سامح : معرفش 

تقي : نعم 

سامح : معرفش هي وافقت واللا لا 

ندي : سامح صحصح كدة هي قالتلك اي 

سامح : انا مفهمتش منها حاجة فضلت تتكلم في حاجات تانية كتيرة وانا مش فاهم حاجة 

ضحكت تقي علي اخوها هي وندي اللي مقدرتش تمسك نفسها اكتر من كدة وهو كان بيبصلهم بغيظ 

سامح : انتي بتضحكي علي اي انتي وهي 

ندي : بتقول معرفش وافقت واللا لا ومفهمتش حاجة متوقع مننا اي 

تقي : انت غبي ي سامح بجد 

سامح : وانا مالي ما صاحبتكم اللي فصلت تدخلني في حوارت وانا مفهمتش حاجة 

مني : تعالي اقعد ي سامح وقول هي قالتلك اي بالظبط واحنا هنفهم 

سامح : بصوا انا قولتلها اني طالب ايدها للجواز وهي هتبقي تيجي تعيش طبعا معايا انا وتقي وهتفضل هنا لوقت كتب الكتاب 

مني : لحد كدة حلو اي اللي مش مفهوم بقي 

سامح : ردها انا مفهمتش هي وافقت واللا رفضت 

ندي : ما تقول هي قالت اي 

سامح : قالتلي انها مش عاوزة شفقة من حد وانها هتعيش هنا مع طنط مني ومعاكي بس انا قولتلها ان دي مش شفقة واني بحبها بجد ومن زمان وعاوز ربنا يجمعني بيها بالخير 

تقي : بردوا لحد هنا انتي ماشي في السليم اي بقي اللي حصل بعدها 

سامح : ردت وقالت ان حتي لو بحبها مكنش ينفع اني اطلب ايدها دلوقتي لاني كدة حسستها اني بشفق عليها ومش بحبها قولتلها يعني اي اخر الكلام قالت هي رافضاني وفي نفس الوقت هي مش ناوية تتجوز دلوقتي والنبي دا معاناه اي فهمت اي انا بقي 

اسماء : بص ي استاذ سامح هو واضح انها مش رافضة الجواز منك وموافقة عادي بس عاوزة تأجلها مثلا لوقت ما تخلص الجامعة بس هي مقدرتش توضح لحضرتك 

سامح : فعلا 

تقي : ايوة ي غبي كلنا عارفين ان اميرة مش ناوية انها تتجوز دلوقتي وبما انها قالتلك انها مش رفضاك يبقي كدة تمام 

ندي : مبروك ي سامح ربنا يتمملكم علي خير 

سامح : بس انا عاوز حتي يكون في خطوبة دلوقتي 

مني : سيبها عليا انا دي انا هحاول اقنعها انكم تعملوا خطوبة دلوقتي بس والباقي يبقي بعدين 

سامح : تمام انا دلوقتي همشي انا وتقي وهنبقي نرجع بعدين لان الوقت اتاخر 

مني : مع السلامة ي حبيبي 

خرجوا الاتنين من الشقة ونزلوا ع يروحوا اما ادم فكان لسة قاعد لوحده وكان نظره علي ندي اللي اخدت بالها من دا 

آدم : وانا كمان هضطر اني امشي لان الوقت اتاخر تصبحوا علي خير 

مني : وانتوا من اهل الخير 

بص لندي قبل ما يمشي بابتسامته المعتادة وبعدها خرج هو واسماء ودخلوا لشقتهم ع يستريحوا من اليوم المتعب دا 

🌹🌹🌹🌹🌹🌹🌹🌹🌹🌹🌹🌹🌹🌹

في اوضة ندي كانت قاعدة مع اميرة اللي كانت بتفكر في حاجة وندي قربت منها بهدوء 

ندي : مالك ي اميرة فيكي اي 

اميرة : مش عارفة اللي حصل النهاردة ي ندي هل هو في صالحي او لا 

ندي : من جهة اي بالظبط 

اميرة : تتوقعي فعلا سامح بيحبني زي ما قال واللا دا كله ع اللي حصلي 

ندي : بصي ي اميرة كلنا عارفين سامح واخلاقه واد اي هو محترم وهو بنفسه اللي قال انه بيحبك وعاوز يتجوزك وبعدين دا علي ما صدق قام قايل هتجوزها 

