اتملت عيونها بدموع العتاب لما سمعته بيقولها 

مروان...انا اسف 

سكتت و كانت هتقفل المكالمة بس سمعته و هو بيقولها 

مروان...استني يا حبيبة من فضلك و اسمعيني

اتكلمت و هي نبرة صوتها مخنوقة من العياط و بتقول

حبيبة...احنا دلوقتي مش مخطوبين يا دكتور مروان و مينفعش تتكلم معايا 

هز راسه بنفي و رفض لكلامها و قالها 

مروان...مش انتي لوحدك الي تقرري يا حبيبة لازم تفهمي اني مكنتش اقصد الكلام الي فهمتيه دا 

مسحت وشها بحزن لما افتكرت و قالتله و هي بتعيط

حبيبة...طيب ماشي بعد اذنك بقى مع السلامه 

مستنتش رده و قفلت المكالمة و فضلت تعيط

هي متلغبطه مش عارفه تعمل ايه خايفة تصدقه و يرجعوا تاني يتخانقوا و هما بيتخانقوا يقولها كلمة تانيه تزعلها و هي برضو ف نفس الوقت بتحبه و كانت زعلانه هي كمان 

دخلت الحمام غسلت وشها و خرجت 

لاقيت تليفونها بيرن كانت فاكراه هو ف مراحتش تاخد التليفون و فضل تليفونها يرن كذا مرة لحد م زهقت و راحت لاقيتها كارولين 

ردت عليها و هي بتقولها 

حبيبة...ايوا يا كارولين 

اتكلمت كارولين بعتاب و هي بتقولها 

كارولين...بقى من امبارح كل الاتصالات دي و مترديش عليا ..ماما عايزه تطمن عليكي و بتقولك متزعليش

هزت حبيبة راسها و قالتلها 

حبيبة...معلش قوليلها متزعلش مني بس فعلا انا مبردش على اي اتصالات لأني مش قادرة اتكلم 

سكتت كارولين بحزن عليها بس قالتها بأمر

كارولين...انا عشر دقايق و هكون تحت البيت عندك عايزه اوصل الاقيكي مستنياني

ردت عليها حبيبة بسرعة و هي بترفض و بتقولها 

حبيبة...لااا يا كارولين مش عايزه اخرج ولا عايزه اروح ف حتة سيبيني من فضلك

قالها صوت كارولين الي بتقولها بسخرية

كارولين...لا يا حبيبتي م انا مش باخد رأيك و يلا اخلصي سلام

و قفلت المكالمة من غير م تعرف رد حبيبة 

خبط باب اوضة حبيبة و كانت رضوى الي صحيت من النوم  و الي اتفاجئت لما ملقتش الهدايا ف الاوصة ولا اب حاجة 

رضوى...ايه دا !!

بصتلها حبيبة و متكلمتش 

و رضوى راحت قعدت جمبها و ابتسمتلها و هي بتقولها 

رضوى...عاملة ايه دلوقتي

رسمت حبيبة ابتسامة على وشها و قالتلها 

حبيبة...الحمدلله

ابتسمت رضوى و قالتلها 

رضوى...اوعي تكوني بتقوليلي كدا و خلاص 

ابتسمتلها حبيبة و سكتت و رضوى طبطبت على ايديها 

شاورت حبيبة على المكتب الي كان عليه علبة عصير كمترى الي رضوى بتحبها و قالتلها

حبيبة...اسلام جابلك دي لما جيه

اتخضت رضوى و قالتلها 

رضوى..هو أبيه جيه ؟

هزت حبيبة راسها بمعنى ايوا و رضوى قالتلها بلوم و حزن

رضوى...و مصحتونيش ليه يا حبيبة 

اتكلمت حبيبة و هي بتقولها 

حبيبة...جاي تاني بعد الشركة يا رضوى

هزت رضوى راسها بابتسامة و قالتلها

رضوى..اوكيه

سمعت الباب بيخبط خرجت رضوى تشوف مين

لاقيتها كارولين الي اول م الباب اتفتح قالت لرضوى بنفاذ صبر

كارولين...اختك فين يا بنتي

استغربت رضوى و شاورتلها على اوضة حبيبة و قالتلها

رضوى...ف اوضتها

هنا جت حبيبة و بصت لـ كارولين بعتاب و قالتلها

حبيبة...يا بنتي اتا مش قولتلك مش عايزه اخرج تعبتي نفسك ليه و جيتي

ردت عليها كارولين بأمر و هي بتقولها 

كارولين...انا قولت يلا يبقى يلا 

...سبحان الله و بحمده سبحان الله العظيم عدد خلقه و رضى نفسه و زنة عرشه و مداد كلماته

دخل مروان مكتب اسلام و هو بيقوله

مروان...اسلام انت لازم تتصرف

استغرب اسلام و قاله

اسلام...في اي يابني !!

