نزل جاسور ووراه لمار لقى واحده وقفه مع خلود أخته بتزعق رحلهم

جاسور . انت مين ياست  انت بتزعقى كده ليه 

احترمى بيوت الناس اللى انت فيها انت عايزه ايه

فى الوقت ده كانت خرجه الحاجة غاليه من المطبخ كانت 

بتدي تعليمات لفتحيه عشان تعمل الغداء

الحاجه غاليه . مين ديه انت مين ياست انت 

زوزو . انا زوزو بدأت تغانى بمياعه خالى بالك من زوزو 

زوزو النوزو كونوز مرات چو

الحاجه غاليه  . بغيظ معندناش حد بالاسم ده شكلك غلطانه

بالعنوان 

زوزو . وهى رايحه تقعد على كنبه الانتريه چو جوزى يوسف 

بيه البكرى 

الكل اتصدم خلود وشوشت لمار الحاج يوسف بقى 

چو عجبت لك يازمن 

راحت لها الحاجه غاليه انت اتجننتي ولا ايه ايه الكلام اللي انت بتقوليه ده مرات مين انت

زوزو . مرات يوسف البكرى صاحب الهالوما دي كلها 

الحاجه غاليه . بضيق اتصل ياجاسور بابوك يجى يشوف 

البلاوى اللى بتتحدف علينا ديه

زوزو . بدلع شكراً ياطنتى الحاجه  وحطيت رجل على رجل وبتهز فى رجليها

الحاجه غاليه . بغضب كتك انطيك لما ينهش نفوخك 

اتعدلى يابت

خافيت زينب منها  فالحاجه غاليه ليها وقار وهيبه يخلى اى حد يعملها حساب فنزلت رجليها اتصل جاسور بالحاج

يوسف وستعجله يجى فى موضوع مهم

بعد فتره دخل الحاج يوسف وتصدم لما شاف زوزو

الحاج يوسف . بغضب وبيمسك أيديها يوقفها وضغط 

عليها انتى ايه اللى جابك هنا امش اطلعى بره

زوزو . بردح جره إيه ياجو هى ديه الطريقة اللى المفروض تعامل بيها مراتك بعد ما رمتنى ومسالتش فيه

الحاجه غاليه . ايه الكلام اللى بتقوله ده ياولدى انت اتجوزتها على مراتك فعلاً ومن غير منعرف 

الحاج يوسف . بتوتر ولجلجه فى الكلام مش عارف يقول ايه أنا هفهمك ياامى دى يعنى مش جواز يعنى

زوزو . بجديه أنا هقولك يانطى الحاجه أنا وجو متجوزين

عرفى ورقتين يعنى هو قالى على شان خاطر مراته وأولاده 

مش هينفع نتجوز علنى بس بعد فتره زهق ومابقاش معبرنى

ولا بيسأل فيه أتصل بيه ميردش عليه فاانا إيه بقى مسكتش وقلت اجيلو لغايط هنا بنفسى اصل انا لحمى مر يعنى مش هسمحلو ياكلني لحمه ويرميني عضم اه ده انا زوزو

الحاجه غاليه . قعدت على الكنبه بصدمه وبتخبط على رجليها يمرك ياغاليه يمرك ابنى اللى حاجج بيت ربنا يتجوز فى السر ومره واحده سمعوا هبده من على السلام 

وكلهم فى نفس واحد ماماااااااااااااااااااا

فلاش باك 

امانى . سمعت زعيق وحست بالقلق وحملت على نفسها 

على شان تشوف الزعيق ده ايه ليكون ولاد اختها رجعوا تاني لكن اتفاجئت ان الكلام عن ان جوزها اتجوز عليها ما قدرتش تستحمل وقعت من طولها

باك

جرى عليها جاسور وشلها وخرج بيها ركبها عربيته وجرى

بيها على المستشفى جيريو وراهم بعربيته الحاج يوسف ولمار والحاجه غاليه وخلود 

وصل جاسور على المستشفى والمسعفين رحوله بسرعه بالترولى وحطوها عليه ودخلوا بيها غرفه الطوارئ 

بعد فتره وصلوا الحاج يوسف وخلود ولمار والحاجه غاليه

سالو جاسور عليها 

جاسور . بقلق لسه جوه من ساعت ما دخلت محدش 

خرج وطمنى

قربت منه لمار متقلقش ياحبيبى إن شاء الله ربنا هيطمنا عليها وتبقى كويسه 

خلود مقدرتش تمسك دموعها وقعدت تعيط شفتها لمار

وقربت منها 

لمار  . خلود ياحبيبتي اجمدى كده إن شاء الله هتبقى 

كويسه متقلقيش وعلى شان خطرى بلاش تعيطى

خلود . مش قادره يالمار شكلها وهى وقعه على السلم مش عايز يروح من بالى أنا خايفه يحصلها حاجه 

