رواية قوة الامومة من الفصل الاول للاخير بقلم نورهان نصار
رواية قوة الامومة من الفصل الاول للاخير هى رواية من كتابة نورهان نصار رواية قوة الامومة من الفصل الاول للاخير صدر لاول مرة على موقع التواصل الاجتماعى فيسبوك رواية قوة الامومة من الفصل الاول للاخير حقق تفاعل كبير على الفيسبوك لذلك سنعرض لكم رواية قوة الامومة من الفصل الاول للاخير
رواية قوة الامومة من الفصل الاول للاخير
-بتعملي ايه يعني زيك زي أي ست بيت
مش بتعملي حاجة زيادة ايه المبهر فاللي بتعمليه يعني!!
قالها صلاح بسخرية من فاطمة فردت عليه بغيظ من كلامه:
-حرام عليك حرام عليك بجد أنتَ مش شايف منظر البيت.
بصت حواليها كانت كل حاجة مش فمكانها حرفيًا و ولادها زياد و ياسين بينطوا على الكنب و هدومهم مش نضيفة و بنتها فرح الصغيرة على الأرض قاعدة مبهدلها وشها و همومها بالألوان و الأرض كمان كلها ألوان و مليانة لعب و مكعبات ليهم.
كملت كلامها بتعب و إرهاق:
-حرام عليك بجد،يعني نزلت ربع ساعة بس أشتري طلبات للبيت أطلع الأقي المنظر ده و أنا لسه منضفة و كمان مش هاين عليك تقولهم تسكتهم.
راحت لبنتها فرح و اللي لسه أقل من سنتين و خدت منها الألوان و بزعل:
-بقى كدة يا فرح،ينفع نبهدل هدومنا و كل حاجة كدة يا ماما.
ضحكت البنت بفرح فشالتها و دخلت بيها على الحمام تشوف حل للألوان اللي فوشها و هدومها دي.
حطت البنت فالبانيو و شغلت الماية و خرجت لصلاح و الولاد بره و بزعيق:
-أنت يلا أنت و هو إن ما نزلتوش و بطلتوا البهدلة دي و الله لهتتعا"قبم و أنا مش عاملة أكل النهاردة خلوا بابا يجيبلكم أكل بقى.
رد صلاح بضيق:
-يعني ايه مش عاملة أكل،يعني يوم أجازتي و متعمليش أكل!
تابعت كلامها بسخرية هي كمان:
-أديك قولت يوم اجازتك اللي أي راجل بيفهم بياخد مراته و عياله يخرجهم و يفسحهم فيه و يغديهم بره،و أنا و الله كفاية عليا الزريبة اللي عيالك عاملينها دي!
قرب منها بعصبية و مسك دراعها جامد:
-من امتى كلامك ده يا فاطمة!
طبعًا تلاقي حد من أصحابك يا هانم لقيتيها بتحكي الكلام الفارغ ده و أنتِ ما صدقتي!
ردت عليه بصدمة:
-قصدك أن أنا ببص لعيشة غيري يا صلاح!
مردش عليها أكتفى بس بنظرة تأكد كلامها،بدأت تعيط بقهر على كلامه استحملته سنين كتير و معاه ضغط البيت و الأطفال و فالأخر يقولها كدة....
شدت دراعها منه و بصوت عالي:
-و الله ما أنا قعدالك فيها و لا عاوزة حاجة منها و لا منك و لا من عيالك حتى!
و طلعت تجري على باب الشقة وووووووو
طلعت تجري على باب الشقة و فتحته و نزلت جري على السلم كأنها بتهرب من وحش،و دموعها بتجري على خدها.
أما عند صلاح ففضل مكانه مصدوم من اللي حصل،أول مرة تسيب البيت و تمشي،مهما وصلت الأمور بينهم كانت بتفضل موجودة.
بص حواليه ملقاش حد من العيال فطلع يجري على الحمام بعد ما سمع دوشة جاية منه و اتجمد على الباب من الصدمة:
-يا نهار أبوكوا أسود!
