سيف بلم وتاهه هو كمان فيها بعد ما شاف وتوهنها دا.. وللحظه عينه جت على شفايفها وساعتها أدرك هما قد ايه قراب

من بعض لما حس بسخونة نفسها على جلده

دموع بتوتر من الوضع

ابعد لو سمحت وخده خلاص مش عايزاه

سيف منع نفسه بالعذاب عشان ميخدش شفايفها اللي فتنته لكن فوق  نفسه على اخر لحظه من الحاله دي لما شاف خوفها منه و مسح شعره بعنف وسبلها التيشيرت ورجع لوره كام خطوه

سيف بهدوء : انا بعتذر بس انا اتعودت اني الحاجه اللي برسمها بتكون عزيزة عليا شوية... خديه خلاص مبروك عليكي

دموع بفرحه : بجد

وفردت التيشرت براحه وشافت ملامحها مرسومه بكل دقه شفايفها عنيها منخيرها شعرها ..وفتحت فمها بصدمه

: ايه ده

سيف بتوتر : ايه مش عجباكي

دموع بزهول : مش عجباني... ده جننتني وااو بجد تحفه تحفه انا طلعت جميله اووي

سيف ابتسم بهدوء: تواضعك دخل في عيني يا دموع

دموع ضحكت برقه وهي حضنه التيشرت

: بجد مرسي مرسي اووي انا فرحانه دي اجمل هدية شوفتها في حياتي برغم انها بمقابل بس هعتبرها هدية برضو

سيف ابتسم بهدوء : تتهني بيه يا دموع وحتت المقابل دي انا كنت بنكشك بيها مش اكتر وانا تحت امرك عاايزة تترسمي انتي شخصيا وعملك لوحة معنديش مانع

دموع بزهول : بجد

سيف وهو شايف فرحتها الي ذي الاطفال وفتكر نظرات عنيها الخايفه وندم انه كلمها بخشونه وندم انه مدهاش التيشرت على طول

: بجد يا دموع

وخرج من الاوضه بعد ما خد فنجان القهوة ووقف شويه قدام الباب بيحاول يسيطر على انفاسه وجسمه عشان محدش ياخد باله ودخلهم

صباح بنظرات مش مريحه لسيف

: كنت فين يا سيف ده كله

سيف وهو بيبدلها نفس النظرات : جبت السجاير وكنت بعمل قهوة يا صبوحه

صباح هزت راسها وهي لسه عنيها في عنيه و الاتنين فاهمين بعض

......

دموع بعد ما سيف خرج جريت ع الحمام  قلعت القميص الأسود بتعها اللي كانت لبساه في الحفله وعلقته وراه الباب  ولبست التيشيرت المرسوم عليه بكل حماس وبصت على نفسها في المرايه ونبهرت من جمال الرسمه.. وخرجت براه وهي فرحانه ومسكه التيشرت من تحت زي الاطفال

ياسمين اول ما شافتها برقت وقالت

: ادا يا دموع الله حلوه اوي

دموع ببتسامه واسعه وهي باصه على سيف

: سيلفر اللي رسمها

ندى : ايوة بقا يا دودو الجيران لبعضيها وانتي جارك رسام مروق عليكي حلو ده

صباح بصت لسيف برفعة حاجب

سيف : اول مره تعبت نفسها وجابت لي كيك وانا لازم ارد الواجب

مها بابتسامه هاديه : وماله يا حبيبي ربنا يديم الموده 

فارس اول ما شاف انبهار ندى بالرسمه قام وقف و قلع تيشرته بسرعه ومده لسيف وقال

: خد يا بروو ارسملي الشركة

وغمز له.. طبعا انتوا عارفين الشركه بنسبه لفارس ايه

سيف ضحك : بتحب الشركة انت اووي

فارس بغمزه : بس بحبك انت اكتر وانت فاهمني 

: استر نفسك يا واد وبلاش مياعه

قالتها صباح برفعة حاجب لفارس وشورت لسيف

صباح بمغزي : تعالي هنا يا سيف يا حبيبي تعالي جمبي يا غالي وحشني

وكانت بتربت علي الكرسي اللي جانبها

سيف قام من جمب تميم وقعد جمب صباح

صباح بخفوت ميلت عليه وقالت

: وبتقولي متشغليش المعفنه عليا.. وقعت يا بن الموكوسه ولحدش سما عليك..... ولا دا ذنب ناس وبيخلص... ذنب البت قمر الغلبانه البريئه اللي ضحكت عليها وخلتها سنين ترفض العرسان بسببك

: بريئه!!!!؟ قمر بريئه

قالها سيف بصدمه وصوت عالي

صباح بنفس الصوت العالي

: اه كات بريئه يا روح امك وانت اللي كنت عوج دا انا شيفاك بعيني واللباس في الدولاب لحد دلوقتي يشهد

