حلم حست كأن حد كب عليها جردل مياه بارده فى عز الشتاء

مش قادره تصدق الي سمعته

وبتكدب نفسها لغايه ما سمعت باقي الكلام 

مردا بابتسامه وفرحهم هيكون الاسبوع الجاي باذن الله وطبعا كلكم معزومين يا جماعه 

الكل بداء يبارك ويهنيهم 

وحلم فى دنيا تانيه حاسه الدنيا كلها بتلف بيها ومش قادره تقعد اكتر من كده ولا تسمع كلام تاني 

جت تقوم رجليها مش شيلاها وقعدت على الكرسي تاني بتعب ومسكت ايد امال الي كانت جنبها 

امال عارفه كل حاجه وعارفه هي بتحب قاسم ازاي بصتلها بحزن ومسكت ايدها  وكانها بتهون عليها 

حلم بصتلها والدموع محبوسه فى عنيها وبصوت مكتوم خرجيني من هنا بسرعه لو سمحتي 

امال بتبطبط على أيدها لقيتها متلجه وبتترعش اتخضت عليها 

حلم اهدي يا حبيبتي اهدي وقومي معايا

كل ده بيحصل وسط نظرات قاسم ليها من اول دخلوا الاوضه وهو متابعها وخايف من رد فعلها 

الكل بيكلمه وبيباركله وهو مش مركز مع حد غيرها خايف عليها 

وهو شايف شكلها مش طبيعي 

حلم ماسكه ايد امال وبتتسند عليها واول ما قامت من على الكرسي مقدرتش تتحرك خطوه وشايفه الصوره مشوشه 

امال بتكلمها حلم حلم حبيبتي يالا امشي معايا فى ايه 

حلم مش سامعه والدنيا بتجري بيها ومره وحده وقعت على الارض فاقده للوعي

 قاسم اول مشافها كده قلبه وجعه وهيجري عليها يشوفها 

دارين تبتت ف ايده وبصتله بتحذير انه ميتحركش 

قاسم  بيضغط على ايده بغل 

وبيزمجر بصوت مكتوم زي الاسد المحبوس وهو شايفها مرميه على الارض والكل حواليها وهو واقف عاجز مش قادر يساعدها

 وبالصدفه مازن كان جايلها في اليوم ده 

مازن دخل مكتبها ملقهاش سال عليها قالوله فى اوضه الاجتماعات واول ما وصل شايف حركه غريبه هناك 

مازن بستغراب ايه ده هما مالهم دول وكله بيجري كده ليه 

واول ما دخل شافها واقعه فى الارض وبيحاولو يفوقوها باي طريقه 

امال بعياط  حلم فوقي يا حلم 

مراد بخوف اهدي يا امال ان شاء الله هتبقا كويسه وبزعيق حد يشوف بيرفيوم بسرعه نفوقها بيه 

مازن اول م شافها كده اتجنن 

وحس كان روحه بتتسحب منه

جري عليها وبزعيق ابعدو انتو سايبنها كده وواقفين تتفرجوا

امال بعياط حلم مش بترد عليا يا مازن الحقني والنبي 

مازن شالها زي الاطفال بين اديه بسرعه ومشي بيها تعالي معايا يا امال بسرعه 

مراد بيبص على قاسم بحزن وهو 

عارف احساسه ايه دلوقتي كويس 

قاسم عنيه بقت حمراء من كتر الغضب الي جواه وهو شايف حد غيره قرب منها وشالها وهو مقدرش يعمل كده 

