قاسم حس الأرض بتدور بيه البنت الي جابها على بيته وهيتكفل بيها مطلعتش طفله زي ما اتوقع كانت بنت جميله مكتملة الانوثه حط ايديه على دماغه وقعد وهو بيبص لها بزهول شديد

شوق بصت له وقالت بتوتر..... في ايه يا جدع اوعى تتشل وتلبسني مصيبه 

قاسم بص لها  ولسه علامات الزهول على وشه وقال ....هو كيف خوالك عملو كده...ده انا كنت فاكرك.... كنت فاكرك عيله صغيره هقعدك معاي هنه عادي

 شوق ضحكت وقعدت على السرير وقالت.... اه فهمتك دي مقدمه عشان تخلع انت كمان

قاسم  بص لها بغيظ من كلامها وقال.... اخلع.... هو انا لو عايزه اخلع مين يقدر يجبرني

بقلم....زهرة الربيع

شوق  قالت بسرعه.... ابدا مش شرط تبقى مجبور ممكن تكون الاول عملت فيها راجل وبعد كده قلبتها في دماغك وجبت ورا و

بس قطعت كلامها لما مسكها من دراعها بغضب وبصلها بطريقه تخوف وقال.... انا هعدي جملتك اللي ملهاش اي لازمه دي لانك ما تعرفيش مين قاسم الخطاب ....بس نصيحه لوجه الله لسانك اللي عايز قصه ده تخليه في اخر حنكك ...لاني لو حسيت انه طول تاني هقصره بمعرفتي سمعتني

 شوق خافت منه ومن نظراته وهزت راسها بسرعه بالموافقه وضحكت ضحكات متوتره وقالت...ههه انت بتقفش بسرعه ليه ده انا  كنت بضحك معاك ولا انت ما بتضحكش 

قاسم كان لسه بيبصلها بغضب وهي قالت بسرعه.... مبتضحكش طيب بلاش ضحك...اصلا الضحك بيجيب تجاعيد

قاسم سابها و بعد عنها بضيق وقال... خليكي مرزوعه هنه متتحركيش...لما اشوف هتصرف كيف في البلوه دي 

قال كده و طلع وهي اتنهدت بارتياح لما مشي وقالت...كان لازم تنسحبي من لسانك مبسوطه كده لما كنتي هتعمليها على روحك 

اما قاسم  نزل تحت و نادى على الغفير اسماعيل وقال بغضب ...اسماعيييييل.....انت يا هباب البرك

 اسماعيل جيه بخوف وقال..... امر جنابك 

قاسم قال بغضب شديد..... انت ازاي يا تور ما تنبهنيش ان البت طلعت صبيه ما هيش عيله كيف ما كنت فاكر 

اسماعيل قال بتوتر شديد ....ما انا كنت ناوي اقول لجنابك بس انت قولت لي لما انزل اتعشى

قاسم  مسح على وشه بغضب وقال.... ربنا يصبرني  عليك ....غور شيع غفير لجدي في العزبه لانو مخدش تليفونه معاه خليه يجيني حالا فهمت

الغفير قال...امر جنابك....و مشي بسرعه

 وقاسم  طلع تاني فوق وخبط على الباب

شوق  قالت... مين

 قاسم حمحم وقال.. انا قاسم 

شوق ضحكت وقالت ...اتفضل يا عمده هتستاذن عشان تدخل اوضتك ولا ايه 

قاسم  دخل وقال ...لازم استاذن انا مش لوحدي هنا.... انا جيت اقولك اني محتاج الاوضه عايز اغير خلقاتي وكده 

شوق ضحكت وقالت ....طب ما تغير

قاسم بص لها بدهشه وقال ....اغير كيف يعني وانت هنا 

شوق ضحكت جامد وقالت...و فيها ايه اعتبرني خالتك 

قاسم اتنهد بخنقه وقال... يا صبر ايوب يا رب

 شوق قالت بسرعه...خلاص خلاص  بهزر معاكي يا عمده بنكشك شايفاك متضايق... طيب انا هنزل وانت خد راحتك اعتبر البيت بيتي ...وخرجت 