فارس بفضول : ايه حكايه اللباس دي ... ومين قمر دي يا بروو

ندى حطت اديها على وشها بأحراج وقالت

: كفايه ياما ربنا يكرمك 

سيف إحراج هو كمان  : اقعد يا فارس بلا لباس الله يسترك حد يسمع كلام صباح برضو

صباح كملت ولا كأنها سمعت وقالت

: يوم يا خويا لما اطردت انت و يوسف من البيت وجيتوا بيتوا عندي ولا نسيت عملت ايه

سيف خبط علي وشه بضحكه

: ودا يوم يتنسي... بس وربنا ما عملت حاجه 

سرح سيف بعدها بخياله وفتكر اليوم دا وبدأ يحكي والابتسامه مش مفرقه وشه

: اليوم دا كنا انا ويوسف رجعين من الدرس و كنا مروحين وفجأه لقينا ست ماشيه بتتقصع و العبايه هتتفرتك من عليها وقفت قدامنا 

: بقولك يا عسل منك ليه... في انبوبة غاز في مدخل العماره اللي هناك دي تعالو طلعوهالي وهرضيكم

: انا ويوسف بصينا لبعض وخدتنا الشهامه و الرجوله قومت انا بقا الحمية وخداني وقولتلها تعالي يا خالتي هنطلعهالك من غير حاجه

الست ميلت عليا وحطت اديها على كتفي بمحن

: تشكر كلك رجوله يا عسل

: يوسف قالها لا يفتح الله بقا انا عايز اتراضي ماليش دعوة

يوسف مكنش فاهم وقتها ايه نظام الرضا عندها

الست

: تعالي بس وعنيا ليكم

: وروحنا انا ويوسف لحد العماره وطلعنا الامبوبه لحد المطبخ ولسه بنلف عشان نمشي  لقينا الست فتحت العبايه على اخرها ومش لبسه تحتها غير قميص نوم لبني

: يوسف وشه اصفر وانا بلمت ف مكاني  ولسه هتهجم علينا  كل واحد فينا جري في حته

انا فوقت من الصدمه وجريت وانا بقوله

:  اجري يلاههه... وده لسه متنح انا دخلت  استخبي في الحمام... ويوسف اتزنق في المطبخ وفضل يرجع لوره يوسف وهو وبيحك في الحيطه عايزها تشق وتبلعه وبينده عليا بعلو صوته

: يا سيييف... سيييف...اللحقني ياض.. يا سيييف

: وانا ف الحمام ومطلع يدوبك نص راسي من الباب وبقوله

: الا الشرف يا صحبي محلتناش غيره لو فرطت فيه مش هعرفك تاني

وسمعت يوسف بعدها 

: يا وليه سيبي انتي قافشه في ايييه... يا سيف الحقني.. ياسيف... يا وليه اوعي سيبي مستقبلي الله يحرقك... يا سييييف يا بن الكلب الحقني

: انا كنت بضحك علي اخري ف الحمام ومش عارف اعمل ايه لو طلعت هتحطني جمبي الولية  الشرقانه دي...كانت قافشه في يوسف من فوق البنطلون وبتحاول تفك السوسته ويوسف متبت في البنطلون وهوب سمعتها بتقول

: يا واد سيب همتعك يا فقري.. ياواد اوعي متبت في البنطلون كده ليه.. يا واد سيب...ولسه هتكمل...سيف قلد صوتها.... يا لهوووي... اجري اجري على  الحمام عند صبحك جوزي جه الله يخربيتكم

قالتها لما سمعت صوت جرس الباب وصوت جوزها من برا

: افتحي يا نرجس قافله الباب من جوه لييه يا وليه

نرجس جريت ع الباب وهي بتقفل العبايه ويوسف جري على سيف... وهما الاتنين اول ما سمعوا صوت الباب بيتفتح بصوا لبعض وهاتك يا فكيك

: العياااال دي جت منين... تااااااني يا نرجس

: والله كانوا بيغيروا المبوبه

: امبوبه يا بنت الكلب ..وراح نازل على وشها بالقلم  بعدها طلع علي سلم وهو بيقول ... انت يااااض يا ابن محمد انا عرفك وليا كلام مع ابوووك يا عر* منك لييييه

: انا و يوسف فلقنا ف الجوو بقينا مركبين طيرات ف رجلينا وده المعني الحرفي لركبنا الجوو....وبعد شويه  وقفنا ناخد نفسنا وبعدين بصينا  لبعض ونفرطنا من كتر الضحك مش مصدقين اللي حصل معانا

و يوسف نزل فيا بالشلاليط 

:  عشان تبقا تعملي فيها شهم تاني كانت هتضيع مستقبلي الحرمه الصعرانه

: لا يعم يا روح ما بعدك روح دي كانت هتغتصبك يا يوسف

: روحنا بعدها وكل واحد راح بيته ولسه  بفتح الباب لقيت فردة جزمه بطير فوق راسي وابويا وقفلي ومجهز الحزام ولافف نصه على ايده.. فضلت اجري في الشقه وبويا ورايا بالحزام والشتايم

