رواية مأساة حوريه الفصل الرابع والعشرون 24 بقلم فريده احمد
رواية مأساة حوريه الفصل الرابع والعشرون 24 هى رواية من كتابة فريده احمد رواية مأساة حوريه الفصل الرابع والعشرون 24 صدر لاول مرة على موقع التواصل الاجتماعى فيسبوك رواية مأساة حوريه الفصل الرابع والعشرون 24 حقق تفاعل كبير على الفيسبوك لذلك سنعرض لكم رواية مأساة حوريه الفصل الرابع والعشرون 24
رواية مأساة حوريه الفصل الرابع والعشرون 24
صدقيني مش هسمحلك تتجوزي بعدي. علي جثتي تتكشفي علي راجل غيري..حققتلك امنيتك وحررتك. بس تكملي لوحدك علشان اقسم بالله لو فكرتي تدخلي في حياتك راجل تاني صدقيني هكون كبوسك. اي واحد تفكري تدخليه حياتك هقـ تله.. اما اخوكي اللي بتتحامي فيه. هلبسك عليه اسود وقريب اوي. لان وعد مني هقتلهو،، لك ياحورية
حورية بكل هدوء فتحت شنطتها وطلعت تليفونها وفتحته علي التسجيل اللي اتسجل حالا
سمعته اخر جملتين قالهم بعدها قفلت التسجل وقالت... هاا. ايه رأيك.. علشان لما دماغك توزك وتفكر تقرب منه. ساعتها تبقي تفتكر ان ده معايا
محمد بصلها بصدمة وهو من جواه كان حرفيا بيلعن نفسه علي غباءه اللي خلاه قال كلام هيكلفه كتير لو فكر فعلا يأذي يوسف. او ان يتعرض لحورية عموما في حياتها اللي جاية
اما حورية كانت بتبصله بانتصار وسخرية وبعدين سابته وخرجت بعد ماقفلت باب المخزن عليه زي ماكان
( طبعا محمد ايده مربوطة بسلسله يعني حركته مقيدة علشان كدة حورية راحتله بقلب جامد😂)
محمد من شدة عصبيته ضر، ب الحيطة بإيده الحرة وهو بيقول بغضب... ماااشي ياحورية
......................
بعد وقت كانت داخلة البيت اتفاجأت بيوسف اللي اول ماشافها قالها بعصبية .. كنتي فين.. انتي روحتيلو مش كده
ولانه اول ماصحي من النوم وملقاش المفاتيح ولا لقاها اتوقع علطول انها راحتله
يوسف بغضب... رحتيلو ليه. انطقي
حورية... اهدي بس. ما انا قدامك اهو محصلش حاجة.
وبعدين هو طلقني خلاص
بصلها بستفهام ف قالت... طلقني بجد. فاضل بس نجيب المأذون ونتمم الطلاق علشان يبقي رسمي.. تعرف انا صحيت النهاردة كنت مقررة اني هطلع علي المكتب وكنت هبدأ اخد إجراءاتي في القضية و لاني كنت عارفة انه هيعاند و مستحيل يطلق بسهولة فقولت اسلم حل هو الخلع.. بس لما فكرت لقيت الخلع مع اللي ان عملته معاه هيزود غضبه اكتر وكان مستحيل يعديها كده. وكان اكيد هيفكر يإذيك.. بس اهو دلوقتي طلقني. طبعا معملش كده غير لما حس اني هرفع الخلع بجد ولانه بيخاف علي شكله اوي ف اشتري نفسه وطلق.. غير كمان دلوقتي انا متاكده مش هيعمل حاجة ومش هيحاول يإذيك خصوصا بعد ده
وسمعته التسجيل
قفلته وقالت... ولاني كنت متأكده انه هيهددني فتحت تسجيل الموبايل قبل ما ادخل علشان اقدر امسك عليه حاجة ويخاف يأذيك ... يعني مرواحي ليه كان صح الصح..اهو طلقني. و كمان مسكت عليه ده. يعني مش هيقدر يعمل حاجه. لانه هيخاف..
بقلم فريده احمد
....
