رواية احببته رغم كبريائي مروان وحبيبه الفصل الواحد والعشرون 21 بقلم مريم احمد
رواية احببته رغم كبريائي مروان وحبيبه الفصل الواحد والعشرون 21 هى رواية من كتابة مريم احمد رواية احببته رغم كبريائي مروان وحبيبه الفصل الواحد والعشرون 21 صدر لاول مرة على موقع التواصل الاجتماعى فيسبوك رواية احببته رغم كبريائي مروان وحبيبه الفصل الواحد والعشرون 21 حقق تفاعل كبير على الفيسبوك لذلك سنعرض لكم رواية احببته رغم كبريائي مروان وحبيبه الفصل الواحد والعشرون 21
رواية احببته رغم كبريائي مروان وحبيبه الفصل الواحد والعشرون 21
سمعت صوته و هو بيقول
مروان...ايه دا انتي بتعملي ايه هنا ...؟
مكنتش عارفه تحدد هل دي سخرية ولا استغراب ولا سؤال عادي
ردت عليه بثقة و هي نبرتها كلها بعدم فهم دليل على سخريتها و هي بتقوله
حبيبة...افهم ان دا طرد يعني ؟
ابتسم على جوابها و ازاي ف ثواني عرفت تقلب الطربيزة و يبقى هو الي غلطان
رد عليها و هو بيقولها
مروان...مجرد سؤال
كمل كلامه بتوضيح و هو بيقول
مروان...اصل يعني انتي ولا جيتي هنا قبل كدا ولا مليكة صاحبتك ف جيتي عشانها ولا اي حاجة ف مستغرب بس
كمل كلامه بابتسامة و هو بيحاول يبين انه مش غلطان او بمعنى اصح مش قصده يطرها
مروان...اتمنى متكونيش زعلتي
ابتسمت و ردت عليه و هي متأكدة انه كان قصده سخرية و انه يقولها بالذوق دا مش بيتك و بتقوله
حبيبة...لا اكيد مش هزعل بس نصيحة مني اعمل بحث على اي سوبر ماركت بيبيع ذوق عشان الي انا شايفاه انك قليل الذوق يا دكتور مروان
اتصدم من كلامها و حس بالغضب الشديد محدش يقدر انه يتجرأ و يتكلم معاه اصلا و تيجي دي تهزقه كدا
ابتسم مروان و قالها بسخرية
مروان...و ايه لازمتها دكتور بقى
ابتسمت و شاورتله بمعنى انه معاه حق و قالت
حبيبة...ايوا صح دا
عادت كلمتها تاني بس المره دي اختفت ابتسامتها و اتكلمت و هي بتقوله بتأكيد
حبيبة...انت قليل الذوق يا مروان
....استغفر الله العلي العظيم و اتوب اليه
عدى ساعة كانت حبيبة بتضحك مع كلامهم و هزارهم بالذات لما خديجة تحكي عن طفولتها هي و حنان و ولا كأنها كانت لسه مهزقه ابنها من شوية
على عكس مروان بقى الي كان ساكت تماما و اصلا مكنش طايق البيت كله و كان هيروح الشركة لولا امه الي اصرت عليه انه يقعد معاهم
بس كله. كوم و فرحته و هو شايف مليكة فرحانه بوجود حبيبة و بتتكلم معاها و بتدور على اي موضوع و تتكلم عشان كلامها مع حبيبة ميخلصش دا كان كوم تاني خالص خلاه فرحان جدا و هو شايف بسمة الفرحة على وش اخته
اتكلمت خديجة و هي بتضحك و بتقول لـ حبيبة
خديجة...كنت انا و امك واحده مننا تخبط على باب الجيران و التانية تخبط على الباب الي قصاده و نجري
ضحكوا و حبيبة بصت لأمها و قالتلها بضيق مصطنع
حبيبة...و لما كنتي بتعملي كدا يا ماما هانم كنتي بتزعقيلي انا و كارولين ليه بقى. ؟؟
ضحكت حنان و قالتلها
حنان...معلش م احنا امهاتنا كانت بتزعقلنا برضو
ضحكوا على ذكرياتهم و حنان قالت لخديجة على حبيبة
حنان...كله كوم و دي طفولتها كانت كوم تاني
ركزوا كلهم باهتمام للي هتقوله خديجة ماعادا حبيبة الي كانت بتبصلها و على وشها ابتسامة تهديد و تحذير
ضحكت مرام و هي بتقول لـ حنان
مرام...خلي بالك يا طنط
بس حنان ولا همها اصلا و قالت لـ خديجة
حنان...اول يوم حضانة ليها وصلتها و كله تمام الاقي بعد ساعتين مديرة الحضانة بتكلمني طبعا اتخضيت
هزوا راسهم بتأكيد الا حبيبة الي كانت مبتسمة لما عرفت امها هتقول ايه
كملت حنان كلامها و هي بتقول
حنان...الاقي المديرة بتقولي ...الحقي بنتك ضربت زميلتها و فتحتلها دماغها
اتصدموا كلهم و بصوا لـ حبيبة بدهشه ازاي حد ملامحه بريئة كدا ممكن يكون شرير بالمنظر دا
اتكلمت خديجة و هي بتقول بزهول
خديجة...و كان عندك 4 سنين بس !!!