: يابن الكلب أقف هديت حيلي

: وانا واقف وراه الكرسي

: سيب الحزام طيب وانا هقف

: اسيب الحزام!! .. دا انا هطلع ميتنك يا وسخ... انا الراجل يشخرلي يا كلب بسببك.. انا في السن دا وواحد يكلمني يقولي ابنك بيعمل ايه في شقتي مع مراتي... امال لو كبير شويه كنت عملت ايه كنت بهدلتنا ياض ولا ليه

مها ادخلت مع سيف وهي قاعد بتحكي بشرود وضحكه وعنيها لمعت بالدموع

: رحت انا قيلاله... صلى ع النبي يا محمد متحرقش دمك يا اخويا وسيف يقوله والله يا بابا كنا بنطلعلها الأنبوبه وهي اللي قفشت فينا

: امبوبه يا روح امك

قلتها مها وهي بتضحك وبتقلد صوت محمد

: وحولت اللم الدنيا بعدها

: أخرس خالص يا صايع وخش على اوضتك  ومتوريناش وشك تاني ... راح قايلي يخش على اوضته!!!؟ وديني ما هو بايت فيها... يلا يا وسخ برا بيتي لحد ما تتربي.... وفضل يلف وراه بالحزام وسيف يجري منه يمين وشمال لحد ما فتح الباب وجري على تحت

سيف كمل بضحكه وكل القعدين بيضحكوا علي اخرهم

: اول ما نزلت لقيت يوسف في وشي ومن هيأته باين عليه انه متهااان...... ابويا كان كلم ابو يوسف وحكاله  اللي حصل وقاله

: العيال دي تبات ع الرصيف يا عادل عشان تتربى

وتعرف ان الله حق دول جرسونا ولاد الكلب

: حضنا بعض ساعتها

سيف : حبيبي يا صحبي

يوسف ضحك ضحكته الجميله ورد

: حبيبي يا زماله

وفضلنا نلف ف الشوارع وكنا هنموت من الجوع 

طبعا الكل كان منهار من كتر الضحك

الا تميم اللي كان بيضحك شوية و يتوه في ضحكة ياسمين شوية وقلبه كله حسره بسبب كلامها اللي لسه بيتردد في عقله

: اخص.. حمام يا برووو.. وانا اللي فكرتك واد مقطع

: مقطع اه بس مليش في العتاقي يا كوكو

وغمزله وفارس فهمه و ضحكوا الاتنين

وكمل فارس بفضول : طيب مين قمر وايه حكايه اللباس لحد دلوقتي معرفناش

صباح : قمر دي الغلبانه بنتي اللي اخوك كان ضاحك عليها ومعشمها

: بس متقوليش غلبانه بس دا انا كنت بخاف على نفسي وانا معاها

فارس ضحك وميل على ندى : مش طالعه لختك قمر ليه

ندي بنرفزة: اتلم دي كانت عيله ومش فاهمه حاجه

سيف كمل  بنفس الابتسامه اللي مش بتطلع غير وهو بيفتكر صحبه يوسف وذكريات زمان

: اليوم دا واحنا قعدين نلف خدتنا رجلينا لعربية الكبده بتاعة صبوحه حبيبة قلبي بعد طبعا ما خدت التعليمات من البريئة قمر

( قمر دي البنت اللي سيف ادلها جواب يوسف تديه لمريم وكتبلها رقمه على اديها )

: رنت عليا قمر اليوم دا وحنا ع الرصيف ومتكتكين من البرد و سألتني مال صوتك بيتنفض كده ليه فا حكتلها اللي حصل

قمر : وانتوا هتفضلو في الشارع كده دا الدنيا تلج.. وشكلها هتمطر

: هنعمل ايه حكم القوي

: طب بص اتمشي نحيت عربية الكبدة بتاعة امي وحكيلها وهي هتتصرف

: روحنا عند صباح حكينالها وعشتنا

صباح : عشان تعرف اني اصيله يا واطي اومال اسيبكم ف الشارع جعانين و متشحطاطين ع الارصفه

سيف : اصيله يا صبوحه دا انتي استقبالك لحد دلوقتي ف قلبي هو والعلقه بيرنوا في وداني

وقلد صباح

: ادخل ادخل ينجس منك ليه...ملقتوش غير نرجس زبالة الحاره وطلعولها المبوبه يا موكوس منك ليه

ويوسف كان خايف منها اصلا وبيترعش

: والله يا خالتي ما كنا نعرفها

: طب اترزع منك ليه هنا عقبال ما اشوفلكم حاجه عند ابو البنات ينفع تتلبس بدل هدومكم الي اتبهدلت دي

صباح كملت  : دخلت كلمت ام سيف وام يوسف وطمنتهم ان العيال بايتين عندي  وبعدها خدت غيرين من هدوم جوزي الي الله يرحمه ويبشبش الطوبة الي تحت راسه ودتهم ليوسف والمدعوق اللي جمبي ده وكل واحد اترمه في حته ونام.