وفي نفس اليوم مساءا
احضر يوسف المأذون والشهود وتم الطلاق رسمي وبعدها يوسف افرج عنه اخيرا
..
عند محمد مرجعش البيت لانه محبش حد يشوفه ولا كان حابب يشوف حد، وراح شقة خاصه بيه في احدي المناطق الراقية.. كان جواه كمية غضب لا توصف وهو حاسس بالهزيمة
...
اما قدرية بمجرد ماعرفت من كريم راحتله فورا تتطمن عليه.. وبمجرد ما فتحلها الباب و شافته شهقت لما شافت منظره ورجله،، قربت عليه بلهفة وهي بتتطمن عليه
كانت لسه هتتكلم
بس محمد شاورلها بإيده بمعني مش عاوز كلام
قدرية هزت راسها بتفهم
وهو سابها ودخل
قدرية النا، ر كانت بتاكل فيها حرفيا وفي اللحظة دي كان هاين عليها تروح تقتـ ل حورية و اخوها يوسف بسبب اللي عمله في ابنها لكن بردو كانت مبسوطة انه طلق حورية خلاص ودي بالنسبالها كانت امنية حياتها
..........
رجعو يوسف وحورية البيت وطارق اللي كان معاهم هو كمان برغم انو كان ضد الطلاق الا انه حضر وقت ما الماذون كان بيطلق
حورية دخلت اوضتها بدون ولا كلمة
عماد اللي كان قاعد بيشرب قهوة قال لـ يوسف... ايه الاخبار
يوسف قعد وهو بيقول.. كده اطلقت رسمي
عماد بصله بفخر وقال... مع اني ضد اللي حصل ده
ولانه بيكره محمد كمل وقال.... بس عجبتني ياض لما هنت امه ابن الكلب ده. جدع
طارق.... ولسه هتفتخر بيه اكتر لما محمد يخلص منه اللي عمله فيه
بص ليوسف وقال.... لو فاكر انو هيسكت علي اللي عملته. تبقي غبي.. انا متاكد انو هيحاول يإذيك لانه مش هيعدي بالساهل اللي عملته فيه
هنا عماد اللي رد بسرعة وقال بتوعد لمحمد.... قسما بربي ماكنت اسمي عليه.. دا نا اقتـ له واقطع ايد اللي يفكر يكفنه. لو فكر بس يقرب من اخوك
بقلم فريده احمد
...................
عند محمد كان ساند ضهره علي السرير و بيدخن بغضب دخلت عليه قدرية بفنجان قهوة ليه وهي بتقول... مش كنت تاكل بدال القهوة دي
حطتها علي الكومود و قعدت قدامه وقالت.... مضايق نفسك ليك. غارت في داهية.. تروح يجي غيرها في ظرف يومين .
مقدرتش تداري فرحتها وقالت... وبصراحة بقا انا مبسوطة انك طلقتها. دي واحدة خا، نتك كان لازم تطلقها من ساعت ماشوفتها مع الزفت عاصم
محمد بصلها وقال ... احنا هنضحك علي بعض. انتي عارفة انها بريئة
قدرية... ولما هي بريئة فتحتلها دماغها ليه
محمد.... مفكرتش ساعتها لما شوفت ابن الكلب ده معاها
مشوفتش قدامي.. انتي بردو اكيد عارفة انها بريئة. ليه عملتي كده. ليه خلتيني اشك فيها.
قدرية ارتبكت لكن قالت .... يعني انا كنت بتبلي عليها. انا شوفتها بعيني وهي داخلة لعاصم اوضته. واحدة زيها متجوزة هتدخل لواحد عازب ليه ملهاش تفسير غير ان بينهم حاجة.. خصوصا انها وعاصم كانو هيتجوز زمان. اكيد حنتله.. و حتي افرض انها شريفة بردو في داهية . دي مقدرتش تجبلك حتت عيل يعني بركة انها غارت. انت بس تشد حيلك واجوزك ست ستها.