كانوا كلهم تحت الماية و فاتحين الدش عليهم و ياسين ماسك إزازة الشامبو و مغرق بيها نفسه و أخواته،اتعصب من اللي شايفة و جه يدخل الحمام عشان يطلعهم لكن مخدش باله من إزازة الشاور اللي تحت رجليه و اتزحلق على الأرض و صرخ بألم:
-ااااه..ضهري ضهري اتك"سر!
بصوا لأبوهم على الأرض و بقوا يضحكوا بصوت عالي على شكله.
__________
ركبت تاكسي و طلعت على بيت صاحبة عمرها،خبطت على باب البيت و اتفتح الباب و ظهر ابن صاحبتها الكبير و اتكلم بأدب:
-أنطي فاطمة وحشاني أوي اتفضلي يا أنطي هنادي لمامي.
دخلت و قعدت على كرسي الصالون و طلع الولد ينادي أمه فنزلت بسرعة و هي مبتسمة:
-عاملة ايه يا فطوم..وحشاني أوي أوي.
سلموا على بعض و قعدت فاطمة ساكتة فلاحظت هي ده و بتساؤل:
-مالك يا فاطمة فيه ايه؟
بدأت تعيط و تخرج كل الحزن اللي جواها و بقهر:
-عاوزة أتطلق يا نادية خلاص أنا مبقتش طيقاه!
شهقت بعد تصديق:
-تطلقي!بقى معقول أنتِ يا فاطمة تقولي كدة!
طب ليه بس ايه حصل ده صلاح حتى طيب و ابن ناس!
مسحت دموعها و بصوت حزين:
-أيوا ما هو طيب و ابن ناس فعلًا و جنتل مان مع كل الناس إلا أنا و ولاده.
اتفاجئت نادية من كلام فاطمة فطبطبت عليها و بزعل:
-طب معلش اهدي و بطلي عياط و احكيلي ايه حصل وصلك لكدة.
_______
-بابا بابا أنا جعان.
قالها ياسين و هو قاعد جمب صلاح اللي نايم على السرير من وجع ضهره و العيال حواليه عمالين يلعبوا مش هاممهم حاجة.
رفع رأسه بالعافية يبص لأبنه و بيفكر هيعملوا ايه،كرر ياسين كلامه تاني و على وشك أنه يعيط:
-يا بابا جعان يا بابا.
اتنهد صلاح و مسك موبايله بقلة حيلة:
-هنطلب دليفري..هطلب لكم بيتزا.
اعترض زياد على كلامه:
-بس أنا مش بحب البيتزا و لا فرح يا بابا.
بص له لرفعة حاجب:
-أومال هتاكلوا ايه!!
اتكلم ياسين بطفولة:
-عادي يا بابا هاتلي أنا بيتزا و زياد بيحب ماكدونالدز إنما فرح بقى ماما بتبقى شيلالها أكلها فالتلاجة.
ركز فكلام ياسين و لاحظ فعلًا أن فاطمة دائمًا كانت تعمل لكل واحد منهم حاجة مختلفة و كان هو يستغرب و يعترض على كترة أصناف الأكل.
____________
اتكلمت بغيظ من بعد ما حكت لها فاطمة على كل حاجة:
-طب و الله يستاهل ده طلع ابن ستين في سبعين و ولا كان بيبان عليه.
ردت فاطمة بصوت ضعيف من كتر العياط:
-شوفتي..يبقى أطلق و الا لا!
قامت نادية و راحت للمطبخ اللي مفتوح على الصالة و هي بتتكلم:
-بصي يا فاطمة..ياما بيحصل بين الراجل و مراته..بس لو كل
راجل و كل ست خدوا الطلاق سكة لإنهاء المشاكل دي الدنيا مش هتمشي.
فتحت التلاجة و طلعت عصير منها فقامت فاطمة و راحت سندت على رخامة المطبخ:
-طب قوليلي أعمل ايه؟
حطت نادية كاس العصير لفاطمة أدامها و بتسلية:
-يا حبيبتي أنتِ سيباله هناك ٣ مصا"يب زمانهم مطلعين عينه..خليه يشرب شوية و يشوف لحد ما يعرف قيمتك!
و هقولك بقى على كام حاجة كدة تعمليهم يا فاطمة هيجننوه كدة!