سيف كمل :  عشان تعرفي انه مش ذنبي ... وف نص اليل قامت قمر اتسحبت من اوضتها  لما شافتني داخل الحمام وراحت واقفه قدام باب الحمام وستنتني  لحد ما خرجت

سيف خارج ماسك في حبل السروال بتاع ابو قمر عشان ميقعش منه فجأه لقا قمر قفشت فيه

: يا بت سيبي اللسروال ... يا بت للباس ابوكي واسع هيقع ...يابت سيبي... يا يوسف... يوسف الحقني ياض... يا يوووسف

: يوسف سمعني وراح مديلي ضهرو ونام

: وانت ملحقتنيش ليه لما كنت ف مطرحك.... الا الشرف يا صحبي لو فرطت فيه مش هعرفك تاني

وفضلت هي تشد وانا شد ودب فيها بالبنية ودي مفيش على لسانها غير وحشتني يا سيف استني بس هقولك حااجه طب هات وحده مشبك بس وهسيبك... لحد ما طلعت صباح على صوتنا وشفتنا وراحت خبطه على صدرها وشههقه

وراحت قلعه الشبش

: ااااه يا نجس يا بن الجزمه ... بتزنق البت يا سيييييف

: لا والله بنتك هي اللي زنقاني اسألي يوسف

يوسف عمل نفسه نايم وبيشخر كمان

: صباح كومتنا احنا التلاته فوق بعض وعدمتنا العافيه

صباح : حدالله خدوا علقه مني ساعتها مخدهاش حمار في مطلع

اتنهد سيف بابتسامه وقال : الله يرحمك يا صحبي

الجميع : الله يرحمه

وقفت بعدها صباح وهي بتبص في الساعه

: يخربيتكم الكلام خدنا ده الساعه داخلت على نص الليل قومي يلا يا ندى هاتي دموع في ايدك وتعالي

مها وهي بتحضنها

: ما خليكي قاعده شويه يا صباح وحشتني قعدتك

: معلش يا حبيبتي هنبقا نجيلك تاني ولا ابقي تعالي انتي نورينا بس دلوقتي خلينا نروح قبل ما الجحش اللي متجوزاه البهيمه دي يرجع.. دا هو زمانه كل دا في المستوصف بأمه القرشنه اصلي فتحت قرنها

قالت الاخيره بكل فخر وقامت سلمت على الكل ومشيت ووراها ندى ودموع

بعدها قام تميم وحمم وهو بيقول

: طيب يا مها هانم حضرتك هترجعي الفيلا ولا هتقعدي مع سيف بيه.

: لا يا تميم كلنا هنروح حتى سيف هيجي معانا انا مش هسيبه هنا ويرجع الطور دا و يتخانق معاه تاني

سيف بنرفزه : في ايه يا ماما هو انا عيل ولا ايه

:  اسمع كلامي الله يخليك يا ابني انا مش حمل عنادك دا دلوقتي.. ريح قلبي يا ضانيا عشان خاطري

: امي ارجوكي انا مش ههرب دا بيت ابويا ومش هخرج منه غير بمزاجي

مها فضلت تتكلم معاه كتير ومخدتش منه عقاد نافع وستسلمت ومشيت هي و ياسمين وتميم

بعد ما اصر فارس يبات معاه

مها وياسمين ركبو مع تميم و نطلقو بتجاه الفيلا

سيف وقف : يلا البيت بيتك انا داخل اخد شور..... متقلبش في حاجه وقعد محترم 

فارس بضحك : عيب عليك هتيجي هتلقيني قاعد على الكرسي اللي كانت قاعده عليه ندى مش هتحرك منه 

سيف ضحك وراح ع الحمام واول ما دخل قلبه نبض وهو شامم ريحتها غمض عنيه بقهر ورزع الباب جامد ووقع قمصها جمب رجليه

سيف شاف قمصها ونزل بلهفه علي ركبه ونص.. و شاله من الارض براحه وقربه من منخيره وقلبه كان بينبض بقوه بلع ريقه وهو بيبصله وبعدها قربه منه براحه و ستنشقه بكل قوته وكتم ريحتها ف صدره وهي بتغلل جواه زي الدم ف الوريد لحد ما وصل القلب

فضل يشم ويشم وهو حضنه لصدره

: اخخخخ يا دموووعي مش عارف اعمل ااايه مش عااارف

وفرت دمعه حزينه من عينه وقعت ع قميصها

: محتاج حضنك.. محتاج اوي لمسه من ايدك علي روحي الموجوع... محتجلك يا دموع تكوني ف حضني مش في حضن غيري... كنت هموت انهاردة