اميرة : بجد 

ندي : ايوة طبعا مكنش في حد كان في دماغه الموضوع دا بس فجأة لقيناه قال كدة احنا انصدمنا في الاول بس هو قالنا هو بيحبك من زمان وكان عاوز يطلب ايدك وعلي ما صدق يلاقي فرصة 

اميرة : يعني اوافق واللا 

ندي : واللا اي انا عارفة انك بتحبيه ي اميرة 

اميرة : لا انا بس 

ندي : متشرحيش ليا الحب مش عيب ولا حرام انتي صحيح بتحبيه بس عمرك ما بينتي دا بس انا كنت فاهمة كل حاجة انتي مبتعمليش حاجة غلط 

اميرة : انا كنت خايفة اوضح دا يكون هو بيحب وحدة تانية وانا مش حمل كسرة قلب 

ندي : اسمعيني للاخر ومش تقطعيني اولا الحب مش عيب وانتي كنتي محافظة علي نفسك وعمرك ما عملتي حاجة غلط ثانيا الجواز مفيهوش حاجة انا عارفة انتي خايفة من اي بس انتي لازم تفهمي ان الجواز دا سنة الحياة والواحدة مصيرها الجواز في الاخر 

اميرة : بس انا عندي خوف ي ندي ان اللي اتجوزه ميكونش قد المسئولية انتي شايفة حياتي عبارة عن اي انا مش هسمح لولادي يعيشوا اللي انا عيشته ابدا 

ندي : ايوة بس سامح مش كدة هو مسئول وفاهم كل حاجة وبيحبك كمان فادي ليه فرصة وانتي كمان لازم تعيشي حياتك متفضليش خايفة دايما وان شاء الله خير 

اميرة : يارب ي ندي 

🌹🌹🌹🌹🌹🌹🌹🌹🌹🌹🌹🌹🌹🌹

عند آدم كان في اوضته وقاعد بيفكر في ندي وبيضحك لوقت ما قاطعه صوت رنين التليفون 

آدم : ايوة في اي 

آدم : لا مش هينفع كدة انا لسة نازل 

آدم : والمطلوب اي انا مبقاش ليا علاقة بالشغل دا 

آدم : متحاولش انا سيبت الشغل دا وهبتدي حياة جديدة فياريت تبعد عني نهائي 

آدم : امم واي كمان الكلام دا مش هياكل معايا قولت انا اعتزلت المهنة دي ومش هرجعلها حتي لو ع ايه 

قفل المكالمة وهو متعصب لانهم مش سايبنه في حاله ودايما بيحاولوا يرجعوه لماضيه اللي بيحاول ينساه 

🌹🌹🌹🌹🌹🌹🌹🌹🌹🌹🌹🌹🌹🌹

عند تقي كانت مع سامح وقاعدين لسة بيتكلموا في اللي حصل النهاردة وبيتناقشوا هيتصرفوا ازاي 

تقي : بس اي دا ي عم علي ما صدقت انت لقيناك بتقول هتتجوزها 

سامح : والله هي فرصة وجات لحد عندي وبعدين هو انا هفضل كدة دايما لازم اخد المبادرة واللا اي 

تقي : طيب بمناسبة الكلام دا مش ناوي بقي تحن وتقبل جوازي واللا اي 

سامح : جوازك انتي وانا مالي 

تقي : والله دا علي اساس هو مش طلبني منك كتير وانت رافض 

سامح : ايوة ولسة علي موقفي لدلوقتي 

تقي : طب ليه اشمعنا هو مش قابل بيه 

سامح : هو كدة 

تقي : بس كدة يبقي ظلم انت رفضته من غير ما تسمعه حتي كل ما يتكلم معاك ترفضه 

سامح : انتي بتحبيه ي تقي صح 

تقي : ......

سامح : اي قولي الحقيقة ليا وانا عارف هعمل اي