مكانش يومك يا أبو صلاح 😂😂
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
طلب أكل ليهم و قعد ياكل هو و الولاد و فجأة شم ريحة مقرفة:
-ايه الريحة المعفنة دي يا ولاد.
حط زياد ايده على مناخيره يسدها و بصوت عالي:
-فرح عملت بيبي يا بابي و لازم تغير لها.
ساب الأكل و هو قرفان من الريحة و شال فرح عشان يغير لها،و ياسين و زياد سابوا الأكل و راحوا ورا أبوهم يتفرجوا عليه.
حط البنت على السرير فأعترض ياسين:
-مامي كانت بتفرش حاجة الأول و تحط فرح عليها عشان السرير ميتو"سخش.
عمل زي الولد ما قاله و جه يفتح البامبرز لكن وشه أحمر و طلع يجري من كتر ما الريحة وحشة و لا تطاق:
-ايه القرف ده ازاي أمكم كانت بتعمل كدة يا عيال!
خرج الولاد ليه و قال ياسين بهدوء:
-شيل فرح بقى يا بابي و روح التويلت عشان الماية.
اعترض صلاح زي العسل الصغير على كلامه:
-تويلت ايه بمنظرها ده هو أخرها معايا وايبس و بس.
بدأت فرح تعيط جوة فقام و هو مضطر عشان يخليها تسكت و عشان مفيش حد غيره يغيرلها،أخد مشبك غسيل و سند مناخيره بيه و بدأ يغير لها و هو قرفان جدًا.
أخيرًا خلص لها تغيير و طلع يجري على الحمام اللي فأوضتهم يرجع و اترمى على أرض الحمام روحه بتطلع و قرفان جدًا،سمع صوت ياسين من الحمام التاني:
-بابا أنا خلصت بيبي خلاص تعالى يلا.
اتصدم من كلام ابنه و بعدم تصديق:
-يخر"بيت أبوكو...ولا أنت مش عندك ٥ سنين ياااض أجي أعمل ايه.
زعق ياسين بطفولة:
-يا بابا مش طايل الله..ماما هي اللي كانت بتيجي تشغلي الماية.
غمض عيونه و خبط بايده على وشه بغيظ:
-حلاوتك أنت و أمك!!!!
________________
خدت شاور و نزلت عشان تتغدى مع نادية..
نادية و فاطمة يعتبروا أخوات خصوصًا من بعد موت والد و والدة فاطمة و هي بقت تجري على نادية أول ما يحصل لها حاجة و كذلك نادية تجري على فاطمة أول ما تقع فمشكلة.
قعدت على السفرة و بتأنيب:
-عيني عليكم يا ولادي يا عالم أكلتم و الا لسه.
بصت لها نادية و بسخرية:
-هما مين دول..ده زمانه محتاس بيهم و بأكلهم..بس أحسن يستاهل..و لسه لما توصله المفاجئة هيحتاس أكتر و أكتر.
________________
ساعد ياسين و طلع من الحمام و دخل يجري حاسس أنه عاوز ياخد دش بعد اللي مر بيه مع فرح و ياسين و دخل ياخد دش و ساب الولاد برة لوحدهم،و سمع صوت تك*سير جامد جاي من برة فطلع يجري بسرعة و على وشه صابون يشوف في ايه لقى شاشة التليفزيون واقعة على الأرض و العيال نازلين ضر"ب فبعض و فرح عمالة تصر"خ من الخوف.
جرى شال فرح من على الأرض يهديها و هو مصدوم من منظر الشاشة اللي خلاص مبقتش نافعة و الولاد اللي نازلين ضر"ب فبعض.
و هووب جرس الباب رن..مخدش باله أنه خرج من الحمام بالفوطة و الرغوة على شعره و فتح الباب لقى راجل واقف ادامه و اتكلم الراجل بإستغراب من منظره:
-شقة أستاذ صلاح ناصف.
سأله صلاح بتوهان:
-أيوا..مين حضرتك؟
جاوبه الراجل بهدوء:
-معاك محمد مندوب شركة أمازون زوجة حضرتك طلبت الأوردر ده و تمنه ......
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
-يا نهار مش فايت..٣٠ ألف جنية ليه!!