ع شفايفك.. لثمه وحده بس مش طالب اكتر يا دمووووعي وعذابي

: اااايه يا برووو انت بتكلم نفسك ف الحمام ولا ااايه

سيف وقف وهو بيجز علي سنانه

: بدندن يا روح امك وبعدين ياض انا مش قولتلك متتحركش انتشرت وبتتصنط كمان ده شكله داء ف العيلة

: ايه ده هو ف حد غيري بيتصنط في العيلة !؟

سيف بضحكه : اااه امك وبقا ورث

سيف علق القميص بتاع دموع وهو بيحرك ايده عليه ببطء وخلع قميصه وعلقه فوقيه عشان بخار الماية ميغيرش ريحته وخد شور و طلع لافف الفوطه ع خصره والقميص ف ايده وتحتيه قميص دموع

بص ع الصاله لقا فارس حاطت مكسرات وعصير وفشار وفاكه ومشغل التلفزيون ومش موجود

دخل اوضته لقه فارس بيقلب ف الادراج

سيف قرب منه : انا قولتلك ايه يا حيوان

فارس وقف وهو ماسك قزازة الوسكي

: اخصص عليك يا برووو منكر ف الشقه ..استني بس ادور ف الدولاب يمكن الاقي عشقتك.. وعض على شفته وكمل... و تبقا السهرة كده كملت

لسه فارس هيروح نحية الدولاب سيف وقف قدامه لما افتكر لوحة دموع العريانه

: اطلع برا يااض عايز اللبس

فارس بضحكه سافله  : هو انا مسكتك

: اطلع برا يا فارس

فارس بستفزاز : لااه

سيف بكل برود الدنيا شد الفوطه من علي وسطه ووقعت ف الارض فارس شهق ولف بسرعه

: ينعللل بجاحتك يا شييخ وانا الي كنت مفكر نفسي سافل طلع جوايا ست مؤدبه زي صبووحه

سيف : اطلع برا يااض انجز

فارس طلع ورجع دخل دمااغه من وراه الباب

: بروو هو كام سنتيي

سيف بخشونه : تعاالي قيس 

فارس طلع يجري وقعد علي كرسي الانترية وباس قزازة الوسكي

: اخخخخ عاشقتي انتي يا معتقه

وخلط نصها ف قزازة العصير وصب كاس لنفسه و كأس لسيف

سيف خبه قميص دموع مع اللوحه وقفل الدولاب بالمفتاح وحطه ف جيب البنطلون القطني

وطلع لفاارس

...........

عند حسين هو وامه قضوا بقيت اليوم في المستوصف.. ام حسين دمغها مفتوحه وخدت تلت غرز غير الكدمات الي ف جسمها وحسين دراعه اتجزع وخيط جبهته غير الكدمات الي ف جسمه برضو

رجع حسين الساعه واحده وهو لافف دراعه و اول ما دخل الشقه

: دمووووووع... فينك يا بت ... دمووووع

وفضل يدور عليها في الشقه كلها

وسيف سمعه وهو واقف ف البلكونه وفارس واقف جمبيه

حسين دخل البلكونه والاتنين بصوا لبعض..حسين كانت نظراته كلها غل وغيظ.. وسيف كانت نظراته كلها تحدي وكبر وستفزاز

فارس بص لحسين وقال بسخريه

: ايه ده هو انت متعرفش دي راحت عند صبوحه روح خدها بقا ..وبهمس ...دا لو تقدر

سيف سمعه وضحكوا مع بعض وخدوا تحت دراعه ودخل بيه بكل استفزاز جنن حسين

واخيرا انتهى اليوم على كده

وتاني يوم على الضهر في بيت ام حسين كانت قاعده بتولول من كتر الوجع وحوليها بناتها

: ااااه يا نفوخي.... ااااه يجسمي... ااااه يا ناااري

: معلش ياما سلامتك يا غاليه

: انتوا هتفضلوا قاعديين كده كل شويه سلامتك سلامتك مش هتروحوا تجبولي حقي من بنت الكلب دي وتجبوها من شعرها

ريا وسكينة بصو لبعض وبلعوا رقهم

: حقك عند ربنا ياما بقا.. دي صباح ودي حد يقدر  عليها غير اللي خلقها .... انتي عايزها تعملنا كبده

: ااااااه يناااااري اشق هدووومي... دا كنت طلعه اشفي غليلي في بنت الكلب دي بعد اللي  عمله فيكم حسين اخر مره بسببها انزل مكساحه كده

وفضلت بقا تهري وتنكت في نفسها من كتر الغيظ والوجع

.......