دارين بصتله وابتسمت بثقه 

قاسم  زق ايدها بعيد عنه وخرج من المكان وهو فى قمه الغضب 

........................عند مازن 

اخدها وركبها عربيته وقعد امال جنبها وساق زي المجنون وطلع بيها على اقرب مستشفي

وصلو نزل وشالها تاني وامال وراه 

دخل المستشفى وبصوت عالي حد يلحقني بسرعه  

الممرضين جريو عليه ودخلوه بيها اوضه الكشف ونيمها على السرير بهدوء 

الدكتور ممكن حد يفهمني اي الي حصل 

امال معرفش هي مره وحده داخت ووقعت على الارض ومن ساعتها مفيش اي حركه منها 

الدكتور طيب اتفضلو انتو علشان اكشف عليها

 خرجو قدام الاوضه ومازن رايح جي وقلقان عليها جدا 

 شويه وخرج الدكتور جري عليه 

بلهفه طمني يا دكتور لو سمحت هي عامله ايه 

الدكتور بابتسامه مطمنه هي كويسه جدا الحمد لله ومفيش اي داعي للقلق ده 

مازن بنرفزه ايوه يعني امال الي حصلها ده من ايه

الدكتور ده نتيجه ارتفاع عالي في ضغط الدم واضح كده ان في حاجه ضايقتها اوي ده غير انها ضعيفة وكمان واضح انها ماكلتش حاجه فا ده الي خلها يغمي عليها بس انا ركبتلها محلول واديتها حقنه مهداء وشويه وهتفوق وتبقا كويسه 

بس محتاجه راحه وبلاش اي حاجه تضايقها وهتفضل النهارده هنا وتخرج بكره علشان نكون اطمنا عليها بس  عن اذنكم انا بقا 

امال اخدت نفس بارتياح الحمد لله يارب ده انا كنت هموت من القلق عليها 

مازن الحمد لله وبصلها بشك هو ممكن تقوليلي ايه الي خلاها توصل للحاله دي وليه قاسم كان بعيد ومحاولش حتي يفوقها ودي تصرف غريب جداً منه 

امال عارفه ان مازن بيحبها ومن زمان وفاهم علاقتها با قاسم

ردت بتلقائيه قاسم خطب واعلن خطوبته فى اجتماع النهارده 

مازن الرد ده كان كافي لانه يفهم الباقي وع اد ما كان فرحان انه خلص منه وكده بقا قدامو فرصه معاها على اد ما حزين من رد فعلها 

اتعصب وخبط ايده فى الحيط جامد اااه وبغل هتفضل طول عمرها مش عايزه تشوف غيره وهو مش شايفها اصلا 

امال بصتله بحزن عن اذنك يا مازن انا هدخل اطمن عليها ومتشكره جدا على مساعدتك دي مش عارفه من غيرك كنت هعمل ايه 

مازن متشكرنيش يا امال انا عملت الي اي حد كان هيعمله وياريت تطمني عليها وتخليني ادخل اشوفها 

امال ابتسمتلو وهزت دماغها بمعني حاضر ودخلت اوضتها 

...........................عند باسم 

قاعد فى شغله وسرحان وبيفكر 

ف الي هو وصل ليه امال لو عرفت ممكن تعمل ايه هو بيحبهاومش عايز يوجعها كده 

وبعدين افتكر يارا وابتسم وحط ايده مكان قلبه انت الي ودتني في داهيه اول ما بتشوفها او تسمع صوتها بيحصلك ايه 

تليفونه رن باسمها مسك الفون وهو فرحان 

حبيبتي لسه كنت بفكر فيكي زي ما تكوني حسيتي بيا 

يارا بحب انا علطول حاسه بيك يا باسم ومش بتغيب عن تفكيري لحظه وبحزن بس امال كمان مش ب

باسم قطع كلامها فاهم يا يارا وفاهم وعارف كل الي انتي عايزه تقوليه والي كل شويه تفكرني بيه وتقولهولي 

يارا بعياط انا مش قادره اسامح نفسي ابدا وانا بكلمك كده وبقابلك من وارها انا بقيت مش قادره اقابلها ولا اقعد معاها وبتهرب منها دايما حاسه اني لو قعدت معاها هتحس وتعرف كل حاجه مني مش عارفه احط عيني ف عينها ي باسم أرجوك قدر عذابي ده الي انا فيه انا لما كنت بحبك بيني وبين نفسي كنت مرتاحه عن كده لكن من ساعه م انتا قولتي وانا مش بعرف انا من العذاب الي انا فيه ولا انا قادره ابعد عنك ولا مرتاحه ف قربي منك 