رد عليه مروان و هو رايح جاي ف المكتب و بيقوله 

مروان...فضلت ارن عليها مبتردش روحت خليط عم صابري يروح يشتريلي خط جديد مش متسجل و رنيت عليها مردتش رنيت تاني ردت و لما عرفت ان انا كانت هتقفل المكالمه قولتلها استني و اسمعيني و قولتلها اني مكنتش اقصد ازعلها ولا كنت اقصد افكرها بفرق الطبقات دا راحت قالتلي طيب و بعد اذنك سلام و راحت قفلت ف وشي من غير م تسمع ردي حتى 

كل دا كان اسلام ساكت تماما و اول م مروان خلص كلام انفجر اسلام ف الضحك و دا خلى مروان يتعصب جدا و يقوله

مروان...انــت بــتــضــحــك علـى ايــهههه يا عم انت !!!

رد عليه اسلام و هو بيضحك و بيقوله 

اسلام...مش مصدق ان انت مروان الأدهم الي مبيعملش اعتبار لحد و حتى لما بيغلط ف حق حد مبيعتذرش

رد عليه مروان بغضب و هو شايفه عمال يضحك عليه و بيقوله

مروان...لا دا انت تافهه

كلمته و غضبه خلوا اسلام يضحك عليه اكتر و مروان بصله بغضب و خرج و هو بيرزع باب الازاز بتاع المكتب

و هو سامع صوت ضحك اسلام 

...سبحان الله و بحمده سبحان الله العظيم 

كانت حبيبة ف الكافيه هي و كارولين و مايفين

اتكلمت مايفين و هي بتقول لـ حبيبة

مايفين...حبيبة بجد عيونك فيها الحزن اوي بجد متزعليش ممكن 

هزت حبيبة راسها و متكلمتش

بصت مايفين لـ كارولين بحزن و رجعت بصت لـ حبيبة تاني و هي بتقولها 

مايفين...انا اسفه 

استغربت حبيبة و قالتلها 

حبيبة...على ايه !

ردت عليها و هي زعلانه و حسه بالذنب و بتقولها

مايفين...انتوا فشكلتوا بسببي

ابتسمتلها حبيبة و هزت راسها بمعنى لأ و قالتلها 

حبيبة...لأ يا حبيبتي متقوليش كدا 

سكتت مايفين و هي حسه بالذنب و حبيبة اتكلمت و هي بتقولها

حبيبة...على فكرة هو كلمني و اعتذرلي و قالي انه مكانش يقصد انه يزعلني كدا

ابتسمت كارولين و مايفين هي كمان فرحت و قالت لـ حبيبة

مايفين..بجد

هزت حبيبة راسها بمعنى ايوا و مايفين قالتلها

مايفين...طيب خلاص يا حبيبة بقى معدش ليه لازمه زعلك دا

هزت راسها ينفي و عيونها دمعت و هي بتقولها

حبيبة...خايفة اصدقه يرجع يقولي كلمة تزغلني تاني

سكتت كارولين بحزن عليها و مايفين قالتلها بابتسامة 

مايفين...صلي استخارة 

هزت حبيبة راسها بمعنى حاضر 

...سبحان الله و بحمده سبحان الله العظيم 

في كافيه ف الزمالك 

كانت رودينا و انجي و آسيا صحابها و الي كانوا مضايقين من حبيبة جدا من ساعة ف هزقتهم و قالت لـ رودينا عليهم كلاب حراسة 

كانت انجي ماسكة تليفونها بتقلب ف الفيس و اتفاجئت لما لاقيت حبيبة منزلة الحالة الاجتماعية "سنجل" 

قالتلهم و هي باين على تعابير وشها الشماته

انجي...ايه دا ايه دا 

استغربوا و آسيا قالتلها 

آسيا...في اي يا بنتي 

وجهت شاشة التليفون ليهم و هما اول م شافوا البوست ظهرت على وشهم ابتسامة شماته 

اتكلمت آسيا و هي بتقول بحقد

آسيا...احسن 

ابتسم رودينا بسخرية و هي بتقول

رودينا...شئ متوقع اصلا اكيد مروان الأدهم مش هيحب حبيبة الي كانت شغاله جارسون 

ضحكوا على كلامها و انجي بصت لـ آسيا و قالتلها

انجي...طب ايه كلاب الحراسة مش هياخدوا حقهم بقى ولا ايه ؟

ابتسمت آسيا و قالتلها

آسيا...اكيد طبعا 

و مسكت تليفونها و هي بتقول

آسيا...عشان كدا لازم نبعتلها رسالة نواسيها فيها اكيد يا روحي بتعيط و زعلانه دلوقتي

ابتسمت انجي و قالتلها

انجي...هو دا الكلام 

اتكلمت رودينا لاعتراض و هي بتقولهم بحقد و خبث

رودينا...تؤ مش رسالة الكلام دا يتقالها ف وشها عشان نشوفها و هي الدموع ف عيونها 

ايدوا كلامها و ضحكوا التلاته و هما فرحانين وووو

يتبعععع