سيف صحي بالعافية الساعه 10 بعد ما سهر مع فارس لوقت متأخر... وكمل للفجر بيكلم قميص دموع وبيشم فيه

وقف يعمل قهوة وتصدم من منظر الصاله ومن الحيوان الي نايم ع بطنه والاكل والاطباق والكبايات حوليه ف كل حته راح نحيته

: انت ياااه فااارس قوم يلاااه...فاااارس

وفضل يلم حوليه ويرتب ويصحي فيه فارس قام بعد معاناه وسحله سيف ع المطبخ يغسل الي وسخه وكسر نصهم طبعا

فارس طالع بيمسح ايده : وربناا ما هبات عندك تااني فينك مهاميهو وفين فطارك اللي كان  بيجيلي لحد السرير

سيف : انت مش هتطلع من الشقه دي لحد ما تظبط خلصنا دلع يا روح مهاميهو يلاا يااض انزل هات الفطاار ..طعميه سخنه وفول محوج

فارس : احااااا... فارس الالفي يقف في طبور يشتري طعميه و فول لا انسي برستيجي ميسمحليش

سيف حط رجل ع رجل  : هتلاقي ندي في المطعم

انهاردة كده كده اجازة

: عايز بكام طعميه وبكام فول يا بروو

..........

حسين فتح عنيه : دموووع حطيلي افط

وسكت لما افتكر ان دموع مش ف الشقه وتعدل بقهر و دخل الحمام ونسي ياخد غيار مستني الخدامه تجبله

طلع بعد شويه لبس وخرج من الشقه وعفريت الدنيا بتتنطط قدام عنيه وشه ميتفسرش وملامحه معقده .

فارس وهو طالع بيعدل ف هدومه شافه ولف تاني

: سلاما من قول ربنا رحيم

سيف : ف اايه يااه

فارس : عزرائيل يسطا كان معدي...... ااايه ده يا بروو هي  دموع بتشوف السحنه دي كل صبحيه

سيف اومأ : ااه يا خويا.. ويلا بقا ملناش دعوه

حسين نزل بيدب ف الارض دب.... امه كانت فتحه باب الشقه وشفته : حسسسين يا حسسين

حسين بصلها : اصتبحي ياامه ع الصبح الله يصلح حالك انا مش طايق نفسي

وسبها وخرج

............

فلاش باك منذ ساعات

في بيت صباح دموع اول ما دخلت البيت قابلتها ملك سلمت عليها واستغربت وجودها معاهم مكنتش لسه تعرف اللي حصل

صباح : ادخلي يا حبيبتي خديلك دوش ريحي بيه جتتك من القرف اللي شوفتيه انهارده دا عقبال ما ندى تجبلك غيار من عندها

اومأت دموع بهدوء ودخلت

ملك بستغراب

: هي مالها يا خالتي في ايه وانتوا كنتوا فين لحد دلوقتي انا كنت نايمه وصحيت ملقتش حد في البيت ورنيت عليكم تليفونك انتي كان في البيت هنا وندى مكنتش بترد.... في ايه قلقتوني

ندى وهي بتترمي على الكنبه

: اسكتي اسكتي يا ملك دا كان يوم ما يعلم بيه الا ربنا

وحاكتلها اللي حصل كله..  وملك وشها اصفر ومكنتش عارفه تقولهم ايه

ندى : انا اللي هيجنني عرف منين ابن الكلب دا... يكون سمع دموع وهي بتكلمني في الفون

صباح : لا يا بت لو كان عارف من قبل مكنش خالها عتبتها اصلا.. هو شكله عرف في يومها

ندى بقلق على دموع : يلهوي ياما معقول يكون بيراقب دموع

صباح : مش بعيد هي الرجاله الناقصه تفكرها كده

طبعا كل الكلام دا قدام ملك اللي شغاله تفرك في اديها بتوتر وخوف وقبل ما يلحظو عليها قامت وقالت

: طب انا هدخل انام بقا عشان عندي درس الصبح بدري... تصبحوا على خير

صباح : وانتي من اهله يا ضنايا

ندي : ونا كمان هقوم اغير.. تصبحي على خير ياما

: وانتي من اهل الخير يا حبيبتي

قامت ندى تغير وخرجت دموع من الحمام ودخلت مكانها ندى تاخد دش هي كمان

بعد شويه ندي خرجت وقعدت ع السرير بتاعها وهي بتنشف شعرها

: اوووف اليوم كان طويل بشكل

دموع بحزن:  حقك عليا انا السبب

ندي بسخرية: اتنيلي بس... هو ف حد اتبهدل من غير سبب إلا سيف باشا المديرر يختييي ههههه كل ما افتكر ان جوزك ضرب المدير ببقا عايزة اضحك

دموع بضحكه : مدير ايه بقا ده طلع مسخره

ندي: ياااه سيلفر كان معلق اختي يا نهار ضحك هههه لا وبياكل كبدة من عند صبوحه لا ده كده خربت خاالص