قاسم بص على طيفها وقال..... ايه البت دي... ربنا يخرجنا من الورطه دي على خير

 بعد شويه كان قاعد بيتكلم هو جده وقال ....دلوك ايه العمل لاقي لي حل علشان انا لاول مره ملاقيش اي حل

 جده ضحك من قلبه وقال.... وانت ازاي ما تسالش على سنها 

قاسم اتنهد  وقال.... قالوا لي امها جابتها وجات وقالت دي بتكم....فكرتها عيله ولما قلت لهم تقعد معايا ما قالوش لا...مجاش في بالي انها تكون صبيه كبيره ومعارفش اتصرف كيف دلوك

ولسه بيتكلم شوق نزلت جري وقالت.... يا عمده عايزه تلفزيون هنا.. امير عايز يقتل كمال انهارده ولازم اشوفه

قاسم  بص لها باستغراب وقال.... مين عايز يقتل مين 

شوق  قالت بسرعه... بقول لك امير عايز يقتل كمال 

قاسم  استغرب كلامها ووقف وقال ....كمال مين فيه ايه

جدو قال بقلق.... اكيد تقصد الجنايني ما فيش كمال غيره هنا 

شوق قالت بدهشه...جنايني ايه اللي هيطلع في التلفزيون...ليه هيقدم  نشره الاشجار ...انا عايزه اشوف المسلسل بتاعي وباستأذنك ادخل الاوضه اسمعه 

قاسم ضم ايديه بغضب شديد وغمض عينيه بضيق شديد وبصلها بنظره مرعبه وقال.... اطلعي فوق لو سمعت صوتك تاني انا اللي هقتلك بيدي سمعتيييي

 شوق ضربت رجلها في الارض بغيظ وقالت.... يعني ازاي عايزني اسيب نيهان في ظرف زي ده لوحدها 

قاسم بصلها بدهشه وقال ...نهان مين

شوق ابتسمت وقالت... دي مرات امير وحبيبة كمال ..ده مسلسل الحب الاعمى

 قاسم عض على شفته بغيظ شديد وقال ....مفيش اعمى هنا غيري عشان اجيب لنفسي بلوه زيك غوري اطلعي فوق امشي

شوق  طلعت بضيق وخوف منو 

وقاسم بص لجده اللي كان بيضحك جامد واتننهد وقال... بتضحك يا جدي على المصيبه  اللي انا فيها..اهي  من ساعه ما جات على الحال ده هتجننني قريب 

 جده ابتسم وقال.... والله البنيه حلوه وصعبانه عليا يعني لا اعمامها ولا خوالها راضيين بيها 

قاسم قال بضيق...عندهم حق واللله بيفهمو

جده ضحك وقال...لا طبعا دي مهما كانت عرضهم..على العموم انا عندي حل بس لو تهدى وتسمعوا وتتفهم

قاسم  قعد وقال.... من غير ما اتفهم يا جدي انت تؤمر امر كده كده كلامك كله بيطلع صح و انا متعوده اوافقك في اي حاجه وانا مغمض

جده  ابتسم وقال ...ده لاني ربيت صح ...الحل الوحيد يا ولدي في الورطه اللي انت فيها دي انك تكتب على البنت دي و

وقبل ما  يكمل قاسم وقف  وقال بزهول.... انت بتقول ايه يا جدي اكتب على مين انت واعي للي بتقوله

جده  بصله بغيظ وقال... واعي...  لا تربيه زينه اترزع خليني افهمك قصدي ايه 

قاسم اتنهد وقعد وقال....اسف يا جدي مقصدش...ما انت كمان كلامك غريب...ازاي عايزني اكتب على واحده زي دي و

