_لااا مستحيل لو أخر راجل فى الدنيا مش هتتجوزها سامع

*وأنت دخلك ايه أنا جاى لصاحب البيت

_صاحب البيت دا أبويا 

=لا مش أبوك يا نوح وأنت إزاى أصلا تكلم ضيوفى كدا أعتذرله حالًا 

_بنظرة عتاب وخذلان مصحوب بألم نابع من صميم قلبه، أعتذرله 

=بصت ليه بندم للحظة نفته فورًا وكملت بحده، أو تطلع بره 

أبوها سامع كل دا ومصدوم من بنته ومش عارف يعمل ايه، كل اللى جه فى باله أنه يقرب منها  بغضب ورفع إيديه وقبل ما تنزل علي وشها كان نوح وقف قدامها نزل القلم على وشه 

+نوح يا بنى ليه كدا كنت سبنى أربيها

_أهدى يا حاج سامح تبارك معاه حق مقالتش حاجه غلط، أنا تماديت في غير حقى بعد إذنك

**************

خرج من  بيتهم بيجر خيبته وخذلانه منها للمرة الألف، نزل علي ورشته مره تانيه

منصور: أنت يا نوح نزلت تانى ليه

_عادى يا منصور دورى خلص ونزلت أشوف شغلى

مسك عربية واشتغل فيها بيحاول يزحم نفسه، يلهى نفسه عن التفكير فى اللى حصل

********

=بابا اسمعنى

/مش عاوز أسمع صوتك، وأنت يا ابنى أتفضل بعد إذنك ونبقى نحدد ميعاد تانى

خرج العريس اللى كان وجوده غير مرحب بيه بالمره، خرجت وراه تبارك

_فريد استنى اسمعنى بعد لو سمحت

/أسمع ايه وزفت ايه، أنتى جايبنى تهزقيني يا تبارك، شوية من حتة عيل ميسواش،وشوية من أبوكى

_هو مش عيل ولا ميسواش يا فريد بس ليه يقول كدا، نوح مش النوع المتهور ولا اللى بيحكم على الناس من أو

/قصدك اي، بتدافعى عنه بتاع ايه عاوز أعرف

_ولا بدافع ولا حاجه أنا بس

/مبسش كل حاجه واضحه وواضح أنتى من البداية بتقفى مع مين ضد مين

وسابها ومشى

_متحسبهاش كدا، استنى يا فريد

*******

فات يومين مش بتعمل حاجه فيهم غير أنها تكلم أبوها وهو رافض أنه يسمعها

قاعد فى اوضته خبطت ودخلتله وفى أيديها طبق كنافة وبتخبط علي الباب كأنه طبله

/مفاتيح قلبك معايااااا اه هجيبك وبهوايااااا، وبعدين يا حاج هتفضل مقموص منى كدا، علي فكرة أنا اللى المفروض أتقمص أنت كنت هتضربنى لأول مرة فى حياتك يا حاج لولا نوح 

_بصلها بلوم اللى أنتى طردتيه  

/هو اللى تتطاول على خطيبى  

_مش خطيبك، وحتى لو أنتى صغرتيني

/ما عشت ولا كنت يوم ما أصغرك يا أبويا

_وبعدين حتى لو عمل كدا واتطاول عليه مفركتيش ليه، نوح مش ساذج وش هينفعل كدا من فراغ 

/هو ماداش ليه فرصه حتى يا بابا 

_نهايته الواد دا مش هيدخل هنا غير بموافقة نوح، فأنا هقعد معاه وأشوف سبب رفضه ايه عشان منكونش بنفترى على الناس ولو اقتنعت يبقى خلاص 

/خلاص ايه يا بابا

_طبطب علي رأسها مش هتتجوزيه يا عيون بابا

***************

_يا نوح أخرج بقى هتأخر علي الجامعه 

/

_يا نوح بطل برود ياربى اووف، عاوز أطس وشى بشوية مايه عاوزة ألحق المحاضرة

/تتطسى فاكره نفسك عربية نقل 

_يا بنى أنت حد مسلطك عليا ولا أنا معمول ليا عمل مالحقش محاضرة تسعة 

ورن الجرس

/منصور فى ايه

_جيت أشوفك اتأخرت ليه، عشان 

/رايح مشوار أمو'ت وأفهم مشاوير ايه اللى بتروح تقضيها من الساعه ٨ الصبح 

_أما تكبر أقولك وبعدين الحاج سامح نزل من بدرى وشكله كدا عاوزك

+صباح الخير يا منصور

_صباح الخير يا دكتورة

+يسمع منك يا بنى يا رب، بطل الإهانة اللى الواحد فيها

/إهانة ايه عاوز أفهم هبقى بيعذ"بوكى فى الكليه

+أنيل أنيل إهانة بطريقة متحضره، أطلع برا يا دكتور، شيلت المادة يا دكتور، مبروك عليك المينص ياكتور، بيهزقونا باحترام وأنا نقطة ضعفى الإحترام يا حسن