محمد غمض عينه بغضب وقدرية قالت... ايه اظن دلوقتي مش هتعترض علي الجواز اللي كنت خايف علي مشاعرها غارت. يبقي لازم تتجوز وفي اقرب وقت علشان تخلف كملت بغل.... وكمان علشان تقهره لازم تتجوز
: اماااااا.
قالها بزعيق خلاها اتنفضت
ثم اكمل بنبرة قاطعة.... متفتحيش الموضوع ده خااالص نهائي
قدرية قامت وهي بتقول.... موعدكش يابن بطني لكن انا علشان مقدرة اللي انت فيه. هسيبك بس اليومين دول
وخرجت
.......
بعد وقت كانت رجعت البيت
رشا اللي كانت قاعدة اول ما شافت قدرية سألتها بفضول وقالت... ايه ياخالتي. ايه اللي حصل
قدرية.... طلقها.
رشا بفرحة مقدرتش تداريها قالت ..... بجد
قدرية... اه. اهو خلصنا منها
كملت بضيق وهي بتقعد وقالت.... بس معرفش مالو اول ما جبتلو سيرة الجواز..اتعصب علياو ركبه عفريت.. تكونش اللي ماتتسمي دي سحرالو.. طب الاول وكان رافض علشانها مع اني مكانش داخل دماغي. مكانش بيمو. ت فيها يعني. دلوقتي ايه اللي مايخليهوش يتجوز..
شهقت وقالت... يكونش بيفكر يردها.. دا يبقي علي جثتي لو حصل.. اه دانا اسعد يوم في حياتي النهاردة لما عرفت انه طلقها
رشا طبعا هي كمان كانت مبسوطة جدا بصت لخالتها وقالت ..... هو تلاقيه بس مضايق من اللي اخوها عمله.. وبعدين ياخالتي بردو مكانش المفروض تفتحي معاه موضوع الجواز ده دلوقتي.. كنتي تسيبيه لما يروق.. انا شايفة انك متفتخيش معاه الموضوع ده اساسا هو لو عاوز يتجوز هيتجوز مش محتاجك تقوليله
وهي من جواها بتدعي ميتجوزش ابدا
وهي بتقول في نفسها... ماصدقت اخلص من الزفتة حورية عاوزاه يجيب واحدة تانية دا انا كنت اسـ مها قبل ماتيجي
.................
تاني يوم
يوسف خارج من البيت وهو ماسك تليفونه ومركز نظره فيه
: يوسف. عامل ايه. وحشتني
ودي كانت سهام مامته اللي كانت داخلة البيت وقابلته في وشها
رفع وشه اول ماسمع صوتها بصلها شوية وبعدها رد
بجمود وقال.... اهلا سهام هانم
و رجع يبص في الفون تاني وعدي من جمبها بلامبالاة
سهام... يوسف
مردش عليها وهي فضلت تبص علي اثره بحزن وبعدين اتنهدت و دخلت
في الداخل
كانت حورية وعاليا قاعدين بيتكلمو ونورا قاعدة علي الكنبة اللي قصادهم بتذاكر ل بنتها وكانت متعصبة جدا وهي كل شوية تبص علي عاليا وحورية بغـ ل
دخلت سهام في نفس اللحظة اللي عماد كان نازل فيها من علي السلم واللي اول ماشافها قال... اهلا اهلا سهام هانم
منورانا النهاردة. دا ايه الهنا والسعادة دي
اتضايقت سهام لانها عارفة انو بيتريق لكن قالت ... ازيك ياعماد
عماد... تمام. ايه اللي فكرك بينا. غريبة يعني
سهام.... جيت اتطمن علي اختك ايه الغريب في كده
وقربت علي حورية اللي كانت في مكانها لا اتحركت ولا اتكلمت وراحت تحضنها وهي بتتطمن عليها و بتقول... عاملة ايه ياحبيبتي.
لكن حورية رفعت ايدها قدامها بمعني متقربش وقالت بجمود..... تمام. كويسة
في اللحظة دي قامت نورا سلمت علي سهام وحضنتها وقالت.... والله وحشاني ياطنط.