هزت دماغها بمعنى ايوا و قالت
حبيبة...يا طنط بصي انا مبحبش الخنقة كارولين اول م شافتي جت قعدت جمبي قولت ماشي مش مشكلة لاقيتها بتقولي اسمك ايه بدأت احس بخنقة بس قولت ماشي و قولتلها حبيبة قالتلي و انا كارولين لاقيتها بتقولي ممكن نبقى صحاب قولتلها لأ فضلت تزن بقى طول اليوم و انا كنت عاملة حساب الموقف دا و كان معاية طوبة صغننة كدا ...و حذرتها و قولتلها هضر.بك بس هي مهمهاش و برضو فضلت مصرة اننا نبقى صحاب روحت خدت الطوبة و حدفتها على دماغها
كانوا مصدومين من الي بيسمعوه و متكلموش نهائي
ضحكت مليكة و قالت لـ مرام
مليكة...كويس ان العيال ناموا بدل م ياخدةها قدوة
ضحك الكل عليها و مرام قالت لـ حبيبة
مرام...اه بس اكيد مثلا صعبت عليكي وقتها و روحتي طبطبتي عليها عشان متزعلش
ردت عليها حبيبة بكلمة واحده و كانت الجواب القاطع و هي بتقولها
حبيبة...لأ
سكتت مرام بزهول من الي بتسمعه و حبيبة ضحكت و قالتلها
حبيبة...بس صعبت عليا بعدين و من ساعتها لحد دلوقتي و احنا صحاب و اخوات كمان
قالتلها مليكة و هي مبتسمة
مليكة...انا خايفة منك !
ضحك الكل عليهم و حبيبة قالتلها بحب
حبيبة...لأ انا حبيتك عشان مش رغاية لكن لو كنتي فضلتي كل شوية تتكلمي معايا كنت زهقت منك
ضحكوا عليها و مروان قالها بضحك ظهر للكل الا هي لأنها فهمت انه بيسخر منها
مروان...بتحبي الي يتجاهلك يعني
بصتله خديجة و اخواته بصدمة من كلمة و حنان كمان اتفاجئت ازاي يقول كدا خصوصا انهم ضيوف عندهم !
ابتسمت حبيبة و ردت و هي بتقول
حبيبة...ف الحقيقة يا دكتور كل واحد بيشوف المواقف من وجة نظره هو
ابتسم مروان ف نفسه على ردها...هي فعلا معاها حق هو حبها عشان شخصيتها قوية و ديما بتتجاهله و مبتسكتش على اهانتها ابدا
ردت عليها مرام بتأكيد عشان تخفف من حدة الجو و قالتلها
مرام...فعلا عندك حق يا حبيبة
هزت حبيبة راسها بابتسامة و قعدوا شوية مكملوش عشر دقايق و بصت حبيبة لأمها بمعنى يلا نمشي
بصت حنان لـ خديجة و قالتلها بابتسامة
حنان...نستأذن احنا بقى
اتفاجئت خديجة و قالتها
خديجة...ايه دا ليه كدا !!
ابتسمت حنان و قالتلها
حنان...بقالنا كتير اهو المره الجاية بقى ابقي تعالي انتي
قالتلها مرام بحزن
مرام...يا طنط انا نلحقتش اقعد معاكوا
حنان...مره تانيه يا حبيبتي
بصت خديجة لـ مروان و قالتله
خديجة...وصلهم يا مروان
كان لسه هيقولها حاضر بس ملحقتش لأن حبيبة اتكلمت و هي بترفض بأدب و قالت
حبيبة...مفيش داعي للتعب انا بالفعل طلبت عربية و العربية بره
زاد تفاجؤ خديجة و قالتلها
خديجة...لحقتي طلبتيها امتى !!
ابتسمتلها حبيبة و متكلمتش
و مرام بصت لأخوها بلوم لما فهمت انهم هيمشوا عشان كلمته الي قالها لأنهم متربوش انهم يبقى عندهم ضيف و يمشي من بيتهم زعلان
اتكلمت مليكة و هي بتقول لـ حبيبة
مليكة...هبقى ابعتلك على الواتساب ماشي
هزت حبيبة دماغها و قالتلها
حبيبة....ماشي يا كوكي
و رجعت بصت للكل بابتسامة اخيره و مشيت هي و امها
اول م مليكة خديجة قفلت باب الفيلا بصت لأبنها بغضب مكتوم و كانت نظرات مرام متقلش غضب عن خديجة الا مليكة كانت بتبصله بحزن انه احرج صاحبتها الي مصدقت انها لاقيتهت بعد 19 سنه
اتنهد مروان و اتكلم و هو بيقولهم
مروان...انتوا بتبصولي كدا ليه ؟؟
ردت خديجة و هي بتقوله
خديجة...اصلي مفتكرش اني ربيتكم على انكوا تحرجوا حد ف بيتنا
رد مروان و هو بيقولها
مروان...انا مكنتش اقصد كدا ابدا و من الاول انا كنت هروح الشركة لولا اصراركوا و اني مرضتش احرجكم قدام الناس
بصت مرام لأمها بمعنى خلاص و مروان سابهم و طلع اوضته ف اتكلمت مرام و قالت
مرام...من امتى و مروان بيعترف بغلطه ؟
هزت خديجة راسها بأسى و مرام قالتلها
مرام...ابقي كلمي طنط حنان و قوليلها انه مكنش يقصد اي حاجه و اننا زعلنا لما هما مشيوا
هزت خديجة دماغها و قالتلها
خديجة...كنت هعمل كدا
ابتسمت مرام و قالت لأمها
مرام...لا بس عجبني ردها
هزت خديجة راسها بتأكيد و قالتلها
خديجة...ايوا
ضحكت مرام و قالت
مرام...احسن خليها تكسر غروره دا وووو
يتبععععع