اخدتها لمار فى حضنها متقوليش كده انا شآء الله خير 

وبعد فتره خرج الدكتور الكل جرى عليه جاسور طمنى

يادكتور حاله امى عمله إيه 

الدكتور . الواقعه سببت ليها خبطه فى الدماغ خلها دخلت فى غيبوبه مواقته وكسر فى الرجل احنا جبسنا رجليها 

وان شاء الله هتبقى كويسه 

الكل اتصدم أنها دخلت فى غيبوبه 

جاسور . بقلق طيب هى هتفوق امتى من الغيبوبه 

الدكتور . الصراحه أنا مقدرش أحدد ده على حسب استجابتها 

خلود . بعياط وانهيار يعنى ايه ماما فى غيبوبه قربت من الحاج يوسف انت السبب يابابا ليه عملت فيها كده 

ليه حرام عليك حرام ونزلت على ركبتها سندها جاسور 

ولمار وقعدوها على الكرسى

جاسور  . بحزم مش وقته ياخلود نطمن على ماما الاول 

وبعد كده نبقى نعاتب 

خرجت الممرضة من عند الحاجه امانى طلب جاسور 

أنه يدخل يطمن عليها 

سمحتلو الممرضة بس قالت له ميطولش ومتخشوش مع بعض واحد يخرج التانى يدخل 

دخل جاسور وقرب من أمه ومسك اديها وبسها

جاسور . بدموع أنا مش قادر اشوفك كده متكسرنيش 

ارجوكى ياامى فوقى على شان خطرى متوجعيش قلبى عليكى

وبعد شويه خرج جاسور وقرب من الحاج يوسف 

جاسور . لو سمحت ياولدى تعالى ننزل تحت فى الكفتريا 

المستشفى نتكلم شويه

هز رأسه نزل معه

جاسور . ممكن تحكيلى انت اتجوزتها ازى وليه 

الحاج يوسف . بداء يحكيله ازى أتعرف عليها والسبب 

كان أسامه إبن خالتك من تلات شهور تقريبا كنت انا فى القاهرة وتصل بيه اسامه 

فلاش باك 

اسامه . الو ازيك ياعمى اخبارك ايه عرفت انك وصلت القاهره 

الحاج يوسف . الحمد لله يااسامه أنا وصلت امبارح انت 

عامل ايه اخبارك 

اسامه . بخير الحمد لله ياعمى اسامه بخبث طيب كنت قصدك فى خدمه

الحاج يوسف . اتفضل يابنى اكيد لو هقدر أسعدك مش هتاخر

اسامه . الصراحه ياعمى النهارده عيد ميلادى واصحابى 

كانو حابين يجولى يحتفلوا بيه بس انت عارف ان 

شقتنا صغيره ومش هينفع استقبلهم فيها 

انا كنت عايز أعتز بس هما احرجونى فملقتش غير حضرتك

لو تستقبلنا عندك فى الشقة يبقى انقذتنى من الاحراج

الحاج يوسف . وماله يااسامه يابنى انت زى جاسور وكل سنه وانت طيب 

اسامه . شكرا ياعمى ده العشم برده على الساعه تمانيه 

هنكون عنك 

وقفل معه ووصل الشقه ومعه أصحابه وكانت من ضمنهم 

زوزو فتح ليهم الحاج يوسف واسقبلهم وبدأوا يحتفلو

ويرقصو اسامه وأصحابه طلبة من زوزو ترقص ليهم بلدى

وبدأت ترقص وتتمايل وتقرب من الحاج يوسف 

فى الوقت ده اسامه اخد كوباي عصير وحط فيها حبايه 

وداها للحاج يوسف

تانى يوم فاق الحاج يوسف  واتفاجئ  بزوزو جنبه 

قامت زوزو بتمثيل تضرب على خدها وتصوت

كان اسامه عامل نفسه نايم بره على الكنبه وتفاجئ بوجود 

زوزو مع الحاج يوسف 

أسامه . قرب من الحاج يوسف انت عملت ياعمى ايه فى البنت

الحاج يوسف . بقلق انا مش فاكر حاجه أنا صحيت لقيتها 

جنبى وبتصوت

زوزو . بتمثيل حرام عليك انت اللى شديتنى غصب عنى 

وانا قعت اولقك حرام عليك ارحمنى سبنى أهلى لو 

عرفه هيموتونى 

اقترح عليه اسامه انه يتجوزها  على شان يستر عليها رفض الحاج يوسف  ازى يتجوزها لو امانى عرفت أو الولاد هيبقى فيها خراب بيتى أنا مستحيل اكتب عليه 

اخد اسامه على جنب اقترح عليه أنه يكتب عليها بورقتين عرفى عند محامى فتره ويبقى يديها ارشين وتبقى تطلقها فملقاش حل الحاج يوسف غير أنه يجوزها عرفى 

باك 

الحاج يوسف هو ده اللى حصل ياابنى 

جاسور ...........