 جده قاطعه وقال...اسمع يا قاسم  انت اتكفلت بالبنت دي قدام بيت رشوان كلهم وزمانهم ملو البلد ان انت اتكفلت بالبت ولو سبتها دلوك هيقولوا ده مش قد كلامه ولو خليتها عندك مش هينفع  البت صبيه على وش جواز هيبقى الكلام انيل انت تسمع الكلام وتكتب على البت  وتحط صباعك في عين التخين اللي يتكلم لحد ما تلاقي لها اهلها يعني مجرد ورقه هتكتبها 

قاسم اتنهد وقال... ايوه يا جدي طيب ومنصوره انا المفروض هتجوزها الشهر ده

جده قال... ما انا بقول لك مجرد ورقه عشان ما حدش يتكلم وانت هتعمل فرحك في ميعاد 

قاسم اتنهد وقال ....انت فكرك منصوره هترضى دي هتخرب الدنيا مجنونه كيف امها

جدو قال.... مش شرط تعرف اصلا انت ما تقولهاش ومتى ما تعرف  احكي لها الموضوع... بس يا رب البنيه نفسها ترضى قاسم وقف بغيظ وقال ...هيه تطول اصلا تحمد ربها وتبوس يدها معدوله مقلوبه

جده اتنهد وقال.... طيب ماشي انت عايزني تاني لان العزبه لوحدها والحصان عيان وجايبين له الدكتور 

قاسم اتنهد وقال.... لا روح انت يا جدي معلش عطلتك 

جده ميشي وقاسم راح على الاوضه عندي شوق وكان الباب مفتوح دخل لقاها قاعده على السرير مبوظه الدنيا والمناديل حواليها وبتبكي جامد وهي بتاكل تفاحه من طبق الفاكهه اللي جنبها 

قاسم وقف وبقى يبص لها ولدموعها اللي نزلت على خدودها اللي احمرو  جدا من اثر البكاء ...وكان شكلها يخطف القلب فضل يتاملها لثواني وهي مركزه مع التلفزيون وبتعيط 

بس فاق من شروده  لما استخدمت المنديل بطريقه مقززه جدا ورمته على الارض

احتدت  ملامحه بغضب وقرب منها وقال ....انتي ايه اللي بتنيليه ده ايه القرف ده 

شوق بصت له وهي بتعيط وقالت.... ماتوا الاثنين ماتوا سوا يا عمده ..انفجرو وسابوها لوحدها 

قاسم مسح على وشه بضيق شديد وقال بخنقه... البقاء لله والله شدي حيلك

بقلم...زهرة الربيع

شوق قالت بدموع ....زعلانه على كمال قوي يا حرام ده ماصدق عرف ببنته

قاسم نفخ بضيق وقال... ربنا يجمعهم في الجنه ان شاء الله

وقعد جنبها وقفل التلفزيون وقال بجديه.... عايزك في موضوع مهم

شوق  قالت بضيق ....طب بتقفل التلفزيون ليه دلوقتي دول لسه هيجيبو لهم مقتطفات مع بعض و

قاطعها بغضب شديد وقال....ركزي معايا بدل ما انا اللي هقطف راسك من جسمك

شوق اتنهدت بضيق وقالت..... معاك...اتفضل عايز ايه 

قاسم اتنهد وقال... قعدتنا مع بعض دي مش هتنفع انا كنت فاكرك عيله صغيره بس انتي صبيه على وش جواز ..وحلوه بسم الله ما شاء الله يعني 

شوق ضحكت برقه وقالت.... انا حلوه تسلم لي

قاسم  بلع ريقه وهو بيبص لملامحها من قرب وكان شكلها جميل قوي اتنهد وقال لا اراديا....حلوه قوي...احلى من اي حلو

شوق ابتسمت بكسوف وهو خد بالو من كلامو وقال...احم قصدي ان مش هينفع نفضل في دار واحد كده .. المهم فانا وجدي لقينا حل يعني اني اكتب عليكي لحد ما الاقي لك اهلك مجرد ورقه بس عشان ما حدش يتكلم 

شوق شهقت بردح وقالت.... نعم يا عمر... قال على راي المثل سبته يمسك ايدي شويه... دخل تحت البطانيه وووو