لاخوها بغضب ودموع: انت ليه عملت كده 

ماجد بحده: انا عرف مصلحتك كويس الواد ده بيلعب بيكي فوقي بقاا 

بسمه بانفعال: انا بحبه وهوا بيحبني وانا وثقه فيه حمزه شاب محترم وابن ناس وهيحافظ عليا 

ماجد بحده: يتجوزك عشان يدور بيكي في الشوارع وانتو مش لاقين لقمه تاكلوها 

بسمه بانفعال ودموع: مستعده اعيش معاه فاي مكان ولو انت موافقتش عليه انا مش هتجوز غيره يا ماجد مش هتجوز غيره 

وراحت دخلت اوضتها وقفلت الباب بقوه وهيا بتبكي جامد وصوت شهقاتها مسموع

****

خبط الباب وسمح يونس للي بيخبط بالدخول وكانت نور بصلها وقال: ادخلي 

دخلت نور وقالت بارتباك: انت جبتني هنا من غير هدوم وانا عايزه اغير الهدوم اللي عليا من ساعة ما جيت وانا لبساها 

يونس بهدوء: خدي حاجه من هدومي تناسبك البسيها لحد ما اجبلك هدوم غيرها 

هزت راسها بهدوء... قام وفتح لها غرفة تبديل الملابس وقال: ادخلي اختاري اللي يناسبك وخديه لحد بكرا 

دخلت الغرفة وانبهرت وعجبها ذوقه في اختيار الهدوم والاحذيه والساعات الفخمه اختارت اللي يناسبها فانله نص كم سودا وبنطلون اسود وطلعت 

بصلها يونس وقال: لو احتجتي حاجه تاني قولي 

هزت راسها بهدوء وطلعت راحت اوضتها استحمت وغيرت هدومها وطلعت من الحمام بصت علي شكلها في المرايا كانت الهدوم واسعه عليها بسبب صغر حجمها وهوا جسمه عريض... سرحت شعرها و عملته ضفيره علي جنب 

طلعت نور من اوضتها وفي نفس الوقت طلع يونس وقف مكانه لما شافها بصلها بتوهان في جمالها وهدومه اللي مبينه انوثتها برغم سنها الصغير الا انها كتله في الانوثه والجمال.. بصتله نور ورجعت خصله من شعرها لورا وهيا حاسه بخجل وخدودها وردت من فرط خجلها 

نور بخجل: في حاجه 

يونس بتوهان فيها: جميله 

نور بدهشه: اي 

فاق يونس علي نفسه وقال: لا مفيش.... بكرا كل حاجه انتي محتجاها هتكون عندك 

هزت نور راسها بهدوء وخجل وسابته ومشيت من قدامه فضل يبصلها لحد ما اختفت من قدامه 

هز يونس راسه وقال: في اي يا يونس فوووق 

نزلت نور واستغربت من وجود بنت لابسه فستان ضيق وقصير وكعب عالي وفارده شعرها الاشقر بصتلها البنت بسخريه من شكل نور ولبسها الواسع بصتلها نور بغيظ من نظرات البنت اللي مش لطيفه وقالت: انتي مين 

بصتلها البنت من فوق لتحت بسخريه وقالت: انتي اللي مين 

"فريده" 

بصت نور لقت يونس بينتق اسمها وهو نازل من علي السلم... قربت البنت منه وقالت برقه: يونس اتأخرت ليه 

يونس بهدوء: انا عمري ما بتأخر عن ميعادي 

فريده برقه: عارفاك محافظ علي مواعيدك 

فريده وهيا بتبص علي نور وقالت: مين دى 

بص يونس علي نور اللي كانت واقفه بتبصلهم بغيظ وقال: مراتي 

بصتله فريده بصدمه من اللي سمعته