باسم بحزن طيب بطلي عياط علشان خاطري ي يارا لو سمحتي انا قلبي بيتقطع وانا سامع صوتك كده اهدي علشان خاطري 

انا اقسملك بالله عذابي أضعاف يا يارا وهي قدامي ليل ونهار وبسرح فيكي انتي وابقا خايف تاخد بالها من سرحاني فيكي بستمرار بتعذب وانا خايف انها تعرف واخسرها واخسر ابني وبيتي الي انا فيه مش هين ارجوكي متذوديش عليا ي يارا 

ارجوكي انتي حبك بالنسبالي هو الحياه هو طاقه النور الي بتبعدني عن عتمتي انا بحبك حبي ليكي هو الحياه يا يارا قدري ده  

يارا بحب انا بعشقك يا باسم واي حاجه تهون عليا طول م انت جنبي ومعايا  

................................ف المستشفي 

امال دخلت بهدوء علشان متزعجهاش وقعدت جنبها وهي حزينه ع حالها 

وبتتكلم بصوت واطي الظاهر كده يا حلم ان احنا مش مكتبلنا غير الوجع والعذاب وبس انتي اكتر واحد حبتيه في حياتك راح يتجوز غيرك وانا جوزي وحبيبي الوحيد بقا مش معايا وبيبعد عني ببطء وحبه ليا بيضيع

 وبعد ساعات 

حلم اتحركت وكانت بتفوق 

وفتحت عنيها وبتبص حواليها بستغراب وكانها كانت بتحلم 

امال بلهفه حلم حبيبتي انتي كويسه 

حلم اخدت دقيقه وركزت وافتكرت كل حاجه دموعها بتنزل وبصوت مكتوم امال هو انا كنت بحلم صح والنبي قوليلي اني كنت ف حلم وكل الي شفته ده مش حقيقي قاسم مش هيتجوز وحده تانيه غيري صح هو هيتجوزني انا زي ما وعدني وماسكه ايدها برجاء قوليلي انه هيعمل كده 

امال بتعيط عليها وعلى نفسها حلم اهدي متعمليش ف نفسك كده علشانه هو باعك وراح هيتجوز وحده تانيه انسيه بقا انسيه 

حلم عياطها بيزيد انسي ايه انسي حب عمر بحاله انا فتحت عيني على الدنيا مشفتش غيرو 

ليه عمل فيا كده ليه ده لسه كان معايا امبارح وقالي اني خلاص هبقا مراته ده انا مصدقت انه قالي بحبك بعدها علطول يعمل فيا كده طيب ليه حد يفهمني عمل كده ليه 

وانهارت تماما ونفسها بيروح 

امال بخوف حلم حلم اهدي ارجوكي انتي كده هتتعبي تاني 

حلم ياريت اموت يارتني موت قبل ما سمعت خبر زي ده 

امال بتقول الكلام الي هي عايزه ترد بيه على نفسها بعد 

الشر عليكي يا غبيه ده خاين ميستاهلش دمعه من عنيكي كل*ب اول ما قوي غدر بيكي انتي الي زيه خساره فيه حتي التفكير وحضنتها وبتحاول تهديها وهي كمان بتعيط فى حضنها من غير صوت 

حلم بتعيط بحرقه ومش قادره توقف وفضلت على الحال ده وقت مش قليل علي ما هديت ومبقاش عندها قدره انها تعيط او تصرخ تاني

امال بعدتها عنها وبتمسح الدموع من على  وشها وبتحاول تخرجها من الي هي فيه عارفه يا حلم مين الي جابك هنا مازن وكان هيتجنن عليكي وواقف بره 