قالها صلاح و هو مصدوم من كلام المندوب فرد عليه المندوب بهدوء:
-زوجة حضرتك طلبت غسالة أطباق عليها عرض،اتفضل معايا تحت عشان تستلمها.
حس أن الدنيا بتلف و تدور بيه و وقع على الأرض و هو شايل فرح اللي ضحكت بطفولة أول ما أبوها وقع.
(بالشفاء 😂😂😂😂😂)
________________________
فاطمة بتساؤل:
-بس ازاي لحقتي تطلبي الأوردر من ساعتين و يوصله؟؟
ردت نادية بإبتسامة فخر:
-طلبت من محل واحد جارنا الغسالة و بعتها مع واحد من عنده على أنه شركة أمازون و كدة.
ضحكت فاطمة و بإنبهار:
-مطلعتيش سهلة يا نادية ده زمان صلاح مغمى عليه دلوقتي.
قالت نادية بشما"تة:
-يستاهل بعد اللي عمله فيكي ده يستاهل و لسه احنا نشرب الشاي و نقعد نمخمخ له فم"صيبة جديدة.
________________________
فاق و نزل استلم غسالة الأطباق و طلع لقى البيت متكركب بسبب الولاد و كدة و محتاج أنه يتنضف،فكر يتصل بشركة تنضيف تيجي تروق الدنيا لأنه بيكر"ه الكركبة جدًا.
صلاح بهدوء:
-ألو..شركة(...).
رد الطرف التاني من الشركة بعملية:
-ألو..مساء الخير يا فندم أيوا مع حضرتك.
قال صلاح بإنزعاج من منظر الشقة:
-المدام عندي تعبانة و كنت محتاج حد دلوقتي يجي ينضف البيت عندي هو مش متبهدل أوي يدوب كنس و مسح يعني مش هتنقل حاجة من مكانها فهل ممكن حاليًا و التكلفة كام؟
رد الطرف التاني بتفهم:
-تمام يا فندم..هيوصل لحضرتك عاملتين هيقوموا بالمطلوب و التكلفة ٥٠٠٠ جنية فالعادي لكن عشان حضرتك لسه طالب دلوقتي و دون حجز مسبق فهيبقوا ٦٠٠٠.
شال التليفون من على ودنه و فضل يبص بإستغراب و قام قافل السكة و غمض عينيه بتعب بيفكر يعمل ايه.
__________________________
ناس مني ومن د"مي، محدش فيهم شال همي
محدش كان خيره عليا، فين خالي وفين عمي؟
ناس مني ومن د"مي، محدش فيهم شال همي
و بدأ يلمع الصالون و هو مشغل الأغنية دي و بيكح من التراب،و مش فدماغه العيال اللي بيعملوا كار"ثة جوة
مسك الشرشوبة و بدأ يلمع الأرض و هو ندمان على اللي عمله مع فاطمة،لو كانت موجودة مكانش هيبقى ده حاله.
-قاعد يوم اجازته يغير فبامبرز و ينضف فالبيت،يا خيبتك يا صلاح.
قالها لنفسه بحسرة على حاله و كان بيمسح لكن شم ريحة شياط فساب الشرشوبة و طلع يجري لكن اتزحلق على الأرض بسبب الماية اللي فرجليه و وقع جامد على ضهره و دماغه و بألم:
-ااااااه...مكانش يومك يا صلاح.
قام بالعافية و بقى ماشي و هو حاطط ايده فضهره و دخل أوضة النوم لأن ريحة الشياط منها لكن وقف مكانه بصدمة و خبط بإيده على صدره زي الستات :
-يا نهااااار مسخسخ بألوان!
ده أنتوا ليلة أهلكم مش فايتة يا ولاد ال.....
انضم لجروب التليجرام ( هينزل فيه الرواية كاملة ) اضغط هنا
للانضمام لجروب الواتساب اضغط هنا
↚
-يا نهااااار مسخسخ بألوان!
ده أنتوا ليلة أهلكم مش فايتة يا ولاد ال.....
سابوا العروسة اللي كانوا ماسكين شعرها و نازلين كو"ي فيه بالمكواة بتاعة فاطمة لحد ما العروسة شعرها شاط و الأوضة كلها بقت دخان و طلعوا يجروا على حمام الأوضة يستخبوا و قفلوا الباب عليهم قبل ما يوصلهم صلاح.