دموع ضحكت هي وندي بصوت عالي

:  بس يا ندي الله يخليكي كل ما افتكر بحس ان دماغي عملتي ايرور

ندي ميلت ع السرير : بس برغم كده فخم وربنا وچان كده ف نفسه سيلفر سيلفر يعني

دموع : مش عارفه بس هو كويس يعني

ندي غمزة لها  :  لا بس حلو التيشرت ملامحك هتاكل منه حته ده حافظ شكلك اكتر من حسين

:  ده مدح ولا ذم طيب

ندي بضحكه  :  وربنا ما قصدي اني جوزك غشيم و مغفل و مش، قادر يقدر النعمه متفهمنيش خطأ

دموع بصة ف الارض بحزن  :  جوزي اتغير و الي فات مات خلاص مبقتش عارفه ارجعه زي الاول بقيت شكه ف نفسي وانوثتي وتأثيري عليه

كا زوجه بقا بيتعامل معايا ومبقتش

عارفه ميين ده اكيد مش حسين اللي اتجوزته..

ندي لما شافتها هتدخل ف دومة حسين وعنيها دمعت غيرت الموضوع

:  بس سيف خد تيشرتك امتي يا دود وايه حكاية جوتيم دي يختي

دموع رفعة رسها  :  الفضول وحش يا ندي مضر بالصحه روحي نامي ههههه

ندي برفعة حاجب  : انجزي يا بت

دموع ضحكت:  ابدا يا ستي هو بلكونته جمب بلكونتي وكنت ساعات بشوفه واقف بيدخن فا بسلم عليه و كده وف مرة اديته التيشرت يمضيلي عليه وانا بقا عشان كنت رشيته بكباية عصير قالي هرسملك عليه رسمه حلوة بس والكلام بالفرنسي ده كنا بنهزر بس طرقته ولهجته وعنيه لو شوفتيها وهو بيقولها كنت نزلت لميتك من الارض سيحه.

ندي  :  هالله هالله كل ده ومعرفش....وعلي اساس انك مسحتيش يختيي

دموع بكبر : وهسيح ليه و انا خفيفه زيك

  :  وربنا بتكدبي

دموع ضحكت  :  حتي لو سحت مينفعش اعترف انا ست متزوجه نحنو بنات عائلات محترمات

ندي بضحكه : متجوزة دكر حلوف ينعل ابو امه.. اوعي تدفعي عنه عشان اجيبك تحتيه زي امي ما عملت ف امه

دموع بضحكه  :  اسكتي متفكرنيش هههه  يلا كانت طلعه تشمت فيا اكيد وخدت الي فيه النصيب وحسين لا مش هدافع عنه انا دمي محروق منه انتي لو مجتيش كان زماني ف الطوارئ  بتعالج

ندي  : بعد الشر عنك يا روحي... بس سيلفر طلع ايه مقطع علي رأي المضروب فاارس

دموع. : طب وربنا فارس ده حتة سكره

ندى :  الحسيه يختي ده واد ملزق كده وخفيف تؤ تؤ مش رزين كده

دموع :  طب ايه قولك بقا ان فارس ده بيداري حقيقته بالهزار والضحك والمسخره انتي نسيتي يوم الخناقه الواد اتحول ازاي

ندي رفعة كتفها:  يمكن او جايز او ممكن يلا تصبحي ع خير يا دود

دموع اتمطعت وهي بتتثأب:  وانتي من اهل الخير ي قلب دود

وبعدها ناموا الاتنين وملك كانت معاهم ف نفس الاوضة

وسمعه ده كلو بس مكنتش حبه تدخل ف حوارهم وهي حساه انها سبب المشكلة

باااااك

.....

فارس نزل الحارة وبقا يتفرج علي الناس اللي فيها يمين وشماال لحد ما وصل المطعم زي ما سيف وصفله وشاف زحمه وناس بتتخانق وشاف منظر

المطعم وكان عايز يلف ويرجع تاني..

بس شافها جاايه بعبايتها السمرا وشبشبها ابو فيونكه وتنح وهو مركز ف خطوتهاا وجسمها اللي بيتمايل يمين وشماال

وقرب منها

فارس بضحكه : وحشتيني يا طنط

ندي وهي بتضغط ع سنانها بخفوت

: امشي من هنا يا فارس هنتفهم غلط وانا مش نقصه حورات

: ليه هو انا زنقك علي الطريق العام... يا طنط

ندي : فاااارس هنا مينفعش الكلام دا احنا هنا مش في الشركة هنا في ناس متخلفه وتفكرهم متخلف 

: ماشى.. طب خدي اشتريلي معاكي بقا عشان انا مش هدخل وسط الناس دي ولو رجعت من غير فطار سيف هيعلقني

ندي : طب اقعد علي اي جمب يا كوكو وانا هجبلك

قالتها وراحت لفه ولسه هتدخل المطعم راح فارس ماسكها من دراعها

: خدي هنا انتي صدقتي ولا ايه.. عايزه تدخلي وسط الزحمه والرجاله دي كلها ودا يحك ودا يحسس

