بعد م ماجد نام بشويه فاق علي صويت 

سلمي بصويت  : الحقوني سيبني ارجوك خد كل حاجه بس سيبني امشي 

ماجد جري عليها ودخل الاوضه لقاها عماله تتقلب وتصرخ وهي نايمه 

ماجد وهو بياخدها في خضنو وبيضرب علي وشها ضربات خفيفه : سلمي فوقي ده كابوس انتي كويسه سلمي فوقي أنا معاكي 

سلمي وهي بتتنفض وبتفتح عينيها و بتعيط : ما ماجد ال حقني  

ماجد وهو بيهديها : اهدي أنا معاكي الراجل ده مش هيجي ناحيتك تاني اهدي 

سلمي كانت بتعيط وهي حضن ماجد : ماجد ممكن متسبنيش 

ماجد وهو بيحاول يطمنها : اهدي أنا جمبك

سلمي بنعاس : خليك جنبي متسبنيش افضل معايا لحد م أنام 

ماجد بحنان : حاضر نامي بس 

تصبحي علي خير 

وفضل يتطبطب علي ظهرها لغايه م نامت 

ماجد حس أن نبضات قلبها انتظمت ف بس عليها لقاها نايمه فرجع رأسه لورا بياخد نفسه وحس أن نبضات قلبه يتنبض  وحاسس بإحساس غريب 

تاني يوم الصبح سلمي بتصحي وبتشوف نفسها نايمه علي رجل ماجد وايدو علي ضهرها بتضحك وتنبسط أنه كان معاها طول الليل ومسبهاش

قامت سلمي تدخل الحمام واخدت شاور ولبست فستان حلو 

ودخلت المطبخ وعملت فطار حلو 

ودخلت تصحي ماجد 

سلمي بحنان : ماجد يلا اصحي الفطار جاهز 

يلا ي ميجو اصحي 

ماجد بنعاس وبيتمطع  : اممم سيبيني  شويه عايز انام 

سلمي : لا يلا ي ميجو الاكل هيبرد 

ماجد : ماشي صحيت اهو 

سلمي : ادخل الحمام واطلع اكون حطيت الاكل علي السفره 

ماجد قام دخل الحمام وخرج راح الصاله لقي الكل جميل 

ماجد :اي كل الاكل ده 

سلمي : انت تعبت معايا الايام ال فاتت ف  كل واتغذي كويس ي ميجو 

ماجد : كده أنا هتعود 

سلمي : ومتتعودش ليه كل اليوم الصبح هتلاقي الفطار جاهز 

ماجد وهو بياكل حس أن حد بيخبط علي كتفو 

سلمي : ماجد ماجد اصحي جعانه يلا 

ماجد بصدمه : اي ده انا فين 

سلمي :  هتكون فين يعني في الاوضه يلا قوم اعملي فطار 

ماجد وهو بيحاول يستوعب اي ال بيحصل : في أي حلم ده ولا ايه لا ده كان كابوس 

ماجد قام وهو بيضحك علي نفسه أنه حلم زي ده وانو هيصحي يلاقي الفطار جاهز   

سلمي : بتضحك علي اي 

ماجد : وانتي مالك بضحك علي خبتي في حاجه 

سلمي : للدرجادي خبتك واقعه 

ماجد : امشي من قدامي 

سلمي : ماشي بس نخلص علشان أنا جعانه 

ماجد : برضو مش فاهم عايزه مني اي 

سلمي : حتي دي مخك مش مستوعبها يعني اعملي فطار علشان دراعي مكسور 

واه صحيح شكرا علشان نمت جمبي ومستنيش 

ماجد : واضح انها شكرا فعلا 

سلمي : تصدق بقي أن أنا غلطانه 

وخرجت من الاوضه قبل م يتكلم تاني 

ماجد في نفسه : اي ال أنا كنت بحلم بيه ده  أنا اهطل ولا ايه 

بعد م خلص خرج للصاله ال قاعده فيها سلمي 

ماجد : تحبي تطفحي ايه 

سلمي : اطفح بيض وفول ومخلل وطعميه وجبنه  من الاخر عايزاك تدلعني 

ماجد : لا مش فانوس علاء الدين أنا اخلصي

سلمي : طب براحه لايطقيلك عرق 

اي حاجه ي ماجد علشان نخلص 

ماجد : احسن برضو 

دخل المطبخ وفتح الثلاجه لقي جبنه 

ماجد بصوت عالي : سلمي اعملك ساندوتش جبنه وكبايه لبن 

سلمي : ماشي بس اعمل شاي بلبن 

بعد شويه ماجد خلص عمايل فطار وراح الصاله علشان ياكلوا 

ماجد : اتفضلي 

سلمي وهي بتبص علي كبايه اللبن : أنا قولت عايزه شاي بلبن 

ماجد : لا انتي لسه تعبانه واللبن مفيد 

سلمي : ايش معنه انت هتشرب شاي بلبن 

ماجد : علشان أنا ايدي مش مكسوره 

سلمي : طيب أنا كبيره 

ماجد : سلمي من غير كلام كتير كلي علشان تاخدي العلاج 

سلمي بصوت غير مسموع  : حاضر الواحد مش عارف يتكلم حتي 

ماجد : برطمي برطمي 

علي الساعه واحده اتنين الظهر وسلمي وماجد قاعدين قدام التليفزيون الجرس رن 

ماجد وهو بيقوم يشوف مين 

سلمي : قوم افتح الباب شوف مين 

ماجد بعصبيه : بت خليكي في نفسك 

راح علشان يفتح الباب 

.......يتبع