*تاني يوم*
قال صلاح بندم:
-أنا عارف إني جيت عليها كتير و ندمت و الله يا نادية بالله عليكي خليها ترجع.
اتنهدت نادية بحزن مصطنع على حاله و بتمني:
-و الله ياريتني كنت أعرف مكانها فين يا صلاح بس فاطمة بقالها أسبوعين مكلمتنيش و معرفش عنها حاجة.
اتنفس بعمق و كان باين عليه التعب و الإرهاق و لابس قميص مش مكوي ففرحت نادية من جواها لأنه عرف قيمة فاطمة و سألته بهدوء:
-و الولاد فين يا صلاح؟
جاوبها بصوت واطي:
-فالعربية برة نايمين.
قامت وقفت بغيظ:
-يا نهار مش فايت سايب عيالك برة لوحدهم..قوم قوم بسرعة نشوفهم.
خرجوا للعربية و لقت نادية الولاد نايمين و لابسين لبس مش مترتب زياد لابس تيشرت أحمر على بنطلون أصفر و فرح نايمة لابسة بنطلون أزرق و تيشرت أحمر و ياسين لابس تيشرت مخطط على بنطلون منقوش.
بلمت أول ما شافت العيال كدة لكن اتنهدت و لفت لصلاح و بجدية:
-شوفت شوفت شكلك و شكل عيالك عامل ازاي..أنا هحاول أساعدك و ده عشان خاطر الولاد بس و الله يا صلاح..هحاول أوصل لفاطمة و أقنعها ترجع.
__________________________
عدى يوم و التاني و فاطمة مختفية و صلاح قالب عليها الدنيا ليل نهار بولاده فالعربية يشوفها عند أصحابها و يدور عليها فالشارع و المستشفيات حتى فكر أنه ينزل إعلان فالجورنال لكن نادية حذرته من كدة و أن فاطمة ممكن تضايق لو شافت حاجة زي دي.
أخد اجازة من شغله عشان يقدر يقعد مع أولاده حتى ما هيسبهم فين و لمين و بقى يحاول يعمل لهم أكل عشان بقوا يشتكوا من الأكل الجاهز لكن كل مرة يطلع الأكل مش مستوي أو مالح زيادة عن اللازم.
*في يوم*
كان واقف فالمطبخ و دقنه طويلة جدًا و تحت عينه أسود من قلة النوم و باين على ملامحه القهر و الزعل،خلص الأكل اللي بيعمله و نده الولاد عشان يجوا ياكلوا و فرح جنبهم على الكرسي الخاص بيها.
قعد ياسين و زياد و محدش منهم لمس الأكل،بدأ هو ياكل و وحشه طعم أكل فاطمة.
لاحظ أن ولاده مش بياكلوا فسألهم بهدوء:
-مبتاكلوش ليه..هو مش ده اللي عاوزين تاكلوه.
ساب ياسين الأكل و قام مشى ففضل ينادي عليه لكن مردش،اتع"صب صلاح من عدم رد ياسين و قام وراه و ناوي يعا"قبه،مسك ياسين من دراعه و بعصبية:
-أنتَ ولد قليل الأد'ب..هو أنا مش بنادي عليك!!
اتفضل يلا تعالى كل!
زياد و فرح بصوا للي بيحصل بصمت فشد ياسين دراعه و وقف اتكلم بقوة كأنه راجل كبير مش طفل:
-مش عاوز أكل...أنا عاوز ماما..ماما و بس!
اتنفس بعمق بيحاول يهدى:
-ماما تعبانة شوية يا حبيبي فالمفروض تسمع الكلام عشان لما ترجع تبقى مبسوطة منك متتعبش أكتر.
صر"خ ياسين بصوت عالي و عيونه بتدمع:
-أنت كد"اب!!
ماما سابت البيت عشان أنت زعلتها.
زعق فالولد بحدة:
-أنتَ قليل الأد"ب و عاوز تتر"بى من أول و جديد و أنا هربيك.
رفع ايده عشان يضر"به ووووو.......