ندى برفعه حاجب : طب خلي حد كده يتجرأ وانا اقطع ايده

: طب وعلى ايه خليكي واقفه هنا وانا هجبلك اللي عايزاه يا طنط

ندى ومأت براسها وابتسمت ومن جواها عجبها الحركه دي منه اوي

وفعلا دخل فارس وسط المدعكه وركب فوق الناس وجاب لندى وجاب لنفسه فطار وندى كانت ميته على نفسها من الضحك على منظره وهو بيتخانق عشان يوصل للراجل بتاع الطعميه

فارس خد الفطار ف ايده ولف وراه :  اتفووو عالم اوباش

ندي بضحكه :  اسملله عليك يا بيضه مالك فرهدت كده ليه

فارس بنرفزة  : بقولك ايه يا بت انتي خدي فطارك ويلا بقا علي بيتكم بدل ما امد ايدي عليكي

ندي ضحكت اكتر من شكله المتنرفز

  :  خلاص خلاص متزوقش ماشيه اهو

فارس بنفخه:  طب يلا امشي قدامي وانا وراكي اهو

ندي مشيت وبعد كده لفت بسرعه  : فااارس اظبط انا بقولك اهوو هخزق عنيك

فارس خبط كف ع كفز: يا حول الله يا رب انا جيت جمبك يا بنتي ايه يا رب البلاوي دي

ندي مشيت وهي مش مطمنه وكل شوية تتلفت زي الحرميه.

فارس كان ماشي وراها وراشق عينه ف مؤخرتها ووسطها وهي بتتمايل وكل ما تلف يبص ع عمارة ع شجرة ع شوية عيال بتلعب

:  يااااه هي الحارة بقت حلوة كده ليه.. الجو النهاردة تحفه تحفه.... ايه الاطفال السو كيوت دي.. كملي كملي يا طنط ف امان الله

ف كل مرة كانت ندي تلتفت عليه يبص بعيد و يقول جمله. 

روحت ندي بالفطار ودخلت تحضر هي وملك ودموع صحيت متأخر ودخلت لهم

:  صباح الخير

ملك بحزن  :  صابح النور

دموع راحت حضنته

  :  حقك عليا دماغي كانت مقلوبة امبارح معرفتش اسلم عليكي

ملك بلعة غصتها :  ولا يهمك يا حببتيى هو انتي كده مش هترجعي لحسين

ندي : لما يتعدل ويعرف ان الله حق تبقا تفكر ده مش.....بعيد يكون مرقبها

دموع بستغراب : مرقبني ازاي،

ندى :  اومال هو عرف ازاي يختي وسيبك من دي كل اللي عمله امبارح ده قليل.. معلشي غلطي بس انتي قلتيله شغل واستأذنتي المفروض يقدرانك مش  عايزة تعملي حاجه من وراه بس هو الي بيحب يبقا مغفل

ملك:  اهدي يا ندي براحه عشان دموع متزعلش اكتر منه

ندى :  دموع مش محتاجه تزعل ما تفكريني قالك ايه كده يا دموع امبارح

دموع بحزن وقلب مكسور  : خلاص يا ندي

ندي:  لا معلشي انا عايزة اعرف وكمان ملك عشان تعرف ان الحياة مش  وردي وتطلع من عالم الروايات اللي عايشه فيه

دموع بقهر  :  شك فيا وقالي بتتسرمحي مع مديرك وبتركبي...عربيات و كان عايز يمد ايدو عليا وراح لسيف وبيقوله ابعد عن مراتي وملكش دعوة بيها طب هو انت شايفني رخيصه اوي كده... ما يبعد ولا يقرب المهم انا على ايه...

انا مش برمي نفسي علي رجاله انا ست متجوزة

ومحترماك ليه تقل مني وتخليه يقولك

مراتك ومش مراتك انا واحد الحريم

بتركع تحت رجلي هان كرمتي منه لله... ليه

يسمعنا كلمتين زي دول بسببك وبسبب

شكك وتهورك وعدم تفااهمك

وحطت ايدها ع وشها وجهشت ف البكي..

حضنتها ندي وفجأه اتخضو لما سمعرا صوت توزيع ع الباب طلعت ملك تفتح ووشها اصفر وجسمها اترعش

:  خير يا استاذ حسين

حسين بخشونه  :  اجري ناادي دمووع يا ملك

دموع من وراهم  :  عاايز ايه

حسين  :  يلا لينا بيت نتكلم فيه مش هنتكلم هنا

ندي:  علي اساس انه بيهمك

حسين بغضب :  بت انتي انا موجهتلكيش كلام و اوعي تفكرري اني هعدي الي عملتيه انتي وامك القادرة.... يلاااا يا دمووووووع

دموع بصتله وبصت لندي الي عنيها كلها رجاء وهي بتهز دماغها بالرفض وخدت نفسها

:  انا عاايزة ورقتي يا حسين طلقنيييي