سهام ابتسمت باصتناع من غير ماترد
نورا بضيق داخلي قالت في نفسها... ولية تنكة. طب والله تستاهلي مقابلتهم دي
عاليا كمان قامت تسلم عليها
سهام.... ازيك ياحبيبتي
عاليا.... ازي حضرتك
كملت وقالت... اتفضلي ياطنط. اعملك ايه تشربيه
سهام.... انا مش ضيفة ياحبيبتي
عاليا... طبعا دا بيتك
في الوقت ده دخل طارق واللي اول ماشاف امه هو كمان اتجاهلها وقالهم.... مساء الخير
وبدون ما ينتظر رد اتجه للسلم بلامبالاة،، لسه هيطلع وقف لما سهام قالت
مش هتسلم عليا ياطارق
لف وبصلها وقال بسخرية.... هيفرق معاكي سلامي يعني
كمل بتعجب.... وبعدين ايه اللي فكرك بينا. جاية ليه
هنا كان نفذ صبرها،، بصتلهم كلهم وقالت بعصبية.... مالكو مكنتوش عاوزين تشوفوني. نسيتو اني امكو ولا ايه..دي مقابلة تقابلوني بيها.
طارق... وانتي ايه اللي جابك اساسا.بقالك سنين مدخلتيش البيت ده. ايه اللي جابك دلوقتي
عماد بحدة بص ل طارق وقالو... في ايه ياااض.. ازاي تكلم مدام سهام كده.. اتجننت ولا ايه.. دي بقت هانم دلوقتي و business woman قد الدنيا يعني لما تكلمها تكلمها باحترام.. باسلوب كويس. سامع ياااض
بص لسهام اللي كانت واقفة بغضب لانها كانت فاهمة انه بيتريق وقالها... معلش ياسهام هانم. هو اكيد ميقصدش
حورية غصب عنها ضحكت وسهام بصتلهم وقالت... ااخص علي تربيتكو
واخدت شنطتها وخرجت بغضب
بقلم فريده احمد
...............
في الغردقة
: اهلا اهلا اتفضل ياكمال بيه. اتفضل يا رشيد بيه
قالها امجد بترحيب لـ اعمام منار
وبعد ما قعدو وامجد قعد علي مكتبه اتكلم رشيد وقال..من غير لف ودوران. هندخل في الموضوع علطول
امجد... اتفضل
رشيد.... احنا جايين النهاردة نحدد نصيب اخويا في الفندق ده علشان هنبيعه. علي حد علمي في كذا شريك في الفندق. مش كده بردو
امجد... صح
رشيد.... تمام ممكن تعرض علي باقي الشركاه اللي لازمه نصيب شريف اخويا الله يرحمه يشتري
امجد.... بس انا بردو علي حد علمي ان حضرتك مش معاك توكيل ولا ليك حق التصرف في نصيب شريف
كان لسه هيرد عليه
لكن سكت بصدمة لما امجد كمل وقال..... لان ببساطة شريف الله يرحمه قبل ما يتو، في كتب نصيبه في الفندق بيع وشراء لبنته منار. يعني نصيبه دلوقتي باسم بنته وبما انها وصلت للسن القانوني يعني مبقتش قاصر دلوقتي هي اللي ليها كامل الحق في التصرف فيه
رشيد بغضب.... يعني ايه الكلام ده
امجد... للاسف دي الحقيقه . وممكن تشوف العقود بنفسك معاها
رشيد بص ل كمال اللي كان قاعد بهدوء متابع الحوار واللي اخير اتكلم وقال برزانة.. احنا طبعا معندناش اي مشكلة ان العقود باسمها هي بنت اخونا ودا ملك ابوها . لكن احنا بس كنا ناووين نبيع للبنت نصيبها لاننا جايين نرجعها تعيش معانا ف كنا حابين نصفي اي املاك ليها هنا بما انها مش هتكون موجودة تتابع الشغل معاكم
امجد... مين قال انها مش هتكون موجودة. للاسف منار مش هينفع ترجع معاكم. غير انها مش هينفع تسيب جامعتها اللي هنا
كمل باللي صدمهم وقال.. لانها مراتي
يتبع.........