وهيموت ويدخل يشوفك ويطمن عليكي

حلم بصوت ضعيف مش عايزه اشوف حد 

مازن كان واقف على الباب و سامع كل صريخها وعياطها وقلبه موجع عليها بس مرضيش يدخل غير لما تهدي واول ما سمع الكلمه دي دخل 

واتكلم بس انا عايز اشوفك ي حلم وبارتباك انا اسف اني دخلت كده من غير استاذان بس انا بجد كان هيحصلي حاجه لو مشفتكيش واطمنت عليكي النهارده 

حلم بتعب انا الي اسفه اني قولتك كده بس صادقني غصب عني انا مش قادره اتكلم ولا اشوف حد 

مازن بحزن فاهم ومقدر كل الي انتي فيه وحاسس بيكي ومجربه قبلك بس انا عايز اقولك اني مفيش حد ف الدنيا يستاهل ان حبات الماس دي تنزل من عنيكي علشانه

حلم ابتسمت بحزن شكرا شكرا جدا ليك يا مازن على كل الي عملته معايا لحد دلوقتي

مازن انا مش مستني منك شكر يا حلم انا يكفيني اشوف بس ابتسامتك دي انتي عارفه انتي غاليه عندي اد ايه 

حلم بوجع عارفه والله عارفه بس كنت عاميه وفتحت خلاص يا مازن 

امال عايزه تسيبهم لوحدهم شويه وحاسه ان مازن الوحيد الي هيطلعها من الي هي فيه 

طيب ي حلم ي حبيبتي انا اطمنت عليكي دلوقتي هروح اكلم باباوماما واقولهم انك بايته عندي علشان ميقلقوش عليكي وهروح البيت اطمن على مودي واوديه عند يارا علشان باسم مش هيعرف ياخد باله منو وهرجعلك ماشي 

حلم لا وليه كل ده ي امال انا خلاص بقيت كويسه وهمشي دلوقتي ومفيش داعي لكل ده 

مازن بحده حلم انتي لسه تعبانه والدكتور قال انك لازم تفضلي هنا النهارده ولو ع امال وبيوجه كلامو ليها امشي انتي ي امال وخليكي ف بيتك وانا هفضل مع حلم ومش هسيبها متقلقيش 

امال لا مش هينفع انا لازم ارجعلها تاني انا هروح ومش هتاخر 

حلم بتعب يا جماعه حرام عليكم انا مش قادره اتكلم متتعبونيش انتي روحي يا امال وانا كمان هقوم اروح 

مازن شاور ل امال انها تمشي وفعلا مشيت 

وهو بيتكلم بهدوء حلم لو سمحتي انتي لسه تعبانه واوي كمان فا ياريت ترتاحي ومتقاوحيش وانا هفضل معاكي ويستي لو وجودي مضايقك فا انا هفضل بره الاوضه ومش هسمعك صوتي ده تاني خالص 

حلم والله مش قصدي كده ي مازن ده انا مش عارفه اشكرك ازاي ع كل الي عملته علشانى ده وبدموع في غيرك كنت فاكره اقرب ليا مفكرش حتي يشوف حصلي ايه 

مازن فهم هي بتتكلم على منين كلامها وجعه وبحزن ماشي يا حلم خليكي شيفاني زي ما تحبي وانا هفضل بره ومفيش خروج من هنا وخرج من الاوضه وهو موجع على تجاهلها ليه وحبها ل قاسم حتي بعد كل الي عمله

حلم سندت دماغها على المخده بتعب وهي بتعيط بحرقه على كل الي حصل ووجعها بيزيد كل ما تفتكر شكله وهو داخل ايده في ايدها وانه سابها حتي محاولش يعرف حصلها ايه فضلت على الحال ده لغايه ما نامت من التعب

النهار قرب يطلع ومازن قاعد بره على الكرسي جنب اوضتها 

وحلم جوه مش حاسه بحاجه 

ومره وحده حست بحد بيقرب منا وبي*ب*وس*ها من خدها 

وبعدين بينزل على شفايفها

فتحت عينيها بفزع 😲