_مش أنتى اللى عاملتى قلبك ميت وجبتى مجاميع الديتول استحملى بقى

+صدق يا منص يا أخويا أنت معاك حق، اللى أنا فيه أنا السبب فيه، ابعتهاااالى، يلا سلام عليكم 

********

_يا حاج صباح الفل 

/ يسعد صباحك  

_يا حاج أنا غلطت لما أنفعلت بس والله من خوفى علي، تبارك دا ما يستهالهاش

/أهدى يا بنى أنا عارف كل دا بس ليه ايه السبب اللى خليك رافضه بالشكل دا يا تكون عاوز تتجوز تبارك

_أتصدم والكلام وقف فى حلقه، وشه اصفر وأتلجلج مش عارف ينطق بيبص فى كل مكان إلا عين الحاج سامح، أتنهد وبص في الأرض 

دا حلم أنا مقدرش أحلمه يا حاج 

_ليه يا بنى يمين بعظيم لو قولت اه لجوزهالك

/أكون أسعد واحد فى الدنيا بس مش على حساب سعادتها

_سعادتها هتكون مع اللى رايدها، ولا أنت مش رايد

/مش رايد  دا أنا مش رايد حاجه في الدنيا غير قربها يابا الحاج، بس هى مش شايفينى غير نوح أخوها، وأنا والله مش طمعان فى أكتر من كدا 

_حيرتنى معاك يا بنى

/لو عليا مش عاوز غيرها وبعدها مفيش ست تملا عيني يا حاج، بس هى لا، ومع ذلك مش دا سبب رفضى

_طيب قولى سبب رفضك ايه يمكن أقتنع أنا كمان

/اللى اقدر أقوله أن هو لا شبه تبارك ولا يتحصل عليها أصلا

_مش اجابه مرضيه يا نوح

/معنديش غيرها يا أبويا 

*********

_الواد دا عاوز ياخدك منى يا تبارك

/لا هو ولا ألف شبهوه أنا قلبى فيه سيد الناس كلهم

_رضت غروره كالراجل فابتسم، وأنا عيونى مش شايفه غيرك فى كل البنات

/طب هتعمل ايه لو بابا فضل مصمم عالرفض

_هفضل وراه لحد ما يزهق منى، ويقول الواد دا لزقه فيديكى ليا ،ماهو أنتى كدا كدا ليا

/بجد يا فريد مش هتسبنى ولا هتتخلى عنى

_ بجد يا قلب فريد أجمدى كدا احنا لسه فى أول المشوار 

/أصلك مش فاهم بابا مدام نوح قال حاجه تبقى صح، ولو نوح مغيرش كلامه بابا مستحيل يوافق

_مش مستحيل ولا حاجه

/إزاى بقى يا أذكى أخواتك

_نتجوز بدون علمهم

/اتخضت وقالت بذهول، وحتى لو وافقت علي كلامك تقبل أنك تعمل فيا كدا، تقبل أنك تخليني أوطى رأس أبويا، تقبل أصلا أنك تخليني أشيل أسمك

_أهدى يا توتو أنا كنت بفك الجو مش أكتر، وبفكر معاكى بصوت عالي

/اتضايقت ومردتش عليه

_طب وحياتك عندى وحياة توتا عندى كنت بقولك بفكر بصوت عالي معاكى مش احنا اتفقنا أننا واحد ومنخبيش حاجه علي بعض شوفى مين بيزعل لما بنفذ كلامه

/خلاص يا فريد مش زعلانه، بقولك أنا كنت بفكر أتكلم مع نوح وأ

_أوعى سامعه أوعى تتعاملى مع البنى أدم دا تانى، أنا مش طايق الفكرة أصلا 

/حاضر متزعلش نفسك

وقفلت معاه وهى مكررة أنها تروح ل نوح لأنها عارفة ومتأكده لو نوح مغيرش رأيه مستحيل باباها يعمل

***************

والله كل حاجه هتم ومفيش  غير كل خير إن شاء الله

+أنا خايفه أوى يا نوح وخايفه علي ابنى كمان

مفيش خوف و

قاطعه صوت عالى فزعه هو واللى معاه

/والله عاااال دى حاجه حلوه خالص

تت تتبارك